Filipɛ 3:11 - Kɑɑ Fí

¹¹ nɛpɔ́ yi, ɛ́ lɑɑ ḿbɔɔ pɔ́ pɔ kʉ̈ɔ́ pɔ́, Sɛ́ lɑ́Ꞌ ŋ́ɡɛ n zẅíimɛ yɑ́ɑ nǔu nɛvú pɑ́Ꞌ Kɛlístɔ.

Filipɛ 3:11 Кръстосани препратки

Lúkɑ́shi 14:14

Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»

Jɑ̂ŋ 11:24

Mɑ́ktɑ pʉ̈ɔt ŋɡɔ: «N jí ŋɡɔ ɑ ɡʉ ŋ́ɡɛ ńzẅíimɛ nǔu ndẅiknzʉʉ lɛ́Ꞌlɑ́Ꞌ pɑ́Ꞌ pɛpfú ɡʉ ńdɑ́Ꞌ ḿbɔ́ ńzẅíimɛ.»

ŊwɑꞋnɛ-Gɑŋntúu Yɛ́su Kɛlístɔ 23:6

Pɔ̂l pɔ́ ńjí ŋɡɔ ɛ́ tsɛtsɛt pʉɔ pinɛ pɔ́p sɛ́ ŋ́ŋɑk ntsɑŋ yɛ́, pɛcɔ́ pʉɔ pɔ́ pɑsɑdukɑy, pɛcɔ́ pɔ́ pɑfɑlísɑy, ŋ́ɡɔ́ɔ ŋ́kɛ́ ńtʉ́ʉ mbi pɔ́p ńdɔk ŋɡi tɛnnɛ ńcú ŋɡɔ: «Pɔ́ɔpɛ́mɑ́ pɑ́ɑ, mɔ ŋu-fɑlísɑy. Mbɑ tɑ̌ɑ mɔ kɑ pɔ́ ŋu-fɑlísɑy. Mɔ sɛ́ ḿbyɛ́p lɛ́Ꞌ yi pɛpfú ɡʉ ńdɑ́Ꞌ zẅíimɛ nǔu nɛvú. Pɛ́ zɑꞋnɛ ŋ́ŋɑk wɑ́ɑ pɑ́Ꞌɑ ntɛ́ pɔ yîyɑ́ nu.»

ŊwɑꞋnɛ-Gɑŋntúu Yɛ́su Kɛlístɔ 26:7

Mɛnjẅɛtndɑ́ mɛkŋɛ ntsɔ̌ppɑ́ nɛ́ nɛɡɛ́m sɛ́ ńzẅíꞋlɛ yɔ́p pɔ lɛ́Ꞌ yi Sɛ́ ɡʉ ŋ́ɡɛ yîyɑ́ nu puutɛ. Tɛ ḿbɔ́ nɛnɛm mbɑ nɛtúꞋ, ḿbɔ́ ńcɛꞋlɛ Sɛ́, ŋ́kɛ́ ńzẅíꞋlɛ pɔ yɛ́tɛ́. Zɑɑ ŋɡɔ́mɑ́kɔp, pɑyúdɑ fɛn wɑ́ɑ pɑ́Ꞌɑ ntɛ́ pɔ ŋɡɔ mɔ sɛ́ ńzẅíꞋlɛ yîyɑ́ yúu.

