Jɑ̂k 3:15 - Kɑɑ Fí

¹⁵ Yîyɑ́ ntɛ́ jínu kɑ́ pɔ́ ɛ́fú tʉ́nɛ́pú pɔ́. Ɛ́ pɔ́ pɔ yɛ́ ndǔ tsɛ́tsɑ́Ꞌ yɔ, ḿbɔ́ pɔ yɛ́ pʉɔmɛsɔŋ, ɛ́fú mbɔ̌ mɛzẅikŋɛ kɛpɔŋ.

Jɑ̂k 3:15 Кръстосани препратки

Lúkɑ́shi 16:8

Tɑ́fɑꞋ ɡɛ ńjʉ́ɔ ntɛ́ yi ŋɡɑŋfɑꞋ kɛpɔŋ wɛ lɔknɛ ńtɑ́ɑ zúŋ pɔ́Ꞌɔ, ńtsʉ́Ꞌ ḿbɛ́m pɛ́mnɛ ŋɡɔ jínu yɛ́ ɡú. Yɛ́su cú mbɔ̌ pɔ́p ŋɡɔ: «Ɛ́ nɛ́nẅín ŋɡɔ pʉɔ-mbí yɔ jí nɛtɑ́ɑ zúŋ ńdɔk niitɛ mɛnu tsɛtsɛt pɔ́p, ńdɛɛ pʉɔ pinɛ pɔ́p zɑ́pnɛ tʉ́m yɔ́p nǔu Sɛ́.»

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 8:44

Wʉʉ tɑ́t ɑ sɑ́ttɑ, pʉ́ʉ pɛn mbɔ̌ ŋ́kɔŋ nɛɡɛ yúu mi ɑ sɛ́ ńtsɑ́ɑ. Ɛ́ ɡʉ nǔu wɛ́, mbɔ tɛ ɛ́fú nzɛnɛ, ɑ pɔ́ pɔ njẅíŋu. A ŋkɑɑ mɔ́ ńnɛn tsɛt nu nɛ́nẅín pɔ́. MbíꞋŋɡɔ ɑ kɑ́ ɡẅɛɛ nu nɛ́nẅín tsɛt tʉ́m yɛ́ pɔ́, tɛ kɑ́ɑ mɔ́zʉꞋ. A pɔ́ tɛ ḿbɔ́ ńcɔt nu, ɛ́ pɔ́ pɔ kwɑꞋ sẅiŋɛ yɛ́, mbíꞋŋɡɔ ɑ ŋɡɑŋ cɔtnu, ḿbɔ́ ŋu ẅi jʉ́ kɑ nɔŋnɛ cɔtnu.

ŊwɑꞋnɛ-Gɑŋntúu Yɛ́su Kɛlístɔ 13:10

ńcú mbɔ̌ wɛ́ ŋɡɔ: «Mɔ́ɔ-Sɑ́ttɑ, ɔ ŋɡɑŋ cɔtnu. Ɔ jí pɔ nɛfʉ́klɛ pʉɔ. Ɔ ŋɡɑŋmbuu-nu sʉ́Ꞌnɛ tsʉʉ, mbɑ kʉ̈ɔ́ lɑ́ yi Tsɑpʉɔ Sɛ́ ɡɛnɛ ɛ́ tʉ́ʉ ndʉ́ŋndʉŋ, ɔ ɡɔ́ɔ ŋ́kɛ́ ńtɑ́ɑ, ŋ́ŋɔ́Ꞌtɛ. Tɛ ɔ kɑ nɑ́ wɑ́ ndɛn pɑ́Ꞌɑ pɔ́ ɔɔ?

Pʉɔ-Lɔ́mɑ 1:22

Pɔ́p tɔ́ pɔ nɛsɑ́Ꞌ ŋɡɔ pɔ́p jí nu, ńtsʉ́Ꞌ pɛpɑ́lɛ́.

