Filipɛ 3:14 - Kɑɑ Fí

¹⁴ Mɔ sɛ̂ndúŋ ŋ́kʉɔ pɔ ndʉ́ɔlɛ́ nɛkúu zʉꞋ yi ŋ ɡʉnɛ zúꞋu ńcẅɛ́ɛ tsɔ́ꞋfɑꞋ yi Sɛ́ kɑ kɑꞋnɛ nɛɡɑ́ mbɔ̌ pɛkŋɛ tʉ́nɛ́pú. Yîyɑ́ tsɔ́ꞋfɑꞋ pɔ́ nɛpɔ́ nɛjɔ́ŋ Yɛ́su tʉ́nɛ́pú.

Filipɛ 3:14 Кръстосани препратки

Lúkɑ́shi 16:16

Yɛ́su pɛn ńcú ŋɡɔ: «Jɑ̂ŋ kɑ ŋ́ɡɔ ńtɔ́, pɛ́ pɔ́ ńzúꞋ pɔ nɛpʉ́ʉ-Mɔ̌sɛ̂ɛ, pɔ́p mɛnu-pɛŋɡɛ́mndʉ̈ɔ́Ꞌ-Sɛ́, pɛ́ ŋkɔ̂ɔnɛ ḿbɔ́ ɛ́sɑ́Ꞌ Ŋkʉʉ sʉ́Ꞌnɛ ńdɔk ḿbʉ́ ŋɡɔ nɛfɔɔ-Sɛ́ zɛ nɛtɔ́. Mbɑ wɔ̌ lɑ́ sɛ́ ɛ́sɑ́Ꞌ tʉʉ nɛpɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́.

Pʉɔ-Lɔ́mɑ 11:29

Ɛ́ pɔ́Ꞌɔ, mbíꞋŋɡɔ Sɛ́ kɑ́ lɔk yúu ŋ́ɡɑ́ fuꞋ-ŋu ḿbɛn ńcẅɛ́ɛ pɔ́, ŋ́kɛ́ ḿbɔɔ cú ŋɡɔ ɑ fúŋ ŋu ḿbɛn ŋ́kúpmɛ nu yi ɑ cúnɛ pɔ́.

1 Kɔlɛ̂ŋtɛ 9:24

Pʉʉ sɛ́ ńjí yʉ́ʉ ŋɡɔ ɛ́ ɡʉ zʉꞋ yi pɛ́ kʉɔnɛ ndʉ́ɔlɛ́ zúꞋu, pɑkʉɔ ndʉ́ɔlɛ́ kʉ̈ɔ́ pɔ pɛtsʉʉ, lɑ́ tɑ́Ꞌ ŋu wɛ́mɔ́Ꞌ nǔu pɔ́p tíinɛ yúu mi pɛ́ zɑ́pnɛ. Mbɑ wɔ̌ lɑ́ nǔu pʉʉ kʉ̈ɔ́ nǔu ntɛ́ yi ɑ ɡʉ ńtíi yúu mi pɛ́ zɑ́pnɛ.

2 Kɔlɛ̂ŋtɛ 4:17

Mɔ́ɔ mɔ́yúu ŋɡʉ̈ɔ́Ꞌ ẅi pɛk ŋkɔ̂ɔnɛ ḿbɔ́ ńjʉ́ɔ, ɛ́ lɛɛ lɛɛnɛ. Pɛ́ lɑɑ ŋ́ɡʉ ḿbɛ́ɛ fʉꞋ, ɛ́ pɔɔ kuꞋ yɛcɔ́ yúu nǔu nɛɡúꞋ kɛ́ ndɛn ẅi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́, ẅi yîyɑ́ ŋɡʉ̈ɔ́Ꞌ lɔk ńtsɔ́Ꞌ sɛ̂ndúŋ ŋ́ɡɑ́ mbɔ̌ pɛkŋɛ.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

1 Tɛsɑlɔník 2:12

Pɛk kɑ níꞋ mɛtʉʉ mʉ́ʉ, ńníꞋ tʉ́m yʉ́ʉ, ńtsuŋ ńcú mbɔ̌ pʉʉ ŋɡɔ pʉʉ nɛn nǔu sɛ̂ndúŋ ẅi Sɛ́ sɛ́ ŋ́kɔŋ. Jʉ́ ẅi ɑ sɛ́ ɛ́fúŋ wʉ́ʉ tsɛt nɛfɔɔ nɛ́, tsɛt nɛɡúꞋ wɛ.

2 Timɔtɛ́ɛ 1:9

A kɑ ɡɛ pɛkŋɛ luk, ɛ́fúŋ wɛkŋɛ ńdɔk ŋ́ɡɛ pʉɔ pɛ́. A ŋ́kɑɑ ɡɛ pɔ́Ꞌɔ, ɛ́fú nǔu mɛfɑꞋ sʉ́Ꞌnɛ mi pɛkŋɛ fɑꞋnɛ pɔ́, ɑ kɑ ɡɑ́ pɑ́Ꞌ ɑ kɑ kwɑŋɛ́nɛ ḿbɛn ŋ́ɡɛ pɔŋtʉ́m yɛ́. A kɑ lɛɛ nǔu Yɛ́su Kɛlístɔ ńnyɛt pɔŋtʉ́m yɛ́ ɛ̂yɑ́ tɛ ndǔmbí pɛ́t pɔ kɛ́ pɔ́ ɡú.

