Jɑ̂k 2:17 - Kɑɑ Fí

¹⁷ Ɛ́ pɛn ḿbɔ́ pɔ ndʉ́ŋndʉŋ pɔ́Ꞌɔ, nǔu ŋu ẅí ɑ sɛ́ ŋɡɔ ɑ zɑ́p tʉ́m yɛ́ nǔu Sɛ́. Pɛ́ lɑɑ ḿbɔɔ ḿbɔ́ ńjʉ́ɔ mɛfɑꞋ mɛ́ pɔ́, mbɔ yîyɑ́ nɛzɑ́p tʉ́m nǔu Sɛ́ fɛ̌ɛ.

Jɑ̂k 2:17 Кръстосани препратки

1 Kɔlɛ̂ŋtɛ 13:13

Pɛkŋɛ lɔk pɑ́Ꞌɑ ńjʉ́ɔ ŋɡɔ yúu mi ɛ́ ɡʉ ńdɑ́Ꞌ ḿbɔ́ pɔ ɡú ɛ́ yɛ́tɑ́t: «Yɔ nɛzɑ́p tʉ́m nǔu Sɛ́, yɔ pɔ́ nɛnɑ́ŋ ḿbɔ́ ńzẅíꞋlɛ yúu mbɔ̌ Sɛ́, ŋ́ɡɛ nɛkɔŋ ŋumɛsɔŋ.» Lɑ́, tú yi ɡwɛ́ nǔu mɛyúu mɔnɛ mɛ́ntɑ́t ɛ́ pɔ́ pɔ nɛkɔŋ ŋumɛsɔŋ.

1 Kɔlɛ̂ŋtɛ 13:3

Ɛ́ lɑɑ ḿbɔ́ ŋ ɡɑptɛ yúu pɑ́ɑ tsʉʉ ŋ́ɡɑ́ mbɔ̌ pʉɔ pi nji sɛ́ ńzɑ́ŋ wɔ́p, mbɔ m bɛ́m ŋɡɔ pɛ́ tɔɔ wɑ́ɑ, lɑ́ ɛ́ ɡɔ́ ḿbɔ́ pɔ́Ꞌɔ, m bɔɔ ŋ́kɔŋ ŋumɛsɔŋ pɔ́, mbɔ ɛ́ kɛ́ cẅɛ́lɛ́ wɑ́ɑ nǔu yɛcɔ́ yúu pɔ́.

Ŋɡɑlɑ̂t 5:6

MbíꞋŋɡɔ ŋu lɑɑ ńdɑt mbʉʉ nǔu Kɛlístɔ, mbɔ pɛ́ kɛ́ púꞋ wɛ́ pɔ́, kɛ nɛnɑ́ kɛ́ púꞋ wɛ́ ɔɔ, mbɔ ɛ́ kɑ́ pɔ́ yɛcɔ́ nu pɔ́. Nɛzɑ́p tʉ́m nǔu Kɛlístɔ ḿbɛn ŋ́kɔŋ pʉɔmɛsɔŋ pɔ́nɛ nu.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Timɔtɛ́ɛ 1:5

Ɔ cú yîyɑ́ nu mbɔ̌ pɔ́p nɛpɔ́ yi pɔ́p ɡʉ ŋ́kɔŋ pɛcɔ́ pʉɔ tɛ ɛ́sẅíi nu. Nɛkɔŋ ŋu tɛ ɛ́sẅíi nu, ɛ́ píkŋɛ nɛɡẅɛɛ tʉ́m Lɛ́ɛnɛ́nɛ, ḿbíkŋɛ nɛɡɛ yúu mi mbʉʉ yu kɛ́ tswɑ́ɑ wú nǔu pɔ́, ḿbɛn ḿbíkŋɛ nɛzɑ́p tʉ́m nǔu Sɛ́, kwɑꞋ nɛ́nẅín.

Jɑ̂k 2:14

Pɔ́ɔpɛ́mɑ́ pɑ́ɑ, ŋu lɑɑ ŋɡɔ ɑ zɑ́p tʉ́m yɛ́ nǔu Sɛ́, ḿbɔɔ ɛ́fɑꞋ mɛfɑꞋ ńdɔk ńnyɛt pɔ́, mbɔ ɛ́ ɡʉ ńcẅɛ́lɛ́ wɛ́ nǔu kʉ̈ɔ́? Tɛ mbɔ yîyɑ́ ntɛ́ nɛzɑ́p tʉ́m nǔu Sɛ́ ɡɛ ŋu luk?

Jɑ̂k 2:26

Ndʉ́ŋndʉŋ pɑ́Ꞌ zẅikŋɛ lɑɑ mbɔɔ nǔu mbɑp-mbʉʉ pɔ́, mbɔ ɛ́ pfú lɑ́, nɛzɑ́p tʉ́m nǔu Sɛ́, nɛzɑ́p ẅi pɛ́ kɑ́ pɔ́ ńjʉ́ɔ mɛfɑꞋ pɔ́, mbɔ yîyɑ́ nɛzɑ́p fɛ̌ɛ.