Filipɛ 4:1 - Kɑɑ Fí

¹ Pɔ́ɔpɛ́mɑ́ pɑ́ɑ pɛtʉʉndɛn, ɛ́ yɛ́tɛ́ lɑ́ n cú mbɔ̌ pʉʉ ŋɡɔ, pʉʉ lɔk wʉʉ nɛnɑ́ŋ ńnyɛt ŋɡɔ pʉʉ kúꞋlɛ nu-Tsɑpʉɔ tɛ ɛ́ tɛn. Mɔ sɛ́ ńtsɑ́ɑ nɛpɛn ńjʉ́ɔ wʉ́ʉ. Pʉʉ pɔ́ɔpɛ́mɑ́ pɑ́ɑ pɛtʉʉndɛn. Pʉʉ pi pʉʉ yɑ́ɑ tsɑ́ɑtɛ, ḿbɔ́ yɑ́ɑ ŋɡúꞋ.

Filipɛ 4:1 Кръстосани препратки

Mɑtʉ̈ɔ 10:22

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

Jɑ̂ŋ 8:31

Yɛ́su cú mbɔ̌ pɑyúdɑ pínɛ pɔ́p zɑ́pnɛ tʉ́m nǔu wɛ́ ŋɡɔ: «Pʉʉ lɑɑ ŋ́kúꞋlɛ sẅiŋɛ yɑ́ɑ, mbɔ pʉʉ ɡʉ ḿbɔ́ kwɑꞋ ɡɑŋku pɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 11:23

A ɡʉ tɛ ŋ́kúu zúꞋu, ńjʉ́ɔ yɛ́ pɑ́Ꞌ Sɛ́ líŋɛ́nɛ pʉɔ pi pɔ́ zɑ́pnɛ tʉ́m nǔu wɛ́ pɔ́Ꞌɔ, nu pɔŋ wɛ́ tɛꞋ. A níꞋ mɛtʉʉ mɔ́p pɛ́tsʉʉ, ŋɡɔ pɔ́p kɛ ńjí pɔ ndɑꞋ Tsɑpʉɔ, ḿbɛn ńcʉŋɛ pɔ nǔu wɛ́.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

ŊwɑꞋnɛ-Gɑŋntúu Yɛ́su Kɛlístɔ 2:42

Pɑpɛ́m Yɛ́su kɑ pɔ́ ńtɔ́ ŋkɑ́ tsʉʉ kɛ́ tẅí, ɡɑŋntúu pɔ́ ńzíꞋ wɔ́p nɛ́ nu-Sɛ́, ḿbɔ́ ńtɛmtɛ ńnɑ́ŋ pɑ́Ꞌ pɔ́ɔpɛ́mɑ́ lɑ́, ḿbuutɛ ŋ́kwɛ́t yúu. Ḿbɛn ńcúꞋlɛ ńcɛꞋlɛ Sɛ́.

Pʉɔ-Lɔ́mɑ 2:7

ŋ́ɡɑ́ luk kɛ́mɛ mbɔ̌ pʉɔ pi pɔ́p kɑ lɔknɛ nɛɡɛ nu sʉ́Ꞌnɛ kɛ́ kɑ́ɑ, ḿbɔ́ ńtsɑ́ɑ ŋɡɔ Sɛ́ ɡɑ́nɛ wɔ́p nɛɡúꞋ, ŋ́ɡɑ́ mɔ́p mɛkuꞋ, ŋ́ɡɛ pɔ́p pɔ́ tsɛt luk yí pɛ́ kɛ́ pɛn ḿpfú nǔu pɔ́.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

1 Kɔlɛ̂ŋtɛ 16:13

Kɔɔ pʉʉ mɛꞋ mbʉʉ yʉʉ ńdɛ́, pʉʉ zɑ́p tʉ́m nǔu Sɛ́ kɛ́ kɑ́ɑ, pʉʉ pɔ́ɔ mbɛ́ɛnɛ, pʉʉ tɛntɛ tɛntɛ́nɛ.

2 Kɔlɛ̂ŋtɛ 1:14

Pɑ́Ꞌ pʉʉ kɑ zɛnɛ nɛzúꞋ ntɛ́ ŋu ẅí mɔ jʉ́ lɑ́, ɛ́ ɡʉ ńdɑ́Ꞌ lɛ́Ꞌ yi Tsɑpʉɔ Yɛ́su Kɛlístɔ tɔ́nɛ, ŋ ɡɔ́ ḿbɔ́ mbɔ̌ pʉʉ ḿbɔ́ yʉ́ʉ yúu-kɑꞋmɛ, pʉʉ pɛn ḿbɔ́ yɑ́ɑ.

