Jɑ̂ŋ 1:11 - Kɑɑ Fí

¹¹ Ɛ́ kɑ tɔ́ kwɑꞋ ŋɡɔŋ pɔ́p, pʉɔ-ŋɡɔŋ wɔ́p pɔɔ wɛ́ kúkŋɛ.

Jɑ̂ŋ 1:11 Кръстосани препратки

Mɑtʉ̈ɔ 15:24

Yɛ́su cú yɛ́ ŋɡɔ: «Sɛ́ kɑ túu wɑ́ɑ pɔ ndɑꞋ mbɔ̌ pɑíslɑyɛ̂l pɔ́p púunɛ pɑ́Ꞌ mɛnjinjɔ mí ɛ́ kɑ pɛ́nɛ tsɛt njẅɛtndɑ́-pɑíslɑyɛ̂l.»

Lúkɑ́shi 19:14

Ŋ́ɡɔ́ɔ ŋ́kɛ́ ŋ́ɡʉ. Lɑ́, pɑlɑ́Ꞌ ɛ̂pɑ́, lɔk pɑꞋ pɔ́p kɑ pɔ́ ḿbɑɑ wɛ́ pɑɑnɛ, ńtúu pʉɔ zʉꞋ yi ɑ ɡʉnɛ́ nɛ́ zúꞋu, ŋɡɔ pɔ́p ɡʉ ńcú ŋɡɔ: «Pɛk kɑ́ pɔ́ ŋ́kɔŋ ŋɡɔ ŋu wɑ́lɑ́ sɑ́Ꞌ wɛk pɔ́.»

Jɑ̂ŋ 1:10

Jʉ́ sẅiŋɛ m̄bɔ́ ndǔmbí, lɑ́ pʉɔmɛsɔŋ kɛ́ mbɔɔ wɛ́ jí. Lɑ mbɔ Sɛ́ kɑ lɔk pɔ sẅiŋɛ ɛ̂yɑ́ lɑ ḿbuꞋ ŋɡɔŋ.

Jɑ̂ŋ 1:12

Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.

Jɑ̂ŋ 19:27

Ḿbɛn ńcú mbɔ̌ ŋɡɑŋku wɛ wɑ́ ŋɡɔ: «Mɑ́ wu pʉ́ɔlɑ́.» Ɛ́ fú ŋkɑ́ ɛ̂yɑ́, ŋɡɑŋku wɛ wɑ́ lɔk mɑ́ pɛ́ Yɛ́su ŋ́ɡʉ nɛ́ njɛ́Ꞌ yɛ.

Jɑ̂ŋ 3:32

A cú nu yí ɑ jínɛ nǔu yúu mi ɑ kɑ jʉ́ɔnɛ mbɑ yi ɑ kɑ zúꞋnɛ, lɑ́ ŋu pɔɔ pɛ́m.

ŊwɑꞋnɛ-Gɑŋntúu Yɛ́su Kɛlístɔ 13:26

Pɔ̂l pɛn ńcú ŋɡɔ: «Pɔ́ɔpɛ́mɑ́, Sɛ́ cú yɔ nu pɔ mbɔ̌ pɛkŋɛ pɛtsʉʉ. Ɛ́ nɛlɔk ŋ́ɡɛ pɛkŋɛ luk. A túu yɔ nu mbɔ̌ pʉʉ ẅí pʉʉ pɔ́ɔ-Ábɛlɛhɑ́m, mbɑ mbɔ̌ pʉʉ ẅí pʉʉ pɔ́knɛ Sɛ́.»

ŊwɑꞋnɛ-Gɑŋntúu Yɛ́su Kɛlístɔ 13:46

Pɔ̂l pɔ́p Pɑnɛpɑ́ɑshi ɡɔ́ɔ ɛ́sɑ́ɑnɛ sɑ́ɑnɛ́nɛ ńcú mbɔ̌ pɔ́p ŋɡɔ: «Pɛk ŋ́kɛ́ zɛɛ ŋ́ɡẅɛɛ nɛpiitɛ ɛ́sẅíi nu-Sɛ́ pɔ mbɔ̌ pʉʉ pɑyúdɑ. Pɑ́Ꞌ pʉʉ kɛ́ ńdʉꞋ lʉꞋnɛ, ńnyɛt ŋɡɔ pʉʉ kɑ́ kuꞋ pɑ́Ꞌ ḿbɔ́ pʉʉ ɡẅɛɛ luk kɛ́mɛ pɔ́ lɑ́, pɛk ɡʉ ɛ́shɔtnɛ ŋ́ɡʉ ńdɔɔ pʉɔ pí pɔ́p kɑ́ pɔ́ pɑyúdɑ pɔ́,

ŊwɑꞋnɛ-Gɑŋntúu Yɛ́su Kɛlístɔ 21:6

ńdɛɛmɛ, pɛk ɡɔ́ ŋ́kúu tsɛt mɑ́mɑ́ kɑnúꞋ, pɔ́p pɛn nɛ́ mɛnjɛ́Ꞌ mɔ́p.

Pʉɔ-Lɔ́mɑ 15:8

Ɛ́ yúu mi ɛ́ kɑ ɡɛnɛ Kɛlístɔ tɔ́ ɛ́fɑꞋ mbɔ̌ pɑyúdɑ, nɛɡɛ mɛnu mi Sɛ́ kɑ kɑꞋnɛ mbɔ̌ pɛmɑ̂ɑŋɡɑpnjẅɛt pɔ́p puutɛ. Ndʉ́ŋndʉŋ pɑ́Ꞌ mbɑ kʉ̈ɔ́ lɑ́ yi Sɛ́ cúnɛ ŋ́kɛ́ ḿbuutɛ puutɛ́nɛ.

Pʉɔ-Lɔ́mɑ 9:1

Nu yi ŋ ɡʉ ńcú lɑɑ, ɛ́ nɛ́nẅín. Pɑ́Ꞌ ŋ kɑ lɑt mɔ́ mbʉʉ nǔu Kɛlístɔ lɑ́, ŋ kɑ́ pɔ́ ŋ́ɡʉ ɛ́sẅíi cɔtnu pɔ́. Zẅikŋɛ Lɛ́ɛnɛ́nɛ sɛ́ ŋ́ɡɛ tʉ́m yɑ́ɑ sẅíi wɑ́ɑ ŋɡɔ nu yi mɔ ńcú ɛ́ nɛ́nẅín.

Pʉɔ-Lɔ́mɑ 9:5

Pɛ́ mɑ̂ɑŋɡɑpnjẅɛt pɔ́p kɑ cẅɛt nǔu njẅɛt-Ábɛlɛhɑ̂m. Kɛlístɔ ẅi ɑ Sɛ́, kɑ cẅɛt yɛ́ nǔu yîyɑ́ njẅɛt, ŋkɑ́ yi pɛ́ kɑ pínɛ wɛ́ ɑ pɔ́ ŋumɛsɔŋ. A lɛɛ mbɑ kʉ̈ɔ́ lɑ́. Mbɔ́tnɛ pɔ́ nǔu wɛ́ mɛŋɡuꞋ mɛŋɡuꞋ. Ɛ́ pɔ́Ꞌɔ.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.