Jɑ̂ŋ 10:16 - Kɑɑ Fí

¹⁶ M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.

Jɑ̂ŋ 10:16 Кръстосани препратки

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Lúkɑ́shi 15:8

Pʉʉ pɛn ńzúꞋ yɛcɔ́, mɑŋɡɛ́ lɑɑ ŋ́ɡẅɛɛ ŋkɑ́p yɛ pɑk nɛɡɛ́m, tɑ́Ꞌ pɑk pɛ́, mbɔ ɑ ŋ́ɡɛ pɑ́Ꞌɑ? Mbɔ ɑ kɛ́ lyɛt kyɛꞌ ńzʉk ndɑ́, ńtɑꞋ kyɑŋɛ, ḿbɔ́tnɛ ńdɔ́ɔ tɛ ńdɑ́Ꞌ ńjʉ́ɔ pɔ́ ɔɔ?

Jɑ̂ŋ 10:11

Mbyɛ́p mbí wɛ sʉ́Ꞌnɛ pɔ́ pɔ mɔ. Mbyɛ́p mbí wɛ sʉ́Ꞌnɛ, ɡɑ́ tú yɛ́ ntɛ́ njinjɔ yɛ́.

Jɑ̂ŋ 10:2

Mbyɛ́p mbí sʉ́Ꞌnɛ lɛɛ pɔ ntsuŋkɑ́Ꞌ.

Jɑ̂ŋ 10:27

Mɛnjinjɔ mɑ́ɑ zúꞋ ŋɡi yɑɑ. N jí wɔ́p, pɔ́p cʉ́ɔ nzʉʉ mɔ.

Jɑ̂ŋ 10:3

Ŋu ẅí ɑ pyɛ́pnɛ ntsuŋkɑ́Ꞌ, ɑ tsɔ́Ꞌ ntsuŋkɑ́Ꞌ, mɛnjinjɔzúꞋ ŋɡi-mbyɛ́p mbí. A lɔk mɛlík mɔ́p ɛ́fúŋ wɔ́p, ńdɔk wɔ́p ńcẅɛt.

Jɑ̂ŋ 10:4

Mbyɛ́p mbí ɡɛ mɛnjinjɔ mɛ́ fú ŋkɑ́Ꞌ ńcẅɛt tɛ ḿmɛ, ɑ pɔ́ mbi, pɔ́p pɔ́ nzʉʉ, mbíꞋŋɡɔ mɛnjinjɔ lii ŋɡi yɛ.

Jɑ̂ŋ 10:5

Ɛ́ lɑɑ ḿbɔ́ pɔ́p pɔɔ cʉ́ɔ nzʉʉ-ŋu ndɛꞋ pɔ́, pɔ́p ɡʉ ŋ́kʉɔ wɛ́ kʉɔnɛ, mbíꞋŋɡɔ pɔ́p kɑ́ lii ŋɡi pʉɔ ndɛꞋ pɔ́.»

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

Jɑ̂ŋ 17:20

Ŋ kɑ́ púꞋ mbɔ́ mbɔ̌ ɡu pɔ ndɑꞋ nǔu tú yɔ́p pɔ́, m búꞋ mbɔ́ mbɔ̌ ɡu mbɑ nǔu tú-pʉɔ pí pɔ́p ɡʉ ŋ́ɡɛ ńdɛɛ nǔu sẅiŋɛ yɔ́p, ńzɑ́p tʉ́m nǔu mɔ.

Jɑ̂ŋ 6:37

Mbɑ wɔ̌ lɑ́ ẅi Tɑ̌ɑ mɔ ɡɑ́nɛ mbɔ̌ mɔ, ɑ ɡʉ ńtɔ́ ńtsɛ́t wɑ́ɑ. M bɛn ŋ́kɛ́ mbɔɔ lɑ́Ꞌ yɛcɔ́ lɛ́Ꞌ ńcẅɛɛtɛ ŋu ẅí ɑ tɔ́nɛ ńtsɛ́t wɑ́ɑ, ŋ́ɡɑ́ píi pɔ́.

ŊwɑꞋnɛ-Gɑŋntúu Yɛ́su Kɛlístɔ 15:14

Símɔ lɔ sɛ́ nɛkẅíitɛ wɛkŋɛ nɛ́ nu yí Sɛ́ kɑ ɡɛnɛ nǔu pʉɔ pí pɔ́p kɑ́ pɔ́ pɑyúdɑ pɔ́. Yîyɑ́ nu pɔ́ ŋɡɔ tɛ ɛ́fú nzɛnɛ, Sɛ́ zɑ́p ŋɡɔ ɑ ɡʉ ŋ́ɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńtsɔ́Ꞌ pʉɔ ńdɔk ŋ́ɡɛ pʉɔ pí pɔ́p pɛ́.»

