Filipɛ 2:1 - Kɑɑ Fí

¹ Tɛ nɛpɔ́ ẅi pʉʉ pɛ Kɛlístɔ kɑ tɛmtɛ mɔ́ kɑ́ nɛ́ pɔ́ ŋ́ɡɛ pʉʉ kẅiꞋ ɛ́sʉk pɔ́ ɔɔ? Tɛ ntɛ́ yi Kɛlístɔ lɔknɛ ŋ́kɔŋ wʉ́ʉ kɑ́ pɔ́nɛ ńníꞋ mɛtʉʉ mʉ́ʉ pɔ́ ɔɔ? Tɛ pʉʉ pɛ́ Zẅikŋɛ Lɛ́ɛnɛ́nɛ kɑ́ pɔ́nɛ pɔ́ ɔɔ? Tɛ pʉʉ kɑ́ ɡẅɛɛ ŋkɔŋɛ nɛ́ tsɑ́ɑ mɛjʉ́ŋ tsɛtsɛt pʉʉ pɔ́ ɔɔ?

Filipɛ 2:1 Кръстосани препратки

Lúkɑ́shi 2:25

Ɛ́ pɔ́ ŋkɑ́ ɛ̂yɑ́, wɛcɔ́ ŋu pɔ́ Yɛlúsɑlɛm, lík yɛ́ pɔ́ Símɔ̂ŋ, ɑ pɔ́ ŋu, ŋ́ɡẅɛɛ nɛpʉ́ʉ-Sɛ́ ḿbɛn ńzúꞋ ntsu wɛ́. Mbɔ ɑ lɔ ńjúk ńzẅíꞋlɛ ŋu ẅi ɑ ɡʉ ńdɑ́Ꞌ ńtɔ́, pʉɔ Íslɑɛ̂l lɔk pɔ wɛ́ ńtʉʉ, Zẅikŋɛ Lɛ́ɛnɛ́nɛ pɔ́ tʉ́m yɛ́.

Jɑ̂ŋ 14:18

Mɔ ŋ́ɡʉ ńnɑ́ wʉ́ʉ pʉʉ tsʉ́Ꞌ pɔ́ɔpɛcí pɔ́. Mɔ sɛ́ ńtɔ́ nɛ́ nɛjɔ́ŋ pʉʉ.

Jɑ̂ŋ 14:27

«Kɔɔ pʉʉ tsʉꞋ nzʉʉ tʉ́m yʉ́ʉ pɛn ḿvukŋɛ, kɔɔ pʉʉ cʉɔꞌ. Ŋ ɡʉ ńníꞋ mbɔ́tnɛ tsɛt tʉ́m yʉ́ʉ, ɛ́ pɔ́ mbɔ́tnɛ yi ɛ́ fúnɛ nǔu mɔ, ɛ́ kɑ́ pɔ́ yi pɛ́ lɔɔnɛ ndǔ yɔ mbí pɔ́.»

Jɑ̂ŋ 17:13

Ɛ́ nǔu ŋkɔ̂ɔnɛ mɔ sɛ́ ńtɔ́ nɛ́ nɛjɔ́ŋ ɡu. Lɑ́ ŋ kɛ́ ńtʉ́ʉ ndǔmbí ńcú yɔ sẅiŋɛ nɛpɔ́ yi pɔ́p ɡʉ ŋ́ɡẅɛɛ yɔ tsɑ́ɑtɛ tʉ́m pɔ́p, kwɑꞋ tsɑ́ɑtɛ.

ŊwɑꞋnɛ-Gɑŋntúu Yɛ́su Kɛlístɔ 2:46

Ɛ́ kɑ pɔ́ ŋɡɔŋ lɛ́Ꞌ tsʉʉ, nɛlɛɛmɛ wɔp pɔ́ ŋɡɔ pɔ́p cúꞋlɛ ZʉꞋ-nɔŋpɔꞋ. Pɔ́p kúu mɛndɑ́ ḿbɔ́tnɛ ŋ́kwɛ́t yúu, ńjʉ́ yúupɛjʉ́ pɔ nɛ́ tsɑ́ɑtɛ. Mbɑ wɔ̌lɑ́ ɡẅɛɛ pɔ tʉ́m sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 4:32

Nɔɔ-pʉɔ-Yɛ́su kɑ pɔ́ ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m. Sɑ̌ɑ ŋu nǔu pɔ́p ŋkɑɑ pɔ́ ŋ́ɡẅɛɛ yúu ŋɡɔ ɛ́ pɔ́ pɔ yɛ́ pɔ́. Pɔ́p kɑ pɔ́ ńtɛmtɛ yúu tɛmtɛnɛ.

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

Pʉɔ-Lɔ́mɑ 8:26

NɛzẅíꞋlɛ ɛ̂wɑ́ pɛn ḿbɔ́ pɔ ndʉ́ŋndʉŋ pɑ́Ꞌ Zẅikŋɛ-Sɛ́ tɔ́nɛ ńcẅɛ́lɛ wɛkŋɛ ẅí pɛkŋɛ kɑ́ɑ kɑ́ɑnɛ lɑ́. Pɛkŋɛ pɔɔ jí nɛcɛꞋlɛ Sɛ́ nǔu ntɛ́ yi ɛ́ sɛ́ ḿbíkŋɛ pɔ́, Zẅikŋɛ-Sɛ́ cɛꞋlɛ Sɛ́ nǔu tú yɛkŋɛ, wɛ nɛpúꞋ mbɔ́ mbɔ̌ Sɛ́ lɛɛ yúu mi ḿbɔ́ pɛkŋɛ cú mbɔ̌ Sɛ́.

