Jɑ̂ŋ 13:1 - Kɑɑ Fí

¹ Ɛ́ kɑ tsʉꞋ pɔ pɑ́Ꞌ njí ɡʉ kiɛ pɛ́ jʉ́ ndínɑ-Pɑ́skɑ, Yɛ́su pɔ́ ńjí ŋɡɔ yîyɑ́ ŋkɑ́ kuꞋ pɑ́Ꞌ ɑ ɡʉ ɛ́fú ndǔ yɔ mbí ŋ́ɡʉ ŋ́kẅɛ́ɛtɛ Tɑ́t wɛ. Pɑ́Ꞌ jʉ́ Yɛ́su kɑ pɔ́ ŋ́kɔŋ pʉɔ pí pɔ́p ndǔmbí ḿbɔ́ pɛ́ lɑ́, ɑ kẅiꞋ ŋ́kɔŋ wɔ́p tɛ ḿmɛkŋɛ.

Jɑ̂ŋ 13:1 Кръстосани препратки

Mɑtʉ̈ɔ 26:45

ŋ́ɡɛ pɔ́Ꞌɔ, ḿbɛn ɛ́fú zúꞋu ḿbɛn nzʉʉ, ŋ́kẅɛ́ɛtɛ ɡɑŋku pɛ́, ńcú mbɔ̌ pɔ́p ŋɡɔ: «Pʉʉ tsuŋ ńdɛ́, ńjẅiitɛ sʉ́Ꞌnɛ. Pʉʉ ɡɔ́ɔ ŋ́kɛ́ ńjʉ́ɔ, ŋkɑ́ kuꞋ! Pɛ́ ɡʉ ɛ́fɛn Mɔ́ɔ-Ŋu mbɔ̌ pʉɔ kɛpɔŋ.»

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Lúkɑ́shi 22:53

Lɑ́ mɔ, ŋ kɑ pɔ́ lɛ́Ꞌ tsʉʉ, ŋ́kɛ́ ḿbɔ́ pɔ tsɛtsɛt pʉʉ tsɛt ndɑ́-nɛnɔŋpɔꞋ, pʉʉ kɛ ḿbɔɔ lɔ́ɔ nɛɡẅɛɛ wɑ́ɑ pɔ́. Lɑ́, yʉʉ ŋkɑ́ pʉ́ɔ, mbɔ ɛ́ ɡɔ́ɔ mɔ́ ŋ́kɛ́ ŋ́kuꞋ, ḿbɔ́ ŋkɑ́ yi Fɔɔ-mɛnu-nzɛ́nzʉ́ʉ tɔ́ mɔ́ tɛ ḿbɔ́ ɛ́sɑ́Ꞌ lɑ́Ꞌ yɛ.»

Lúkɑ́shi 9:51

Ŋkɑ́ yi Sɛ́ ɡɛ ńtíi Yɛ́su ńdɔk ḿbɛn nɛ́ tʉ́nɛ́pú ɡɛ ŋ́kuꞋ, Yɛ́su jʉ́ɔ ŋɡɔ ɛ́ zɑ́pmɛ pɑꞋ ɑ ɡɛ ŋ́ɡʉ Yɛlúsɑlɛm, ŋ́ɡɔ́ɔ ŋ́kɛ́ ńdɔ sɛ́ ńcʉ́ɔ sɛ̂ndúŋ kɛ́ pɔ́k,

Jɑ̂ŋ 11:55

Ndíinɑ-Pɑ́skɑ-pɑyúdɑ kɑ pɔ́ ńtɔ́, nɛzɑ́ɑ pɑyúdɑ pɔ́ ɛ́fú tsɛt lɑ́Ꞌ ńzɑ́Ꞌ njí ḿbiitɛ Yɛlúsɑlɛm, nɛpʉʉtɛ mbʉʉ yɔp.

Jɑ̂ŋ 12:23

Yɛ́su tsɔ́Ꞌ mbɔ̌ pɔ́p ŋɡɔ ŋkɑ́ yi pɛ́ ɡʉ ńjʉ́ɔ nɛɡúꞋ wɛ Mɔ́ɔ-ŋu ɛ́ kuꞋ.

Jɑ̂ŋ 13:29

Pɛcɔ́ pʉɔ pɔ́ ŋ́kwɑŋɛ ŋɡɔ ɑ cú ŋɡɔ Jẅidɑ ɡʉ ńzúu yɔ́p pɛ́ pɔ́p yúu-ndínɑ, Kɛ pɔ ŋɡɔ ɑ ɡɑ́ yúu mbɔ̌ pɛpúŋ ɔɔ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p wɔp pɛ́pɔ́p.

