Jɑ̂k 3:13 - Kɑɑ Fí

¹³ Ŋu lɑɑ ḿbɔ́ tsɛtsɛt pʉʉ, ḿbɔ́ ŋ́kwɑŋɛ ŋɡɔ ɑ ɡẅɛɛ jínu, ḿbɛn ŋ́ɡẅɛɛ kwɑŋɛ nu, ɑ lɔk tswɛ́ sʉ́Ꞌnɛ yɛ́ ńnyɛt, ḿbɛn ńdɔk mɛfɑꞋ mi ɛ́ nyɛtnɛ ŋɡɔ ɑ ŋu ḿbɔ́tnɛ pɔ́tnɛ́nɛ ḿbɔ́ njínu, ńnyɛt.

Jɑ̂k 3:13 Кръстосани препратки

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

Mɑtʉ̈ɔ 21:5

pʉʉ cú mbɔ̌ pʉɔ pí pɔ́p tsɛt tʉ́sɔŋ-Syɔ́ŋ ŋɡɔ: «Pɔ́p líŋɛ ńjʉ́ɔ pɑ́Ꞌ fɔɔ wɔp sɛ́ ńtɔ́ nɛ́ nɛjɔ́ŋ pɔ́p, ḿbɔ́ ŋɡɑŋ-mbɔ́tnɛ, ńnɑ́ŋ ndǔ njɑkɑ́ɑshi, ɑ pɔ́ mɔ́ɔ njɑkɑ́ɑshi.»

Mɑtʉ̈ɔ 5:5

Pɛpɔ́ttú pʉɔ pinɛ pɔ́p kɑ́ ɡɛ ɡɑꞋɡɑꞋ pɔ́, mbíꞋŋɡɔ pɔ́p ɡʉ ŋ́ɡɛ ńjʉ́ ŋɡɔŋ.

Mɑtʉ̈ɔ 7:24

«Ŋu lɑɑ ńtɔ́ ńtsɛ́t wɑ́ɑ, ńzẅíꞋlɛ sẅiŋɛ yɑ́ɑ, ŋ́ɡɛ pɑ́Ꞌ ɛ́ sɛ́ ḿbíkŋɛ, mbɔ ŋɡɑŋ fí wɛcɔ́ njínu wɑ́ ẅi, ɑ kɑ tsʉ́Ꞌ nɛkút ndɑ́ yɛ́, ńtúŋ zʉꞋ tɛ ńjʉ́ɔ mɑ́mɑ́ ŋɡɔꞋ, ńtík ndɑ́ ndǔ.

1 Kɔlɛ̂ŋtɛ 6:5

N dɔk pɑ́Ꞌɑ ńtɛ́m sʉ́ʉ nǔu pʉʉ. Pʉʉ lɔk pɔ́Ꞌɔ, ńjɑ́k njínu tsɛtsɛt pʉʉ ẅi ḿbɔ́ ɑ́ ńnɛn kɛ̂m nǔu nu yi ɛ́ tsɛtsɛt ŋu-Kɛlístɔ pɔ́p wɛcɔ́ kɛkʉ̈ɔ́?

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

2 Kɔlɛ̂ŋtɛ 8:24

Pɔ́p pɛ́pɔ́p lɑɑ ńtɔ́, pʉʉ ɡɛ tɛ pɔ́p jí ŋɡɔ pʉʉ sɛ́ ŋ́kɔŋ wɔ́p tɛ ɛ́sẅíi nu. MɛcúꞋlɛ-pʉɔ-Kɛlístɔ ɡɔ́ɔ ŋ́kɛ́ ńjí ŋɡɔ pɛk lɔk nu yʉ́ʉ ŋ́kɑꞋtɛ mbi pɔ́p pɑꞋnɛ tɛ ɛ́sẅíi nu.

Ŋɡɑlɑ̂t 5:23

ḿbɔ́ nɛpɔ́tnɛ, ḿbɔ́ nɛkúꞋlɛ mbʉʉ. Ɛ́ kwɑꞋ nɛ́nẅín, nɛpʉ́ʉ kɑ́ lʉꞋ mɔnɛ mɛyúu pɔ́.

Ŋɡɑlɑ̂t 6:1

Pɔ́ɔpɛ́mɑ́, pʉʉ lɑɑ ŋ́kɛm ŋu ɑ pɔ́ ɛ́fɑɑnɛ nu, pʉʉ lɔk pɑ́Ꞌ pʉʉ sɛ́ ńzúꞋ mbɔ̌ Zẅikŋɛ-Sɛ́ lɑ ŋ́ɡɛ ŋɡɑŋ pɛn nǔu sɛ̂ndúŋ ẅí ɛ́ ndʉ́ŋndʉŋ. Lɑ́ ńtsʉ́Ꞌ nɛɡɛ ńdɔk pɔ mbɔ́tnɛ. Mbɑ wɔ̌ lɑ́ nǔu pʉʉ pɛn ḿbɑ́ɑ tú yɛ́ ḿbɔ́k pɑ́Ꞌ ɑ ɡʉ ḿvu yɛ́ tsɛt ŋkwɑꞋnɛ.

