Jɑ̂k 4:7 - Kɑɑ Fí

⁷ Pɔ́Ꞌɔ lɑ́! Pʉʉ nɔɔ sɛ́ mbi Sɛ́, ńdʉꞋ Sɑttɑ, ɑ fú nɛjɔ́ŋ pʉʉ kʉ̈ɔ́.

Jɑ̂k 4:7 Кръстосани препратки

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

ŊwɑꞋnɛ-Gɑŋntúu Yɛ́su Kɛlístɔ 26:19

«Nɑɑ kɛ́mɑꞋ fɔɔ Aŋɡɛlípɑ, ɛ́ kɑ fú pɔ́Ꞌɔ, mɔ ŋkɑɑ mɔ tʉʉ tú nǔu nu yi Sɛ́ kɑ ŋíɛꞋnɛ mík mɑ́ɑ zúꞋ pɔ́.

ŊwɑꞋnɛ-Gɑŋntúu Yɛ́su Kɛlístɔ 9:6

Lɑ́, kɛ ńdɔ sɛ́ ŋ́ɡʉ nɛ́ tʉ́sɔŋ. Ɔ ɡʉ ŋ́kúu zúꞋu, pɛ́ sẅíi wú nɛ́ yúu mi ɛ́ sɛ́ ḿbíkŋɛ ŋɡɔ ɔ ɡɛ.»

Pʉɔ-Lɔ́mɑ 10:3

Ɛ́ pɔ́ mbíꞋŋɡɔ pɔ́p kɑ́ pɔ́ ŋ́kɔŋ nɛpɛ́m ntɛ́ yi Sɛ́ lɔknɛ ŋ́ɡɛ pʉɔ pɔ́ ndʉ́ŋndʉŋ mbi yɛ́ pɔ́ mbɑ mbíꞋŋɡɔ pɔ́p lɔɔ pɔ wɔp sɛ̂ndúŋ. Pɔ́p kɑ́ pɛ́m sɛ̂ndúŋ ẅi Sɛ́ fúnɛ nǔu ŋɡɔ pʉɔ pɔ́ ndʉ́ŋndʉŋ mbi yɛ́ pɔ́.

Pʉɔ-Lɔ́mɑ 14:11

MbíꞋŋɡɔ ɛ́ tsɛt ŋwɑꞋnɛ-Sɛ́, ḿbɔ́ ŋɡɔ: «Mɔ Tsɑpʉɔ ẅí ɑ ntʉʉ cúnɛ ŋɡɔ: Pʉɔmɛ́sɔŋ tɛ ḿmɛ ɡʉ ńdɑ́Ꞌ ŋ́kẅíꞋlɛ mbi mɔ. Mbɑ wɔ̌ lɑ́ tsɔ́Ꞌ ntsu wɛ́, ɛ́sɑ́ɑnɛ sɑ́ɑnɛ́nɛ ḿbɛ́m ŋɡɔ mɔ Sɛ́.»

Ɛ́fɛ̂zɛ 4:27

Pʉʉ pɑ́ɑ nɛɡɑ́ shʉ́ lɔk ŋ́ɡẅɛɛ wʉ́ʉ mbɔ̌ Sɑ́ttɑ.

Ɛ́fɛ̂zɛ 5:21

Pʉʉ lɔk pɑ́Ꞌ pʉʉ ɡɑ́nɛ mbʉʉ yʉʉ sɛ́ mbi Kɛlístɔ, mbɑ wɔ̌ lɑ́ ɡɑ́ mbʉʉ yɛ sɛ́ mbi mɔ́ɔmɑ́ wɛ.

Ɛ́fɛ̂zɛ 6:13

Ɛ́ yúu mi ɛ́ ɡɛnɛ lɑ ɛ́ pɔ́ ḿbíkŋɛ ŋɡɔ, pʉʉ tíi yúu-ntsɔ-Sɛ́ pɔ tsʉʉ, lɑ ŋ́kuꞋ nɛpɔ́ yi lɛ́Ꞌlɑ́Ꞌ kɛpɔŋ ɡʉ ńtɔ́, pʉʉ mɑꞋ ntsɔ mɛshʉ́ mɛshʉ́ tɛ ńnɑꞋ cí, ŋ́kɛ́ ḿbɔɔ nuklɛ.

Ɛ́bɛlʉʉ 12:9

Pɑ́Ꞌ pɛtɑ́t pɛkŋɛ pɛ́ ndǔ tsɛ́tsɑ́Ꞌ kɑ pɔ́ ŋ́kɑkŋɛ wɛkŋɛ, pɛkŋɛ zúꞋ ntsu wɔ́p lɑ́, tɛ ŋkɑ́ yɛsʉ́Ꞌ pɑ́Ꞌ pɛkŋɛ ɡʉ ńnɔɔ sɛ́ mbi Tɑ́t wɛkŋɛ ẅi ɑ tʉ́nɛ́pú, ɑ ɡɑ́ luk zúꞋu mbɔ̌ pɛkŋɛ?

1 Pyɛ̂ 2:13

Pʉʉ lɛɛ nǔu lík-Tsɑpʉɔ ńzúꞋ ntsu-pɑsɑ́Ꞌlɑ́Ꞌ pɛtsʉʉ. Pʉʉ zúꞋ ntsu-Kɑ́sɑ ẅí ɑ tʉ́ʉnɛ mbí pɑsɑ́Ꞌ lɑ́Ꞌ pɛtsʉʉ,

1 Pyɛ̂ 5:6

Pɔ́Ꞌɔ lɑ́ pʉʉ ɡɑ́ mbʉʉ yʉʉ sɛ́ mbi Sɛ́ ẅi ɑ ɡẅɛɛnɛ mɛtʉʉ, ɛ́ lɛɛ pɔ́Ꞌɔ, ɑ ɡɛ ḿbʉꞋ wʉ́ʉ nǔu ŋkɑ́ yi ɑ kɑ zɑ́pnɛ.