Jɑ̂ŋ 11:32 - Kɑɑ Fí

³² Mɑlíyɑ ɡʉ tɛ ŋ́kúu zʉꞋ yí Yɛ́su kɑ pɔ́nɛ zúꞋu, ḿbɔ́ tɛ ńjʉ́ɔ wɛ́, ŋ́kẅíꞋlɛ sɛ́ mbi yɛ́, ńcú ŋɡɔ: «Ndɛ, ɔ kɑ pɔ́ pɛ́Ꞌnɛ ḿbɔ́ zɑꞋnɛ, mbɔ mɔ́ɔmɑ́ mɔ ŋkɑɑ pfú.»

Jɑ̂ŋ 11:32 Кръстосани препратки

Lúkɑ́shi 17:16

Ńtɔ́ ńnɔɔ kɛpkɛ́p mbi Yɛ́su, ŋ́ɡɑ́ pɑ́Ꞌlɑ́ mbɔ̌ wɛ́. Ŋɡɑŋ ḿbɔ́ ŋu-Sɑmɑlîi.

Lúkɑ́shi 5:8

Simɔ̂ŋ Pyɛ̂ jʉ́ɔ yɔ nu jʉ́ɔnɛ, tɛ ŋ́ɡʉ ńnɔɔ mɛku-Yɛ́su, ŋ́ɡẅɛɛ mɛkẅíꞋlɛ mɛ́, ńcú mbɔ̌ wɛ́ ŋɡɔ: «Tsɑpʉɔ, sɛ́sẅíi, fú nɛjɔ́ŋ mɔ ŋ́ɡʉ! Mɔ pɑ́Ꞌ ḿbɔ́ ŋu kɛpɔŋ.»

Lúkɑ́shi 8:41

Wɛcɔ́ tɑ́tndɑ́-cúꞋlɛ-Pɑyúdɑ tɔ́, lík yɛ́ pɔ́ ŋɡɔ Yɑyɛ́lɔ, ńnɔɔ mɛku-Yɛ́su, ḿbúꞋ mbɔ́ mbɔ̌ wɛ́ ŋɡɔ ɑ tɔ́ tɛ ŋ́kúu ndɑ́ yɛ,

Jɑ̂ŋ 11:2

Wɔ Mɑlíyɑ pɔ́ ẅi ɑ kɑ lɑ́Ꞌnɛ ńdɔk lɑmɛ́ndɑɑ, ńzɔ́Ꞌ Ndɛ tɛ ɛ́ kuꞋ, ɑ pɛn ńdɔk mɛnuk-tú mɛ́ ńtuk mɛku mɛ́ lɑ́. Mɔ́ɔmɑ́ wɛ Lɑzɑ̂ɑ vu ɡɔɔ pɑ́Ꞌɑ,

Jɑ̂ŋ 11:21

Mɑ́ktɑ tɔ́ ńcú mbɔ̌ Yɛ́su ŋɡɔ: «Ndɛ, ɔ kɑ pɔ́ pɛ́Ꞌnɛ ḿbɔ́ zɑꞋnɛ, mbɔ mɔ́ɔmɑ́ mɔ ŋkɑɑ pfú.

Jɑ̂ŋ 11:37

Pɛcɔ́ ntɑ́Ꞌ pʉɔ tsɛtsɛt pɔ́p pɔ́ ńcú yɔ́p pɔ ŋɡɔ: «Jʉ́ ẅi ɑ kɑ ŋíɛꞋnɛ mík-pɛfʉ, kʉ̈ɔ́ kɑ ɡɛnɛ, ɑ pɔɔ kuꞋ nɛɡɛ wɔ ŋu pɔɔ pfú pɔ́ ɔɔ?»

Jɑ̂ŋ 4:49

ŊɡɑŋfɑꞋ-ŋɡɔ́mnɑɑ ɛ̂wɑ́ cú mbɔ̌ wɛ́ ŋɡɔ: «Sɛ́sẅíi, Ndɛ, cúŋ ńjʉ́ɔ mɔ́ɔ wɑɑ lɑ ɑ pfú.»

Mɛnu ɛ́ ńdɑ́Ꞌ ńcẅɛt 22:8

Mɔ Jɑ̂ŋ, ŋ kɑ zúꞋ mɔnɛ mɛnu, ḿbɛn ńjʉ́ɔ. Ŋ kɑ zúꞋ mɔnɛ mɛnu ḿbɛn ńjʉ́ɔ pɔ́Ꞌɔ, ńnɔŋ mɛku Cʉ̈ɔꞋ-Sɛ́ nɛɡúꞋlɛ wɛ́, ɑ Cʉ̈ɔꞋ-Sɛ́ ẅi ɑ kɑ pɔ́ ńnyɛt wɑ́ɑ nɛ́ mîmɑ́ mɛnu.

Mɛnu ɛ́ ńdɑ́Ꞌ ńcẅɛt 5:14

Pɛ́ zɔp pɔ́Ꞌɔ, mɛyúumɛku mɑ́ mɛ́nɛ́kwɑ ɡɔ́ɔ ŋ́kɛ́ ŋɡɔ ɛ́ pɔ́Ꞌɔ. Pɛlʉ́m pɑ́ ɡɔ́ɔ ŋ́kɛ́ ŋ́kẅíꞋlɛ sɛ́, ŋ́ɡúꞋlɛ Sɛ́.

Mɛnu ɛ́ ńdɑ́Ꞌ ńcẅɛt 5:8

Mɔ́ɔ-Njinjɔ kɑ cẅɛ́ɛ ŋwɑꞋnɛ tɛ ŋ́ɡẅɛɛ, mɛyúumɛku mɑ́ mɛ́nɛ́kwɑ, mbɑ pɛlʉ́m pîpɑ́ ntsɔ̌pɛ́nɛ́kwɑ nɛ́ mɛɡɛ́m mɛ́mbɑ ŋ́kẅíꞋlɛ mbi yɛ́. Mbɑ wɔ̌ lɑ́ nǔu pɔ́p pɔ́ ŋ́ɡẅɛɛ yɛcɔ́ ntɛ́ nɛlúŋ mbɑ mɛntúꞋ mi pɛ́ kɑ lɔknɛ tʉ́n-ŋɡɔ̂l ńniitɛ, lɑmɛ́ndɑɑ pɔ́ tsɛtú tɛ ńdúu, ńdɔk ḿbɔ́ mɛcɛꞋlɛ-pʉɔ-Sɛ́.