Ŋɡɑlɑ̂t 6:4

Mbɑ wɔ̌ lɑ́ tsuŋ ńtsɑꞋ kwɑꞋ mɛ́ mɛfɑꞋ. A lɑɑ ńtsɑꞋ, ńjʉ́ɔ ŋɡɔ ḿbɔ́ nu pɔŋ wɛ́ nǔu, mbɔ ɛ́ píkŋɛ ŋɡɔ nu ɡɔ́ ḿbɔŋ wɛ́ mbíꞋ pɔ ŋɡɔ ɛ́ kwɑꞋ mɛfɑꞋ mɛ́. Tɛ ɛ́ pɔɔ pɔ́ ŋ́ɡɔ́ ḿbɔŋ wɛ́ mbíꞋ pɔ pɑ́Ꞌ ɑ lʉŋtɛ mîmɑ́ mɛfɑꞋ nǔu mɛ́ pɛcɔ́ pʉɔ pɔ́,

Ɛ́fɛ̂zɛ 4:2

Pʉʉ kɔk mbʉʉ yʉʉ ŋ́ɡɑ́ Sɛ́, ḿbɔ́ pʉɔ pɔ́tnɛ́nɛ, ŋ́ɡẅɛɛ kɔkmbʉʉ. Ńdɛɛ nǔu kɔŋɛ yi ɛ́ tsɛtsɛt pʉʉ, ḿmɛꞋ zɑ́ŋ lɔ́ŋ.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

1 Timɔtɛ́ɛ 4:12

Pɛ́ ŋ́ɡʉ ŋ́ɡwɑ́k wú mbíꞋŋɡɔ ɔ mɔ́ɔ pɔ́. Sɑ́Ꞌ tʉʉ tɛ pʉɔ-Kɛlístɔ pɛ́ɛ fʉꞋ nǔu ɡu. Ɛ́ lɛɛ nǔu sẅiŋɛ yú, nǔu nɛnnɛ mú, nǔu yú ntɛ́ nɛkɔŋ ŋumɛsɔŋ, nǔu yú ntɛ́ nɛzɑ́p tʉ́m nǔu Sɛ́, nǔu wu nɛpɑ́ɑ kwɑŋɛ yi ḿbɔ́ ɛ́ pʉ́ʉpɛ wú.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

2 Timɔtɛ́ɛ 2:25

A ɡẅɛɛ nɛlɔk mbɔ́tnɛ ńdɛꞋlɛ yúu mbɔ̌ pʉɔ pi ɑ cúnɛ nu pɔ́p kúp pɔ shʉ́-nu yîyɑ́. Líkcɔ́ Sɛ́ ɡʉ ŋ́ɡɑ́ shʉ́ mbɔ̌ pîpɑ́ pʉɔ pɔ́p kúpmɛ yɔp ntɛ́ nɛsɑ́ŋ nu, ɛ́fú pɔ́Ꞌɔ, ńjí nu yi ɛ́ nɛ́nẅín,

Tîtɛ 3:2

Cú mbɔ̌ pɔ́p ŋɡɔ kɔɔ pɔ́p cú nu kɛpɔŋ mbɔ̌ ŋu, ŋɡɔ pɔ́p pɑ́ɑ mɛfɛꞋ, ḿbɔ́ pʉɔ mbɔ́tnɛ pɔ́tnɛ́nɛ, ńnɑ́ŋ ŋ́ɡɑ́ mɛkuꞋ mbɑ wɔ̌ lɑ́.

Ɛ́bɛlʉʉ 13:5

Kɔɔ pʉʉ kɔŋ ŋkɑ́p kɔŋnɛ tɛ ɛ́ tsʉ́Ꞌ ɛ́sɑ́Ꞌ wʉ́ʉ ɛ́sɑ́nɛ, pʉʉ tsɑ́ɑtɛ tsɑ́ɑtɛ́nɛ nǔu kʉ̈ɔ́ lɑ́ yi pʉʉ ɡẅɛɛnɛ, mbíꞋŋɡɔ Sɛ́ kɑ cú mbɔ̌ ŋumɛsɔŋ ŋɡɔ: «Ŋ kɛ́ lɑ́Ꞌ ḿmɛꞋ wú pɔ́, ŋ́kɛ́ ḿbɔɔ ńnɑ́ kɛ́ pɔ́ ńdíŋɛ wú pɔ́».

