Filipɛ 3:3 - Kɑɑ Fí

³ Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Filipɛ 3:3 Кръстосани препратки

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Pʉɔ-Lɔ́mɑ 15:17

N dɔk pɑ́Ꞌ dɑtnɛ mbʉʉ nǔu Yɛ́su Kɛlístɔ, ŋ́kuꞋ nɛlɔk fɑꞋ-Sɛ́ yi mɔ sɛ́ ɛ́fɑꞋ ŋ́kɑꞋmɛ.

Pʉɔ-Lɔ́mɑ 7:6

Lɑ́ ɛ́ kɛ́ ḿbɔ́ ŋkɔ̂ɔnɛ pɛkŋɛ pɔɔ ḿbɛ́t ńnɛn pɔ nǔu sɛ̂ndúŋ-nɛpʉ́ʉ lɑ ńtsɑ́ɑ nɛpɔ́ ndʉ́ŋndʉŋ pɔ́, mbíꞋŋɡɔ pɛkŋɛ nǔu ẅîwɑ́ sɛ̂ndúŋ ẅi ɛ́ ḿbɔ́ ńdɔk wɛkŋɛ ŋ́ɡɛ ɡɑŋtsɑ́ŋ, ńtsʉ́Ꞌ pɔ pɛpfú. Lɑ́ pɛk ŋkɔ̂ɔnɛ ńtsʉ́Ꞌ ɛ́fɑꞋ mbɔ̌ Sɛ́ pɔ nǔu ntɛ́ yi fí, ńdɔk mɛtʉʉ-Zẅikŋɛ Lɛ́ɛnɛ́nɛ ɛ́fɑꞋ, tɛ pɛk kɑ́ pɛn ɛ́fɑꞋ nǔu ntɛ́ yɛ́ ŋkɑ́mbi, ŋkɑ́ yi pɛk kɑ pɔ́ ńzúꞋ pɔ ntsu-nɛpʉ́ʉ ni pɛ́ kɑ ŋwɑꞋnɛ́nɛ pɔ́.

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

Pʉɔ-Lɔ́mɑ 8:39

ḿbɔ́ pɔ mɛtʉʉ ntɛ́ nɛ́ ntɛ́ mi ɛ́ ndǔmbí, mi ɛ́ tʉ́, kɛ mi ɛ́ tsɛt sɛ́ ɔɔ, ḿbɔ́ pɔ yɛcɔ́ yúu ndɛꞋ yi Sɛ́ kɑ pɔ́ɔnɛ, mbɔ yɛcɔ́ yúu kɛ́ lɑ́Ꞌ ŋ́kuꞋ nɛtɑɑtɛ Sɛ́ nɛkɔŋ wɛkŋɛ pɔ́. A kɑ lɛɛ nǔu Yɛ́su Kɛlístɔ, Tsɑpʉɔ wɛkŋɛ, ńnyɛt ŋɡɔ ɑ kɔŋ wɛkŋɛ.

Pʉɔ-Lɔ́mɑ 9:6

Pɔ́p zɛɛ ḿbɔ́ ḿmuŋɛ Kɛlístɔ, lɑ́ mbɔ m bɔɔ cú ŋɡɔ nu yi Sɛ́ kɑ kɑꞋnɛ mbɔ̌ Pɑíslɑyɛ̂l kɑ́ kɛ́ ńcẅɛt nu pɔ́ pɔ́. Ɛ́ mbíꞋŋɡɔ ɛ́ zɛɛ ŋ́ɡɔ́ ḿbɔ́, pʉɔ pi pɔ́p nǔu njẅɛt-Pɑíslɑyɛ̂l, nɛlʉ́m kɑ́ pɔ́ kwɑꞋ pʉɔ-Pɑíslɑyɛ̂l pɔ́,

2 Kɔlɛ̂ŋtɛ 11:18

Pʉɔ tɛ ńzɑ́ɑ sɛ́ ńdɔk pɔ yúu mi ɛ́ pɔ́ pɔ yɛ pʉɔmɛsɔŋ ŋ́kɑꞋmɛ, pɔ́Ꞌɔ lɑ́, ŋ ɡʉ kɑꞋmɛ yɑ́ɑ.