1 Kɔlɛ̂ŋtɛ 12:13

MbíꞋŋɡɔ Sɛ́ kɑ lɔk tɑ́Ꞌ Zẅikŋɛ wɛ́mɔ́Ꞌ ńtɛmtɛ wɛkŋɛ pɛtsʉʉ nɛpɔ́ yi pɛkŋɛ ɡʉ ńdɔk pɔ́Ꞌɔ, ḿbɔ́ tɑ́Ꞌ mbɑp-mbʉʉ, pʉɔ lɑɑ ḿbɔ́ pɔ pɑyúdɑ, kɛ pɔ pʉɔ pi pɔ́p kɑ́ pɔ́ pɑyúdɑ pɔ́ ɔɔ, mbɔ pɔ pɛkwɑɑ kɛ pɔ́ɔ-lɑ́Ꞌ ɔɔ, mbɔ Sɛ́ kɑ tɛmtɛ ńníꞋ tɑ́Ꞌ Zẅikŋɛ wɛ́mɔ́Ꞌ tʉ́m pɛkŋɛ pɛpɔ́p pɛtsʉʉ.

1 Kɔlɛ̂ŋtɛ 15:31

Pɔ́ɔpɛ́mɑ́ pɑ́ɑ, lɛ́Ꞌ tsʉʉ n cẅɛt ntsu-nɛvú cẅɛtnɛ, n cú pɑ́Ꞌɑ, yúu mi n dɔknɛ ńzɑ́Ꞌ ŋkwɑɑ ŋɡɔ ɛ́ nɛ́nẅín, ɛ́ pɔ pɑ́Ꞌ n dɔknɛ wʉ́ʉ ŋ́kɑꞋmɛ tɛꞋ, ńdɛɛ nǔu pɑ́Ꞌ pɛkŋɛ nzʉʉ Tsɑpʉɔ wɛkŋɛ Yɛ́su Kɛlístɔ.

1 Kɔlɛ̂ŋtɛ 3:16

Pʉʉ kɑ pɔ́ ńjí ŋɡɔ pʉʉ pɑ́Ꞌɑ ḿbɔ́ ndɑ́-nɔŋpɔꞋ, Zẅikŋɛ-Sɛ́ pɔ́ tsẅɛ́ tsɛtú pɔ́ ɔɔ?

2 Kɔlɛ̂ŋtɛ 2:14

Lɑ́, pɛk ɡʉ ŋ́kɛ́ ŋ́ɡɑ́ pɔ pɑ́Ꞌlɑ́ mbɔ̌ Sɛ́, mbíꞋŋɡɔ pɛk lɑɑ ḿbɔ́ pɔ ɡɔ́ lɑ́, mbɔ ɑ ɡʉ ŋ́ɡɛ pɛk pɔ́ pɔ nǔu mɑ́nzɔŋ-Kɛlístɔ, mbɔ jʉ́ Kɛlístɔ jʉ́ ntsɔ. Jʉ́ Sɛ́ lɔk wɛ́k ŋ́ɡɛ pɛ́ jí Kɛlístɔ zʉꞋ tsʉʉ, pɑ́Ꞌ yúu mi pɛ́ tɔɔnɛ, jɑ́k kɔ́Ꞌ ɛ́sɑt zʉꞋ tsʉʉ lɑ́.

Ŋɡɑlɑ̂t 4:6

Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Ɛ́fɛ̂zɛ 4:4

Mbɑp-mbʉʉ-Kɛlístɔ yɛmɔ́Ꞌ, Zẅikŋɛ lɛ́ɛnɛ́nɛ pɔ́ yɛ́mɔ́Ꞌ ndʉ́ŋndʉŋ pɑ́Ꞌ yúu mi Sɛ́ kɑ fúŋnɛ wʉ́ʉ, pʉʉ pɔ́ ńzẅíꞋlɛ ɛ́ pɔ́ pɔ yɛ́mɔ́Ꞌ.

Filipɛ 1:8

Sɛ́ jí ŋɡɔ ŋ kɔŋ wʉ́ʉ nɛ́ tʉ́m yɑ́ɑ tsʉʉ, ndʉ́ŋndʉŋ pɑ́Ꞌ Yɛ́su Kɛlístɔ.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Kɔlɔsíyɛ̂ŋ 2:2

Mɔ ŋ́ɡɛ pɔ́Ꞌɔ, nɛlɔk ńníꞋ tʉ́m yɔ́p, ŋkɔŋɛ tɛmtɛ wɔ́p, mbɑ pɑ́Ꞌ pɔ́p ɡʉ niitɛ ńjí nu yi ɛ́ nǔu Kɛlístɔ, ɛ́fú nǔu ńjí ntsɛm-Sɛ́, yîyɑ́ ntsɛm pɔ́ pɔ kwɑꞋ jʉ́ Kɛlístɔ.

Kɔlɔsíyɛ̂ŋ 3:12

Sɛ́ kɑ kɔŋ wