Jɑ̂ŋ 11:4 - Kɑɑ Fí

⁴ Yɛ́su zúꞋ pɔ́Ꞌɔ, ńcú ŋɡɔ: «Yɔ ɡɔɔ kɑ́ pɔ́ yi ɛ́ ɡʉ ńdɔk wɛ́ pɔ́. Pɛ́ ɡʉ ńdɛɛ nǔu ńjʉ́ɔ mɛtʉʉ-Sɛ́, ḿbɛn ńdɛɛ nǔu ŋ́ɡɑ́ mɛkuꞋ mbɔ̌ mɔ́ɔ-Sɛ́.»

Jɑ̂ŋ 11:4 Кръстосани препратки

Jɑ̂ŋ 10:38

Lɑ́ ḿbɔ́ yi n dɑɑ fɑꞋ, ɛ́ zɛɛ ḿbɔ́ ŋɡɔ pʉʉ kɛ́ zɑ́p tʉ́m nǔu mɔ pɔ́, pʉʉ pɛ́m mɛfɑꞋ ɛ̂mɑ́. Ɛ́ lɛɛ pɔ́Ꞌɔ, pʉʉ jí sʉ́Ꞌnɛ ŋɡɔ Tɑ̌ɑ mɔ nɛ́ mɔ, m bɔ́ nɛ́ jʉ́.

Jɑ̂ŋ 11:40

Yɛ́su tsɔ́Ꞌ mbɔ̌ wɛ́ ŋɡɔ: N dɑ́Ꞌ mbɔɔ cú mbɔ̌ ɡu ŋɡɔ ɔ lɑɑ ńzɑ́p tʉ́m nǔu mɔ, mbɔ ɔ ɡʉ ńjʉ́ɔ nɛɡúꞋ-Sɛ́ pɔ́ ɔɔ?»

Jɑ̂ŋ 12:28

Tɑ̌ɑ mɔ, ɡúꞋlɛ lík yú. Ŋɡi-ŋu ɡɔ́ɔ ŋ́kɛ́ ɛ́fú nɛpú ńcú ŋɡɔ: «Ŋ ɡúꞋlɛ mɔ. Ŋ ɡʉ ḿbɛn ŋ́ɡúꞋlɛ fí fí.»

Jɑ̂ŋ 17:1

Yɛ́su kɑ cú yɔ nu tɛ ḿbɔ́tnɛ ńnɑ́ŋ, ḿbʉꞋ tú yɛ́, ńdíŋɛ tʉ́, ńcú ŋɡɔ: «Tɑ̌ɑ mɔ, ŋkɑ́ kuꞋ, ɡɛ pɛ́ jʉ́ɔ nɛɡúꞋ Mɔ́ɔ nu, Mɔ́ɔ nu ɡʉ ŋ́ɡɛ yɛ́, pɛ́ jʉ́ɔ nɛɡúꞋ wu.

Jɑ̂ŋ 17:10

Mbɑ kʉ̈ɔ́ lɑ́ yi ɛ́ mbɔ̌ mɔ ɛ́ yú. Ndʉ́ŋndʉŋ pɑ́Ꞌ Mbɑ kʉ̈ɔ́ lɑ́ yi ɛ́ mbɔ̌ ɡu ɛ́ yɑ́ɑ. Pɔ́p pɔ sɛ́ nɛ́ ŋ́ɡɛ pɛ́ jʉ́ɔ wɑɑ nɛɡúꞋ.

Jɑ̂ŋ 17:5

Ɛ́ nǔu ŋkɔ̂ɔnɛ mbɑ̌ɑ Tɑ̌ɑ mɔ, m bɔ́ ńdɔ́ɔ ŋɡɔ ɔ pɛn ŋ́ɡɑ́ wɑɑ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, ɛ́ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, tɛ yɔ njí pɛ́t kɛ́ pɔ́ ɡú.

Jɑ̂ŋ 2:11

Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.

Jɑ̂ŋ 5:23

Ɛ́ lɛɛ pɔ́Ꞌɔ, pʉɔtsʉʉ ɡɑ́ mɛkuꞋ-Mɔ́ɔ nɛ pɔ ndʉ́ŋndʉŋ pɑ́Ꞌ pɔ́p sɛ́ ŋ́ɡɑ́ mɛ́ Tɑ̌ɑ wɛ. Ŋu ẅí ɑ kɑ́ ɡɑ́ mɛkuꞋ-Mɔ́ɔ-Sɛ́ pɔ́, ŋɡɑŋ lɔk ḿbɔɔ ŋ́ɡɑ́ mɛkuꞋ-Tɑ́t wɛ ẅí ɑ kɑ túunɛ wɛ́ pɔ́.

