Jɑ̂ŋ 10:1 - Kɑɑ Fí

¹ Yɛ́su pɛn ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńjɛ́Ꞌ pɔ ndǔ ŋkɑ́Ꞌ tɛ mbɔɔ lɛɛ pɔ ntsuŋkɑ́Ꞌ lɑ ŋ́kúu tsɛt ŋkɑ́Ꞌ-mbí pɔ́, mbɔ ŋɡɑŋ ntsɔ́ŋ, ḿbɛn ḿbɔ́ fút.

Jɑ̂ŋ 10:1 Кръстосани препратки

Mɑtʉ̈ɔ 7:15

Pʉʉ lɑk tú yʉ́ʉ nǔu pʉɔ pí pɔ́p cɔtnɛ nu ŋɡɔ pɔ́p pɛŋɡɛ́mndʉ̈ɔ́Ꞌ-Sɛ́. Pɔ́p júk ńtɔ́ nɛjɔ́ŋ pʉʉ ŋɡɔ pɔ́p mɛnjinjɔ, lɑ́ kwɑŋɛ yɔ́p pɔ́ pɔ yɛ́ mɛnɑɑŋɡwɛ.

Jɑ̂ŋ 10:7

Yɛ́su pɛn ńcú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, ntsuŋkɑ́Ꞌ-mɛnjinjɔ pɔ́ pɔ mɔ.

Jɑ̂ŋ 3:3

Yɛ́su pʉ̈ɔt mbɔ̌ wɛ́ ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ jʉ́ɔ nɛfɔɔ-Sɛ́ kɛ́ pɔ́ yi pɛ́ pɛn ḿbí wɛ́ yɛcɔ́ ŋkɑ́ pɔ́.»

Pʉɔ-Lɔ́mɑ 10:15

Mbɔ pɛ́ pɛn ɛ́sẅíi nu-Tsɑpʉɔ ŋɡɔ́ku kɛ́ pɔ́ yi pɛ́ túu pʉɔ pi pɔ́p ɡʉ ɛ́sẅíi? Ɛ́ fí nu yi ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɑ́ntúu pɔ́ tɛ ńtɔ́, ɛ́sẅíi pʉɔ nɛ́ nu sʉ́Ꞌnɛ, tsɑ́ɑtɛ pɔ́ sɛ́ ŋkɑ́ ɛ̂yɑ́.»

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

Tîtɛ 1:11

Ɛ́ píkŋɛ ŋɡɔ ɔ jʉ́ɔꞋ ntsu wɔ́p, mbíꞋŋɡɔ pɔ́p sɛ́ ńdɔk yúu mi pɔ́p zíꞋnɛ pʉɔ, ńtɛplɛ pʉɔ tsʉʉ tsɛt mɛtsɛ́nndɑ́. Ɛ́ pɔ́ yúu mi ɛ́ kɑ́ pɔ́ ḿbíkŋɛ nɛzíꞋ pɔ́, ńdɔk ńdɔɔ ŋkɑ́p.

Ɛ́bɛlʉʉ 5:4

ḿbɔ́ ŋu zɛɛ ḿbɔɔ nɑ́ŋ tɛ ńcú ŋɡɔ pɛ́ ɡɑ́ mɛkuꞋ-NɔŋpɔꞋ wɛ ɡwɛ́ mbɔ̌ wɛ́ pɔ́. Sɛ́ tsɔ́Ꞌnɛ ŋu ndʉ́ŋndʉŋ pɑ́Ꞌ ɑ kɑ tsɔ́Ꞌnɛ Álɔŋ.

1 Pyɛ̂ 1:10

Pɑcẅiŋkʉʉ-Sɛ́ kɑ cúnɛ nu nǔu ntɛ́ yi Sɛ́ kɑ niitɛ́nɛ ńzɑ́p pɑ́Ꞌ ɑ ɡʉ ńdɑ́Ꞌ ŋ́ɡɑ́ fuꞋ yʉ́ʉ pɔ́Ꞌɔ, pɔ́p kɑ fɑꞋ, ńtúŋtɛ ḿbíkŋɛ pɑ́Ꞌ ɛ́ ɡʉ ńdɑ́Ꞌ ńdɛɛ pɔ́Ꞌɔ, lɑ Sɛ́ ɡɛ pʉɔ luk.

2 Pyɛ̂ 2:1

Pɑcẅi Ŋkʉʉ-Sɛ́ pɛ́ cɔtnu kɑ pɔ́ yɛcɔ́ ŋkɑ́ ḿbɔ́ tsɛtsɛt pʉɔ-Íslɑyɛ̂l, ɛ́ ndʉ́ŋndʉŋ pɑ́Ꞌ pɑzíꞋ pʉɔ nɛ́ nu-Sɛ́ pɛ́ cɔtnu ɡʉ ŋ́ɡɛ ńcẅɛt tsɛtsɛt pʉʉ. Pɔ́p ɡʉ ŋ́ɡɛ ńdɔk pɔ ndɑ̌ɑ ndɑɑ ńzíꞋ pʉɔ nɛ́ cɔtnu, ɛ́ pɔ́ yi mbɔ ɛ́ pʉ́ʉpɛ tʉ́m-pʉɔ, ɛ́ pɔ́ pɔ́nɛ tɛ ḿmuŋɛ Ndɛ ẅí ɑ kɑ ɡɛnɛ pɔ́p luk, ŋ́ɡɛ pɔ́Ꞌɔ, ńdɔk ɛ́shuŋ ŋɡʉ̈ɔ́Ꞌ yi ɛ́ ɡʉ ḿbík wɔ́p, ɛ́ kɛ́ ḿbɔɔ líi nɛtɔ́ pɔ́.

2 Pyɛ̂ 2:3

Pɑ́Ꞌ pɔ́p kɔŋ ŋkɑ́p tɛꞋ lɑ́, pɔ́p ŋ́ɡɛ ńdɔk sẅiŋɛ yi pɔ́p lʉꞋlɛ lʉꞋlɛ́nɛ, ńdɔk ńdẅɑklɛ wʉ́ʉ, ńcẅɛ́ɛ yúu pʉ́ʉ, ŋ́kɛ́ ŋ́ɡɛ pɔ́Ꞌɔ pɑ́Ꞌɑ, mbɔ Sɛ́ kɑ lɑ́Ꞌ ńzɑ́Ꞌ ntsɑŋ yɔp, tɛ ɛ́ tsʉ́Ꞌ pɔ mɔ́zʉꞋ ŋɡʉ̈ɔ́Ꞌ vu nǔu pɔ́p.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.