Jɑ̂k 4:6 - Kɑɑ Fí

⁶ Lɑ́, Sɛ́ kɑ lɑ́Ꞌ mɔ́ ŋ́ɡɑ́ fuꞋ níinɛ yʉkŋɛ, pɔŋtʉ́m yɛ́ nzʉʉ pɛkŋɛ ɡúꞋ ńdɛɛ kʉ̈ɔ́ lɑ́. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lʉꞋ pɑŋɑ́Ꞌlɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pí pɔ́p kɔknɛ mbʉʉ yɔp ŋ́ɡɑ́ sɛ́.»

Jɑ̂k 4:6 Кръстосани препратки

Mɑtʉ̈ɔ 13:12

Ŋu ɡẅɛɛ yúu, mbɔ pɛ́ ɡʉ ŋ́kẅiꞋ yɛcɔ́ mbɔ̌ wɛ́ ɑ lɔk ŋ́ɡẅɛɛ tɛ ɛ́ zɑ́ɑ. Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ ɡẅɛɛ yúu pɔ́, mbɔ pɛ́ ɡʉ ńcẅɛ́ɛ mɔ́zʉꞋ ẅí ɑ zɛɛnɛ ŋ́ɡẅɛɛ.

Mɑtʉ̈ɔ 23:12

Jínɛ ŋɡɔ, ŋu ŋ́ŋɑ́Ꞌ mbʉʉ yɛ, mbɔ Sɛ́ ɡʉ ŋ́kɔk wɛ́ ŋ́ɡɑ́ sɛ́, ŋu pɛn ŋ́kɔk mbʉʉ yɛ ŋ́ɡɑ́ sɛ́, mbɔ Sɛ́ ɡʉ ŋ́kɑꞋ wɛ́.

Lúkɑ́shi 1:52

A kɔk pɛfɔɔ ndǔ kɔꞋ-nɛfɔɔ nɔ́p ńtsẅíkŋɛ pɛpúŋ ndǔ.

Lúkɑ́shi 14:11

Ɛ́ pɔ́Ꞌɔ, lɑ́ m bɔ́ ŋɡɔ ŋu lɑɑ ŋ́ŋɑ́Ꞌ mbʉʉ yɛ, mbɔ Sɛ́ ɡɛ ŋ́kɔk wɛ́ ŋ́ɡɑ́ sɛ́, ŋ́kɛ́ ŋ́kɔk mbʉʉ yɛ ŋ́ɡɑ́ sɛ́, mbɔ Sɛ́ ɡɛ ḿbʉꞋ wɛ́ ńtík tíknɛ.»

Lúkɑ́shi 18:14

Yɛ́su mɑꞋ tú yɔ nu ŋɡɔ: «Tsʉ́nɛ ŋ kɛ sẅíi wʉ́ʉ, wɔ ńcẅɛ́ɛ ntsup kɑ ɡɔ́ ḿbɛn nɛ ndɑ́ yɛ, Sɛ́ pɔɔ pɛ́t ḿbɔ́ ńdɑ́Ꞌ wɛ́ pɔ́. Lɑ́, ŋ́ɡʉ nǔu ŋu-Pɑfɑlísɑy ɛ̂wɑ́, Sɛ́ kɛ ḿbɔ́ ńdɑ́Ꞌ wɛ́ lɑ́Ꞌnɛ. Ɛ́ pɔ́Ꞌɔ, lɑ́ ḿbɔ́ yi ŋu lɑɑ ŋ́ŋɑ́Ꞌ mbʉʉ yɛ, mbɔ pɛ́ ɡʉ ŋ́kɔk wɛ́, ŋ́kɔk mbʉʉ yɛ, mbɔ Sɛ́ ɡʉ ŋ́ŋɑ́Ꞌ wɛ́.»

Jɑ̂k 4:10

Pʉʉ kɔk mbʉʉ yʉʉ ŋ́ɡɑ́ sɛ́ mbi Tsɑpʉɔ, ɑ pʉꞋ wʉ́ʉ.

1 Pyɛ̂ 5:5

Ɛ́ ɡʉ nǔu pʉʉ ɡúu pɔ́ɔsuu, pʉʉ ɡɑ́ mbʉʉ yʉʉ sɛ́ mbi pɑcẅɛ́ɛmbi tsɛt cúꞋlɛ, ŋ́ɡʉ nǔu pʉɔ tsʉʉ, kɔɔ pʉʉ pɔ́ ŋ́ɡɛ yɛcɔ́ yúu, tɛ ŋu wʉʉ kwɑŋɛ ŋɡɔ ɑ lɛɛ wɛcɔ́. MbíꞋŋɡɔ ŋwɑꞋnɛ-Sɛ́ cú ŋɡɔ: Sɛ́ lʉꞋ pɑŋɑꞋtɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pi pɔ́p kɔknɛ mbʉʉ yɔp ŋ́ɡɑ́ sɛ́.