Jɑ̂ŋ 13:3

Yɛ́su pɔ́ ńjí ŋɡɔ Tɑ́t wɛ kɑ níꞋ mɛtʉʉ nɛlɔk ŋ́ɡɛ yúu tsʉʉ mbɔ̌ wɛ́, ḿbɛn ḿbɔ́ ńjí ŋɡɔ ɑ kɑ fú mbɔ̌ Sɛ́, ɑ pɛn ḿbɔ́ ŋ́ɡʉ nɛ́ nɛjɔ́ŋ Sɛ́.

Jɑ̂ŋ 13:34

Ŋ ɡʉ ŋ́ɡɑ́ nɛpʉ́ʉ nɛ fí mbɔ̌ pʉʉ, ɛ́ pɔ́ ŋɡɔ: «Pʉʉ kɔŋɛ pʉʉ nɛ́ pʉʉ. Pɑ́Ꞌ ŋ kɑ kɔŋnɛ wʉ́ʉ lɑ́, pʉʉ yʉ́ʉ kɔŋɛ pʉʉ nɛ́ pʉʉ.

Jɑ̂ŋ 14:28

Pʉʉ zúꞋ pɑ́Ꞌ n cúnɛ ŋɡɔ: «Mɔ ŋ́ɡʉ lɑ ḿbɛn ḿbɛn nzʉʉ ńjʉ́ɔ wʉ́ʉ. Pʉʉ kɛ́ ḿbɔ́ pɛ́Ꞌnɛ ḿbɔ́ ŋ́kɔŋ wɑ́ɑ, mbɔ pʉʉ ńtsɑ́ɑtɛ tsɑ́ɑtɛ́nɛ pɑ́Ꞌ ŋ ɡʉnɛ nɛ́ nɛjɔ́ŋ Tɑ̌ɑ, mbíꞋŋɡɔ Tɑ̌ɑ ɡúꞋ ńtsɑ wɑ́ɑ.»

Jɑ̂ŋ 14:31

«Lɑ́ pɛ́ pɛ́m ŋɡɔ ɑ tɔ́ pɔ́Ꞌɔ, pʉɔmɛsɔŋ ndǔmbí jí ŋɡɔ ŋ kɔŋ Tɑ̌ɑ mɔ, mɔ sɛ́ ŋ́ɡɛ pɔ yúu mi ɑ cúnɛ ŋɡɔ ŋ ɡɛ. Pʉʉ lɔ sɛ́ pɛkŋɛ fú zɑꞋnɛ ŋ́ɡʉ.»

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.

Jɑ̂ŋ 17:1

Yɛ́su kɑ cú yɔ nu tɛ ḿbɔ́tnɛ ńnɑ́ŋ, ḿbʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋkɑ́ kuꞋ, ɡɛ pɛ́ jʉ́ɔ nɛɡúꞋ Mɔ́ɔ nu, Mɔ́ɔ nu ɡʉ ŋ́ɡɛ yɛ́, pɛ́ jʉ́ɔ nɛɡúꞋ wu.

Jɑ̂ŋ 17:16

Pɔ́p kɑ́ pɔ́ pʉɔ-ndǔmbí pɔ́, ndʉ́ŋndʉŋ pɑ́Ꞌ mɔ yɑ́ɑ ŋ kɑ́ pɔ́ ŋu ndǔmbí pɔ́.

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Jɑ̂ŋ 17:5

Ɛ́ nǔu ŋkɔ̂ɔnɛ mbɑ̌ɑ Tɑ̌ɑ mɔ, m bɔ́ ńdɔ́ɔ ŋɡɔ ɔ pɛn ŋ́ɡɑ́ wɑɑ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, ɛ́ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, tɛ yɔ njí pɛ́t kɛ́ pɔ́ ɡú.

Jɑ̂ŋ 18:4

Yɛ́su jí nu yí ɛ́ sɛ́ ńtɔ́ nǔu wɛ́, ńtɔ́ mbi pɔ́p ńcú ŋɡɔ: «Pʉʉ lɔɔ wɔ̌?»

Jɑ̂ŋ 19:28

Mɔnɛ mɛnu kɑ lɛɛ, Yɛ́su jí ŋkɔ̂ɔnɛ ŋɡɔ mbɑ kʉ̈ɔ́ lɑ́ kuꞋ, ńcú ŋɡɔ: «Gɑ́k yɑ́ɑ shí, ńcú pɑ́Ꞌnɛ nɛpɔ́ yi yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ɡʉ ḿbuutɛ.»