ŊwɑꞋnɛ-Gɑŋntúu Yɛ́su Kɛlístɔ 18:10

mbíꞋŋɡɔ pûu nɛnnɛ. Wɛcɔ́ ŋu kɑ́ kuꞋ nɛɡẅɛɛ wú tɛ ŋ́ɡɛ nu kɛpɔŋ nǔu ɡu pɔ́. N cú pɑ́Ꞌɑ, mbíꞌŋɡɔ pʉɔ pi pɔ́p pɑ́ɑ, tʉ́sɔŋ zɑꞋnɛ tɛ ńzɑ́ɑ.»

ŊwɑꞋnɛ-Gɑŋntúu Yɛ́su Kɛlístɔ 22:14

A pɛn ńcú ŋɡɔ: Sɛ́ pɛmɑ́ŋɡɑpnjẅɛt pɛkŋɛ ɡɔ́ɔ ńzɑ́Ꞌ njí ńtsɔ́Ꞌ wú, nɛ́ lɔk wú ŋ́ɡɛ ŋu ẅi ɑ ɡʉ ńjí yúu mi ɑ kɑ ńzɑ́pnɛ nɛɡɛ, mbɑ nɛɡɛ ɔ jʉ́ɔ ŋu ẅi ɑ ndʉ́ŋndʉŋ zɛ́nɛjʉ́, mbɑ nɛzúꞋ ŋɡi-ẅîwɑ́ ŋu.

Pʉɔ-Lɔ́mɑ 11:25

Pɔ́ɔpɛ́mɑ́ pɑ́ɑ, mɔ sɛ́ ŋ́kɔŋ ŋɡɔ pʉʉ jí yúu mi ɛ́ nǔu yɔ nu, mbɔ ɛ́ kɑ zɛɛ ḿbɔ́ yi lʉɔmɛ́nɛ, ḿbɔ́k wʉ́ʉ nɛkwɑŋɛ ŋɡɔ pʉʉ pɑjínu. Yîyɑ́ yúu ŋɡɔ yɛcɔ́ ɡúŋ-pɑíslɑyɛ̂l sɛ́ ńtʉʉ tú mbɔ̌ Sɛ́ ŋkɔ̂ɔnɛ, lɑ́ ɛ́ kɛ́ lɑ́Ꞌ ḿbɔ́ pɔ pɔ́Ꞌɔ pɔ́. Pɔ́p ɡʉ ńtʉʉ tú tɛ kúu ŋkɑ́ yi pʉɔ tsʉʉ pi Sɛ́ kɑ tsɔ́Ꞌnɛ, pɔ́p pɛn mbɔɔ pɑyúdɑ pɔ́, ɡʉ ńcʉ́ɔ nzʉʉ wɛ́.

2 Tɛsɑlɔník 2:13

Pɔ́ɔpɛ́mɑ́ pi Tsɑpʉɔ kɔŋnɛ wɔ́p, ɛ́ ɡʉ nǔu pɛk, mbɔ pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ ntɛ́ wʉ́ʉ, mbíꞋŋɡɔ ɑ kɑ tsɔ́Ꞌ wʉ́ʉ tɛ ɛ́fú nzɛnɛ nɛpɔ́ yi pʉʉ ɡʉ ńduk. Pʉʉ luk ntɛ́ pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pʉʉ pɔ́ pʉɔ-Sɛ́, mbɑ pɑ́Ꞌ pʉʉ zɑ́pnɛ tʉ́m nǔu nu yi ɛ́ nɛ́nẅín.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

1 Pyɛ̂ 2:10

Pʉʉ pi pʉʉ kɑ pɔ́ yɛcɔ́ ŋkɑ́, ḿbɔɔ pʉɔ-Sɛ́ pɔ́, pʉʉ kɑ tsʉ́Ꞌ mɔ́ pʉɔ pɛ́. Pʉʉ pinɛ pʉʉ ŋ́kɑɑ kɛ́ ńtsɑ́ɑ mɛjʉ́ŋ-Sɛ́ pɔ́ Sɛ́ kɑ kɛ́ mɔ́ ńtsɑ́ɑ mɛjʉ́ŋ mʉ́ʉ.

1 Pyɛ̂ 2:25

Ɛ́ pɔ́ ŋɡɔ pʉʉ kɑ pɔ́ yɛcɔ́ ŋkɑ́ mbɔ́ ŋ́kɑ́t ḿbúunɛ pɑ́Ꞌ mɛnjinjɔ mi ɛ́ fɑɑnɛ sɛ̂ndúŋ. Lɑ́ pʉʉ kɑ kɛ́mɔ́ ḿbɛn nzʉʉ, ńcʉ́ɔ nzʉʉ-ŋu ẅí ɑ sɛ́ ńdíŋɛ wʉ́ʉ, jʉ́ sɛ́nɛ́ ḿbyɛ́p wʉ́ʉ.

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.