Jɑ̂k 1:21

Pɔ́Ꞌɔ lɑ́, pʉʉ mɛꞋ mɛnu-ndǔmbí tsʉʉ, ḿmɛꞋ mɑt ẅí ɛ́ fúnɛ nǔu shíshí tʉ́m. Pʉʉ nɔɔ sɛ́ mbi Sɛ́, ḿbɛ́m sẅiŋɛ yi ɑ kɑ pinɛ tsɛt tʉ́m pʉʉ. Ɛ́ mbíꞋŋɡɔ ɛ́ kuꞋ nɛɡɛ pʉʉ luk.

Jɑ̂k 2:18

Líkcɔ́ mbɔ ŋu cú ŋɡɔ: «wɛcɔ́ ŋu sɛ́ ńzɑ́p tʉ́m yɛ́ nǔu Sɛ́, wɛcɔ́ pɔ́ fɑꞋ mɛfɑꞋ. Mbɔ ŋ ɡʉ ńcú yɑ́ɑ mbɔ̌ wɛ́ ŋɡɔ: Nyɛt wɑ́ɑ pɑ́Ꞌ ɛ́ lɑɑ ḿbɔ́ ɔ zɑ́p tʉ́m nǔu Sɛ́ kɛ́ pɔ́ ɛ́fɑꞋ mɛfɑꞋ, n dɔk mɛfɑꞋ mɑ́ɑ ńnyɛt wú ŋɡɔ n zɑ́p tʉ́m nǔu Sɛ́.»

Jɑ̂k 3:1

Pɔ́ɔpɛ́mɑ́ pɑ́ɑ, kɔɔ pʉʉ pɛtsʉʉ tsɑ́ɑ nɛpɔ́ pɑzíꞋ pʉɔ nɛ́ yúu, pʉʉ sɛ́ ńjí sʉ́Ꞌnɛ ŋɡɔ, pɛk pí pɛk zíꞋnɛ pʉɔ nɛ́ yúu, ntɛ́ yi pɛ́ ɡʉ ńdɑ́Ꞌ ńdɔk ŋ́ŋɑk wɛ́k, ɛ́ ɡʉ ńdɑ́Ꞌ ńtɛn ńdɛɛ yɛ́ pɛcɔ́ pʉɔ.

Jɑ̂k 3:17

Lɑ́ ŋu ẅí ɑ ɡẅɛɛnɛ jínu yi ɛ́ fúnɛ tʉ́nɛ́pú, ɑ zɛɛ ḿbiitɛ ḿbɔ́ ŋu ẅí yɛcɔ́ lɔ́Ꞌ kɑ́ pɔ́ nǔu ŋɡɛnɛ mɛnu mɛ́ pɔ́, ḿbɑ́ɑtɛ ńnɛn pɔ nɛ́ mbɔ́tnɛ, ḿbɑ́ɑtɛ ḿbɔ́ ŋu ḿbɔ́tnɛ pɔ́tnɛ́nɛ, ŋ́ɡɛ nu ɛ́ kuꞋ kuꞋnɛ, ńjí nɛtsɑ́ɑ mɛjʉ́ŋ tɛꞋ, ɛ́fɑꞋ mɛfɑꞋ sʉ́Ꞌnɛ pɔ pɔ́Ꞌɔ. A kɑ́ ɡɛ tɔŋ pɔ́, ŋ́kɛ́ mbɔɔ ŋkɔŋmík pɔ́.

1 Pyɛ̂ 1:15

Pʉʉ pɔ́ pɔ Ndɛ́ɛnɛ Lɛ́ɛnɛ́nɛ nǔu ku-nɛnɛn yʉ́ʉ tsʉʉ, ndʉ́ŋndʉŋ pɑ́Ꞌ Sɛ́ ẅí ɑ kɑ fúŋnɛ wʉ́ʉ ɑ Ndɛ́ɛnɛ Lɛ́ɛnɛ́nɛ lɑ́.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

1 Pyɛ̂ 3:4

Ɛ́ pɔŋ ŋɡɔ yʉ́ʉ kẅii-mbʉʉ fú pɔ tsɛt tʉ́m pʉʉ. Yîyɑ́ ɛ́ kẅii-mbʉʉ yí ɛ́ ɡʉ ńdɑ́Ꞌ ńjúk nɑ́ŋ nɑ́ŋnɛ, ɛ́ pɔ́ nɛpɔ́tnɛ pɔ́tnɛnɛ kɛ́ lɔɔ fɛꞋ. Ɛ́ mbɔ̌ Sɛ́ ḿbɔ́ mɑ́mɑ́ kẅii.