Jɑ̂ŋ 10:20 - Kɑɑ Fí

²⁰ Nɛzɑ́ɑ pʉɔ tsɛtsɛt pɔ́p pɔ́ ńcú ŋɡɔ: «zẅikŋɛ kɛpɔŋ kɑ ɡẅɛɛ wɛ́. A pɑ́lɛ. A cú kʉ̈ɔ́ tɛ pʉʉ zẅíꞋlɛ?»

Jɑ̂ŋ 10:20 Кръстосани препратки

Mɑtʉ̈ɔ 10:25

Pɑ́Ꞌ pɛ́ piitɛ́nɛ ɛ́fúŋ ŋɡɑŋndɑ́ ŋɡɔ: Bɛlzɛbûl, pɛ́ ɡʉ ŋ́kúu nǔu pʉɔ-ndɑ́ pɛ́, lɑ ńnɑ́ kɛ́ fúŋ wɔ́p pɔ́Ꞌɔ, kɛkʉ̈ɔ́? Yúu mi ɛ́ ɡɛnɛ cícɑ, yîyɑ́ yúu ɡʉ ńdɑ́Ꞌ ŋ́ɡɛ ŋu ẅí ɑ sɛ́ ńzíꞋ nu yɛ́, ḿbɔ́ yi kʉ̈ɔ́ lɑ́ ɡɛ tɑ̌ɑ pɛ́ ŋkwɑɑ lɑ́, mbɔ yîyɑ́ yúu ɡʉ ḿbɛn ńdɑ́Ꞌ ŋ́ɡɛ ŋkwɑɑ ɡúu.

Mɑtʉ̈ɔ 11:18

Yɑ́ kwɑꞋ pɑ́Ꞌ pɔ́p kɑ ɡɛnɛ nǔu Jɑ̂ŋ. A kɑ tɔ́ ḿbɔɔ yúu kwɛ́t, ḿbɔɔ mɛluꞋ nɔ́, pɔ́p cú ŋɡɔ mɛzẅikŋɛ kɛpɔŋ mbʉʉ yɛ.

Mɑtʉ̈ɔ 9:34

Lɑ́ pɑfɑlísɑy cú yɔ́p ŋɡɔ: «Fɔɔ-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑ́lɛ́kúshi 3:21

Pʉɔ-tsɛ́nndɑ́ pɛ́ Yɛ́su zúꞋ yɔ nu, ńdɔ sɛ́, ńcʉ́ɔ sɛ̂ndúŋ pɑꞋ pɔ́p ɡʉ ŋ́ɡʉ ŋ́ɡẅɛɛ wɛ́, ḿbɔ́ ŋ́kwɑŋɛ ŋɡɔ tú yɛ́ ɡɑ́ɑnɛ.

Jɑ̂ŋ 7:20

Lɑ́Ꞌ pʉ̈ɔt mbɔ̌ Yɛ́su ŋɡɔ: «zẅikŋɛ kɛpɔŋ nǔu ɡu! Wɔ̌ sɛ́ ńdɔɔ nɛjẅí wú?»

Jɑ̂ŋ 8:52

Pɑyúdɑ cú mbɔ̌ Yɛ́su ŋɡɔ: Ɛ́ nǔu ŋkɔ̂ɔnɛ, mbɔ pɛk jí ŋɡɔ zẅikŋɛ kɛpɔŋ nǔu ɡu. Ábɛlɛhɑ̂m kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfú yɔ́p, ɔ pɛn ḿbɔ́ ńcú ŋɡɔ: Ŋu lɑɑ ńnɛn nǔu sẅiŋɛ yú, mbɔ ɑ kɛ́ lɑ́Ꞌ ḿpfú pɔ́.

ŊwɑꞋnɛ-Gɑŋntúu Yɛ́su Kɛlístɔ 26:24

Pɔ̂l pɔ́ ḿbɛ́ɛtɛ ntsu wɛ́ pɔ́Ꞌɔ, ŋɡɔ́mnɑɑ Fɛstus cẅɛ́ɛ sẅiŋɛ ŋ́kɑꞋ ŋɡi yɛ ńcú ŋɡɔ: «Pɔ̂l, ɔ pɑ́lɛ. Ɔ kɑ́ pûu, ńzíꞋ yúu zíꞋnɛ tɛ ɛ́ pʉ́ʉpɛ tú yú.»