Filipɛ 2:15 - Kɑɑ Fí

¹⁵ nɛpɔ́ yi, yɛcɔ́ yúu mi pɛ́ ɡʉ ńdɑ́Ꞌ wʉ́ʉ nǔu kɛ́ pɔ́ ɡú pɔ́. Pʉʉ pɔ́ ndɛ́ɛnɛ lɛ́ɛnɛ́nɛ. Pʉʉ lɔk ḿbɔ́ ndǔ yɔ mbí, ḿbɔ́ pʉɔ-Sɛ́ pi yɛcɔ́ lɔ́Ꞌ kɑ́ pɔ́ nǔu pɔ́p pɔ́, ɛ́ lɔk ḿbɔ́ ŋɡɔ pʉʉ kyɛꞌ yi ɛ́ kyɛꞋnɛ zʉꞋ tsɛtsɛt yɔ nɔɔ-pʉɔ pi pɔ́p pɔ́ pɔ ɡɑŋcɔtnu, ḿbɛn ḿbɔ́ pɑsɑ́ŋ nu ŋkẅɛpmɛ ŋkẅɛpmɛ,

Filipɛ 2:15 Кръстосани препратки

Mɑtʉ̈ɔ 10:16

Tsuŋnɛ ńzúꞋ n túu wʉ́ʉ pɔ pɑ́Ꞌ ɛ́ lɑɑ ḿbɔ́ pɛ́ túu mbí tsɛtsɛt mɛnɑɑŋɡwɛ. Pʉʉ kɛ́ ŋ́ɡɔ́ ńnɛn ńdʉ́ɔꞋ pɑ́Ꞌ nɔ́, ḿbɛn ḿbɔ́ pɛmbúꞋ pɑ́Ꞌ puutɛ lɑ́.

Mɑtʉ̈ɔ 17:17

Yɛ́su zúꞋ pɔ́Ꞌɔ, ŋɡɔ: «Yɛ̌ɛ! Pʉʉ pʉɔ-ŋɡuꞋ yɔ, pʉʉ pɛkɛ́tú. Pʉʉ kɑ́ zɑ́p tʉ́m nǔu Sɛ́ pɔ́, ɛ́ pɑ́Ꞌɑ pɛkŋɛ ńdɑ́Ꞌ ńnɑ́ŋ tɛ ŋ́kúu pɔ shʉ́n? Ŋ ɡʉ ńdɑ́Ꞌ ɛ́sʉk nǔu mɛnu mʉ́ʉ tɛ ŋ́kúu pɔ shʉ́n? Pʉʉ lɔk mɔ́ɔ ɛ̂wɑ́ ńtɔ́ zɑꞋnɛ ŋ́ɡɑ́ mbɔ̌ mɔ.»

Mɑtʉ̈ɔ 5:45

Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡʉ ḿbɔ́ kwɑꞋ pɔ́ɔ-Tɑ̌ɑ wʉʉ ẅí ɑ tʉ́nɛ́pú. A ɡɛ mɔ́nɛm wɛ tɑ́ nǔu pʉɔ kɛpɔŋ mbɑ nǔu pʉɔ sʉ́Ꞌnɛ, ḿbɛn ŋ́ɡɛ mbʉŋ lɔ́ nǔu pʉɔ pinɛ pɔ́p ɡẅɛɛnɛ nɛpʉ́ʉ nɛ́ mbɑ pinɛ pɔ́p kɑ́ ɡẅɛɛ.

Mɑtʉ̈ɔ 5:48

Pɔ́Ꞌɔ lɑ́, pʉʉ pɔ́ pɑ kɛ́ lɔ́Ꞌ, pɑ́Ꞌ Tɑ̌ɑ wʉʉ ẅí ɑ tʉ́nɛ́pú kɛ́ lɔ́Ꞌ.»

