Jɑ̂ŋ 1:9 - Kɑɑ Fí

⁹ Sẅiŋɛ ɛ̂yɑ́ kɑ pɔ́ kwɑꞋ kyɛꞌ yí ɛ́ tɔ́nɛ ndǔmbí nɛkyɛ́Ꞌ pʉɔtsʉʉ.

Jɑ̂ŋ 1:9 Кръстосани препратки

Mɑtʉ̈ɔ 6:23

Lɑ́ mík mú pɛn ḿbɔ́ tɛ sʉ́ʉ, mbɔ ɔ ɡʉ ńtsʉ́Ꞌ ḿbɔ́ pɔ tsɛt nzɛ́nzʉ́ʉ. Mík mú pɔ́ tɛ sʉ́ʉ pɑ́Ꞌ pɛ́ cúnɛ lɑɑ, mbɔ ɔ ɡʉ ńtsʉ́Ꞌ ḿbɔ́ pɔ tsɛt fɛ́m nzɛ́nzʉ́ʉ.

Lúkɑ́shi 11:36

Ɔ lɑɑ ńtík ku yú ńdii, ḿbɛn ḿbɔ́ ŋ́kʉɔ mɛnu mi ɛ́ ḿbɔ́ pɔ mɛnu nzɛ́nzʉ́ʉ sʉ́Ꞌnɛ, mbɔ ɔ ɡɛ nɛn nǔu nu nɛ́nẅín kwɑꞋ pɑ́Ꞌ ŋu ɡẅɛɛ kyɛꞌ ńdɔk jʉ́ɔ sɛ̂ndúŋ sʉ́Ꞌnɛ lɑ́.

Jɑ̂ŋ 1:4

Luk kɑ pɔ́ nǔu wɛ́, luk ɛ̂yɑ́ pɔ́ kyɛꞌ yí ɛ́ kyɛꞋnɛ pʉɔmɛsɔŋ.

Jɑ̂ŋ 1:7

A tɔ́ ḿbɔ́ jʉ́njʉ́ɔ, nɛsẅíi yúu mi ɑ jínɛ ntɛ́ kyɛꞌ ɛ̂yɑ́, nɛpɔ́ yi mbɑ wɔ̌ lɑ́ ɡʉ ńzúꞋ sẅiŋɛ-Jɑ̂ŋ, ńzɑ́p tʉ́m yɛ́ nǔu kyɛꞌ ɛ̂yɑ́.

Jɑ̂ŋ 12:46

Mɔ njʉ̈ɔ́ kyɛꞌ, ŋ kɑ tɔ́ ndǔmbí nɛpɔ́ yi ŋu lɑɑ ńzɑ́p tʉ́m nǔu mɔ, ɑ pɔɔ ɡɔ́ŋ tsɛt nzɛ́nzʉ́ʉ pɔ́.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 15:1

Yɛ́su pɛn ḿbɛ́ɛ yɔ fʉꞋ ńcú ŋɡɔ: «Mɔ kwɑꞋ nɛtsɛ́n-tʉ́ ni pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ. Tɑ̌ɑ mɔ pɔ́ ŋu ẅí ɑ fɑꞋnɛ nǔu.»

Jɑ̂ŋ 6:32

Yɛ́su pʉ̈ɔt mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, Mɔ̌sɛ̂ɛ ŋkɑɑ ɡɑ́ yúujʉ́ pi ɛ́ fúnɛ tʉ́nɛ́pú mbɔ̌ pʉʉ pɔ́. Tɑ̌ɑ mɔ sɛ́nɛ́ ŋ́ɡɑ́ kwɑꞋ yúujʉ́ pi ɛ́ fúnɛ tʉ́nɛ́pú mbɔ̌ pʉʉ.»

Jɑ̂ŋ 7:12

Lɑ́Ꞌ pɔ́ ɛ́sẅíŋɛ mɛtsu mɛtsu ntɛ́ Yɛ́su. Pɛcɔ́ pʉɔ pɔ́ ńcú ŋɡɔ ɑ kwɑꞋ ŋu. Pɛcɔ́ pɔ́ ńcú ŋɡɔ ɑ fu pʉɔ funɛ.

1 Jɑ̂ŋ 1:8

Pɛkŋɛ lɑɑ ńcú ŋɡɔ nu kɛpɔŋ kɑ́ pɔ́ nǔu pɛkŋɛ pɔ́, mbɔ pɛkŋɛ lɔk pɔ́Ꞌɔ, ɛ́fɑɑnɛ sɛ̂ndúŋ, ḿbɛn ŋ́kɛ́ ḿbɔɔ ńjí nu nɛ́nẅín yi ɛ́ fúnɛ mbɔ̌ Sɛ́ pɔ́.

1 Jɑ̂ŋ 2:8

Tɛ mbɑ pɔ́Ꞌɔ, nɛpʉ́ʉ ni ŋ ŋwɑꞋnɛ́nɛ ŋ́ɡɑ́ mbɔ̌ pʉʉ lɑɑ, ɛ́ pɑ́Ꞌɑ, ŋ́kɛ́ ḿbɔ́ nɛ fí, ɛ́ nɛ fí ńdɛɛ nǔu yúu mi pɛ́ sɛ́ ńjʉ́ɔ nǔu Kɛlístɔ mbɑ nǔu pʉʉ ɡúu. Pʉʉ zɛɛ ńjʉ́ɔ pɑ́Ꞌ nzɛ́nzʉ́ʉ sɛ́ ḿmɛ, lɑ́ mbɔ kwɑꞋ kyɛꞌ zɛ mɔ́ nɛkyɛ́Ꞌ zʉꞋ.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.