Filipɛ 2:20 - Kɑɑ Fí

²⁰ ɑ ndɑꞋ jʉ́ ẅi pɛknɛ́ sɛ́ ɛ́sɑ́ŋ nu nǔu mɛnu mi ɛ́ nǔu mɔ, ḿbɛn ḿbɔ́ ḿmʉk ntɛ́ wʉ́ʉ.

Filipɛ 2:20 Кръстосани препратки

Jɑ̂ŋ 10:13

Ẅîwɑ́ ŋu mɛꞋ mɛnjinjɔ ŋ́kʉɔ, mbíꞋŋɡɔ ɑ kɑ tɔ́ pɔ nɛlɛp ŋkɑ́p. Mɛjʉ́ŋ-mɛnjinjɔ kɑ́ pɔ́ ŋ́kɔ́ wɛ́ pɔ́.

Jɑ̂ŋ 12:6

Júdɑs ŋ́kɑ́ɑ ḿbɔ́ ńcú pɔ́Ꞌɔ, síi ḿbɔɔ ńtsɑ́ɑ pɛpúŋ pɔ́, lɑ́ ɑ kɑ pɔ́ ntsɔ́ŋ, mbíꞋŋɡɔ jʉ́ m̄bɔ́nɛ ŋ́ɡẅɛɛ mɔ́ɔpɑɑ-ŋkɑ́p yɔp pɛ́ Yɛ́su, pɛ́ pɔ́ níꞋ ŋkɑ́p tsɛtú ɑ jʉ̈ɔ.

Pʉɔ-Lɔ́mɑ 15:5

Mɔ sɛ́ ńdɔ́ɔ mbɔ̌ Sɛ́ ŋɡɔ jʉ́ ẅí ɑ níꞋnɛ mɛtʉʉ mɛkŋɛ, ɡɛ ŋɡɔ kɔɔ pɛkŋɛ kɑ́ɑ, ɑ ɡɛ pʉʉ ɡẅɛɛ tɑ́Ꞌ kwɑŋɛ tsɛtsɛt pʉʉ, ɛ́ lɔk pɔ́Ꞌɔ, ḿbɔ́ yúu mi Yɛ́su Kɛlístɔ kɑ zíꞋnɛ wʉ́ʉ.

1 Kɔlɛ̂ŋtɛ 16:10

Timɔtɛ̂ɛ lɑɑ ńtɔ́ lɑ́Ꞌ pʉʉ, pʉʉ kúkŋɛ wɛ́ sʉ́Ꞌnɛ. Nɛpɔ́ yi ɑ ɡʉ ńnɑ́ŋ tsɛtsɛt pʉʉ, ńzúꞋ mbʉʉ yɛ́ pɔŋ, mbíꞋŋɡɔ ɑ fɑꞋ yɛ́ pɔ fɑꞋ-Tsɑpʉɔ pɑ́Ꞌ mɔ.

Filipɛ 2:2

Pɑ́Ꞌ ɛ́ pɔ́Ꞌɔ lɑ́, pʉʉ ɡɛ n tsɑ́ɑtɛ nɛ́ tʉ́m yɑ́ɑ tsʉʉ, pʉʉ kɛ ḿbɔ́ ŋ́ɡẅɛɛ pɔ tɑ́Ꞌ kwɑŋɛ, ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m, ḿbɛn ŋ́ɡẅɛɛ pɔ tɑ́Ꞌ ntɛ́ nɛtsɑ́ɑ nu.

Filipɛ 2:22

Lɑ́ ŋ́ɡʉ nǔu Timɔtɛ̂ɛ, mbɔ pʉʉ jí ŋɡɔ ɑ ɡẅɛɛ mɑt sʉ́Ꞌnɛ. Pɛknɛ́ kɑ tɛmtɛ ńcẅi Ŋkʉʉ sʉ́Ꞌnɛ mbɔ̌ lɑ́Ꞌ. A tsuŋ ńcẅɛ́lɛ wɑ́ɑ ndʉ́ŋndʉŋ pɑ́Ꞌ mɔ́ɔ sʉ́Ꞌnɛ cẅɛ́lɛ́nɛ tɑ́t wɛ lɑ́.

