Jɑ̂k 1:26 - Kɑɑ Fí

²⁶ Ŋu lɑɑ ḿbɔ́ ŋ́kwɑŋɛ ŋɡɔ ɑ nǔu nu-Sɛ́, ntsu wɛ́ pɛn mbɔɔ pɔŋ, mbɔ ɑ fʉ́klɛ túmbʉʉ yɛ́. Wɛ nɛpɔ́ nǔu nu-Sɛ́ pɔ́ pɔ fɛ̌ɛ.

Jɑ̂k 1:26 Кръстосани препратки

Mɑtʉ̈ɔ 15:9

Pɔ́p sɛ́ ŋ́ɡúꞋlɛ wɑ́ɑ lɑ́ nu kɑ́ pɔ́ nǔu pɔ́, ntɛ́ nu yí pɔ́p níꞋnɛ tú ńzíꞋ pʉɔ nɛ́ yúu tɛꞋ lɑ́, ɛ́ pɔ́ pɔ yɛ́ pʉɔmɛsɔŋ.»

Mɑ́lɛ́kúshi 7:7

Pɔ́p sɛ́ ŋ́ɡúꞋlɛ wɑ́ɑ, lɑ́ nu pɔɔ nǔu pɔ́, ntɛ́ nu yi pɔ́p sɛ́ ńzíꞋ mɛnu-pʉɔmɛsɔŋ mbɔ̌ pʉɔ ŋɡɔ ɛ́ nu yɑ́ɑ.»

Lúkɑ́shi 8:18

N dɔk ɛ́sẅíi wʉ́ʉ ŋɡɔ pʉʉ lɑk tú yʉ́ʉ nǔu ntɛ́ yi pʉʉ lɔknɛ ńzúꞋ sẅíŋɛ-Sɛ́, ŋu lɑɑ ŋ́ɡẅɛɛ yúu, mbɔ pɛ́ ɡɛ ŋ́kẅiꞋ. Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ ɡẅɛɛ yúu pɔ́, mbɔ pɛ́ ɡʉ ńcẅɛ́ɛ mɔ́zʉꞋ yí ɑ kwɑŋɛ́nɛ ŋɡɔ ɑ ɡẅɛɛ lɑ.

1 Kɔlɛ̂ŋtɛ 15:15

Ɛ́ lɑɑ ḿbɔ́ yi pɛ́ kɑ́ pfú ḿbɛn ńzẅíimɛ nǔu nɛvú pɔ́, mbɔ pɛk pi pɛk sɛ́ ńcú nu yi pɛk jínɛ nǔu Sɛ́ lɑ́, pɛk lɔk ḿbɔ́ pɔ ɡɑŋcɔtnu, mbíꞋŋɡɔ pɛk cɔt pɔ nu lɑ ńcú ŋɡɔ pɛk sɛ́ ńjí ŋɡɔ Sɛ́ kɑ zẅíimɛ Kɛlístɔ nǔu nɛvú ɛ́ pɔ́ zúꞋu ŋ́kɛ́ mbɔɔ pɔ́Ꞌɔ pɔ́,

1 Kɔlɛ̂ŋtɛ 15:2

Sɛ́ sɛ́ ɛ́fú nǔu Ŋkʉʉ Sʉ́Ꞌnɛ ɛ̂wɑ́ ŋ́ɡɛ pʉʉ luk, pɑ́Ꞌ pʉʉ lɑɑ ŋ́kɛ́ ḿbɔ́ ŋ́kúꞋlɛ kwɑꞋ yúu mi ŋ kɑ cúnɛ mbɔ̌ pʉʉ kúꞋlɛ́nɛ. Tɛ ɛ́ pɔɔ pɔ́Ꞌɔ pɔ́, mbɔ wʉ́ʉ nɛzɑ́p tʉ́m nǔu Sɛ́ pɔ́ pɔ níinɛ.

