Jɑ̂k 4:16 - Kɑɑ Fí

¹⁶ Lɑ́ pʉʉ tsɛm pɔ nzɔꞋ yʉʉ, ńcú pɔ mɛnu mí pʉʉ ɡʉ ŋ́ɡɛ ŋ́ɡɛ. Yîyɑ́ ntɛ́ nɛŋɑ́Ꞌlɛ kɑ́ pɔŋ.

Jɑ̂k 4:16 Кръстосани препратки

1 Kɔlɛ̂ŋtɛ 5:6

Ɛ́ kɑ́ pɔŋ ŋɡɔ pʉʉ ŋɑ́Ꞌlɛ nɛ́ yîyɑ́ ntɛ́ nu tsɛtsɛt pʉʉ pɔ́. Pʉʉ kɑ pɔ́ ńjí ŋɡɔ mɔ́zʉꞋ fɛntɛ ɡɛnɛ fɑlîn tsɛpnɛ kɔ́Ꞌ pɔ́ kɛ?

Jɑ̂k 3:14

Lɑ́ ŋ́kɛ́ ḿbɔ́ yi pʉʉ lɑɑ ŋ́ɡẅɛɛ kɛ́ ɡʉ̈ɔꞋ ẅi ɛ́ kɑ ɡɑ́Ꞌ mɔ́ mbɑ nyɛt mbʉʉ tsɛt tʉ́m pʉʉ, kɔɔ pʉʉ pɛn ŋ́ŋɑ́Ꞌlɛ ŋɡɔ pʉʉ pɑjínu, kɔɔ pʉʉ lɔk cɔtnu, ḿbík nu nɛ́nẅín.

1 Jɑ̂ŋ 2:16

mbíꞋŋɡɔ mbɑ kʉ̈ɔ́ lɑ́ yi ɛ́ ndǔmbí, pɑ́Ꞌ yúu mi mbʉʉ-ŋu tsʉ́ʉnɛ́nɛ wɛ́ ɑ tsɑ́ɑ, pɑ́Ꞌ yúu mi ŋu zɑ́pnɛ lík yɛ́ nǔu ńtsɑ́ɑ nɛɡẅɛɛ, mbɑ yúu mi pʉɔmɛsɔŋ lɔknɛ ŋ́ŋɑ́Ꞌtɛ, mîmɑ́ mɛyúu kɑ́ pɔ́ ɛ́fú mbɔ̌ Tɑ́t wɛkŋɛ pɔ́, ɛ́ ɛ́fú pɔ ndǔmbí.

Mɛnu ɛ́ ńdɑ́Ꞌ ńcẅɛt 18:7

Ɛ́ lɑɑ ḿbɔ́ yi ɑ kɑ ɡúꞋ ŋɡɔ́ku lɑ́, ḿbɔ́ tsɛt yúu-mɛsuu ŋɡɔ́ku lɑ́, pʉʉ ɡɑ́ yɛ́ ŋɡʉ̈ɔ́Ꞌ pɔ ndɛnnú, ḿbɛn ŋ́ɡɛ ɑ lɑɑ nɛvú pɔ ndɛnnú. MbíꞋŋɡɔ ɑ kɑ pɔ́ ńcú tsɛt tʉ́m yɛ́ ŋɡɔ: A nɑ́ŋ ndǔ kɔꞋ-pɛmɑ́ɑ, ŋɡɔ ɑ kɑ́ pɔ́ mpfúk pɔ́, ŋɡɔ ɑ kɛ́ lɑ́Ꞌ yɛcɔ́ lɛ́Ꞌ lɑ ńdɑɑ nɛvú pɔ́,