Jɑ̂ŋ 1:19 - Kɑɑ Fí

¹⁹ Jɑ̂ŋ ɡɛ ńcú nu ntɛ́ Yɛ́su. Ɛ́ pɔ́ yɛcɔ́ ŋkɑ́, pɑsɑ́Ꞌlɑ́Ꞌ-pɑyúdɑ pínɛ pɔ́p Yɛlúsɑlɛm túu pɑnɔŋpɔꞋ pɔ́p pʉɔ nǔu njẅɛt-Lɛ́vi, ŋɡɔ pɔ́p ɡʉ ḿbíkŋɛ Jɑ̂ŋ ŋɡɔ: «A pɔ́ wɔ̌?»

Jɑ̂ŋ 1:19 Кръстосани препратки

Jɑ̂ŋ 1:7

A tɔ́ ḿbɔ́ jʉ́njʉ́ɔ, nɛsẅíi yúu mi ɑ jínɛ ntɛ́ kyɛꞌ ɛ̂yɑ́, nɛpɔ́ yi mbɑ wɔ̌ lɑ́ ɡʉ ńzúꞋ sẅiŋɛ-Jɑ̂ŋ, ńzɑ́p tʉ́m yɛ́ nǔu kyɛꞌ ɛ̂yɑ́.

Jɑ̂ŋ 10:24

Pɑyúdɑ tʉ̈ɔ́Ꞌlɛ Yɛ́su ńníꞋ sɔŋ, ḿbíkŋɛ wɛ́ ŋɡɔ: «pɛk ɡʉ ńzẅíꞋlɛ tɛ kúu pɔ ŋkɑ́ kʉ̈ɔ́ lɑ́ ɔ sẅíi wɛ́k nɛ́ ŋu ẅí ɔ jʉ́? Ɔ lɑɑ ḿbɔ́ Nzɑ́Ꞌŋkʉ ẅi Sɛ́ kɑ kɑꞋnɛ, ɔ jɛ́p jɛ́pnɛ ɛ́sẅíi wɛ́k.»

Jɑ̂ŋ 10:31

Pɑyúdɑ pɛn ńdɑk mɛŋɡɔꞋ, nɛlɔk ńtɛ́mtɛ Yɛ́su ńjẅí.

Jɑ̂ŋ 11:19

nɛzɑ́ɑ pɑyúdɑ ɡɔ́ ḿbɔ́, mbɔ pɔ́p tɔ́ njɛ́Ꞌ-Mɑ́ktɑ pɔ́p Mɑlíyɑ, nɛzíi ŋki-mík mɔ́p, ntɛ́ mɔ́ɔmɑ́ wɔp ẅí ɑ kɑ pfúnɛ.

Jɑ̂ŋ 2:18

Pɑsɑ́Ꞌlɑ́Ꞌ-pɑyúdɑ ɡɔ́ɔ ŋ́kɛ́ ńcú mbɔ̌ Yɛ́su ŋɡɔ: «Gɛ ndɑɑkɑ́jʉ́ɔ nu mbi pɛk ńdɔk ńnyɛt wɛ́k ŋɡɔ pɛ́ kɑ ɡɑ́ wú nɛ́ mɛtʉʉ nɛɡɛ yúu mi ɔ ɡɛnɛ lɑɑ.»

Jɑ̂ŋ 2:20

Pɔ́p cú mbɔ̌ wɛ́ ŋɡɔ: «Pɛ́ kɑ lɔk ŋɡuꞋ ntsɔ̌pɛ́nɛ́ntúkú nɛ́ mɛɡɛ́mɛ́nɛ́kwɑ, ŋ́kút ndɑ́-nɔŋpɔꞋ yɔ, ŋ́ɡʉ nǔu ɡu, ɔ cú ŋɡɔ mbɔ́ ɔ lɔk lɛ́Ꞌ pɛtɑ́t ḿbʉꞋ ńtík ɔɔ?»

Jɑ̂ŋ 5:10

Pɑsɑ́Ꞌlɑ́Ꞌ-pɑyúdɑ cú mbɔ̌ ŋu ẅí ɑ fíitɛ́nɛ lɑ́ ŋɡɔ: «Ɔ kɑ́ ɡẅɛɛ nɛtíi mɑ́tɑ ńdɔk ńnɛn pɑ́Ꞌɑ pɔ́. MbíꞋŋɡɔ yɔ lɛ́Ꞌnji.»