1 Kɔlɛ̂ŋtɛ 3:18

Ḿbɑ́ɑ ŋu nɛfʉ́klɛ túmbʉʉ yɛ́. Ŋu lɑɑ ḿbɔ́ tsɛtsɛt pʉʉ ḿbɔ́ ŋ́kwɑŋɛ ŋɡɔ pʉɔ-ndǔmbí sɛ́ ńjʉ́ɔ ŋɡɔ ɑ jínu, ɑ zɛɛ ḿbiitɛ ɛ́shɔtnɛ ńtsʉ́Ꞌ ŋu lɑ ḿbɔ́ kwɑꞋ njínu.

Ŋɡɑlɑ̂t 2:6

Ɛ́ ɡʉ nǔu pʉɔ pí pɛ́ kɑ pɔ́ ńdíŋɛ wɔ́p ŋɡɔ pɔ́p pɛlʉ́m, mbɔ pɔ́p ŋ́kɑɑ kɛ́ ńjʉ́ɔ ŋɡɔ pɔ́p ɡʉ ŋ́kẅiꞋ yɛcɔ́ yúu nǔu nu yí n cúnɛ pɔ́. Yúu mi pɔ́p kɑ zɛɛnɛ ḿbɔ́ yɛ́tɛ́ ŋkɑ́mbi pɔɔ líŋɛ wɑ́ɑ nǔu yɛcɔ́ nu pɔ́. MbíꞋŋɡɔ Sɛ́ lɔɔ ŋ́ɡɛ tɔŋ nǔu pʉɔmɛsɔŋ pɔ́.

Ŋɡɑlɑ̂t 2:9

Jɑ̂k, Pyɛ̂ mbɑ Jɑ̂ŋ, pʉɔ pi pɛ́ kɑ pɔ́ ńdíŋɛ wɔ́p pɑ́Ꞌ mɛntɔ́ɔ tsɛt cúꞋlɛ-pʉɔ-Kɛlístɔ lɑ́, ŋ kɑ pɔ́ tɛ ńjí ŋɡɔ Sɛ́ kɑ tsuŋnɛ ɛ́fɛ́ɛ yɔ fɑꞋ mbɔ̌ mɔ, ŋ́ɡɑ́ pɔ mbɔ̌ pɛk Pɑnɛpɑ́ɑshi, nɛlɔk ńdɛꞋlɛ ŋɡɔ pɛk pɛ́pɔ́p tɑ́Ꞌ ntsu nǔu fɑꞋ-Sɛ́. Pɔ́Ꞌɔ, pɛk ɡẅɛɛ nɛɡʉ tsɛtsɛt pʉɔ pí pɔ́p kɑ́ pɔ́ pɑyúdɑ pɔ́, ńcẅi Ŋkʉʉ Sʉ́Ꞌnɛ, pɔ́p ɡúu ŋ́ɡɛ Pyɛ̂ ɡẅɛɛ nɛɡʉ tsɛtsɛt pɑyúdɑ ńcẅi.

Ŋɡɑlɑ̂t 3:4

Pʉʉ kwɑŋɛ ŋɡɔ mɛnu mi pʉʉ kɑ pɔ́ ńjʉ́ɔ, pʉʉ kɑ pɔ́ ńjʉ́ɔ pɔ níinɛ kîi?

Ŋɡɑlɑ̂t 6:3

Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.

Ɛ́fɛ̂zɛ 4:29

ḿbɑ́ɑ mbɑ tɑ́Ꞌ sẅiŋɛ kɛpɔŋ nɛcẅɛt ntsu pʉʉ. Pʉʉ cú pɔ nu yi ɛ́ ɡʉ cẅɛ́lɛ́ nǔu yîyɑ́ ŋkɑ́, ɛ́ pɔ́ pɔ sẅiŋɛ sʉ́Ꞌnɛ yi ɛ́ ɡʉ cẅɛ́lɛ́ pɛcɔ́ pʉɔ pɔ́p nɛkẅiꞋ ńzɑ́p tʉ́m nǔu Sɛ́. Pʉʉ cú pɔ nu yi ɛ́ ɡʉ cẅɛ́lɛ́ mbɑ wɔ̌ lɑ́ nǔu pʉɔ pi pɔ́p sɛ́ ńzẅíꞋlɛ.