Kɔlɔsíyɛ̂ŋ 4:11

Yɛ́su ẅí pɛ́ pɛnnɛ ɛ́fúŋ wɛ́ ŋɡɔ Jẅistẅis cɛꞋlɛ wʉ́ʉ ɡúu. Ɛ́ ɡʉ tsɛtsɛt pɑyúdɑ pi pɔ́p kɑ pɛ́mnɛ nu-Kɛlístɔ, ɑ ndɑꞋ pɔ́p pɔnɛ pɛtɑ́t pi pɛk pɛpɔ́p zɑꞋnɛ, ɛ́fɑꞋ mbíꞋ nu-nɛfɔɔ-Sɛ́. Pɔ́p kɑ pɔ́ ńníꞋ tʉ́m yɑ́ɑ.

1 Timɔtɛ́ɛ 1:2

Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

1 Timɔtɛ́ɛ 4:6

Ɔ lɑɑ ḿbɔ́ ńzíꞋ pɔ́ɔpɛ́mɑ́ nɛ mɔnɛ mɛnu, mbɔ ɔ ɡʉ ḿbɔ́ kwɑꞋ ŋɡɑŋfɑꞋ-Yɛ́su Kɛlístɔ. Ɛ́ ɡʉ nǔu kwɑꞋ ɡu, nu Yɛ́su ɡɛ ɔ tsuŋ ńtɛntɛ pɑ́Ꞌ ɔ kúꞋlɛ mɔ́ nu yi pɛk kɑ zɑ́pnɛ tʉ́m nǔu sʉ́Ꞌnɛ mbɑ pɑ́Ꞌ ɔ kɑ zúꞋ nu nɛ́nẅín yi pɛ́ kɑ zíꞋnɛ wú lɑ́.

2 Timɔtɛ́ɛ 1:5

Ŋ kɑ́ likŋɛ ŋɡɔ ɔ zɑ́p tʉ́m nǔu Yɛ́su Kɛlístɔ tɛ ɛ́sẅíi nu pɔ́, ŋ kɑ́ likŋɛ ŋɡɔ mɑ́ wu wɛ ndʉ́m Lɔẅîs tɛ mbɑ mɑ́ wu Ɛnîs kɑ pɔ́ ŋ́ɡɛ pɔ pɔ́Ꞌɔ pɔ́. N jí ŋɡɔ mbɑ ɡu yú pɛn ńzɑ́p tʉ́m yú nǔu Yɛ́su pɔ pɑ́Ꞌ pɔ́p.

2 Timɔtɛ́ɛ 3:10

Ɛ́ ɡʉ nǔu ɡu, ɔ kɑ tsuŋ ńtík ku nǔu yúu mɔ ḿbɔ́ ńzíꞋ, ɔ sɛ́ ńjí wɑɑ nɛtsẅɛ́, ḿbɔ́ ńjí yúu mi mɔ sɛ́ ŋ́ɡɔ ɛ́fɑꞋ ḿbɔ́ ńtsɑ́ɑ, ḿbɔ́ ńjí pɑ́Ꞌ n zɑ́pnɛ tʉ́m yɑ́ɑ nǔu Sɛ́, ńjí pɑ́Ꞌ ŋ ɡẅɛɛnɛ sʉktʉ́m pɔ́Ꞌɔ, pɑ́Ꞌ ŋ kɔŋnɛ pʉɔmɛsɔŋ pɔ́Ꞌɔ, ḿbɛn ńjí pɑ́Ꞌ ɛ sɑ́Ꞌnɛ tʉʉ kɛ́ kɑ́ɑ pɔ́Ꞌɔ.