Jɑ̂k 5:13 - Kɑɑ Fí

¹³ Ŋu wʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, ɑ púꞋ mbɔ́ mbɔ̌ Sɛ́. Ŋu lɑɑ ḿbɔ́ ńtsɑ́ɑtɛ ɑ zɔp mɛzɔpŋki ńdɔk ŋ́ɡúꞋlɛ Sɛ́.

Jɑ̂k 5:13 Кръстосани препратки

Mɑtʉ̈ɔ 26:30

Ŋ́ɡɛ pɔ́Ꞌɔ, pɔ́p pɛ́pɔ́p ɡɔ́ɔ ŋ́kɛ́ ńzɔp mɛŋki ńdɔk ŋ́ɡúꞋlɛ Sɛ́, ŋkɑ́ kuꞋ pɔ́p cẅɛt, ŋ́ɡʉ nɛ́ ndǔ nɛŋkɔ́Ꞌ-mɛtʉ́-mɛɡwɛ́t-ɔliivɛ.

Lúkɑ́shi 22:44

Nɛvú pɔ́ ŋ́kwɛ́t wɛ́, ɑ ŋ́kẅiꞋ ńcɛꞋlɛ Sɛ́ ńníꞋ tú, tɛ ziꞋnɛ tsʉ́Ꞌnɛ ńcẅɛt nǔu wɛ, ńcʉ́ɔtɛ sɛ́, ɛ́fí pɔ mɛtyɑk-mɛci lɑ́.

Lúkɑ́shi 23:42

A kɑkŋɛ wɛ́ pɔ́Ꞌɔ, ḿbɛn ḿbúꞋ mbɔ́ mbɔ̌ Yɛ́su ŋɡɔ: «Yɛ́su, ɔ lɑɑ ńdɑ́Ꞌ ńtɔ́ nǔu nɛfɔɔ nú, ɔ pɑ́ɑ nɛlikŋɛ wɑ́ɑ.»

1 Kɔlɛ̂ŋtɛ 14:15

Tɛ ɛ́ pɔ́Ꞌɔ, pɑ́Ꞌɑ ḿbɔ́ ŋ ɡɛ ŋɡɔ́ku? N jʉ́ɔ ŋɡɔ ŋ ɡʉ ńcɛꞋlɛ Sɛ́ nǔu ntɛ́ yi Zẅikŋɛ-Sɛ́ ńtsʉ́ʉnɛ́nɛ wɑ́ɑ ŋɡɔ n cɛꞋlɛ pɔ́Ꞌɔ, lɑ́ ḿbɛn ńcɛꞋlɛ nǔu ntɛ́ yi ḿbɔ́ ŋu zúꞋ nu yi n cúnɛ. Ŋ ɡʉ ńzɔp ŋki nǔu ntɛ́ yi Zẅikŋɛ Sɛ́ ńtsʉ́ʉnɛnɛ wɑ́ɑ ŋɡɔ n zɔp pɔ́Ꞌɔ, lɑ́ ḿbɛn ńzɔp nǔu ntɛ́ yi mbɔ ŋu zúꞋ yúu mi zɔp cúnɛ,

1 Kɔlɛ̂ŋtɛ 14:26

Pɔ́ɔpɛ́mɑ́ pɑ́ɑ pɑ́Ꞌ ɛ́ pɑ́Ꞌɑ lɑɑ pɛkŋɛ ɡɛ ŋɡɔ́ku? Pʉʉ lɑɑ ḿbɔ́ tɛ ńcúꞋlɛ, ŋu wʉʉ ɡẅɛɛ zɔp ŋki ɑ zɔp, ŋu ɡẅɛɛ yúu mi ɑ ɡʉ ńzíꞋ pɛcɔ́ pʉɔ, ɑ zíꞋ, ŋu ɡẅɛɛ yúu mi Sɛ́ sɛ́ ńnyɛt wɛ́, ɑ cú, ŋu ɡẅɛɛ nu yí ɑ ɡʉ ńcú nɛ́ sẅiŋɛ yi pɛ́ kɑ́ pɔ́ ńjí pɔ́ ɑ cú, ŋu ɡẅɛɛ nɛkyɛ́Ꞌtɛ ɑ kyɛ́Ꞌtɛ. Lɑ́ ɛ́ sɛ́ ḿbíkŋɛ ŋɡɔ mîmɑ́ mɛyúu tsʉʉ cẅɛ́lɛ́ nɛlɔk ŋ́ɡɛ cúꞋlɛ-pʉɔ-Kɛlístɔ tsʉʉ kẅiꞋ ńzɑ́p tʉ́m nǔu Sɛ́.

Ɛ́fɛ̂zɛ 5:19

Pɔ́Ꞌɔ lɑ́, pʉʉ pɔ́ ńzɔp mɛzɔpŋki mi ɛ́ tsɛt ŋwɑꞋnɛ ńdɔk ńníꞋ mɛtʉʉ-mɛmbʉʉ mʉ́ʉ, ńzɔp mɛzɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ níꞋnɛ tʉ́m pʉʉ. Pʉʉ zɔp ŋ́ɡúꞋlɛ Tsɑpʉɔ nɛ́ ŋɡɔŋ tʉ́m yʉ́ʉ tsʉʉ.

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

Jɑ̂k 5:10

Pɔ́ɔpɛ́mɑ́ pɑ́ɑ, pʉʉ pɛ́ɛ fʉꞋ nǔu pɛŋɡɛ́mndʉ̈ɔ́Ꞌ-Sɛ́ pi pɔ́p ḿbɔ́ ńcú nu nǔu lík-Tsɑpʉɔ. Nǔu nɛsʉk ŋɡʉ̈ɔ́Ꞌ, mbɑ nǔu nɛlɔk kɔkmbʉʉ ńzẅíꞋlɛ yúu.

Mɛnu ɛ́ ńdɑ́Ꞌ ńcẅɛt 14:3

Pɔ́p tʉ́ʉ mbi kɔꞋ-nɛfɔɔ, mbɑ mbi mɛyúumɛku mɑ́ mɛ́nɛ́kwɑ mbɑ mbi pɛlʉ́m pîpɑ́, ḿbɔ́ ńzɔp yɛcɔ́ zɔp ŋki fí, ɛ́ pɔɔ pɔ́ pɔ ndɑꞋ pʉɔ ntsɑ́Ꞌ ŋkʉ nɛ́ ntsɑ́Ꞌ ntsɔ̌pɛ́nɛ́kwɑ nɛ́ mɛɡɛ́mɛ́nɛ́kwɑ (144.000) pi pɛ́ kɑ tsúꞋnɛ wɔ́p ndɑ́-kwɑɑ ndǔ tsɛ́tsɑ́Ꞌ pɔ́, mbɔ wɛcɔ́ ŋu ŋ́kɑɑ pɔ́ ɡú tɛ ŋ́kuꞋ nɛzíꞋ yîyɑ́ zɔp ŋki tɛ ńzɔp pɔ́,

Mɛnu ɛ́ ńdɑ́Ꞌ ńcẅɛt 7:10

ḿbɔ́ ńdɔk ŋɡi tɛnnɛ ńcú ŋɡɔ: «Luk fú mbɔ̌ Sɛ́ wɛkŋɛ ẅí ɑ nɑ́ŋnɛ ndǔ kɔꞋ-nɛfɔɔ mbɑ mbɔ̌ Mɔ́ɔ-Njinjɔ.»