Filipɛ 4:21 - Kɑɑ Fí

²¹ Pʉʉ ńcɛꞋlɛ pʉɔ pɛtsʉʉ pi pɔ́p kɑ lúꞋnɛ́nɛ Yɛ́su Kɛlístɔ ḿbɔ́ pʉɔ-Sɛ́. Pɔ́ɔpɛ́mɑ́ pi pɛk pɛpɔ́p zɑ́Ꞌnɛ cɛꞋlɛ wʉ́ʉ ɡúu.

Filipɛ 4:21 Кръстосани препратки

Mɑtʉ̈ɔ 5:47

Pʉʉ lɑɑ ńcɛꞋlɛ pɔ ndɑꞋ pɔ́ɔpɛ́mɑ́ pʉ́ʉ, mbɔ pʉʉ ɡɛ kʉ̈ɔ́ yi fí? Pɑ kɛ́ jí Sɛ́ pɛn ḿbɔ́ ŋ́ɡɛ yɔ́p pɔ pɔ́Ꞌɔ.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

Ŋɡɑlɑ̂t 1:2

Pɛk pɛ́ pɔ́ɔpɛ́mɑ́ pi pɛk pɛ́pɔ́p zɑꞋnɛ tɛmtɛ́nɛ ŋ́ɡɑ́ yɔ ŋwɑꞋnɛ mbɔ̌ mɛcúꞌlɛ-pʉɔ-kɛlístɔ mi ɛ́ tsɛt ŋɡɔŋ-Ŋɡɑlɑsîi.

Ŋɡɑlɑ̂t 2:3

Titɛus ẅí pɛknɛ kɑ pɔ́nɛ kɑ pɔ́ ŋu-Ŋɡɛlɛk, lɑ́ tɛ mbɑ pɔ́Ꞌɔ, pɔ́p kɛ́ ḿbɔɔ ɛ́fyɛ́t wɛ́ ŋɡɔ ɑ pɛ́m pɛ́ púꞋ wɛ́ lɑ ɑ pɔ́ ŋu-Sɛ́ pɔ́.

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Filipɛ 4:7

Pʉʉ ɡʉ ŋ́ɡɛ pɔ́Ꞌɔ, Sɛ́ ɡɑ́ mɔ́fíitɛ ẅi ŋumɛsɔŋ kɑ́ jí pɑ́Ꞌ ɛ́ pɔ́nɛ pɔ́ mbɔ̌ pʉʉ. Ẅîwɑ́ mɔ́fíitɛ pyɛ́pnɛ mɛtʉ́m mʉ́ʉ, kwɑŋɛ yʉ́ʉ tʉ́ʉ pɔ nǔu Yɛ́su Kɛlístɔ.