Filipɛ 2:7 - Kɑɑ Fí

⁷ Tɛ ńtsʉ́Ꞌ pɔ́Ꞌɔ, mbɔ ɑ kɑ pɛ́m nɛpɔ́ ŋɡɑŋfɑꞋ, ńnɑ́ mbɑ kʉ̈ɔ́ lɑ́ yi ɛ́ kɑ pɔ́ yɛ́, ńtsʉ́Ꞌ ŋumɛsɔŋ. Pɛ́ pí wɛ́ pɑ́Ꞌ pɛ́ pínɛ pʉɔmɛsɔŋ.

Filipɛ 2:7 Кръстосани препратки

Mɑtʉ̈ɔ 12:18

A kɑ cú ŋɡɔ: «Yɔ ŋɡɑŋfɑꞋ wɑɑ ẅí ŋ kɑ tsɔ́Ꞌnɛ. Ŋ kɔŋ wɛ́ tɛꞋ, jʉ́ ɡɛnɛ tʉ́m yɑ́ɑ tsɑ́ɑtɛ. Mɔ ŋ́ɡɛ ńníꞋ Zẅikŋɛ yɑ́ɑ nǔu wɛ́, ɑ ɡʉ ńnyɛt ntɛ́ nɛsɑ́Ꞌ lɑ́Ꞌ yi ɛ́ ndʉ́ŋndʉŋ mbɔ̌ mɛlɑ́Ꞌ mi ɛ́ kɑ́ pɔ́ pɑíslɑyɛ̂l pɔ́.

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Mɑ́lɛ́kúshi 9:12

A pʉ̈ɔt mbɔ̌ pɔ́p ŋɡɔ: «Ɛ́ nu, ŋɡɛ́mndʉ̈ɔꞋ-Sɛ́ Ɛlíyɑ ńdɑ́Ꞌ ḿbiitɛ ńtɔ́ nɛzɑ́p mbɑ kʉ̈ɔ́ lɑ́ nǔu yɛ́ zʉꞋ, ńzɛɛ ŋ́ɡɔ ḿbɔ́, mbɔ pɑꞋ pɛ́ kɑ pɛnnɛ ŋ́ŋwɑꞋnɛ tsɛt ŋwɑꞋnɛ-Sɛ́ ŋɡɔ: Mɔ́ɔ-Ŋu ɡʉnɛ ńdɑ́Ꞌ ńjʉ́ɔ ŋɡʉ̈ɔ́Ꞌ tɛꞋ, pɛ́ kʉʉnɛ wɛ́, pɛ́ ŋwɑꞋnɛ pɔ́Ꞌɔ, ńdɔk ńcú ŋɡɔ kʉ̈ɔ́?»

Lúkɑ́shi 22:27

Pʉʉ zɛɛ ɛ́sẅíi wɑ́ɑ: “Ɛ́ ɡʉ nǔu ŋu ẅí ɑ nɑ́ŋnɛ Sɛ́ ḿbɔ́ ŋ́kwɛ́t yúu pɔ́p ŋu ẅí ɑ lɑ́Ꞌnɛ ńnɛ́ɛ ńtíi tík pɛꞋnɛ, wɔ̌ pɔ́ ndʉ́m?” Ŋu ẅí ɑ ńnɑ́ŋnɛ sɛ́ ŋ́kwɛ́t jʉ́ kɑ́nɛ pɔ́ ndʉ́m pɔ́ ɔɔ? Lɑ́, ŋ kɛ́ ḿbɔ́ tsɛtsɛt pʉʉ, ḿbɔ́ pɔ ŋu ẅí ɑ fɑꞋnɛ mbɔ̌ pʉʉ.»

Jɑ̂ŋ 1:14

Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Pʉɔ-Lɔ́mɑ 1:3

Ẅîwɑ́ Ŋkʉʉ cú nu nǔu Mɔ́ɔ nɛ Yɛ́su Kɛlístɔ ẅí ɑ Tsɑpʉɔ wɛkŋɛ. A kɑ shɔtnɛ ńtsʉ́Ꞌ ŋumɛsɔŋ pɛ́ pí wɛ́ nǔu njẅɛtndɑ́-fɔɔ Ndɑvît.

Pʉɔ-Lɔ́mɑ 15:3

Kɛlístɔ kɑ zɛɛ ḿbɔɔ lɔɔ pɔ yúu mi ɛ́ pɔŋnɛ pɔ ndɑꞋ wɛ́ pɔ́. Tɛ ńtsʉ́Ꞌ pɔ́Ꞌɔ, mbɔ ɑ kɑ pɛ́m yúu mi pɛ́ cúnɛ tsɛt ŋwɑꞋnɛ-Sɛ́ ŋɡɔ: «Nzɔɔmɛ-pɑzɔɔtɛ wú kɑ vu tú mɔ».