Ɛ́bɛlʉʉ 3:1

Pɔ́Ꞌɔ lɑ, pɔ́ɔpɛ́mɑ́ pɑ́ɑ pʉɔ-Kɛlístɔ, Sɛ́ wi kwɑꞋ jʉ́ kɑ fúŋnɛ wʉ́ʉ nǔu nu yɛ́, mbɑ wɔ̌ lɑ́ tɔ́ nǔu yɛ́ yúu. Pʉʉ sɑ́ŋ nu nǔu ŋu ẅí Yɛ́su jʉ́, ɑ jʉ́ ẅí Sɛ́ kɑ túunɛ ŋɡɔ ɑ pɔ́ wɛkŋɛ nɔŋpɔꞋ wɛ ɡwɛ́ nǔu nu-Sɛ́ ẅi pɛkŋɛ tʉ́ʉnɛ nǔu.

Ɛ́bɛlʉʉ 6:1

Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ kɔɔ pɛkŋɛ ɡɔ́ŋ tɑ́Ꞌ ŋkɑ́ nǔu mɛnduŋmbi mɛnu mi pɛkŋɛ kɑ zɛnɛ nǔu nɛjí nu-Kɛlístɔ. Pɛkŋɛ sɑ́Ꞌ tʉʉ ńzíꞋ mɛnu mɛ́ mi pɛ́ zíꞋnɛ pʉɔ pi pɔ́p tsʉklɛnɛ nǔu nu wɛ́, tɛ pɛkŋɛ pɔɔ lɑ́Ꞌ ńjúk ńnɔŋ pɔ cʉ́ ndɛꞋ pɔ́. Pɛ́ cú nɛpɛn ḿbɛn nǔu mɛnu pɑ́Ꞌ nɛtɛ́m ŋkwɛn nǔu mɛfɑꞋ mi ɛ́ ɡɑ́nɛ pɔ nɛvú, pɑ́Ꞌ nɛzɑ́p tʉ́m nǔu Sɛ́,

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

1 Pyɛ̂ 5:10

Ŋɡʉ̈ɔ́Ꞌ yʉʉ ɡʉ nɑꞋ ńnɑ́ŋ pɔ mɔ́zʉꞋ, Sɛ́ ẅi mbɑ yɛ́tɛ́ nu sʉ́Ꞌnɛ lɑ́ fú pɔ mbɔ̌ wɛ́, jʉ́ ẅí ɑ kɑ lɛɛnɛ nǔu Yɛ́su Kɛlístɔ ɛ́fúŋ wʉ́ʉ pɑ́Ꞌ pʉʉ ɡʉ ḿbɔ́ yʉ́ʉ tsɛt nɛɡúꞋ wɛ ẅí ndẅiklɛ kɑ́ pɔ́ ɡú pɔ́, ɡʉ ɛ́fú pɔ́Ꞌɔ, ŋ́ɡɛ yɛcɔ́ yúu pɔɔ pɛn ńjɑ́k nǔu pʉʉ pɔ́, ńtẅí fufuꞋ wʉʉ, pʉʉ tɛntɛ, pɛ́ pɔɔ pɛn ŋ́kuꞋ nɛtsʉ́ʉ wʉ́ʉ tɛ ḿmɑꞋ sɛ́ pɔ́.

2 Pyɛ̂ 1:3

Sɛ́ kɑ lɔk mɔ́ mɛtʉʉ mɛ́, ŋ́ɡɑ́ wɛkŋɛ nɛ́ mbɑ kʉ̈ɔ́ lɑ́ yi ɛ́ sɛ́ ḿbíkŋɛ ŋɡɔ pɛkŋɛ ɡẅɛɛ lɑ ńdɔk ńnɑ́ŋ, ḿbɔ́ ńdɑt mbʉʉ yɛkŋɛ pɔ ndɑꞋ nǔu wɛ́. A kɑ zɛɛ ŋ́ɡɛ pɛkŋɛ jí jʉ́ Sɛ́ ẅi ɑ kɑ fúŋnɛ wɛkŋɛ pɑ́Ꞌ pɛkŋɛ pɛpɔ́p ɡʉ ńtɛmtɛ ḿbɔ́ tsɛt nɛɡúꞋ wɛ, ńjʉ́ pii pɔŋtʉ́m yɛ́.

Mɛnu ɛ́ ńdɑ́Ꞌ ńcẅɛt 3:21

Ɛ́ ɡʉ ŋ́ɡɛ ŋ́ɡʉ nǔu ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, ŋ ɡɛ ɑ nɑ́ŋ nǔu kɔꞋ-nɛfɔɔ nɛjɔ́ŋ yɑ́ɑ, pɑ́Ꞌ mɔ yɑ́ɑ ŋ kɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, Tɑ̌ɑ mɔ ɡɛ n nɑ́ŋ nǔu kɔꞋ-nɛfɔɔ nɛjɔ́ŋ yɛ́ lɑ́.