Jɑ̂k 2:15 - Kɑɑ Fí

¹⁵ Pɛkŋɛ cú ŋɡɔ wɛcɔ́ mɔ́ɔmɑ́ wɛkŋɛ wɛ mbɛ́ɛnɛ mbɑ wɛ mɑŋɡɛ́, pɔ́ kɛ́ mɑꞋ ndẅí, ḿbɛn ḿbɔ́ ńjɑ́k yúu mi pɔ́p ɡʉ ŋ́kwɛ́t nǔu lɛ́Ꞌlɑ́Ꞌ,

Jɑ̂k 2:15 Кръстосани препратки

Mɑ́lɛ́kúshi 14:7

Pʉʉ ɡʉ ḿbɔ́ ŋ́ɡẅɛɛ pɛpúŋ pɔ ŋkɑ́ tsʉʉ, ḿbɔ́ yi pʉʉ lɑɑ ŋ́kɔŋ pɔ ŋkɑ́ kʉ̈ɔ́ lɑ́, pʉʉ ɡɛ nu sʉ́Ꞌnɛ nǔu pɔ́p. Lɑ́ ŋ́ɡʉ nǔu mɔ, mbɔ pɛkŋɛ kɛ́ pɔ́ pɔ ŋkɑ́ tsʉʉ pɔ́.

Lúkɑ́shi 3:11

A tsɔ́Ꞌ mbɔ̌ pɔ́p ŋɡɔ: «Ŋu wʉʉ lɑ́ɑ ŋ́ɡẅɛɛ mɛndẅí mɛ́mbɑ́, ɑ ɡɑ́ tɑ́Ꞌ mbɔ̌ ŋu ẅi ɑ zɛ ḿbɔɔ yɛcɔ́ ɡẅɛɛ. Ŋu ẅi ɑ ɡẅɛɛnɛ yúujʉ́, ɡɑ́ yɛ ŋu ẅí nji sɛ́ ńzɑ́ŋ wɛ́.»

ŊwɑꞋnɛ-Gɑŋntúu Yɛ́su Kɛlístɔ 9:29

A jʉ́ɔ pɑyúdɑ pi pɔ́p sẅiŋɛnɛ Ŋɡɛlɛ́k, pɔ́p pɛ́pɔ́p zɔŋ nu nǔu nu-Yɛ́su zɔŋnɛ tɛ ŋ́ɡɔ́ ḿmɛkŋɛ pɔ́p tsʉ́Ꞌ ńdɔɔ pɔ shʉ́ nɛjẅí wɛ́.

Ɛ́bɛlʉʉ 11:37

ńtɔ́ nǔu pɛcɔ́ pʉɔ pɛ́ lɔk mɛŋɡɔꞋ ńtɛ́mtɛ wɔ́p ńjẅí, ńtɔ́ nǔu pɛcɔ́ pʉɔ, ńdɔk sɔ̌ɔ ɛ́shʉ̈ɔ́k wɔ́p ńzɑ́Ꞌtɛ, ńtɔ́ nǔu pɛcɔ́ pʉɔ, ńdɔk níi-ntsɔ ŋ́ɡwɑt wɔ́p. Pɛcɔ́ pʉɔ tsʉ́Ꞌ pɛ kɛ́ ndɑ́, ḿmɑꞋ mɛŋɡup njinjɔ pɔ́p mɛŋɡup mbí, pɛcɔ́ jɑ́k yúu kɛ́ vuꞋ yɛcɔ́, pɛ́ nɔt wɔ́p, ńnyɛt wɔ́p nɛ́ ŋɡʉ̈ɔ́Ꞌ.

Jɑ̂k 2:5

Pɔ́ɔpɛ́mɑ́ pɑ́ɑ pɛ tʉʉndɛn, pʉʉ zúꞋ sʉ́Ꞌnɛ: Sɛ́ kɑ tsɔ́Ꞌ pʉɔ pí pɛ́ fúŋnɛ ndǔmbí ŋɡɔ pɛpúŋ, ńdɔk ŋ́ɡɛ pɑzɑ́p tʉ́m nǔu wɛ́ tɛꞋ, pɔ́p ɡẅɛɛ yɔ́p zʉꞋ tsɛt nu-nɛfɔɔ ni ɑ kɑ kɑꞋnɛ mbɔ̌ pʉɔ pí pɔ́p kɔŋnɛ wɛ́.

1 Jɑ̂ŋ 3:17

Ŋu lɑɑ ḿbɔ́ ŋɡɑŋyúu, ńjʉ́ɔ mɔ́ɔmɑ́ wɛ pɔ́ ńjɑ́k yúu, ɑ pɔɔ wɛ́ líŋɛ, mbɔ pɛ́ ɡʉ ńcú ŋɡɔ ẅîwɑ́ ŋɡɑŋyúu sɛ́ kɔŋ Sɛ́ ŋɡɔ́ku?