Lúkɑ́shi 1:6

Sɑkɑlíyɑ pɔ́p nzwɛ́ wɛ kɑ pɔ́ pʉɔ, ŋ́ɡẅɛɛ nɛpʉ́ʉ-Sɛ́ kwɑꞋ sʉ́Ꞌnɛ, ńzúꞋ ntsu-Sɛ́, ḿbɛn ŋ́ɡɛ pɔ yúu mi ɑ sɛ́ ŋ́kɔŋ tɛ lɔ́Ꞌ pɔɔ ńcẅɛt pɔ́.

Lúkɑ́shi 6:35

Yúu mi ɛ́ pɔ́ŋnɛ ŋɡɔ pʉʉ ɡɛ pɔ ŋɡɔ: Pʉʉ kɔŋ ɡɑŋmbuu pʉ́ʉ, ŋ́ɡɛ pɔ nu sʉ́Ꞌnɛ nǔu pɔ́p! Pʉʉ fɔ yúu mbɔ̌ ŋu kɛ sɑ́ŋ ŋɡɔ ŋɡɑŋ ŋ́ɡɛ ḿbɑꞋ! Pʉʉ lɑɑ ḿbɔ́ ŋ́ɡɛ pɔ́Ꞌɔ, mbɔ Sɛ́ ɡʉ ńdɑ́Ꞌ ŋ́ɡɑ́ wʉ́ʉ nɛ́ mɑ́mɑ́ tsɔ́ꞋfɑꞋ. Pʉʉ pɛn ḿbɔ́ pʉɔ-Sɛ́ ẅí ɑ piꞋnɛ mbɑ kʉ̈ɔ́ lɑ́, kwɑꞋ jʉ́ sɛ́ ŋ́ɡɛ nu sʉ́Ꞌnɛ nǔu pɑjʉ́kɛpɛ́m, mbɑ nǔu ɡɑŋsɔ́ɔ.»

Jɑ̂ŋ 5:35

Jɑ̂ŋ kɑ pɔ́ pɔ pɑ́Ꞌ kyɛꞌ yí pɛ́ lyɛtnɛ ńtík ɛ́ pɔ́ ŋ́kyɛꞋ zʉꞋ lɑ́. Ɛ́ kyɛꞌ zʉꞋ, nu pɔŋ wʉ́ʉ lɑ́ ɛ́ pɔɔ nɑ́ŋ.

ŊwɑꞋnɛ-Gɑŋntúu Yɛ́su Kɛlístɔ 2:40

Pyɛ̂ kɑ pɛn ńtsuŋ ńcú nu mbɔ̌ pɔ́p nɛlɔk ɛ́sẅíi wɔ́p nɛ́ yúu mi ɑ sɛ́ ńjí nǔu Yɛ́su, ḿbɔ́ ńníꞋ mɛtʉʉ mɔ́p ńcú ŋɡɔ: «Pʉʉ fú tsɛtsɛt pʉɔ pinɛ pɔ́p ndǔ mbí ŋkɔ̂ɔnɛ pi pɔ́p kɑ fɑɑnɛ sɛ̂ndúŋ ńcẅɛt ńjí ŋɡɔ pʉʉ ɡʉ ńduk.»

ŊwɑꞋnɛ-Gɑŋntúu Yɛ́su Kɛlístɔ 20:30

Pʉɔ ńcẅɛt mbɑ tsɛtsɛt pʉʉ ńtʉ́ʉ, ńzɛ nɛzíꞋ cɔtnu ńdɔk shuŋ pʉɔ-Kɛlístɔ pɔ́p tsʉ́Ꞌ ńnɛn pɔ nzʉʉ pɔ́p.

Pʉɔ-Lɔ́mɑ 16:19

Ɛ́ ɡʉ nǔu pʉʉ, pʉɔ pɛtsʉʉ sɛ́ ńjí ŋɡɔ pʉʉ zúꞋ ntsu-Tsɑpʉɔ. Lɑ́ tʉ́m yɑ́ɑ nɑ́ŋ ńtsɑ́ɑtɛ tsɑ́ɑtɛ́nɛ nǔu yúu mi pʉʉ sɛ́ ŋ́ɡɛ. Lɑ́ mɔ sɛ́ ńtsɑ́ɑ ŋɡɔ pʉʉ ɡẅɛɛ jínu sʉ́Ꞌnɛ nɛlɔk ŋ́ɡɛ nu sʉ́Ꞌnɛ, ḿbɛn ńnɑ́ŋ ḿbɔ́ pʉɔ pi pɔ́p lɔk nɛkʉɔ nu kɛpɔŋ ḿbɔ́ pɑ kɛ́ ɡẅɛɛ lɔ́Ꞌ.

