Jɑ̂k 2:16 - Kɑɑ Fí

¹⁶ wɛcɔ́ ŋu nǔu pʉʉ pɛn ńcú mbɔ̌ pɔ́p ŋɡɔ: «Pʉʉ nɛn nɛ́ ku yʉ́ʉ yi sʉ́Ꞌnɛ. Mbʉʉ yʉ́ʉ tɔɔnɛ. Pʉʉ kwɛ́t ńzwɛ́t,» ńcú pɔ́Ꞌɔ, ŋ́kɛ́ ḿbɔɔ ŋ́ɡɑ́ yɛcɔ́ yúu mi ɛ́ ɡʉ ńcẅɛ́lɛ́ wɔ́p pɔ́, mbɔ ẅîwɑ́ nɛcú ɡʉ ńcẅɛ́lɛ́ wɔ́p nǔu kʉ̈ɔ́?

Jɑ̂k 2:16 Кръстосани препратки

Mɑtʉ̈ɔ 15:32

Yɛ́su fúŋ ɡɑŋku pɛ́, ńcú mbɔ̌ pɔ́p ŋɡɔ: «Mɛjʉ́ŋ lɑ́Ꞌ yɔ kɔ́ wɑ́ɑ tɛꞋ, mbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛtɑ́t, pɑ́Ꞌ pɔ́p kɛ́ ḿbɔ́ pɔ nɛjɔ́ŋ mɔ, ŋ́kɛ́ mbɔɔ pɛ́t ŋ́ɡẅɛɛ yɛcɔ́ yúu mi ɛ́ lɑɑ ḿbɔ́ pɔ́p kwɛ́t pɔ́, ḿbɔ́ yi n dɑɑ ńnɑ́ wɔ́p pɔ́p ɡʉ njí, mbɔ pɔ́p kɛ́ ɡẅɛɛ mɛtʉʉ nɛlɔk ŋ́ɡʉ tɛ ŋ́kúu pɔ́.»

Mɑtʉ̈ɔ 25:35

MbíꞋŋɡɔ, njí kɑ pɔ́ ńzɑ́ŋ wɑ́ɑ, pʉʉ ɡɑ́ yúu ŋ kwɛ́t, ɡɑ́k yɑ́ɑ pɔ́ shí, pʉʉ ɡɑ́ ŋki n nɔ́, ŋ kɑ pɔ́ ŋɡʉʉ pʉʉ kúkŋɛ wɑ́ɑ.

Mɑtʉ̈ɔ 25:36

Mɔ ŋ́kɑɑ ndẅí mɑꞋ pʉʉ ɡɑ́ ndẅí, m mɑꞋ. Ŋ kɑ pɔ́ ŋ́ɡɔɔ, pʉʉ tɔ́ ńtsɑꞋ ɡɔɔ yɑ́ɑ. Ŋ kɑ pɔ́ ndɑ́tsɑ́ŋ, pʉʉ tɔ́ ńdíŋɛ wɑ́ɑ.»

Mɑ́lɛ́kúshi 5:34

Yɛ́su cú mbɔ̌ wɛ́ ŋɡɔ: «Mɔ́ɔ wɑɑ, pɑꞋ ɔ zɑ́pnɛ tʉ́m yú nǔu mɔ lɑ́, ɔ fíitɛ, ɡʉ nɛ́ mbɔ́tnɛ, ɡɔɔ yú mɛ.»

Pʉɔ-Lɔ́mɑ 12:9

Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.

2 Kɔlɛ̂ŋtɛ 8:8

Ŋ kɑ́ pɔ́ ńcú pɑ́Ꞌɑ ńdɔk ńcú pɔ yɛcɔ́ nu yi pʉʉ ɡʉ ŋ́ɡɛ pɔ́. Ɛ sẅíi wʉ́ʉ pɔ pɑ́Ꞌ mɛcɔ́ mɛcúꞋlɛ-pʉɔ-Kɛlístɔ sɛ́ zɑŋɛ mbʉʉ ŋ́ɡɛ pɔ́Ꞌɔ, ńdɔk ŋ́ɡɑ́ wʉ́ʉ nɛ́ shʉ́ nɛɡɛ pɛ́ jí ŋɡɔ pʉʉ ɡẅɛɛ ŋkɔŋɛ tɛ ɛ́sẅíi nu.