Filipɛ 3:6 - Kɑɑ Fí

⁶ Ŋ kɑ pɔ́ ńníꞋ tʉʉ nǔu nɛpʉ́ʉ tɛꞋ, tɛ ńtsɔ́Ꞌ ku-pʉɔ-Kɛlístɔ kɛpɔŋ. NɛkúꞋlɛ nɛpʉ́ʉ-lɑ́Ꞌ kɑ pɔ́nɛ pɛ́Ꞌnɛ ḿbɔ́ ńdɛꞋlɛ ŋɡɔ ŋu fɑɑnɛ, mbɔ ɛ́ lɑɑ ḿbɔ́ ɛ sẅíi wʉ́ʉ ŋɡɔ mɔ ŋ́kɑɑ fɑɑnɛ.

Filipɛ 3:6 Кръстосани препратки

Mɑtʉ̈ɔ 23:25

Pʉʉ pɛpʉ́ktú, pʉʉ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pʉʉ pɑfɑlísɑy, pʉʉ pɑŋkɔŋmík. Pʉʉ tuk mbʉʉ-ntúꞋ lɔk ńnɔ́ mɛluꞋ mbɑ yɛ kɑ́ŋ, lɑ́ yúu mi pʉʉ lɔknɛ tsɔ́ŋ pɔ́p ɡɑ́tɛ ŋ́ɡẅɛɛ pɔ́nɛ tsɛtú.

Mɑtʉ̈ɔ 5:20

Ɛ́ yɛ́tɛ́ lɑ n cúnɛ mbɔ̌ pʉʉ ŋɡɔ: «Pʉʉ lɑɑ mbɔɔ ɡẅɛɛ nɛpʉ́ʉ sʉ́Ꞌnɛ ńdɛɛ pɑkyɛ́ꞌtɛ nɛpʉ́ʉ-Mɔ̌sɛ̂ɛ pɔ́p pɑfɑlísɑy pɔ́, mbɔ pʉʉ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.»

Lúkɑ́shi 1:6

Sɑkɑlíyɑ pɔ́p nzwɛ́ wɛ kɑ pɔ́ pʉɔ, ŋ́ɡẅɛɛ nɛpʉ́ʉ-Sɛ́ kwɑꞋ sʉ́Ꞌnɛ, ńzúꞋ ntsu-Sɛ́, ḿbɛn ŋ́ɡɛ pɔ yúu mi ɑ sɛ́ ŋ́kɔŋ tɛ lɔ́Ꞌ pɔɔ ńcẅɛt pɔ́.

ŊwɑꞋnɛ-Gɑŋntúu Yɛ́su Kɛlístɔ 21:20

Pɑcẅɛ́ɛ mbi tsɛt cúꞋlɛ-pʉɔ-Kɛlístɔ-Yɛ́lúsɑlɛm zúꞋ yɔ nu ɛ́ pɔŋ wɔ́p tɛꞋ. Pɔ́p kɑꞋ lík-Sɛ́ ŋ́ɡɑ́ tʉ́, ńcú mbɔ̌ Pɔ̂l ŋɡɔ: Mɔ́ɔmɑ́ wɛk, jʉ́ɔ yú. Mbɑ kwɑꞋ Pɑyúdɑ ntsɑ́Ꞌ tɛ ńzɑ́ɑ kɑ ńtsʉ́Ꞌ pʉɔ-Kɛlístɔ, ḿbɛn ḿbɔ́ kwɑꞋ pɑkúꞋlɛ nɛpʉ́ʉ-Mɔ̌sɛ̂ɛ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 22:5

Tɑ́tndɑ́-pɑnɔŋpɔꞋ, mbɑ cúꞋlɛ-pɑsɑ́Ꞌ lɑ́Ꞌ yɔ, sɛ́ ńjí ŋɡɔ nu yi n cúnɛ ɛ́ nɛ́nẅín. Pɔ́p kɑ zɛɛnɛ ŋ́ɡɑ́ mɛŋwɑꞋnɛ ńdɔk ńtúu wɑ́ɑ ŋɡɔ ŋ ɡʉ ńnyɛt mbɔ̌ pɔ́ɔpɛ́mɑ́ pɛkŋɛ pɑyúdɑ pi pɔ́p tsɛt tʉ́sɔŋ-Ndɑ́mɑ́s. Ɛ́ pɔ́ ŋɡɔ ŋ ɡẅɛɛ pʉɔ-Kɛlístɔ, ńdɔk wɔ́p ḿbɛn nzʉʉ nɛ́ Yɛlúsɑlɛm, nɛpɔ́ yi pɛ́ ɡʉ ŋ́ɡɛ pɔ́p jʉ́ɔ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 26:5

