Jɑ̂ŋ 1:41 - Kɑɑ Fí

⁴¹ Ndɛlɛ́yɑ ɛ̂wɑ́ ɡʉ ḿbiitɛ ɛ́sẅíi mɔ́ɔmɑ́ wɛ Símɔ̂ŋ, ńcú mbɔ̌ wɛ́ ŋɡɔ: «Pɛk jʉ́ɔ Nzɑ́Ꞌŋkʉ, ẅi Sɛ́ kɑ kɑꞋnɛ ɑ pɔ́ Kɛlístɔ.»

Jɑ̂ŋ 1:41 Кръстосани препратки

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

Lúkɑ́shi 2:17

ḿbɔ́ tɛ ńjʉ́ɔ wɛ́, ńzɛ nɛpɛ́ɛtɛ ŋɡɔŋ mɛnu tsʉʉ mi Cʉ̈ɔꞋ-Sɛ́ sẅíinɛ wɔ́p ntɛ́ wɛ́.

Lúkɑ́shi 2:38

Yɛcɔ́ lɛ́Ꞌ ɑ tɔ́ ndɑ́-nɔŋpɔꞋ pɑ́Ꞌ ɑ lɔ ńzɛɛ ńtɔ́. Ŋ́ɡɔ kúu zúꞋu ŋkɑ́ ɛ̂yɑ́, mbɔ pɛ́ lɔk mɔ́ɔ ńtɔ́, ɑ jʉ́ɔ wɛ́, ŋ́ɡɛ́mtɛ Sɛ́, ŋ́ɡɔ́ɔ ŋ́kɛ́ ńzɛ nɛsẅíi nu nǔu wɔ mɔ́ɔ mbɔ̌ pʉɔ tsʉʉ pi pɔ́p kɑ pɔ́ ḿbyɛ́p lɛ́Ꞌ yinɛ Sɛ́ ŋ́ɡɛ ńdɑ́Ꞌ ńcẅɛ́ɛ Yɛlúsɑlɛm.

Jɑ̂ŋ 1:45

Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»

Jɑ̂ŋ 4:25

Mɑŋɡɛ́ ɛ̂wɑ́ cú mbɔ̌ wɛ́ ŋɡɔ: «N jí ŋɡɔ Nzɑ́Ꞌŋkʉ Sɛ́ kɑ kɑꞋnɛ ẅí pɛ́ fúŋnɛ ŋɡɔ Kɛlístɔ sɛ́ ńtɔ́. A ɡʉ ńtɔ́, ŋ́kyɛ́Ꞌtɛ mbɑ kʉ̈ɔ́ lɑ́ ɛ́sẅíi wɛ́k.»

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

ŊwɑꞋnɛ-Gɑŋntúu Yɛ́su Kɛlístɔ 4:27

Ɛ́ kwɑꞋ nu. Ɛlɔ̂dɛ pɔ́p Pɔ́ŋntí Pilɑ́tu cúꞋlɛ tsɛt tʉ́sɔŋ yɔ pɔ́p pɑtúu tɛ mbɑ mɛcɔ́ mɛtsɛ́nndɑ́-Íslɑyɛ̂l, ńcúꞋlɛ pɔ́Ꞌɔ, nɛlʉ̈ɔ́Ꞌ Yɛ́su, ŋɡɑŋfɑꞋ wu ẅí ɔ kɑ tsɔ́Ꞌnɛ, ńzɔ́Ꞌ wɛ́.

1 Jɑ̂ŋ 1:3

Yúu mi pɛk kɑ jʉ́ɔnɛ ḿbɛn ńzúꞋ, ɛ́ yîyɑ́ yi pɛk sẅíinɛ wʉ́ʉ ɡúu, ńjí ŋɡɔ pʉʉ ɡʉ tɛmtɛ nǔu pɛk, pɛkŋɛ pɛtsʉʉ tɛmtɛ nǔu Tɑ̌ɑ mbɑ nǔu Mɔ́ɔ nɛ Yɛ́su Kɛlístɔ.