1 Kɔlɛ̂ŋtɛ 1:8

Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

2 Kɔlɛ̂ŋtɛ 6:17

Ɛ́ yúu mi ɛ́ ɡɛ jʉ́ Tsɑpʉɔ cú ŋɡɔ: Pʉʉ fú tsɛtsɛt pɔ́p ńcẅɛt, ɛ́fɑk yʉʉ mbʉʉ, Kɔɔ pʉʉ ɡẅɛɛ yúu mi lɔ́Ꞌ nǔu, Mɔ, m bɛn ŋ́kɛ́ ŋ́kúkŋɛ wʉ́ʉ.

Ɛ́fɛ̂zɛ 5:27

A kɑ pɔ́ ŋ́kɔŋ ŋɡɔ yîyɑ́ cúꞋlɛ, ɛ́ ɡɔ́ tʉ́ʉ mbi yɛ́, ńtsuŋ ḿbɔ́ ŋ́ŋwɑŋɛ, ḿbɔ́ kɛ́ ncʉ́, kɛ́ yɛcɔ́ zʉꞋ mbʉʉ yɛ́ ŋúꞋlɛ, kɛ́ yɛcɔ́ lɔ́Ꞌ, yɛcɔ́ yúu pɔɔ pɛ́t ńjɑ́k nǔu wɛ́ pɔ́.

Filipɛ 1:10

Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

Filipɛ 3:6

Ŋ kɑ pɔ́ ńníꞋ tʉʉ nǔu nɛpʉ́ʉ tɛꞋ, tɛ ńtsɔ́Ꞌ ku-pʉɔ-Kɛlístɔ kɛpɔŋ. NɛkúꞋlɛ nɛpʉ́ʉ-lɑ́Ꞌ kɑ pɔ́nɛ pɛ́Ꞌnɛ ḿbɔ́ ńdɛꞋlɛ ŋɡɔ ŋu fɑɑnɛ, mbɔ ɛ́ lɑɑ ḿbɔ́ ɛ sẅíi wʉ́ʉ ŋɡɔ mɔ ŋ́kɑɑ fɑɑnɛ.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

1 Timɔtɛ́ɛ 3:10

Ɛ́ píkŋɛ ŋɡɔ pɛ́ zɛɛ ḿbiitɛ ńtsɑꞋ wɔ́p sʉ́Ꞌnɛ, ḿbɔ́ yi pɛ́ lɑɑ ḿbɔɔ lɔ́Ꞌ yɔ́p jʉ́ɔ, pɛ́ lɔk wɔ́p ŋ́ɡɛ pɑfɑꞋ tsɛt cúꞋlɛ-pʉɔ-Kɛlístɔ.

1 Timɔtɛ́ɛ 3:2

Ɛ́ píkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kɑ́ kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, kɔɔ ɑ ɡɛ yɛcɔ́ yúu tɛ ɛ́ lɛɛ. A pɔ́ ŋu ẅí ɑ sɑ́ŋ nu lɑ ŋ́ɡɛ, ḿbɔ́ ŋu ẅí ɑ kúkŋɛ pɛɡʉʉ sʉ́Ꞌnɛ, ŋ́kuꞋ nɛzíꞋ pʉɔ nɛ́ yúu.

