Jɑ̂ŋ 1:21 - Kɑɑ Fí

²¹ Pɔ́p píkŋɛ wɛ́ ŋɡɔ tɛ ɔ pɔ́ wɔ̌? Ɔ pɔ́ Ɛlíyɑ kɛkʉ̈ɔ́? Jɑ̂ŋ cú ŋɡɔ ŋɡɑ́ŋ. Pɔ́p cú ŋɡɔ, ɔ pɔ́ ŋɡɛ́mndʉ̈ɔ́Ꞌ-Sɛ́ ẅi pɛ́ sɛ́ ńzẅíꞋlɛ lɑ́ kɛkʉ̈ɔ́? Jɑ̂ŋ cú ŋɡɔ ŋɡɑŋ.

Jɑ̂ŋ 1:21 Кръстосани препратки

Mɑtʉ̈ɔ 11:14

Pʉʉ lɑɑ ḿbɛn ḿbɔ́ ŋ́kɔŋ nɛjí ŋu ẅi Jɑ̂ŋ jʉ́, mbɔ mɔ, ŋ ɡʉ ŋ́kɛ́ ɛ́sẅíi wʉ́ʉ ŋɡɔ ɑ lɔk ḿbɔ́ Ɛlíyɑ ẅí ɑ kɑ pɔ́ ŋ́ɡʉ ḿbɛn ńtɔ́.

Mɑtʉ̈ɔ 16:14

Pɔ́p pʉ̈ɔt ŋɡɔ: «Pɛcɔ́ pʉɔ sɛ́ ńcú ŋɡɔ ɔ Jɑ̂ŋ Mbɑptíshi, pɛcɔ́ pɔ́ ńcú ŋɡɔ ɔ Ɛlíyɑ, pɛcɔ́ pɔ́ ńcú yɔ́p ŋɡɔ ɔ Yɛlɛmî, kɛ pɔ wɛcɔ́ ncẅiŋkʉʉ-Sɛ́.»

Mɑtʉ̈ɔ 21:11

Lɑ́Ꞌ pʉ̈ɔt ŋɡɔ: «A Yɛ́su Ŋɡɛ́mndʉ̈ɔ́Ꞌ-Sɛ́, ɑ fú tʉ́sɔŋ-Nɑ̌zɑlɛt nǔu pɑk-ŋɡɔŋ-Ŋɡɑlilɛɛ.»

Lúkɑ́shi 1:17

Sɛ́ ŋ́ɡɛ ńdɑ́Ꞌ ŋ́ɡɑ́ wɛ́ nɛ́ mɛtʉʉ, ɑ lɔk ḿbɔ́ yɛ́ pɑ́Ꞌ Ɛlíyɑ, ŋɡɛ́mndʉ̈ɔ́Ꞌ-Sɛ́, nɛlɔk ḿbɔ́ mbi ńdɔ́ɔ pɑ́Ꞌ ɑ ɡɛ ŋ́ɡɛ ŋɡɔ pɛtɑ́t ɡẅɛɛ kwɑŋɛ sʉ́Ꞌnɛ nǔu mbɔ́ŋkʉ̈ɔ́ pɔ́p, ɛ́ pɛn ŋ́ɡɛ ḿbɑ́ɑtɛ pɑtʉʉtú ɡẅɛɛ jínu-pʉɔ pi pɔ́p pɔ́knɛ Sɛ́. Pɔ́Ꞌɔ, Sɛ́ lɔk ńniitɛ pʉɔ pi pɔ́p ɡɛ ńdɑ́Ꞌ ŋ́kuꞋ nɛɡɑ́ mɛkuꞋ mbɔ̌ wɛ́.»

Jɑ̂ŋ 1:22

Pɔ́p ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Sẅíi wɛ́k nɛ́ ŋu ẅí ɔ jʉ́, ńjí ŋɡɔ pɛk ɡʉ ŋ́ɡẅɛɛ nu yí pɛk ɡʉ ńtɔ́ ɛ́sẅíi pʉɔ pínɛ pɔ́p lɑ́Ꞌnɛ ńtúu wɛ́k.» KwɑꞋ ɡu nɛ́ tú yú, ɔ kwɑŋɛ ŋɡɔ ɔ wɔ̌?

Jɑ̂ŋ 1:25

Pɔ́p pɛn ḿbíkŋɛ Jɑ̂ŋ ŋɡɔ: «Lɑ́ ɔ kɑ́ pɔ́ Nzɑ́Ꞌŋkʉ pɔ́, ŋ́kɛ́ mbɔɔ Ɛlíyɑ pɔ́? Ŋ́kɛ́ mbɔɔ ŋɡɛ́mndʉ̈ɔ́Ꞌ-Sɛ́ ẅi pɛ́ sɛ́ ńzẅíꞋlɛ pɔ́, tɛ mɛlɑ́Ꞌ kʉ̈ɔ́ ɔ nuꞋ pʉɔ ŋki?»

Jɑ̂ŋ 6:14

Lɑ́Ꞌ jʉ́ɔ nu mɑ̌ɑmɑɑnɛ yi Yɛ́su ɡɛnɛ, ńcú ŋɡɔ: «Ŋu wɔ kwɑꞋ ŋɡɛ́mndʉ̈ɔ́Ꞌ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ tɔ́ ndǔmbí.»

Jɑ̂ŋ 7:40

Lɑ́Ꞌ zúꞋ sẅiŋɛ-Yɛ́su, pɛcɔ́ pʉɔ tsɛtsɛt pɔ́p cú ŋɡɔ ɑ kwɑꞋ ŋɡɛ́mndʉ̈ɔ́Ꞌ-Sɛ́.