Filipɛ 3:9 - Kɑɑ Fí

⁹ nɛpɔ́ yi ŋ ɡʉ tsʉ́Ꞌ ḿbɔ́ pɔ nǔu mbɔ́ mɛ́, ḿbɔ́ m bɔɔ pɛn ńcú ŋɡɔ mɔ kɛ́fɑɑnɛ mbi Sɛ́, mbíꞋŋɡɔ n jí nɛpʉ́ʉ-pɑyúdɑ pɔ́. Mɔ mbi yɛ́ ḿbɔ́ kɛ́fɑɑnɛ mbíꞋ pɔ nu yi n zɑ́pnɛ tʉ́m yɑ́ɑ nǔu Kɛlístɔ, Sɛ́ ɡɛnɛ ŋɡɔ m bɔ́ ŋu nɛ́nẅín pɑ́Ꞌ wɛ́tɛ́ ŋu ẅí ɑ zɑ́pnɛ tʉ́m yɛ́ nǔu Kɛlístɔ lɑ́.

Filipɛ 3:9 Кръстосани препратки

Mɑtʉ̈ɔ 9:13

Ɛ́ yɛ́tɛ́ lɑ́ mɔ sɛ́ ńcú mbɔ̌ pʉʉ ŋɡɔ ɡʉnɛ ńzíꞋ yúu mi ɛ́ kɑ cẅɛtnɛ tsu-Sɛ́, ɑ ńcú ŋɡɔ: Mɔ, ŋ kɔŋ ŋɡɔ pʉɔ tsɑ́ɑmɛjʉ́ŋ pɛcɔ́, ńtsɑ pɔꞋ ẅí pɛ́ lɔknɛ ŋ́ɡúꞋlɛ wɑ́ɑ. Yɛ́su ɡɔ ḿmɛkŋɛ n cú ŋɡɔ: Mɔ ŋkɑɑ tɔ́ nɛfúŋ pʉɔ pɔ́p kwɑŋɛ ŋɡɔ pɔ́p nɛ́nẅín pɔ́, mɔ m̄bɔ́ ńtɔ́ ntɛ́ pɔ ɡɑŋmɛfɑɑnɛ ŋɡɔ pɔ́p pɛn mbɔ̌ Sɛ́.»

Pʉɔ-Lɔ́mɑ 1:17

Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

Pʉɔ-Lɔ́mɑ 10:10

MbíꞋŋɡɔ ŋu zɑ́p tʉ́m yɛ́ nǔu Kɛlístɔ, Sɛ́ tsʉ́Ꞌ ńdíŋɛ ŋɡɑŋ ɑ pɔ́ pɔ ndʉ́ŋndʉŋ mbi yɛ́. Ŋu pɛn ńtʉ́ʉ tsɛtsɛt lɑ́Ꞌ ńtsɔ́Ꞌ ntsu wɛ́, sɑ́ɑnɛ sɑ́ɑnɛ́nɛ ńcú ŋɡɔ ɑ ŋu-Yɛ́su, mbɔ Sɛ́ ŋ́ɡɛ ɑ luk.

Pʉɔ-Lɔ́mɑ 16:7

Pʉʉ cɛꞋlɛ Andɛlɔnikus pɔ́p Juníyɑs. Pɛk pɛpɔ́p pɛtsʉʉ pɑyúdɑ, mbɔ pɛk pɛpɔ́p kɑ pɔ́ ndɑ́tsɑ́ŋ. Pɔ́p tsɛtsɛt ɡɑŋntúu pɛ́ ŋ́kɔŋ nu yɔ́p tɛꞋ. Pɔ́p kɑ zɛɛ ḿbiitɛ ḿbɔ́ pʉɔ-Kɛlístɔ lɑ ŋ ɡɛ ḿbɔ́ pɑ́ɑ.

Pʉɔ-Lɔ́mɑ 5:21

Ɛ́ lɛɛ pɔ́Ꞌɔ, Sɛ́ lɔk pɑ́Ꞌ ɑ tsɑ́ɑnɛ mɛjʉ́ŋ mɔ́p, jʉ́ tsʉ́Ꞌnɛ ŋ́ɡẅɛɛ wɔ́p, ŋ́ɡɛ pɔ́p tsʉ́Ꞌ pʉɔ pi pɔ́p ndʉ́ŋndʉŋ mbi yɛ́, ɛ́ lɔk ɛ́fí pɑ́Ꞌ nu kɛpɔŋ kɑ ɡɛnɛ nɛvú ɡẅɛɛ pʉɔmɛsɔŋ, ńjẅítɛ wɔ́p. Sɛ́ tsɑ́ɑ mɛjʉ́ŋ mɛkŋɛ ŋ́ɡɑ́ fuꞋ níinɛ yɛkŋɛ pɔ́Ꞌɔ, pɛkŋɛ lúꞋnɛ Tsɑpʉɔ Yɛ́su Kɛlístɔ lɑ ŋ́ɡẅɛɛ luk kɛ́mɛ.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 2:16