1 Timɔtɛ́ɛ 5:14

Ɛ́ yúu mi ɛ́ ɡɛnɛ lɑ n jʉ́ɔ ŋɡɔ ɛ́ pɔŋ ŋɡɔ pɛpfúk pi pɔ́p pɛ́t mbɔ́ŋkʉ̈ɔ́ pɔ́p zɔ́Ꞌ, ḿbí mbɔ́ŋkʉ̈ɔ́, ńniitɛ mɛndɑ́ mɔ́p, ɛ́ lɛɛ pɔ́Ꞌɔ, pɛɡɑŋmbuu pɛkŋɛ pɔɔ ɡẅɛɛ shʉ́ nɛcú nu nǔu pɛkŋɛ pɔ́.

1 Timɔtɛ́ɛ 5:20

Ɛ́ ɡʉ nǔu pʉɔ pi pɔ́p tsuŋnɛ ŋ́ɡɛ nu kɛpɔŋ, ɔ tʉ́ʉ pɔ tsɛt cúꞋlɛ ŋ́kɑkŋɛ wɔ́p, pɛcɔ́ pʉɔ jʉ́ɔ pɔ́Ꞌɔ, ḿbɔ́k nɛɡɛ nu kɛpɔŋ.

1 Timɔtɛ́ɛ 5:7

Yɔ lɔk ḿbɔ́ yúu mi ɔ ɡẅɛɛ nɛcú nu mbɔ̌ pɔ́p, ńjí ŋɡɔ pɛ́ kɛ́ kẅíi lík yɔ́p kɛpɔŋ pɔ́.

Tîtɛ 1:6

Ɛ́ píkŋɛ ŋɡɔ ncẅɛ́ɛmbi pɔ́ ŋu ẅí pɛ́ kɑ́ pɔ́ ŋ́kẅíi lík yɛ́ kɛpɔŋ pɔ́. Ɛ́ píkŋɛ ŋɡɔ ɑ ɡẅɛɛ pɔ tɑ́Ꞌ mɑŋɡɛ́ wɛ́mɔ́Ꞌ, mbɔ́ŋkʉ̈ɔ́ pɛ́ zɑ́p tʉ́m yɔ́p nǔu Sɛ́, mɑt wɔp pɔ́ wɛ sʉ́Ꞌnɛ, pɔ́p pɛn ńnɑ́ŋ ńzúꞋ ntsu wɛ́.

Tîtɛ 2:10

ŋɡɔ kɔɔ pɔ́p jʉ̈ɔ yúu-pʉɔ pi pɔ́p ɡẅɛɛnɛ wɔ́p. Tɛ ńtsʉ́Ꞌ pɔ́Ꞌɔ, pɔ́p nyɛt ŋɡɔ pɔ́p pʉɔ mbɔ pɛ́ nɑ́ nzʉʉ mbɔ̌ pɔ́p. Pɔ́p lɑɑ ŋ́ɡɛ pɑ́Ꞌɑ, mbɔ pʉɔ ɡʉ sẅiŋɛ sʉ́Ꞌnɛ nǔu mɛnu mi pɛkŋɛ zíꞋnɛ nǔu Sɛ́ ẅi ɑ ɡɑ́nɛ luk.»

Tîtɛ 2:15

Mɔnɛ mɛnu mi ɔ ɡẅɛɛ nɛ kɛ́ ńcú mbɔ̌ pʉɔ cúnɛ, ŋ́ɡɔ́ ńcú nɛlɔk nɛníꞋ mɛtʉʉ mɔ́p, nɛlɔk ńnyɛt ŋu nɛ́ yúu mi ɑ fɑɑnɛ́nɛ, ńdɔk pɔ mɛtʉʉ-Sɛ́. Kɔɔ ŋu ɡwɑ́k wú!

Ɛ́bɛlʉʉ 7:26

A lɔk ḿbɔ́ NɔŋpɔꞋ wɛ ɡwɛ́ ẅí ɛ́ kɑ pɔ́ ḿbíkŋɛ mbɔ̌ pɛkŋɛ. A kwɑꞋ mɔ́ɔ-Sɛ́, ḿbɔ́ mbúꞋ nǔu mbɑ kʉ̈ɔ́lɑ́, ḿbɔ́ kɛ́ yɛcɔ́ nu kɛpɔŋ nǔu wɛ́, pɔ́p pɑɡɛ mɛnu kɛpɔŋ kɑ́ tɛ́m yɛcɔ́ nu pɔ́, mbɔ Sɛ́ kɑ tsẅíkŋɛ wɛ́ tɛ tʉ́ tɛ yɛcɔ́ yúu kɑ́ pɛn ńdɛɛ wɛ́ tʉ́ pɔ́.

