Filipɛ 3:13 - Kɑɑ Fí

¹³ Pɔ́ɔpɛ́mɑ́ pɑ́ɑ, mbɔ m bɔɔ cú ŋɡɔ ŋ ɡʉ tɛ ŋ́kúu pɔ́, mɔ sɛ́ ŋ́ɡɛ pɔ tɑ́Ꞌ yúu, ɛ́ pɔ́ nɛɡɔ́ ŋ́ɡɛ yúu, ńdikŋɛ Mbɑ kʉ̈ɔ́ lɑ́ yi ŋ kɑ ɡɛnɛ, ńtsʉ́Ꞌ ńdíŋɛ pɔ yi ɛ́ mbi.

Filipɛ 3:13 Кръстосани препратки

Lúkɑ́shi 10:42

Lɑ́ tɑ́Ꞌ yúu ɡú, ḿbɔ́ yɛ́ tʉʉ ndɛn, Mɑlíyɑ kɑŋ yîyɑ́, ḿbɔ́ ŋu pɔɔ fú mbɔ̌ wɛ́ ńcẅɛɛtɛ pɔ́.»

Lúkɑ́shi 9:62

Yɛ́su cú mbɔ̌ wɛ́ ŋɡɔ: «Ŋu lɑɑ ńzɛ nɛzʉ́Ꞌ nɑŋ, ḿbɛn ḿbɔ́ ńdíŋɛ nzʉʉ, mbɔ ɑ kɑ́ pɔ́ ŋu ẅi ɑ kuꞋ nɛfɑꞋ nǔu nu-nɛfɔɔ-Sɛ́ pɔ́.»

2 Kɔlɛ̂ŋtɛ 5:16

Pɑ́Ꞌ ɛ́ pɔ́Ꞌɔ lɑ́, pɛk nǔu ŋkɔ̂ɔnɛ ńtsʉ́Ꞌ ḿbɔ́ɔ ńjí ŋu pɔ nǔu ntɛ́ yi pʉɔmɛsɔŋ lɔknɛ ńjí ŋu pɔ́. Ɛ́ lɑɑ ḿbɔ́ yi pɛk kɑ zɛɛ ńjí Kɛlístɔ nǔu yîyɑ́ ntɛ́, mbɔ pɛk ŋkɔ̂ɔnɛ ḿbɔɔ ḿbɛn ḿbɔ́ ńjí wɛ́ pɔ́Ꞌɔ pɔ́.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Filipɛ 3:12

Ḿbɔ́ m bɔɔ cú ŋɡɔ ŋ ɡʉ mɔ́ tɛ ŋ́kúu pɔ́. Ḿbɔ́ m bɔɔ cú ŋɡɔ mɔ ndʉ́ŋndʉŋ pɔ́. M bɛ́t sɛ̂ndúŋ, ŋ́kʉɔ ndʉ́ɔlɛ́, ńtsɑ́ɑ nɛjʉ́ ndʉ́ɔlɛ́ ɛ̂yɑ́, mbíꞋŋɡɔ Yɛ́su Kɛlístɔ kɑ kɛ́mɔ́ ńtík pɔ́ nǔu mɔ.

Filipɛ 3:8

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii,

Ɛ́bɛlʉʉ 6:1

Ɛ́ yúu mi ɛ́ ɡɛnɛ ɛ́ pɔ́ ḿbíkŋɛ ŋɡɔ kɔɔ pɛkŋɛ ɡɔ́ŋ tɑ́Ꞌ ŋkɑ́ nǔu mɛnduŋmbi mɛnu mi pɛkŋɛ kɑ zɛnɛ nǔu nɛjí nu-Kɛlístɔ. Pɛkŋɛ sɑ́Ꞌ tʉʉ ńzíꞋ mɛnu mɛ́ mi pɛ́ zíꞋnɛ pʉɔ pi pɔ́p tsʉklɛnɛ nǔu nu wɛ́, tɛ pɛkŋɛ pɔɔ lɑ́Ꞌ ńjúk ńnɔŋ pɔ cʉ́ ndɛꞋ pɔ́. Pɛ́ cú nɛpɛn ḿbɛn nǔu mɛnu pɑ́Ꞌ nɛtɛ́m ŋkwɛn nǔu mɛfɑꞋ mi ɛ́ ɡɑ́nɛ pɔ nɛvú, pɑ́Ꞌ nɛzɑ́p tʉ́m nǔu Sɛ́,

2 Pyɛ̂ 3:8

Lɑ́ pɛsúu pɑ́ɑ pɛ́ tʉʉndɛn, yɛcɔ́ tɑ́Ꞌ yúu ɡú yi ɛ́ kɑ́ pɔŋ ŋɡɔ pʉʉ likŋɛ pɔ́. Ɛ́ mbɔ̌ Tsɑpʉɔ tɑ́Ꞌ lɛ́Ꞌ pɔ́ pɑ́Ꞌ ŋɡuꞋ ntsɑ́Ꞌ, ŋɡuꞋ ntsɑ́Ꞌ pɔ́ pɑ́Ꞌ tɑ́Ꞌ lɛ́Ꞌ.