Lɑ́ pɛk kɛ́ ḿbɔ́ ńjí ŋɡɔ ŋumɛsɔŋ kɑ́ ɡɔ́ ḿbɔ́ ndʉ́ŋndʉŋ mbi Sɛ́, ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ-Sɛ́ pɔ́. Ɛ́ píkŋɛ pɔ ŋɡɔ ɑ zɑ́p tʉ́m yɛ́ nǔu Yɛ́su Kɛlístɔ. Ɛ́ yúu mi ɛ́ kɑ ɡɛnɛ pɛk ɡúu zɑ́p tʉ́m yɛ́k nǔu wɛ́, pɑ́Ꞌ pɛk ɡʉ ḿbɔ́ pʉɔ pi Sɛ́ kɑ́ pɛ́t ńdíŋɛ wɔ́p pɑ́Ꞌ pʉɔ pi pɔ́p ndʉ́ŋndʉŋ pɔ́. Ɛ́ kɛ́ ɛ́fú pɔ nǔu pɑ́Ꞌ pɛk zɑ́pnɛ tʉ́m nǔu Kɛlístɔ, tɛ ɛ́ pɔɔ pɔ́ pɔ ŋɡɔ pɛk kúꞋlɛ nɛpʉ́ʉ pɔ́, mbíꞋŋɡɔ Sɛ́ kɑ zɛɛnɛ ńcú ŋɡɔ sɑ̌ɑ ŋu kɛ́ lɑ́Ꞌ ŋɡɔ ŋ́kuꞋ nɛpɔ́ ndʉ́ŋndʉŋ mbi wɛ́ ɛ́fú pɔ́ nǔu pɑ́Ꞌ ŋɡɑŋ cúnɛ ŋɡɔ ɑ kúꞋlɛ nɛpʉ́ʉ pɔ́.

Filipɛ 3:6

Ŋ kɑ pɔ́ ńníꞋ tʉʉ nǔu nɛpʉ́ʉ tɛꞋ, tɛ ńtsɔ́Ꞌ ku-pʉɔ-Kɛlístɔ kɛpɔŋ. NɛkúꞋlɛ nɛpʉ́ʉ-lɑ́Ꞌ kɑ pɔ́nɛ pɛ́Ꞌnɛ ḿbɔ́ ńdɛꞋlɛ ŋɡɔ ŋu fɑɑnɛ, mbɔ ɛ́ lɑɑ ḿbɔ́ ɛ sẅíi wʉ́ʉ ŋɡɔ mɔ ŋ́kɑɑ fɑɑnɛ.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

Tîtɛ 3:5

ɑ ɡɛ pɛkŋɛ luk. A ɡɛ pɔ́Ꞌɔ ɛ́ pɔɔ pɔ́ ŋɡɔ pɛkŋɛ ɡɛ mɛnu mi ɛ́ tʉ́ʉnɛ ndʉ́ŋndʉŋ pɔ́, lɑ́ ɛ́ mbíꞋŋɡɔ ɑ tsɑ́ɑ mɛjʉ́ŋ mɛkŋɛ. A kɑ suk mɛnu kɛpɔŋ mɛkŋɛ, ńdɛɛ nǔu Zẅikŋɛ Lɛ́ɛnɛ́nɛ ŋ́ɡɛ pɛ́ pí wɛkŋɛ nɛpí wɛ fí.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

Jɑ̂k 3:2

Pɛkŋɛ fɑɑnɛ mɛnu ntɛ́ ntɛ́ pɔ kɛ́ vuꞋ ŋu. Ŋu lɑɑ ḿbɔ́ ŋu ẅí ɑ kɑ́ tɔ́ nɛcú nu ɛ́fɑɑnɛ pɔ́, mbɔ ɑ ŋu kɛ́ lɔ́Ꞌ, ŋ́kuꞋ nɛɡẅɛɛtɛ mbʉʉ yɛ tsʉʉ.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

1 Jɑ̂ŋ 3:4

Ŋu lɑɑ ńnɑ́ŋ ŋ́ɡɛ nu kɛpɔŋ, mbɔ ŋɡɑŋ lʉꞋ nɛnɛn nǔu nɛpʉ́ʉ-Sɛ́, mbíꞋŋɡɔ nɛɡɛ nu kɛpɔŋ ɛ́ nɛlʉꞋ nɛnɛn nǔu nɛpʉ́ʉ-Sɛ́.