Jɑ̂ŋ 1:31 - Kɑɑ Fí

³¹ KwɑꞋ mɔ ŋkɑɑ pɔ́ ńjí ŋu ẅí ɑ ɡʉ ŋ́ɡɛ ḿbɔ́ jʉ́ pɔ́. Lɑ́ ŋ kɑ tɔ́ yɑ́ɑ, ḿbɔ́ ńnuꞋ pʉɔ ŋki nɛlɔk ŋ́ɡɛ pɑíslɑyɛ̂l jí wɛ́.»

Jɑ̂ŋ 1:31 Кръстосани препратки

Mɑtʉ̈ɔ 3:13

Yɛ́su ɡɔ́ɔ ŋ́kɛ́ ɛ́fú Ŋɡɑlilɛɛ ńtɔ́ ntsuŋki-Juudɛŋ, ńjʉ́ɔ Jɑ̂ŋ nɛpɔ́ yi Jɑ̂ŋ ɡʉ ńnuꞋ wɛ́ ŋki.

Mɑtʉ̈ɔ 3:6

ńtʉ́ʉ mbi pʉɔtsʉʉ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.

Lúkɑ́shi 1:17

Sɛ́ ŋ́ɡɛ ńdɑ́Ꞌ ŋ́ɡɑ́ wɛ́ nɛ́ mɛtʉʉ, ɑ lɔk ḿbɔ́ yɛ́ pɑ́Ꞌ Ɛlíyɑ, ŋɡɛ́mndʉ̈ɔ́Ꞌ-Sɛ́, nɛlɔk ḿbɔ́ mbi ńdɔ́ɔ pɑ́Ꞌ ɑ ɡɛ ŋ́ɡɛ ŋɡɔ pɛtɑ́t ɡẅɛɛ kwɑŋɛ sʉ́Ꞌnɛ nǔu mbɔ́ŋkʉ̈ɔ́ pɔ́p, ɛ́ pɛn ŋ́ɡɛ ḿbɑ́ɑtɛ pɑtʉʉtú ɡẅɛɛ jínu-pʉɔ pi pɔ́p pɔ́knɛ Sɛ́. Pɔ́Ꞌɔ, Sɛ́ lɔk ńniitɛ pʉɔ pi pɔ́p ɡɛ ńdɑ́Ꞌ ŋ́kuꞋ nɛɡɑ́ mɛkuꞋ mbɔ̌ wɛ́.»

Jɑ̂ŋ 1:30

A jʉ́ ẅi ŋ kɑ pɔ́ ɛ́sẅíi wʉ́ʉ lɑ́, pɑ́Ꞌ ŋ kɑ pɔ́ ńcú ŋɡɔ: «Ŋu ɑ nzʉʉ mɔ ḿbɔ́ ńtɔ́, ɑ lɛɛ wɑ́ɑ, mbíꞋŋɡɔ pɛ́ kɑ ɡɔ́ ḿbí wɑ́ɑ, ɑ pɔ́ pɔ ɡú.

Jɑ̂ŋ 1:32

Jɑ̂ŋ pɛn ńcú yɛcɔ́ nu yí ɑ jínɛ nǔu Yɛ́su, ŋɡɔ: «Ŋ kɑ jʉ́ɔ zẅikŋɛ-Sɛ́ fú tʉ́nɛ́pú ńcúŋ ńnɑ́ŋ nǔu wɛ́, ḿbɔ́ pɑ́Ꞌ Puutɛ lɑ́.

Jɑ̂ŋ 1:33

KwɑꞋ mɔ ŋ kɑ zɛɛ m̄bɔɔ ḿbɔ́ ńjí wɛ́ pɔ́, lɑ́ Sɛ́ ẅi ɑ kɑ túunɛ wɑ́ɑ ŋɡɔ ŋ ɡʉ ńnuꞋ pʉɔ ŋki, jʉ́ ńcúnɛ mbɔ̌ mɔ ŋɡɔ: Ɔ ɡʉ ŋ́ɡɛ ńjʉ́ɔ zẅikŋɛ-lɛ́ɛnɛ́nɛ tɔ́ ńnɑ́ŋ nǔu ŋu. A jʉ́ ẅi ɑ ɡʉ ŋ́ɡɑ́ pʉɔ mbɔ̌ zẅikŋɛ lɛ́ɛnɛ́nɛ.»

Jɑ̂ŋ 1:7

A tɔ́ ḿbɔ́ jʉ́njʉ́ɔ, nɛsẅíi yúu mi ɑ jínɛ ntɛ́ kyɛꞌ ɛ̂yɑ́, nɛpɔ́ yi mbɑ wɔ̌ lɑ́ ɡʉ ńzúꞋ sẅiŋɛ-Jɑ̂ŋ, ńzɑ́p tʉ́m yɛ́ nǔu kyɛꞌ ɛ̂yɑ́.

ŊwɑꞋnɛ-Gɑŋntúu Yɛ́su Kɛlístɔ 19:4

Pɔ̂l cú mbɔ̌ pɔ́p ŋɡɔ: «Jɑ̂ŋ kɑ pɔ́ ńnuꞋ pʉɔ ŋki ńdɔk ńnyɛt ŋɡɔ pɔ́p pɛ́m nɛkúpmɛ mɑt, lɑ́ ŋ́kɛ́ ḿbɔ́ ńcú mbɔ̌ lɑ́Ꞌ ŋɡɔ pɔ́p zɑ́p tʉ́m yɔ́p nǔu ŋu ẅí ɑ nzʉʉ yɛ́ ḿbɔ́ ńtɔ́, ńcú pɔ́Ꞌɔ, ŋɡɑŋ pɔ́ Yɛ́su.»