Jɑ̂ŋ 8:54

Yɛ́su tsɔ́Ꞌ mbɔ̌ pɔ́p ŋɡɔ: Ŋ kɑ́ pɔ́ ńdɔɔ wɑɑ nɛɡúꞋ pɔ́, n dɑɑ ŋ́ɡɛ pɔ́Ꞌɔ, wɑɑ nɛɡúꞋ pɔɔ yɛcɔ́ nu pɔ́. Ŋu ẅí ɑ ɡɑ́nɛ nɛɡúꞋ wɑɑ ɑ tɑ̌ɑ mɔ. Pʉʉ pɔ́ ńcú yʉ́ʉ ŋɡɔ ɑ Sɛ́ wʉʉ.

Jɑ̂ŋ 9:24

Pɑfɑlísɑy pɛn ɛ́fúŋ ŋu ẅí ɑ ḿbɔ́nɛ fʉ lɑ́, ńcú mbɔ̌ wɛ́ ŋɡɔ: «Tʉ́ʉ mbi-Sɛ́, ńcú nu nɛ́nẅín. Pɛk sɛ́ ńjí ŋɡɔ ŋu ɛ̂wɑ́ ŋu kɛpɔŋ.»

Jɑ̂ŋ 9:3

Yɛ́su pʉ̈ɔt ŋɡɔ: «Ɛ́ kɑ́ pɔ́ pɔ ŋɡɔ jʉ́ kɛ pʉɔ pinɛ pɔ́p kɑ pínɛ wɛ́ kɑ fɑɑnɛ yɛcɔ́ nu pɔ́. A fʉ ɛ́ pɔ́ pɔ ŋɡɔ Sɛ́ ńdɛɛ nǔu wɛ́ ńdɛꞋlɛ mɛfɑꞋ mɛ́.»

Pʉɔ-Lɔ́mɑ 11:11

N dɑꞋ ŋɡɔ́mbɑ̌ɑ, pɑ́Ꞌ pɑíslɑyɛ̂l kɑ pɔ́ tɛ ńtɛ́m ku yɔ́p nǔu Kɛlístɔ ḿvu Sɛ́ lɑ́, ɛ́ kɑ pɔ́ pɔ́Ꞌɔ, ḿbɔ́ ndɑꞋ ndɑꞋ? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Lɑ́ ɛ́ kɑ fú pɔ pɑ́Ꞌ pɔ́p tɛ́mnɛ ŋkwɛn yɔ́p, tɛ pʉɔ pi pɔ́p kɑ́ pɔ́ pɑíslɑyɛ̂l pɔ́ lɛɛtɛ nǔu ńduk. Sɛ́ kɑ pɔ́ ŋ́ɡɛ pɑ́Ꞌɑ nɛpɔ́ yi Pɑíslɑyɛ̂l ɡʉ ńzɑ́p lík nǔu, ŋ́kɔ́Ꞌ lɔ́ŋ.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 1:20

Yúu mi mɔ sɛ́ ńtsɑ́ɑ tɛꞋ, kwɑŋɛ yɑ́ɑ nɑ́ŋ ńtʉ́ʉ pɔ nǔu, ɛ́ pɔ́ pɔ ŋɡɔ kɔɔ mɔ ɡɛ yɛcɔ́ yúu mi sʉ́ʉ ɡʉ ɛ́fú nǔu ŋ́kɔ́ wɑ́ɑ. Tɛ ńtsʉ́Ꞌ pɔ́Ꞌɔ, mbɔ ɛ́ lɑɑ ḿbɔ́ pɔ ŋkɔ̂ɔnɛ, kɛ ŋkɑ́ kʉ̈ɔ́ ɔɔ, m bɛ́t pɔ sʉ́Ꞌnɛ kɛ ńzɛɛ ḿpfú pfúnɛ ɔɔ, mbɔ mɔ sɛ́ ńjí sʉ́Ꞌnɛ ŋɡɔ pɛ́ ɡʉ ɛ́fú nǔu wɑɑ nɛnɑ́ŋ, ŋ́ɡúꞋlɛ Kɛlístɔ.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.

1 Pyɛ̂ 4:14

Pɛ́ lɑɑ ńzɔɔtɛ wʉ́ʉ mbíꞋ lík-Kɛlístɔ, mbɔ pʉʉ pɛpɔ́ttú, mbíꞋŋɡɔ Zẅikŋɛ nɛɡúꞋ, Zẅikŋɛ-Sɛ́ nǔu pʉʉ,