Jɑ̂ŋ 2:13

Ndínɑ-Pɑ́skɑ-pɑyúdɑ kɑ pɔ́ ḿbɑ́ɑtɛ, Yɛ́su ɡɔ́ɔ ŋ́kɛ́ ḿbʉʉ nɛ́ Yɛlúsɑlɛm,

Jɑ̂ŋ 6:4

Ɛ́ ɡɔ́ ḿbɔ́, ŋkɑ́ yi pɑyúdɑ ɡʉ ńjʉ́ ndínɑ wɔp ẅí pɛ́ fúŋnɛ ŋɡɔ Pɑ́skɑ (Mbɔ pɛ́ jʉ́ɔ nǔu mɛkɛm mɛmbɑ́ nǔu mɛŋkɑŋ ntsɔ̌pɛ́tɑ́t) pɔ́ ŋ́kuꞋ.

Jɑ̂ŋ 7:30

Pɔ́p zúꞋ yɔ nu, ńdɔɔ nɛɡẅɛɛ wɛ́, lɑ́ ŋu kɛ́ mbɔɔ pɔ́ nǔu wɛ́ zɑ́p, mbíꞋŋɡɔ yɛ́ ŋkɑ́ kɑ pɛ́t kɛ́ kuꞋ.

Jɑ̂ŋ 7:6

Yɛ́su pʉ̈ɔt mbɔ̌ pɔ́p ŋɡɔ: «Yɑ́ɑ ŋkɑ́ pɛ́t kɛ́ kuꞋ, lɑ́ ŋ́ɡʉ nǔu pʉʉ, mbɔ ŋkɑ́ kʉ̈ɔ́ lɑ́ ɛ́ mbɔ̌ pʉʉ ḿbɔ́ pɔ sʉ́Ꞌnɛ.

Jɑ̂ŋ 8:20

Yɛ́su kɑ ɡɔ́ ńcú mɔnɛ mɛnu pɑ́Ꞌɑ, ḿbɔ́ tsɛt ndɑ́-nɔŋpɔꞋ, ḿbɔ́ ńzíꞋ pʉɔ nɛ́ nu-Sɛ́, ḿbɔ́ mbʉʉ zʉꞋ yi pɛ́ níꞋnɛ ŋkɑ́p yi pɛ́ ɡɑ́nɛ mbɔ̌ Sɛ́ zúꞋu. Ŋu kɛ́ mbɔɔ wɛ́ ɡẅɛɛ, mbíꞋŋɡɔ ɛ́ kɑ ɡɔ́ ḿbɔ́, mbɔ yɛ́ ŋkɑ́ kɑ́ kuꞋ.

Pʉɔ-Lɔ́mɑ 8:37

Lɑ́ ɛ́ kɛ́ ŋ́ɡʉ nǔu yúu ɛ̂pɑ́ tsʉʉ, pɛkŋɛ pɔ́ pɛtɑ́mɛtʉʉ, pɑlɛɛ nǔu mîmɑ́ mɛyúu ńdúꞋnɛ pɔ́ pʉɔ pi pɔ́p kɑ kɔŋnɛ wɛkŋɛ.

1 Kɔlɛ̂ŋtɛ 1:8

Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

Ɛ́bɛlʉʉ 6:11

Yúu mi pɛk kɛ́ ḿbɔ́ ńtsɑ́ɑ pɔ́ pɔ ŋɡɔ mbɑ wɔ̌ lɑ́ tsɛtsɛt pʉʉ, kɛ́ ḿbɔ́ ɛ́sɑ́Ꞌ tʉʉ pɔ pɔ́Ꞌɔ, ńdɔk ŋ́ɡʉ nɛ́ mbi, tɛ ńdɑ́Ꞌ ŋ́kúu ndẅiklɛ nɛpɔ́ ẅi mbɑ kʉ̈ɔ́ lɑ́ yi ɑ sɛ́ ńzẅíꞋlɛ mbɔ̌ Sɛ́ ɡʉ ŋ́ɡɛ ḿbuutɛ.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

1 Jɑ̂ŋ 4:19

Ɛ́ ɡʉ nǔu pɛk, pɛk kɔŋ ŋumɛsɔŋ, mbíꞋŋɡɔ Sɛ́ kɑ piitɛ ŋ́kɔŋ wɛ́k.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.