1 Pyɛ̂ 2:12

Pʉʉ ɡẅɛɛ tsẅɛ́ sʉ́Ꞌnɛ tsɛtsɛt pɑkɛ́jí nu-Sɛ́, tɛ ḿbɔ́ yi pɔ́p lɑɑ ḿbɔ́ ɛ́sẅíitɛ kɛpɔŋ nǔu lík yʉ́ʉ, pɔ́p jʉ́ɔ mɛnu sʉ́Ꞌnɛ mi pʉʉ sɛ́ ŋ́ɡɛ, ŋ́ɡúꞋlɛ lík-Sɛ́ ŋkɑ́ yi Sɛ́ ɡʉ ŋ́ɡɛ ńtɔ́ ńcú nu mbɔ̌ pɔ́p.

1 Pyɛ̂ 2:9

Lɑ́ ŋ́ɡʉ nǔu pʉʉ, mbɔ pʉʉ njẅɛt-pʉɔ pi Sɛ́ kɑ kɑŋnɛ, ḿbɔ́ pɑnɔŋpɔꞋ-fɔɔ wɛ ɡwɛ́, ḿbɔ́ lɑ́Ꞌ yi ɛ́ yɛ́, ḿbɔ́ pʉɔ pi ɑ kɑ tsúꞋnɛ wɔ́p pɔ́p pɔ́ pɛ́, pɑ́Ꞌ pɔ́p ŋ́ɡɛ ŋ́ɡʉ ɛ́sẅíi mɛmɑ́ mɛnu mi ɑ kɑ ɡɛnɛ, jʉ́ ẅí ɑ kɑ fúnɛ tsɛt nzɛ́nzʉ́ʉ ńcẅɛɛtɛ wʉ́ʉ, ńníꞋ wʉ́ʉ nǔu zʉꞋ fúknɛ yi kyɛꞌ sʉ́Ꞌnɛ yɛ́ zúꞋu.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

Mɛnu ɛ́ ńdɑ́Ꞌ ńcẅɛt 2:5

Pʉʉ kɛ́ ŋ́kẅíitɛ zʉꞋ yí pʉʉ kɑ tʉ́ʉnɛ zúꞋu lɑ ḿvu sɛ́, ŋ́kúpmɛ mɑt wʉʉ ḿbɛn ɛ́fɑꞋ mɛfɑꞋ mí pʉʉ kɑ pɔ́ ɛ́fɑꞋ. Tɛ ɛ́ pɔɔ pɔ́Ꞌɔ pɔ́, mbɔ n dɑɑ ŋ́ɡɔ ńtɔ́, pʉʉ pɛ́t pɔ kɛ́ kúpmɛ mɑt, mbɔ ŋ ɡʉ ńtíi yʉʉ kyɛꞌ, ŋ́kúpmɛ zʉꞋ yɛ́.

Mɛnu ɛ́ ńdɑ́Ꞌ ńcẅɛt 3:9

Ŋ ɡʉ ŋ́ɡɛ ɛ́fɛn pʉɔ-cúꞋlɛ-Sɑ́ttɑ mbɔ̌ pʉʉ, ḿbɔ́ ɡɑŋcɔtnu pi pɔ́p cúnɛ ŋɡɔ pɔ́p pɑyúdɑ, lɑ́ ŋ́kɛ́ ńdɔk pɔ ntsu ńcú. Mɔ, ŋ ɡʉ tsʉ́ʉnɛ wɔ́p, pɔ́p tɔ́ ŋ́kẅíꞋlɛ mbi pʉʉ, ḿbɛ́m ŋɡɔ ŋ kɔŋ wʉ́ʉ.