1 Kɔlɛ̂ŋtɛ 1:27

Lɑ́, Sɛ́ kɑ tsɔ́Ꞌ yúu mi ndǔmbí jʉ́ɔnɛ ɛ́ pɔ́ pɔ yúu pɛpɑ́lɛ́ ńdɔk ńtɛ́m sʉ́ʉ nǔu pɑjínu, ńtsɔ́Ꞌ yúu mi ɛ́ ndǔmbí ḿbɔ́t pɔ́tnɛ ńdɔk ńtɛ́m sʉ́ʉ nǔu mi ɛ́ ɡẅɛɛnɛ tʉʉ.

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.

1 Kɔlɛ̂ŋtɛ 3:19

MbíꞋŋɡɔ nu yi ɛ́ tsɛt yɔ ndǔmbí ḿbɔ́ jínu, ɛ́ mbi Sɛ́ ḿbɔ́ pɔ mɛnu-pɛpɑ́lɛ. ŊwɑꞋnɛ-Sɛ́ zɛɛ ńcú ŋɡɔ: «Sɛ́ lɔk pɔ ɡwɑk-njínu ńdɔk ŋ́ɡẅɛɛ wɛ́».

1 Kɔlɛ̂ŋtɛ 3:3

mbíꞌŋɡɔ mbʉʉ yʉ́ʉ pɛ́t ɛ́sɑ́Ꞌ wʉ́ʉ, kɛ́ɡʉ̈ɔꞋ zɛɛ ḿbɛ́t ḿbɔ́ pɔ tsɛtsɛt pʉʉ, pʉʉ pɛ́t ńzɔŋ nu zɔŋnɛ. Mbʉʉ yʉ́ʉ kɑ́nɛ pɔ́ ńdɔk ḿbɛ́t ɛ́sɑ́Ꞌ wʉ́ʉ pɔ́ ɔɔ? Pʉʉ kɑ́ pɔ́ ńdɔk pɔ́Ꞌɔ, ḿbɛ́t ŋ́ɡɛ pɔ pɑ́Ꞌ pʉɔ ndǔmbí ɡɛnɛ pɔ́ ɔɔ?

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

Filipɛ 3:19

Mɔ́p mɛlɛ́Ꞌ ɡʉ ńdɑ́Ꞌ ḿmɛ ndǔmbí, pɔ́p ɡʉ nɛpʉ́-múk, mbíꞋŋɡɔ wɔp sɛ́ pɔ́ pɔ nɛpɛm nɔ́p. Pɔ́p tsɑ́ɑtɛ nǔu yúu mi sʉ́ʉ ɡʉ ŋ́kɔ́ wɔ́p nǔu, yɔ́p kwɑŋɛ pɛn ńtʉ́ʉ pɔ nǔu yúu-ndǔmbí.

2 Tɛsɑlɔník 2:9

Fɔɔ-mɛnu kɛpɔŋ ɡʉ ńdɑ́Ꞌ ŋ́ɡɔ ńtɔ́, Sɑ́ttɑ níꞋ mɛtʉʉ mɛ́ nǔu wɛ́, ɑ lɔk ŋ́ɡɛ mɛnu mɑ̌ɑmɑɑnɛ pɔ́p ndɑɑkɑ́jʉ́ɔ mɛnu mɛntɛ́ mɛntɛ́, ńdɔk ɛ́fúklɛ pʉɔ.

1 Timɔtɛ́ɛ 4:1

Zẅikŋɛ Lɛ́ɛnɛ́nɛ sɛ́ ńniitɛ ńcú ŋɡɔ: Pɛcɔ́ pʉɔ ɡʉ ńdɑ́Ꞌ ḿbɔ́ nǔu mɛndẅiknzʉʉ mɛlɛ́Ꞌlɑ́Ꞌ mbɔɔ pɛn ńzɑ́p tʉ́m nǔu Sɛ́ ẅi pɛkŋɛ sɛ́ ńzɑ́p tʉ́m nǔu wɛ́ lɑɑ pɔ́, jínu yɔ́p tsʉ́Ꞌ ńtʉ́ʉ pɔ nǔu mɛzẅikŋɛ kɛpɔŋ mi ɛ́ fúklɛ́nɛ pʉɔ, ḿbɛn ńtʉ́ʉ pɔ nǔu mɛnu mi mɛzẅikŋɛ kɛpɔŋ zíꞋnɛ pʉɔ.