Ŋɡɑlɑ̂t 5:1

Kɛlístɔ kɑ zɑ́Ꞌ ŋkʉ-puꞋ lɔ́ŋ pɛkŋɛ nɛpɔ́ yi pɛkŋɛ ɡʉ ḿbɔ́ pʉɔ pi pɔ́p tsuŋ ńduk kwɑɑ-nɛpʉ́ʉ. Pɔ́Ꞌɔ lɑ́, pʉʉ kúꞋlɛ nînɑ́ nɛpɔ́ sʉ́Ꞌnɛ, ḿbɑ́ɑ nɛpɛn ḿbɛ́m yɛcɔ́ yúu pɛn ńdɔk wʉ́ʉ ŋ́ɡɛ pɛkwɑɑ.

Filipɛ 1:27

Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 1:8

Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

Filipɛ 2:26

KwɑꞋ jʉ́ zɛɛ ḿbɔ́ ńtsɑ́ɑ tɛꞋ nɛpɛn ńjʉ́ɔ wʉ́ʉ pɛ́tsʉʉ, mbíꞋŋɡɔ ɑ jí ŋɡɔ pʉʉ kɑ zúꞋ nu-ɡɔɔ yɛ́, ɛ́ ɡɑ́ɑnɛ wʉ́ʉ tɛꞋ.

Kɔlɔsíyɛ̂ŋ 4:12

Ɛpɑfɑlɑs ẅí ɑ ŋu lɑ́Ꞌ wʉʉ, cɛꞋlɛ wʉ́ʉ. Yɔ ŋu ẅí ɑ fɑꞋnɛ fɑꞋ-Yɛ́su Kɛlístɔ, ńnɑ́ŋ ŋɡɔŋ ŋkɑ́ tsʉʉ ḿbɔ́ ńdɔk nɛcɛꞋlɛ Sɛ́, ḿmɑꞋ ntsɔ nǔu tú yʉ́ʉ. A ɡɛ pɔ́Ꞌɔ, nɛpɔ́ yi pʉʉ ɡʉ tɛntɛ nǔu nu-Yɛ́su, yɛcɔ́ yúu pɔɔ pɛn ńjɑ́k nǔu pʉʉ pɔ́, pʉʉ ńnɑ́ŋ ŋɡɔŋ ŋkɑ́ tsʉʉ, ḿbɛ́m pɔ nɛɡɛ yúu mi Sɛ́ sɛ́ ŋ́kɔŋ ŋɡɔ pʉʉ ɡɛ.

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

2 Tɛsɑlɔník 2:15

Pɔ́Ꞌɔ lɑ́ mbɑ̌ɑ pɔ́ɔpɛ́mɑ́, kɔɔ pʉʉ kɑ́ɑ. Yúu mi pɛk kɑ zíꞋnɛ wʉ́ʉ, kɛ nɛ́ ntsu ɔɔ, kɛ ŋ́ŋwɑꞋnɛ pɔ tsɛt ŋwɑꞋnɛ ɔɔ, pʉʉ ɡẅɛɛ sʉ́Ꞌnɛ.

2 Timɔtɛ́ɛ 2:1

Ŋ́kɛ́ ŋ́ɡʉ nǔu ɡu mɔ́ɔ wɑɑ, nɑ́ Yɛ́su Kɛlístɔ ɡɑ́ mɛtʉʉ mbɔ̌ ɡu ńdɛɛ nǔu pɑ́Ꞌ ɑ ɡẅɛɛnɛ pɔŋtʉ́m.

Ɛ́bɛlʉʉ 10:23

Sɛ́ kɑ kɑꞋnɛ yúu mbɔ̌ pɛkŋɛ. A pɛn ŋ́kɑꞋ yúu, ŋ́ɡɛ pɔ yîyɑ́. Pɔ́Ꞌɔ lɑ́, pɛkŋɛ kɛ́ ḿbɔ́ ŋ́kẅiꞋ ɛ́sɑ́ɑnɛ sɑ́ɑnɛ ńcú ŋɡɔ, pɛkŋɛ sɛ́ ńzẅíꞋlɛ yúu mi ɑ kɑ kɑꞋnɛ tɛ pɛkŋɛ pɔɔ ḿbɔ́ ḿmʉꞋlɛ pɔ́.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

2 Pyɛ̂ 3:17

Pɛsúu pɑ́ɑ pɛ́ tʉʉndɛn, ɛ́ ɡʉ nǔu pʉʉ, mbɔ mɔ ńzɑ́Ꞌ njí ɛ́sẅíi wʉ́ʉ. Pʉʉ kɛ́ ńdɑk tú yʉ́ʉ, ḿbɔ́k pɑkɛ́kɔ́sʉ́ʉ nɛfúklɛ wʉ́ʉ pʉʉ fɑɑnɛ sɛ̂ndúŋ, ńzɛ nɛmʉ́Ꞌlɛ nǔu yúu mi tʉ́m yʉ́ʉ kɑ zɛɛnɛ ńtʉ́ʉ nǔu tɛ ńtʉ́ʉ.