Ɛ́fɛ̂zɛ 5:4

Ɛ́ kɑ́ pɔ́ ḿbíkŋɛ ŋɡɔ pʉʉ sẅiŋɛ ḿmɛk mɛknɛ pɔ́, tɛ mbɑ nɛmɑꞋ kwɑŋɛ nǔu yɛcɔ́ ntɛ́, pɔ́p nɛɡɛ yɛcɔ́ ntɛ́ mɛɡɑɑ. Ɛ́ pɔŋ ŋɡɔ sẅiŋɛ ɡɔ́ ńcẅɛt ntsu pʉʉ, pʉʉ lɔk ŋ́ɡɛ́mtɛ pɔ Sɛ́ nǔu yúu mi ɑ ɡɛnɛ mbɔ̌ pʉʉ.

Kɔlɔsíyɛ̂ŋ 4:6

Pʉʉ pɔ́ ŋkɑ́ tsʉʉ ŋ́ɡẅɛɛ pɔ ntsu-ŋɡwɑ́ŋ, ńcú pɔ nu yi ɛ́ ɡʉ ńcẅɛ́lɛ́, ńtsɔ́Ꞌ nu mbɔ̌ ŋu pɔ pɑ́Ꞌ ɛ́ zɛɛ ḿbɔŋ ŋɡɔ pɛ́ tsɔ́Ꞌ.

Jɑ̂k 1:19

Pɔ́ɔpɛ́mɑ́ pɑ́ɑ pɛtʉʉndɛn, pʉʉ jí ŋɡɔ ɛ́ pɔŋ mbɔ̌ ŋu nɛjí nɛzẅíꞋlɛ nu yi pɛ́ cúnɛ, ḿbɛn ńcú yɛ́ nu ɛ́ kuꞋ kuꞋnɛ, ŋ́kɛ́ mbɔɔ fɛ́Ꞌnɛ ńzɑ́ŋ lɔ́ŋ pɔ́,

Jɑ̂k 1:22

Kɔɔ pʉʉ pɔ́ pɑzúꞋ sẅíŋɛ-Sɛ́ zúꞋnɛ ndɑꞋ, pʉʉ ɡɛ yúu mi sẅiŋɛ ɛ̂yɑ́ cúnɛ ŋɡɔ pʉʉ ɡɛ. Tɛ ɛ́ pɔ́ɔ pɔ́Ꞌɔ pɔ́, mbɔ pʉʉ ɛ́shɔtnɛ fʉ́klɛ mɛmbʉʉ mʉ́ʉ.

Jɑ̂k 2:20

Gɛɡʉʉ yɑ́ɑ, ɔ kɔŋ kʉ̈ɔ́? Mɔ, ŋ ɡʉ ńnyɛt wú ŋɡɔ nɛzɑ́p tʉ́m nǔu Sɛ́ yi ɛ́ kɑ́ ɡẅɛɛ mɛfɑꞋ pɔ́ fɛ̌ɛ.

1 Pyɛ̂ 3:10

Pɛ́ kɑ zɛɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: Ŋu lɑɑ ḿbɔ́ ŋ́kɔŋ nɛnɑ́ŋ sʉ́Ꞌnɛ, ḿbɛn ŋ́ɡẅɛɛ mɛlɛ́Ꞌlɑ́Ꞌ sʉ́Ꞌnɛ, ɛ́ pɔŋ ŋɡɔ ŋɡɑŋ shɔt lʉ́m yɛ́ lɑ ńcú nu, ḿbɔ́k nu kɛpɔŋ, ḿbɑ́ɑ ntsu wɛ́, ḿbɔ́k cɔtnu.