Pʉɔ-Lɔ́mɑ 15:8

Ɛ́ yúu mi ɛ́ kɑ ɡɛnɛ Kɛlístɔ tɔ́ ɛ́fɑꞋ mbɔ̌ pɑyúdɑ, nɛɡɛ mɛnu mi Sɛ́ kɑ kɑꞋnɛ mbɔ̌ pɛmɑ̂ɑŋɡɑpnjẅɛt pɔ́p puutɛ. Ndʉ́ŋndʉŋ pɑ́Ꞌ mbɑ kʉ̈ɔ́ lɑ́ yi Sɛ́ cúnɛ ŋ́kɛ́ ḿbuutɛ puutɛ́nɛ.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

2 Kɔlɛ̂ŋtɛ 13:4

Ɛ́ nɛ́nẅín ŋɡɔ ɑ kɑ pɔ́ yɛcɔ́ ŋkɑ́, ḿbɔ́t pɑ́Ꞌ ŋumɛsɔŋ, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ. Lɑ́ ɑ kɛ́ ḿbɔ́ ŋkɔ̂ɔnɛ ḿbɔ́ ntʉʉ, ɛ́ pɔ́ mɛtʉʉ-Sɛ́. Pɛk yɛ́k, pɛk fú nǔu pɑ́Ꞌ pɛk lɑtnɛ mbʉʉ nǔu wɛ́, ḿbɔ́t pɑ́Ꞌ ɑ kɑ pɔ́nɛ. Lɑ́ ŋ́kɛ́ ŋ́ɡɛ ńdɔk yɛk ntɛ́ nɛɡẅɛɛ wʉ́ʉ, ńnyɛt wʉ́ʉ ŋɡɔ pɛkŋɛ pɛ́ Kɛlístɔ ntʉʉ, ɛ́ pɔ́ mɛtʉʉ-Sɛ́.

2 Kɔlɛ̂ŋtɛ 8:9

Pʉʉ zɛɛ ḿbɔ́ ńjí yúu mi Tsɑpʉɔ Yɛ́su Kɛlístɔ kɑ lɔknɛ pɔ tʉ́m sʉ́Ꞌnɛ ŋ́ɡɑ́. A kɑ ɡẅɛɛ yúu tsʉʉ, lɑ́ ńtsʉ́Ꞌ mbúŋ mbíꞋ wʉ́ʉ, pɑ́Ꞌ pʉʉ ɡʉ ɛ́fú nǔu púŋ yɛ́, ńtsʉ́Ꞌ pʉɔ pi Sɛ́ ɡɑ́nɛ yúu yɛ́ mbɔ̌ pɔ́p tɛꞋ.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Filipɛ 2:6

A ŋkɑɑ lɔk pɑ́Ꞌ ɑ Sɛ́ tɛ ḿmik, ńcʉŋɛ nǔu nɛpɔ́ ẅi pɔ́p Sɛ́ ɡʉ ŋ́kɛ́ ńnɑ́ŋ pɔ tɑ́Ꞌ zʉꞋ pɔ́.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

Ɛ́bɛlʉʉ 13:3

Pʉʉ kẅíitɛ pʉɔ pi pɔ́p ndɑ́tsɑ́ŋ tɛ ɛ́ pɔ́ pɔ pɑ́Ꞌ ŋkɑ́ yi pʉʉ pɛ́pɔ́p tɛmtɛnɛ ḿbɔ́ ndɑ́tsɑ́ŋ lɑ́, ŋ́kẅíitɛ mbɑ pʉɔ pi pɛ́ sɛ́ ńnyɛt wɔ́p nɛ́ ŋɡʉ̈ɔ́Ꞌ pɑ́Ꞌ yi pɛ́ ńnyɛt pɔ wʉ́ʉ nɛ́ ŋɡʉ̈ɔ́Ꞌ lɑ́.

Ɛ́bɛlʉʉ 4:15

Wɛkŋɛ NɔŋpɔꞋ wɛ ɡwɛ́ ɛ̂wɑ́ zɛɛ ńjí ntɛ́ yi mɛnu kúunɛ wɛkŋɛ pɔ́Ꞌɔ, mɛnu kɑ kúu wɛ́, ŋkwɑꞋnɛ mɛntɛ́ mɛntɛ́ kúu wɛ́ ɡúu pɑ́Ꞌ pɛkŋɛ, lɑ́ ɑ kɛ́ ńdɑ́Ꞌ mbɔɔ yɛcɔ́ nu fɑɑnɛ.