Jɑ̂ŋ 5:15

Ŋu wɑ́ ɡʉ ɛ́sẅíi pɑsɑ́Ꞌlɑ́Ꞌ-Pɑ́yúdɑ ŋɡɔ ŋu ẅí ɑ kɑ zɔŋnɛ wɛ́ lɑ́, kɑ pɔ́ Yɛ́su.

Jɑ̂ŋ 5:16

Pɔ́p zúꞋ pɔ́Ꞌɔ, ńzɛ nɛpɑɑ Yɛ́su, mbíꞋŋɡɔ ɑ lɑ́Ꞌ ŋ́ɡɛ yɔ nu, lɛ́Ꞌnji yɔ́p.

Jɑ̂ŋ 5:18

Ɛ́ fú ŋkɑ́ ɛ̂yɑ́, pɑyúdɑ mɛkŋɛ ŋ́ɡɑ́Ꞌ nɛlɔɔ yúu mi pɔ́p ɡʉ ɛ́fú nǔu ńjẅí Yɛ́su, mbíꞌŋɡɔ ɑ ŋkɑɑ fɑɑnɛ pɔ nɛpʉ́ʉ lɛ́Ꞌnji yɔ́p ndɑꞋ pɔ́, ɑ kɑ pɛn ḿbɔ́ ńcú ŋɡɔ Sɛ́ kwɑꞋ Tɑ́t wɛ, ńdɔk pɔ́Ꞌɔ, ńcú ŋɡɔ pɔ́p Sɛ́ pɔ́ pɔ ndʉ́ŋndʉŋ.

Jɑ̂ŋ 6:41

Pɑyúdɑ ɡɔ́ɔ ŋ́kɛ́ ńzɛ nɛcútɛ nzʉʉ Yɛ́su, mbíꞋŋɡɔ ɑ cú ŋɡɔ ɑ yúujʉ́ yi ɛ́ fúnɛ tʉ́nɛ́pú.

Jɑ̂ŋ 6:52

Ńcú pɔ́Ꞌɔ, pɑsɑ́Ꞌlɑ́Ꞌ-Pɑyúdɑ pɔ́ ńzɔŋ tsɛtsɛt pɔ́p tɛꞋ ńcú ŋɡɔ: «Ŋu wɑ́ ɡʉ ŋ́ɡɛ ŋɡɔ́ku lɑ́ ŋ́ɡɑ́ mbɑp-mbʉʉ yɛ pɛkŋɛ kwɛ́t?»

Jɑ̂ŋ 7:1

Yɔ nu lɛɛ, Yɛ́su pɔ́ pɔ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́kɑ́t ńnɛn, ɑ pɔɔ ḿbɔ́ ŋ́kɔŋ nɛɡʉ tsɛt pɑk-ŋɡɔŋ-Judɛ̂ pɔ́, mbíꞋŋɡɔ pɑsɑ́Ꞌlɑ́Ꞌ-pɑyúdɑ kɑ pɔ́ ńdɔɔ nɛjẅí wɛ́.

Jɑ̂ŋ 7:11

Pɛ́ pɔ́ tɛ ḿbɔ́ ńjʉ́ ndínɑ, pɑsɑ́Ꞌlɑ́Ꞌ-pɑyúdɑ pɔ́ ŋ́kɑ́t ńdɔɔ wɛ́, ḿbíkŋɛ ŋɡɔ: «Yɛ́su pɔ́ pɔ ɡɔ́?»

Jɑ̂ŋ 7:15

Ɛ́ kʉꞋnɛ pɑyúdɑ, pɔ́p cú ŋɡɔ: «A ɡɛ ŋɡɔ́ku ńjí ŋwɑꞋnɛ-ndɛn kɑɑ pɑ́Ꞌɑ, lɑ́ mbɔ ɑ ŋkɑɑ sɛkút zíꞋ?»