Ŋɡɑlɑ̂t 5:25

Pɑ́Ꞌ wɛkŋɛ nɛpɔ́ wɛ ŋkɔ̂ɔnɛ fú pɔ mbɔ̌ Zẅikŋɛ Lɛ́ɛnɛ́nɛ lɑ́, pɛkŋɛ nɛn nǔu ntɛ́ yi Zẅikŋɛ ɛ̂yɑ́ sɛ́ ńnyɛt wɛkŋɛ.

Ŋɡɑlɑ̂t 6:16

Sɛ́ nyɛt ŋɡɔ tʉ́m yɛ́ pɔŋ, ḿbɛn ńníꞋ mɔ́fíitɛ tsɛt tʉ́m pʉɔ pɛtsʉʉ pi pɔ́p ɡʉ ńzúꞋ wɔ tík wɛ fí, ńtík ku nǔu, mbɑ mbɔ̌ pʉɔ-Sɛ́ tɛ ḿmɛ.

Ɛ́fɛ̂zɛ 6:18

Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Filipɛ 1:1

Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Filipɛ 3:12

Ḿbɔ́ m bɔɔ cú ŋɡɔ ŋ ɡʉ mɔ́ tɛ ŋ́kúu pɔ́. Ḿbɔ́ m bɔɔ cú ŋɡɔ mɔ ndʉ́ŋndʉŋ pɔ́. M bɛ́t sɛ̂ndúŋ, ŋ́kʉɔ ndʉ́ɔlɛ́, ńtsɑ́ɑ nɛjʉ́ ndʉ́ɔlɛ́ ɛ̂yɑ́, mbíꞋŋɡɔ Yɛ́su Kɛlístɔ kɑ kɛ́mɔ́ ńtík pɔ́ nǔu mɔ.

Filipɛ 3:14

Mɔ sɛ̂ndúŋ ŋ́kʉɔ pɔ ndʉ́ɔlɛ́ nɛkúu zʉꞋ yi ŋ ɡʉnɛ zúꞋu ńcẅɛ́ɛ tsɔ́ꞋfɑꞋ yi Sɛ́ kɑ kɑꞋnɛ nɛɡɑ́ mbɔ̌ pɛkŋɛ tʉ́nɛ́pú. Yîyɑ́ tsɔ́ꞋfɑꞋ pɔ́ nɛpɔ́ nɛjɔ́ŋ Yɛ́su tʉ́nɛ́pú.

Kɔlɔsíyɛ̂ŋ 2:11

Pʉʉ pɛ Kɛlístɔ kɑ pɔ́ tɛ ńtɛmtɛ, Sɛ́ ɡɛ lii nǔu pʉʉ. Ɛ́ pɔ́ yi ɛ́ nyɛtnɛ ŋɡɔ pʉʉ pʉɔ pɛ́. A kɑ pɔ́ yɛcɔ́ ŋkɑ́ ńcú mbɔ̌ pɑyúdɑ ŋɡɔ pɔ́p ɡɛ pɛ́ púꞋ wɔ́p, ɛ́ pɔ́ lii, lɑ́ ɛ́ kɛ́ ŋ́ɡʉ nǔu pʉʉ, mbɔ lii yi ɑ ɡɛnɛ nǔu pʉʉ, ɛ́ kɑ́ pɔ́ ɛ́fú mbɔ̌ pʉɔmɛsɔŋ pɔ́, ɛ́ fú pɔ mbɔ̌ Kɛlístɔ. Ńdɔk ńcẅɛɛtɛ nu kɛpɔŋ yi ɛ́ ḿbɔ́nɛ mbʉʉ pʉʉ.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.