Ŋ kɑ nɑ́ŋ nǔu ntɛ́ yi ŋu nǔu nɔɔ-pɑfɑlísɑy nɑŋnɛ pɔ́Ꞌɔ, pɔ́p pɛn ḿbɔ́ pʉɔ ńcʉŋɛ nǔu nɛpʉ́ʉ-nu-Sɛ́ yɛ́k tɛ ńtsɑ pɛcɔ́ pʉɔ. Pɑyúdɑ lɑɑ ŋ́kɔŋ, pɔ́p sẅíi zɑɑmɔɔ ŋɡɔ, nu yi n cúnɛ lɑɑ, ɛ́ nu nɛ́nẅín. Pɔ́p zɛɛ ńjí wɑ́ɑ tɛ ɛ́fú tɛ lɛ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 8:3

Sɔ̂l pɔ́ ɛ́sɑ́Ꞌ yɛ́ tʉʉ pɔ nɛpík cúꞋlɛ-pɑpɛ́m Yɛ́su, ḿbɔ́ ŋ́kúu mɛndɑ́ mɛndɑ́ ńdɔɔ pɑpɛ́m Yɛ́su, ŋ́ɡẅɛɛ mbɛ́ɛnɛ pɔ́p pɑŋɡɛ́, ɛ́shuŋ wɔ́p ŋ́ɡɑ́ pɛ́ mɑꞋ wɔ́p ndɑ́tsɑ́ŋ.

Pʉɔ-Lɔ́mɑ 7:9

Ɛ́ kɑ pɔ́ ŋkɑ́ yi ŋ kɑ pɛ́tnɛ kɛ́ jí nɛpʉ́ʉ-Sɛ́, ńzúꞋ ḿbɔ́ pɔ sʉ́Ꞌnɛ, ŋ kɑ pɛn ḿbɔ́ tɛ ńjí, nɛtsɑ́ɑ nɛɡɛ nu kɛpɔŋ kúu nǔu mɔ,

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

1 Kɔlɛ̂ŋtɛ 15:9

mbíꞋŋɡɔ mɔ tsɛtsɛt ɡɑŋntúu ḿbɔ́ wɛ nzʉʉ. N zɛɛ ŋ́kɛ́ mbɔɔ kuꞋ nɛpɔ́ yi mbɔ pɛ́ fúŋ wɑ́ɑ nɛ́ ŋɡɑŋntúu pɔ́, mbíꞋŋɡɔ ŋ kɑ nyɛt cúꞋlɛ-pʉɔ Sɛ́ nɛ́ ŋɡʉ̈ɔ́Ꞌ.

Filipɛ 2:15

nɛpɔ́ yi, yɛcɔ́ yúu mi pɛ́ ɡʉ ńdɑ́Ꞌ wʉ́ʉ nǔu kɛ́ pɔ́ ɡú pɔ́. Pʉʉ pɔ́ ndɛ́ɛnɛ lɛ́ɛnɛ́nɛ. Pʉʉ lɔk ḿbɔ́ ndǔ yɔ mbí, ḿbɔ́ pʉɔ-Sɛ́ pi yɛcɔ́ lɔ́Ꞌ kɑ́ pɔ́ nǔu pɔ́p pɔ́, ɛ́ lɔk ḿbɔ́ ŋɡɔ pʉʉ kyɛꞌ yi ɛ́ kyɛꞋnɛ zʉꞋ tsɛtsɛt yɔ nɔɔ-pʉɔ pi pɔ́p pɔ́ pɔ ɡɑŋcɔtnu, ḿbɛn ḿbɔ́ pɑsɑ́ŋ nu ŋkẅɛpmɛ ŋkẅɛpmɛ,

Filipɛ 3:9

nɛpɔ́ yi ŋ ɡʉ tsʉ́Ꞌ ḿbɔ́ pɔ nǔu mbɔ́ mɛ́, ḿbɔ́ m bɔɔ pɛn ńcú ŋɡɔ mɔ kɛ́fɑɑnɛ mbi Sɛ́, mbíꞋŋɡɔ n jí nɛpʉ́ʉ-pɑyúdɑ pɔ́. Mɔ mbi yɛ́ ḿbɔ́ kɛ́fɑɑnɛ mbíꞋ pɔ nu yi n zɑ́pnɛ tʉ́m yɑ́ɑ nǔu Kɛlístɔ, Sɛ́ ɡɛnɛ ŋɡɔ m bɔ́ ŋu nɛ́nẅín pɑ́Ꞌ wɛ́tɛ́ ŋu ẅí ɑ zɑ́pnɛ tʉ́m yɛ́ nǔu Kɛlístɔ lɑ́.

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.