Jɑ̂k 5:15 - Kɑɑ Fí

¹⁵ CɛꞋlɛ yi pɛ́ ɡɔ́ ŋ́ɡɛ, ńzɑ́p tʉ́m nǔu Sɛ́, ɛ́ ɡɛ ɑ fíitɛ. Tsɑpʉɔ pʉꞋ wɛ́, ḿbɔ́ yi ɑ kɑ zɛɛ ŋ́ɡɛ pɔ nu kɛpɔŋ, mbɔ Sɛ́ ɡʉ ńdikŋɛ mɛnu kɛpɔŋ mɛ́ ŋ́ɡɑ́ mbɔ̌ wɛ́.

Jɑ̂k 5:15 Кръстосани препратки

Mɑtʉ̈ɔ 17:20

A pʉ̈ɔt mbɔ̌ pɔ́p ŋɡɔ: «Ɛ́ pɔ́Ꞌɔ, mbíꞋŋɡɔ pʉʉ zɑ́p tʉ́m nǔu Sɛ́ pɔ mɔ́zʉꞋ ŋɡɔ pítɛ. Pʉʉ lɑɑ sǐi ńzɑ́p tʉ́m yʉ́ʉ nǔu Sɛ́ ɛ́ kʉ̈ɔ́k pɔ mɔ́zʉꞋ pɑ́Ꞌ nɛsɑɑ-sɛ́súk, mbɔ ɛ́ lɑɑ ḿbɔ́ pʉʉ cú mbɔ̌ nɛŋkɔ́Ꞌ nɔ ŋɡɔ: “Tsɔ́Ꞌnɛ ŋ́ɡʉ ńtʉ́ʉ zíꞋnɛ, ɛ́ ɡʉ ńtʉ́ʉ zúꞋu. Mbɔ ɛ́ lɑɑ ḿbɔ́ yɛcɔ́ nu pɔɔ lɑ́Ꞌ ńtsɑ wʉ́ʉ pɔ́.”» [

Jɑ̂ŋ 5:14

Yɛ́su ɡɛ ńjʉ́ɔ wɛ́ tsɛt ndɑ́-nɔŋpɔꞋ, ńcú mbɔ̌ wɛ́ ŋɡɔ: «Ɔ lɑ́Ꞌ ɛ́fíitɛ sʉ́Ꞌnɛ, kɔɔ lɑ́Ꞌ ḿbɛn ŋ́ɡɛ nu kɛpɔŋ ḿbɔ́k yɛcɔ́ ŋɡʉ̈ɔ́Ꞌ nɛpɛn ŋ́kúu wú, tɛ ńtsɑ yi ɔ kɑ zɛɛnɛ ḿbɔ́ tsɛtú.»

Jɑ̂ŋ 6:39

Yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, ɛ́ pɔ́ pɔ ŋɡɔ kɔɔ mɔ nɑ́ tɛ wɛcɔ́ tɑ́Ꞌ nǔu pʉɔ pí ɑ kɑ ɡɑ́nɛ mbɔ̌ mɔ pɛ́. Ndẅiknzʉʉ lɛ́Ꞌlɑ́Ꞌ ńdɑ́Ꞌ ḿbɔ́, n zẅíimɛ wɔ́p nǔu nɛvú.

1 Kɔlɛ̂ŋtɛ 1:21

Ɛ́ pɔ́Ꞌɔ, pɑ́Ꞌɑ mbíꞋŋɡɔ pʉɔmɛsɔŋ ŋkɑɑ lɔk yɔ́p jínu ńjí Sɛ́ pɔ́, tɛ mbɑ pɑ́Ꞌ Sɛ́ sɑ́ɑnɛ sɑ́ɑnɛ́nɛ ńnyɛt jínu yɛ́. Ɛ́ yúu mi ɛ́ kɑ ɡɛnɛ Sɛ́ zɑ́p ŋɡɔ ɑ ɡʉ ŋ́ɡɛ pʉɔ pi pɔ́p zɑ́pnɛ tʉ́m nǔu wɛ́ luk, ɛ́fú nǔu yɔ nu yi pɛkŋɛ sɛ́ ńcú lɑ́, pʉɔ pɔ́ ńjʉ́ɔ ŋɡɔ ɛ́ pɔ́ pɔ mɛnu pɑ́lɛ́ lɑɑ.

2 Kɔlɛ̂ŋtɛ 4:14

ḿbɔ́ ńjí ŋɡɔ Sɛ́ ẅi ɑ kɑ ɡɛnɛ Tsɑpʉɔ Yɛ́su zẅíimɛ nǔu nɛvú, ɡʉ ŋ́ɡɛ ḿbɛn ŋ́ɡɛ pɛkŋɛ zẅíimɛ yɛkŋɛ, mbíꞋŋɡɔ pɛkŋɛ lɑt mbʉʉ nǔu Yɛ́su, Sɛ́ ɡɛ pɛkŋɛ pɛ́tsʉʉ cẅɛt, pɛkŋɛ pɛ Yɛ́su cúꞋlɛ.

Jɑ̂k 1:6

Lɑ́ ŋɡɑŋ kɛ ńtsʉ́Ꞌ nɛlɔ́ɔ, ńzɑ́p tʉ́m yɛ́ nǔu Sɛ́ kɛ́ pɔ́ ḿmʉ́Ꞌtɛ, mbíꞋŋɡɔ ŋu ẅí ɑ mʉꞋlɛ́nɛ, ɑ pɔ́ pɔ pɑ́Ꞌ kɑnúꞋ ẅi ɛ́ tʉ́ʉnɛ ndǔ ŋki, fɛfʉ̈ɔt pɔ́ ńdɔk ḿbʉʉ, ńdɔk ńcúŋ lɑ́.

Jɑ̂k 5:13

Ŋu wʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, ɑ púꞋ mbɔ́ mbɔ̌ Sɛ́. Ŋu lɑɑ ḿbɔ́ ńtsɑ́ɑtɛ ɑ zɔp mɛzɔpŋki ńdɔk ŋ́ɡúꞋlɛ Sɛ́.

Jɑ̂k 5:16

Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.

Jɑ̂k 5:20

jínɛ ŋɡɔ ŋu ẅí ɑ tíknɛ wɛ́ tɛ ɑ fú nǔu sɛ̂ndúŋ kɛpɔŋ cẅɛt, ɡʉ ŋ́ɡɛ ɑ luk. Ɛ́ lɛɛ pɔ́Ꞌɔ, Sɛ́ likŋɛ mɛnu kɛpɔŋ mɛ tɛ ɛ́ zɑ́ɑ zɑ́ɑnɛ.