ŊwɑꞋnɛ-Gɑŋntúu Yɛ́su Kɛlístɔ 27:12

Ńzɛɛ ŋ́ɡɔ ḿbɔ́, zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ zúꞋu pɔɔ lii zʉꞋ yi ɛ́ lɑɑ ḿbɔ́ pʉɔ tswɛ́ zúꞋu nǔu ŋkɑ́-fɛ́m tɛ nu pɔŋ wɔ́p pɔ́. Ɛ́ lɛɛ pɔ́Ꞌɔ, pʉɔ pɛtsʉʉ pi pɔ́p ḿbɔ́nɛ tsɛt mɑ́mɑ́ kɑnúꞋ tsʉ́Ꞌ ńzɑ́p pɔ ŋɡɔ pɛ́ fú zúꞋu ŋ́ɡʉ, ḿbɔ́ ŋ́kwɑŋɛ ŋɡɔ ɛ́ lɑɑ ŋ́ɡɑ́ shʉ́, pɔ́p ɡʉ tɛ ŋ́kúu nǔu zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ tsɛt ŋɡɔŋ-Kɛlɛ̂t ɛ̂wɑ́ pɛ́ fúŋ ŋɡɔ Fɛnís. Fɛnís pɔ́ tʉ́sɔŋ ẅí nɛlẅí-tsɛ́tsɑ́Ꞌ kɑ tɔ́ zúꞋu ńcẅɛt, yɛcɔ́ sɑ́k-tʉ́sɔŋ pɔ́ ńdíŋɛ ɡúŋ-Mbɛ́ nɛm yi kɔŋ, yɛcɔ́ líŋɛ ɡúŋ-Mbɛ́ nɛm yi ntsʉ́ʉ. Pɔ́p tsɑ́ɑ pɔ́Ꞌɔ, nɛkúu zúꞋu ńdɑ́Ꞌ ńnɑ́ŋ tɛ ŋkɑ́-fɛ́m lɛɛ.

Pʉɔ-Lɔ́mɑ 11:14

Mɔ sɛ́ ḿbɔ́ ɛ́fɑꞋ tsɛtsɛt pʉʉ, ḿbɔ́ ńtsɑ́ɑ ŋɡɔ pɔ́ɔpɛ́mɑ́ pɑ́ɑ pɑyúdɑ jʉ́ɔ mɛfɑꞋ-Sɛ́ nǔu pʉʉ lɔ́ŋ wɔp kɔ́Ꞌ, ńjí ŋɡɔ ŋ ɡʉ ŋ́ɡɛ Sɛ́ fú nǔu ŋ́ɡɛ pɛcɔ́ ntɑ́Ꞌ tsɛtsɛt pɔ́p luk.

1 Kɔlɛ̂ŋtɛ 15:23

Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Kɔlɛ̂ŋtɛ 9:22

Mɔ ŋkɑ́ yi mɔ sɛ́ ɛ́fɑꞋ tsɛtsɛt pʉɔ pi pɔ́p pɛ́t ḿbɔ́t pɔ́tnɛ nǔu nɛzɑ́p tʉ́m nǔu Kɛlístɔ, ńnɑ́ŋ pɑ́Ꞌ ŋu ẅí ɑ pɛ́t ḿbɔ́t yɛ́ pɔ́tnɛ lɑ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ pɔ́p tsʉ́Ꞌ kwɑꞋ pʉɔ-Kɛlístɔ. Ŋu lɑɑ ḿbɔ́ pɔ ŋɡɔ́ku ɔɔ, ḿbɔ́ pɔ ŋɡɔ́ku ɔɔ, n tsʉ́Ꞌ pɑ́Ꞌ jʉ́, ńjí ŋɡɔ ŋ ɡʉ ńdɔk pɔ́Ꞌɔ, ŋ́ɡɛ nǔu ntɛ́ yi ḿbɔ́ ɑ luk.

1 Kɔlɛ̂ŋtɛ 9:27

Mɔ sɛ́ ŋ́ɡẅɛɛ mbʉʉ yɑɑ pɑ́ꞋtɛꞋ, ŋ́kúꞋlɛ tɛ ńjí yúu mi ŋ ɡɛnɛ, ḿbɔ́k nɛcẅi Ŋkʉʉ Sʉ́Ꞌnɛ mbɔ̌ pʉɔ, pɛ́ pɛn ŋ́ɡɛ ḿbɑꞋnɛ wɑ́ɑ ŋ́ɡɑ́ nzʉʉ.

2 Kɔlɛ̂ŋtɛ 11:3

Lɑ́ ŋ kɑ pɔ́k pɔ ŋɡɔ, ɛ́ lɑɑ ḿbɔ́ wɛcɔ́ ŋu pʉ́ʉpɛ tú yʉ́ʉ pɑ́Ꞌ nɔ́ kɑ lɔknɛ mɛzúŋ ɛ́fúklɛ Ɛ́fɑ, pʉʉ pɔɔ pɛn ḿbɔ́ pʉɔ pi pɔ́p ɡɔ́ ńcú ŋɡɔ pɔ́p jí yɔ́p pɔ ndɑꞋ nu-Kɛlístɔ ńcú ɛ́sẅíi nu pɔ́.