Jɑ̂k 1:17

Yúu mi ɛ́ pɔŋnɛ tɛꞋ, mbɑ tsɔ́ꞋfɑꞋ sʉ́Ꞌnɛ fú pɔ tʉ́nɛ́pú, mbɔ̌ Sɛ́ ẅi ɑ kɑ niitɛ́nɛ mɔ́nɛm pɔ́p pɛcʉ̈ɔ́Ꞌ-sɑŋ nɛfɑŋ. A kɑ́ kúpmɛ, ŋ́kɛ́ mbɔɔ nzɛ́nzʉ́ʉ ɡẅɛɛ.

Jɑ̂k 1:5

Ŋu lɑɑ ḿbɔ́ tsɛtsɛt pʉʉ, ńtʉ́ʉ nǔu nu, jínu jɑ́k wɛ́, ɑ lɔ́ɔ mbɔ̌ Sɛ́, mbɔ Sɛ́ ɡʉ ŋ́ɡɑ́. Ɛ́ mbíꞋŋɡɔ Sɛ́ zɛɛ ńdɔk pɔ tʉ́m sʉ́Ꞌnɛ ŋ́ɡɑ́ yúu mbɔ̌ mbɑ wɔ̌ lɑ́ kɛ́ lɛmtɛ.

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

Jẅidɛ 1:19

Pɔ́p pɔ́nɛ pʉɔ pi pɔ́p mɑꞋnɛ fɑkŋɛ tsɛtsɛt pʉɔ-Kɛlístɔ. Pɔ́p ɡɛ pɔ yúu mi pɔ́p zúꞋnɛ sɔŋ-mbʉʉ pɔ́p, Zẅikŋɛ-Sɛ́ kɑ́ pɔ́ nǔu pɔ́p pɔ́.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.

Mɛnu ɛ́ ńdɑ́Ꞌ ńcẅɛt 2:24

Ŋ ɡʉ ńcú nu ŋkɔ̂ɔnɛ mbɔ̌ pʉʉ pɛcɔ́ pʉɔ tsɛt cúꞋlɛ-pʉɔ-Kɛlístɔ yi ɛ́ tʉ́sɔŋ-Tyɑtîi, pʉʉ pí pʉʉ kɑ́ pɔ́ ḿbɛ́m ndɔktɛlɛ pîpɑ́ pʉɔ pɔ́, ŋ́kɛ́ ḿbɔɔ pɔ́ ńdɔɔ nɛjí yúu mi pɔ́p fúŋnɛ ŋɡɔ kwɑꞋ nu nɛ́nẅín yi Sɑ́ttɑ kɑ ɡɛnɛ pɔ́p jí pɔ́. Ɛ sẅíi wʉ́ʉ ŋɡɔ: Mɔ ŋ́ɡʉ ńzɑ́p yɛcɔ́ piꞋ yɛ́ ndɛꞋ tú pʉʉ pɔ́.

Mɛnu ɛ́ ńdɑ́Ꞌ ńcẅɛt 9:11

Ŋu ẅí ɑ mbɔ̌ pɔ́p ḿbɔ́ pɑ́Ꞌ fɔɔ wɔp, ḿbɔ́ ɛ́sɑ́Ꞌ wɔ́p, pɔ́ zẅikŋɛ kɛpɔŋ ẅi ɑ ɡẅɛɛnɛ nu nǔu nɛpʉ́ kɛ́ ndúŋ ẅi lík yɛ́ nǔu sẅiŋɛ-Hɛbɛlʉ́ʉ ḿbɔ́ ŋɡɔ Ambɑdɔŋ, ḿbɔ́ nǔu sẅiŋɛ-pʉɔ-Ŋɡɛlɛ́k ḿbɔ́ ŋɡɔ Apɔlyɔŋ ńdɔk ńcú ŋɡɔ: ŋɡɑŋntɑ́k.