Jɑ̂ŋ 8:22

Pɑyúdɑ zúꞋ pɔ́Ꞌɔ, ńcú ŋɡɔ: «Jʉ́ ɡʉnɛ ńjẅí mbʉʉ yɛ kɛkʉ̈ɔ́? MbíꞋŋɡɔ ɑ cú ŋɡɔ: “Pʉʉ kɑ́ kuꞋ nɛɡʉ zʉꞋ yi ŋ ɡʉnɛ nɛ́ zúꞋu pɔ́.”»

Jɑ̂ŋ 8:48

Pɑyúdɑ cú mbɔ̌ Yɛ́su ŋɡɔ: «pɛk lɑɑ ɛ́fúŋ wú ŋɡɔ ŋu-Sɑmɑlîi, mbɔ pɛk kɑ́ ɛ́fɑɑnɛ pɔ́. Mbɑ nɛcú ŋɡɔ zẅikŋɛ kɛpɔŋ nǔu wu.»

Jɑ̂ŋ 8:52

Pɑyúdɑ cú mbɔ̌ Yɛ́su ŋɡɔ: Ɛ́ nǔu ŋkɔ̂ɔnɛ, mbɔ pɛk jí ŋɡɔ zẅikŋɛ kɛpɔŋ nǔu ɡu. Ábɛlɛhɑ̂m kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfú yɔ́p, ɔ pɛn ḿbɔ́ ńcú ŋɡɔ: Ŋu lɑɑ ńnɛn nǔu sẅiŋɛ yú, mbɔ ɑ kɛ́ lɑ́Ꞌ ḿpfú pɔ́.

Jɑ̂ŋ 8:57

Pɑyúdɑ cú mbɔ̌ Yɛ́su ŋɡɔ: Gu ẅí ɔ zɛɛ ḿbɛ́t pɔ kɛ́ ɡẅɛɛ ŋɡuꞋ mɛɡɛ́mɛ́ntɑɑ, ɔ kɑ jʉ́ɔ Ábɛlɛhɑ̂m?

ŊwɑꞋnɛ-Gɑŋntúu Yɛ́su Kɛlístɔ 13:25

Jɑ̂ŋ ɡɛ ńtsʉ́Ꞌ nɛmɛkŋɛ fɑꞋ yɛ́, ḿbíkŋɛ lɑ́Ꞌ ŋɡɔ: «Pʉʉ pɑꞋnɛ ḿbɔ́ ŋ́kwɑŋɛ ŋɡɔ mɔ wɔ̌? Ŋ kɑ́ pɔ́ Nzɑ́Ꞌŋkʉ puꞋ pɔ́! Pʉʉ kɛ ńzúꞋ sʉ́Ꞌnɛ, ɑ nzʉʉ mɔ ḿbɔ́ ńtɔ́. N zɛɛ ḿbɔɔ kuꞋ ŋu ẅí ɛ́ lɑɑ ḿbɔ́ ŋ kíɛꞋ ŋkʉ-mɛtɑp mɛ́ pɔ́.»

ŊwɑꞋnɛ-Gɑŋntúu Yɛ́su Kɛlístɔ 19:4

Pɔ̂l cú mbɔ̌ pɔ́p ŋɡɔ: «Jɑ̂ŋ kɑ pɔ́ ńnuꞋ pʉɔ ŋki ńdɔk ńnyɛt ŋɡɔ pɔ́p pɛ́m nɛkúpmɛ mɑt, lɑ́ ŋ́kɛ́ ḿbɔ́ ńcú mbɔ̌ lɑ́Ꞌ ŋɡɔ pɔ́p zɑ́p tʉ́m yɔ́p nǔu ŋu ẅí ɑ nzʉʉ yɛ́ ḿbɔ́ ńtɔ́, ńcú pɔ́Ꞌɔ, ŋɡɑŋ pɔ́ Yɛ́su.»

1 Jɑ̂ŋ 1:5

Nu yi Yɛ́su Kɛlístɔ kɑ sẅíinɛ wɛ́k, ɛ́ yɔ yi pɛk ɡʉ ɛ́sẅíinɛ wʉ́ʉ lɑɑ. A kɑ cú ŋɡɔ: «Sɛ́ pɔ́ pɔ kyɛꞌ, mbɑ mɔ́zʉꞋ nzɛ́nzʉ́ʉ kɑ́ pɔ́ nǔu ŋɡɛnɛ mɛnu mɛ́ pɔ́.»