Jɑ̂ŋ 12:6 - Kɑɑ Fí

⁶ Júdɑs ŋ́kɑ́ɑ ḿbɔ́ ńcú pɔ́Ꞌɔ, síi ḿbɔɔ ńtsɑ́ɑ pɛpúŋ pɔ́, lɑ́ ɑ kɑ pɔ́ ntsɔ́ŋ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p yɔp pɛ́ Yɛ́su, pɛ́ pɔ́ níꞋ ŋkɑ́p tsɛtú ɑ jʉ̈ɔ.

Jɑ̂ŋ 12:6 Кръстосани препратки

Mɑtʉ̈ɔ 21:13

ŋ́ɡɔ́ɔ ńcú mbɔ̌ pɔ́p ŋɡɔ: Ɛ́ tsɛt ŋwɑꞋnɛ-Sɛ́, Sɛ́ cú ŋɡɔ: «pɛ́ ɡʉ ńdɑ́Ꞌ ɛ́fúŋ ndɑ́ yɑɑ ŋɡɔ: Ndɑ́-cɛꞋlɛ Sɛ́ lɑ́ pʉʉ sɛ́ ńdɔk ŋ́ɡɛ ŋkɑɑ-pɛtsɔ́ŋ.»

Lúkɑ́shi 8:3

ŋ́ɡɛ Jɑ̂ɑnɛ, nzwɛ́-Shuzɑ ẅi ɑ ḿbɔ́nɛ mbyɛ́pntɑŋ-fɔɔ Ɛlɔ̂dɛ, tɛ mbɑ Susɑ́nɑɑ, ŋ́ɡɛ pɛcɔ́ pɑŋɡɛ́. Pɔ́p pɛ́tsʉʉ pɔ́ nzʉʉ Yɛ́su ńdɔk mɛyúu mi pɔ́p ɡẅɛɛnɛ ńtɔ́ɔtɛ Yɛ́su pɔ́p ɡɑŋku pɛ́ nǔu fɑꞋ yɔ́p.

Jɑ̂ŋ 10:13

Ẅîwɑ́ ŋu mɛꞋ mɛnjinjɔ ŋ́kʉɔ, mbíꞋŋɡɔ ɑ kɑ tɔ́ pɔ nɛlɛp ŋkɑ́p. Mɛjʉ́ŋ-mɛnjinjɔ kɑ́ pɔ́ ŋ́kɔ́ wɛ́ pɔ́.

Jɑ̂ŋ 12:5

«Mɛlɑ́Ꞌkʉ̈ɔ́ pɛ́ lɑ́Ꞌ mbɔɔ fɛn yɔ lɑmɛ́ndɑɑ ńcẅɛ́ɛ mɛndɛníyɛ ŋkʉ yɛ́tɑ́t, ŋ́ɡɑ́ mbɔ̌ pɛpúŋ pɔ́ ɔɔ?»

Jɑ̂ŋ 13:29

Pɛcɔ́ pʉɔ pɔ́ ŋ́kwɑŋɛ ŋɡɔ ɑ cú ŋɡɔ Jẅidɑ ɡʉ ńzúu yɔ́p pɛ́ pɔ́p yúu-ndínɑ, Kɛ pɔ ŋɡɔ ɑ ɡɑ́ yúu mbɔ̌ pɛpúŋ ɔɔ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p wɔp pɛ́pɔ́p.

Ŋɡɑlɑ̂t 2:10

Pɔ́p cú mbɔ̌ pɛk pɔ ndɑꞋ ŋɡɔ pɛk kẅíitɛ pɛpúŋ pi pɔ́p tsɛt cúꞋlɛ-pʉɔ-Kɛlístɔ Yɛlúsɑlɛm. Ŋ kɑ kẅíitɛ wɔ́p kwɑꞋ sʉ́Ꞌnɛ.

1 Tɛsɑlɔník 5:22

mbuu ŋ́kʉɔ nu kɛpɔŋ tsʉʉ.

Jɑ̂k 2:2

Pɛkŋɛ cú ŋɡɔ pʉɔ pɛpɑ́ kúu tsɛt ndɑ́-cúꞋlɛ yʉ́ʉ, tɑ́Ꞌ ŋu zẅík kwɑ́ŋ ẅi ɛ́ cɔ́k ŋkɑ́p, ḿmɑꞋ mɛndẅí ŋkɑ́p. Wɛcɔ́ mɑꞋ yɛ́ pɔ mɛcɑk-ndẅí.

Jɑ̂k 2:6

Lɑ́ ŋ́ɡʉ nǔu pʉʉ, mbɔ pʉʉ kɑ cɔŋ ndɛn-pɛpúŋ. Lɑ́ pɛɡɑŋyúu kɑ́ pɔ́nɛ ɛ́fíɛt wʉ́ʉ pɔ́ ɔɔ? Pɔ́p kɑ́ pɔ́nɛ ńdɔk wʉ́ʉ ńnɛn mɛndɑ́tsɑ́ŋ pɔ́ ɔɔ?