Filipɛ 4:12 - Kɑɑ Fí

¹² Ŋ kɑ zíꞋ mɔ́ nɛsʉk púŋ, ḿbɛn ńzíꞋ nɛnɑ́ŋ tsɛt fuꞋ. Ŋ kɑ zíꞋ mɔ́ nɛpɔ́ yi n dɑɑ ńtʉ́ʉ pɔ ɡɔ́ lɑ́, kʉ̈ɔ́ lɑ́ pɔ́nɛ sɛ́ ɔ́ɔ, ɛ́ pɔ́ pɔ nɛsʉk nji, ɛ sʉk sʉknɛ, ḿbɔ́ pɔ nɛkwɛ́t tɛ ńzwɛ́t ŋ kwɛ́t, ḿbɔ́ yi ɛ́ lɑɑ ḿbɔ́ pɔ ŋkɑ́-cʉ́, kɛ ŋkɑ́-yúu pɛjʉ́ ɔɔ, m bɔɔ pɔ́k yɛcɔ́ yúu pɔ́.

Filipɛ 4:12 Кръстосани препратки

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

Mɑtʉ̈ɔ 13:52

A cú ŋɡɔ: «Pʉʉ kɛ́ ńjí ŋɡɔ ŋkyɛ́Ꞌtɛ nɛpʉ́ʉ-Mɔ̌sɛ̂ɛ ẅí ɑ pɛ́mnɛ nu-nɛfɔɔ-Sɛ́ ɑ pɔ́ pɔ pɑꞋ wɛcɔ́ ndʉ́m ẅi yúu ŋɡuꞋ pɔ́p yɛ́ ŋɡuꞋ yɔ tsɛt ntɑŋ yɛ́. A nɑ́ŋ tɛ mbʉʉ yɛ pɔŋ, ɑ ɡʉ nǔu ńcẅɛɛtɛ ntɛ́ yi ɑ kɔŋnɛ.»

2 Kɔlɛ̂ŋtɛ 10:1

Mɔ Pɔ̂l, ŋ ɡʉ ńdɔk pɑ́Ꞌ Yɛ́su Kɛlístɔ pɔ́tnɛ́nɛ tɛꞋ ḿbɛn ḿbɔ́ ŋɡɑŋ-pɔŋtʉ́m, ɛ́sẅíi wʉ́ʉ nɛ́ tɑ́Ꞌ nu. A kwɑꞋ mɔ pɔ̂l wɑ́ ẅí pɛ́ cúnɛ ŋɡɔ ŋkɑ́ yi mɔ tsɛtsɛt pʉʉ, n nẅɛɛ nẅɛɛnɛ, ŋ́kɛ́ ḿbɔ́ ŋkɑ́ yi ŋ ɡʉnɛ ŋɡɑ sɛsɑ, ńcú nu mbɔ̌ pʉʉ tsɛt ŋwɑꞋnɛ kɛ́ pɔ́k lɑ́.

2 Kɔlɛ̂ŋtɛ 10:10

Mɔ sɛ́ ńjí ŋɡɔ pɛcɔ́ pʉɔ sɛ́ ńcú ŋɡɔ pɔ̂l túu ŋwɑꞋnɛ ńcʉ̈ɔ́k tsɛtú tɛꞋ, ńcú nu ɛ́ tɛn, ḿbɛn ńtɔ́ tɛ ńtʉ́ʉ sɛ́ ḿbɔ́t, nu yí ɑ cúnɛ pɔɔ pɛn ńcʉ́ʉnɛ pɔ́.

2 Kɔlɛ̂ŋtɛ 11:27

ńjúk ɛ́fɑꞋ mɛfɑꞋ mi ɛ́ tɛnnɛ tɛ ńzúꞋ ŋ́kɑ́ɑ tɛꞋ, ńjúk ńdɛ́ kɛ́ lɛ́. Nji júk ńzɑ́ŋ wɑ́ɑ, ɡɑ́k yɑ́ɑ júk ɛ́shí, ḿbɔ́ yɛcɔ́ ŋkɑ́, yúu pɛjʉ́ ḿmɛ mbɔ̌ mɔ, fɑ́k ɡɔ́ ŋ́kɔ́ wɑ́ɑ, mbɔ n jɑ́k ndẅí.

2 Kɔlɛ̂ŋtɛ 11:7

Ŋ kɑ ɡɔ́ ńcẅi Ŋkʉʉ Sʉ́Ꞌnɛ-Sɛ́ mbɔ̌ pʉʉ, ńcẅi pɔ níinɛ. Ŋ́kɔk mbʉʉ yɑɑ ŋ́ɡɑ́ sɛ́, nɛlɔk ŋ́kɑꞋ pɔ́ yʉ́ʉ ŋ́ɡɑ́ tʉ́ pɛ́Ꞌnɛ ɛ́ lɔk ḿbɔ́ pɔ yɛcɔ́ lɔ́Ꞌ kɛkʉ̈ɔ́?

2 Kɔlɛ̂ŋtɛ 11:9

Ŋ kɑ pɔ́ lɑ́Ꞌ pʉʉ, ɛ́ pɔ́ ŋkɑ́ n jɑ́knɛ yúu, m bɔɔ cẅɛ́ɛ yúu mbɔ̌ wɛcɔ́ ŋu wʉ́ʉ pɔ́. Pɔ́ɔpɛ́mɑ́ pi pɔ́p kɑ fúnɛ Mɑsɛndwɑn kɑ ɡɑ́ kʉ̈ɔ́ lɑ́ yi ɛ́ kɑ pɔ́ ńjɑ́k mbɔ̌ mɔ. Ɛ́ kɑ ɡʉ nǔu kʉ̈ɔ́ lɑ́, m bɔɔ pɛ́m nɛpɔ́ piꞋ mbɔ̌ wɛcɔ́ ŋu wʉ́ʉ pɔ́, ŋ́kɛ́ mbɔɔ lɑ́Ꞌ yɛcɔ́ lɛ́Ꞌ lɑ ḿbɔ́ piꞋ mbɔ̌ wɛcɔ́ ŋu wʉ́ʉ pɔ́.