1 Tɛsɑlɔník 3:5

Ɛ́ yúu mi ɛ́ kɑ ɡɛnɛ lɑ m bɔɔ pɛn ŋ́kuꞋ nɛzẅíꞋlɛ pɔ́, ńtsʉ́Ꞌ ńtúu Timɔtɛ̂ɛ, ŋɡɔ ɑ ɡʉ ńjʉ́ɔ pɑ́Ꞌ wʉʉ nɛzɑ́p tʉ́m nǔu Sɛ́ kɑ tsʉ́Ꞌnɛ ḿbɔ́ pɔ́Ꞌɔ, ŋ́ɡɔ ńtúu wɛ́, ḿbɔ́ ḿbɔ́k ŋɡɔ Sɑ́ttɑ kɑ tsʉ́Ꞌ ŋ́kwɑꞋlɛ wʉ́ʉ tɛ fɑꞋ yi pɛk kɑ fɑꞋnɛ lɛɛ níinɛ.

2 Tɛsɑlɔník 2:3

«Kɔɔ pʉʉ pɛ́m ŋu fúklɛ wʉ́ʉ, kɛ pɔ nɛ́ yɛ́tɛ́ ntɛ́ lɑ́. Yîyɑ́ lɛ́Ꞌlɑ́Ꞌ kɛ́ lɑ́Ꞌ ńtɔ́ kɛ́ pɔ́ yi yɛcɔ́ ntɛ́ mɛnu piitɛ ńdɛɛtɛ pɔ́. Ɛ́ lɔk ḿbɔ́ pɑ́Ꞌ pʉɔ tɛ ńzɑ́ɑ ɡʉ ńdɑ́Ꞌ ńdʉꞋ nɛzúꞋ ntsu-Sɛ́. Fɔɔ-mɛnu kɛpɔŋ cẅɛt ńtʉ́ʉ lɑ yîyɑ́ lɛ́Ꞌlɑ́Ꞌ ɡɔ́ɔ ŋ́kɛ́ ńtɔ́. Jʉ́ wɑ́ ẅí pɛ́ ɡʉ ńdɑ́Ꞌ ḿmɑꞋ wɛ́ tsɛt múk lɑ́.»

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

Ɛ́bɛlʉʉ 11:35

Ɛ́ kɑ fú pɔ nǔu pɑ́Ꞌ pɛcɔ́ pɑŋɡɛ́ kɑ zɑ́pnɛ tʉ́m yɔ́p nǔu Sɛ́, pʉɔ pɔ́p pi pɔ́p kɑ pfúnɛ, zẅímɛ tɛ pɔ́p pɛpɔ́p pɛn ńnɑ́ŋ. Lɑ́ ɛ́ ɡʉ nǔu pɛcɔ́ pʉɔ, pɛ́ ɡɛ pɔ ŋɡɔ́ku nǔu pɔ́p ɔɔ, pɔ́p pɔɔ ńnɑ́ nɛzɑ́p tʉ́m nǔu Sɛ́ pɔ́, ńjí ŋɡɔ pɛ́ ŋ́ɡɛ ńnɑ́. Ɛ́ kɑ pɔ́ mbɔ̌ pɔ́p, mbii pɔ́ pɑ́Ꞌ pɔ́p ɡʉ ḿpfú, ńjí ŋɡɔ Sɛ́ ɡʉ ŋ́ɡɛ zẅíimɛ wɔ́p,

Mɛnu ɛ́ ńdɑ́Ꞌ ńcẅɛt 20:5

Pɛcɔ́ pɛpfú kɛ́ mbɔɔ fú lɑ́Ꞌ-pɛpfú ḿbɛn nzʉʉ ḿbɛn ḿbɔ́ ɡú kɛ́ pɔ́ yi yîyɑ́ ŋɡuꞋ ntsɑ́Ꞌ kuꞋ pɔ́.