Filipɛ 2:8 - Kɑɑ Fí

⁸ A kɑ pɛ́m nɛkɔk mbʉʉ yɛ́ ŋ́ɡɑ́ sɛ́, ḿbɛn ḿbɛ́m nɛzúꞋ ntsu-Sɛ́, tɛ pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ, ɑ pfú.

Filipɛ 2:8 Кръстосани препратки

Mɑtʉ̈ɔ 17:2

Pɔ́p jʉ́ɔ lii-Yɛ́su shɔtnɛ mbi pɔ́p, shʉ́ wɛ́ ŋwɑŋɛ pɑ́Ꞌ mɔ́nɛm lɑ́. Mɛndẅí mɛ́ fúk tɛ ŋ́kyɛꞋ zʉꞋ.

Mɑtʉ̈ɔ 26:39

ńcú pɔ́Ꞌɔ, ńnɑ́Ꞌ ŋ́ɡʉ mbi, ŋ́kɔkŋɛ ńnɔɔ sɛ́, ɛ́sɔp shʉ́ wɛ́ sɛ́, ḿbɔ́ ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi ḿbɔ́ ɛ́ pɔ́ pɔ́Ꞌɔ, ɔ ɡɛ yɔ ntúꞋ-ŋɡʉ̈ɔ́Ꞌ fú nɛjɔ́ŋ mɔ ńtsʉ́ʉtɛ! Lɑ́, kɔɔ ɡɛ wɑɑ nɛkɔŋtɛ, ɡɛ pɔ wu nɛkɔŋtɛ.»

Mɑtʉ̈ɔ 26:42

Yɛ́su pɛn ɛ́fú nɛjɔ́ŋ pɔ́p ŋ́ɡʉ nǔu mbɑ́ɑtɛ yɛ́pɑ́, ńcɛꞋlɛ Sɛ́ ńcú ŋɡɔ: «Tɑ̌ɑ mɔ, ɛ́ lɑɑ ḿbɔ́ yi yɛcɔ́ nɛɡɛ tɛ kẅɛ́Ꞌlɛ yɔ ntúꞋ nɛjɔ́ŋ mɔ kɑ́ pɔ́ ɡú pɔ́, ŋ́kɛ́ ḿbɔ́ yi ŋ kɛ́ ńnɔ́ nɔ́nɛ, ɔ ɡɛ pɑ́Ꞌ ɔ kɔŋnɛ,»

Lúkɑ́shi 9:29

ŋ́kúu zúꞋu, ɑ pɔ́ ńcɛꞋlɛ Sɛ́, lii-shʉ́ wɛ́ kɛ́ ŋ́ɡɔ́ɔ ŋ́kúpmɛ, mɛndẅí mɛ́ ɡɔ́ɔ ɛ́fúk tɛ ŋ́ŋwɑŋɛ.

Jɑ̂ŋ 10:18

Sɑ̌ɑ ŋu zɛɛ mbɔɔ kuꞋ nɛcẅɛ́ɛ luk yɑ́ɑ pɔ́, mɔ kɔŋnɛ ŋ́ɡɑ́ tú yɑ́ɑ. Ŋ kuꞋ nɛɡɑ́, ŋ́ɡɛ ḿbɛn ńcẅɛ́ɛ. Ɛ́ yúu mi tɑ̌ɑ mɔ kɑ cúnɛ ŋɡɔ ŋ ɡɛ.

Jɑ̂ŋ 14:31

«Lɑ́ pɛ́ pɛ́m ŋɡɔ ɑ tɔ́ pɔ́Ꞌɔ, pʉɔmɛsɔŋ ndǔmbí jí ŋɡɔ ŋ kɔŋ Tɑ̌ɑ mɔ, mɔ sɛ́ ŋ́ɡɛ pɔ yúu mi ɑ cúnɛ ŋɡɔ ŋ ɡɛ. Pʉʉ lɔ sɛ́ pɛkŋɛ fú zɑꞋnɛ ŋ́ɡʉ.»

Jɑ̂ŋ 15:10

«Pʉʉ lɑɑ ŋ́ɡẅɛɛ nɛpʉ́ʉ nɑ́ɑ, mbɔ ŋ ɡʉ ḿbɔ́ ŋ́kɔŋ wʉ́ʉ kɔŋnɛ. Ndʉ́ŋndʉŋ pɑ́Ꞌ ŋ kɑ ɡẅɛɛnɛ nɛpʉ́ʉ-Tɑ̌ɑ mɔ ɑ pɛn ḿbɔ́ ŋ́kɔŋ wɑ́ɑ kɔŋnɛ.»

Jɑ̂ŋ 4:34

Yɛ́su cú mbɔ̌ pɔ́p ŋɡɔ: «Yɑ́ɑ yúujʉ́ pɔ́ pɔ nɛɡɛ yúu mi ŋu ẅí ɑ kɑ túunɛ wɑ́ɑ sɛ́ ŋ́kɔŋ, mbɑ nɛmɛkŋɛ fɑꞋ yí ɑ kɑ ɡɑ́nɛ mbɔ̌ mɔ.»

ŊwɑꞋnɛ-Gɑŋntúu Yɛ́su Kɛlístɔ 8:33

Pɛ́ kɑ tɛ́m sʉ́ʉ tú yɛ́, ńzɑ́Ꞌ yɛ ntsɑŋ kɛpɔŋ. Ḿbɔ́ pɛ́ kɛ ḿbɛn ŋ́kẅíitɛ njẅɛt yɛ́, ɛ́fú ɡɔ́ pɑ́Ꞌ pɛ́ kɑ zɑ́Ꞌ wɛ́ zɑ́Ꞌnɛ ńjẅí.»

Pʉɔ-Lɔ́mɑ 5:19

Ndʉ́ŋndʉŋ pɑ́Ꞌ tɑ́Ꞌ ŋumɛsɔŋ kɑ lʉꞋnɛ nɛzúꞋ ntsu-Sɛ́, nɔɔ-lɑ́Ꞌ fú nǔu ńtsʉ́Ꞌ ɡɑŋmɛfɑɑnɛ lɑ́, tɑ́Ꞌ ŋu wɛ́mɔ́Ꞌ kɑ zúꞋ ntsu-Sɛ́, ɛ́fú nǔu nɔɔ-mɛlɑ́Ꞌ mɛlɑ́Ꞌ tsʉ́Ꞌ pʉɔ pi Sɛ́ líŋɛ́nɛ wɔ́p pɔ́p pɔ́ ndʉ́ŋndʉŋ mbi yɛ́.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

Ɛ́bɛlʉʉ 12:4

Pʉʉ zɛɛ ḿbɛ́t pɔ kɛ́ lɔk pɑ́Ꞌ pʉʉ sɛ́ ńdʉꞋ nu kɛpɔŋ, ḿbyɛ́p ntsɔ tɛ pɛ́ tswɛt mɛci mʉ́ʉ.

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.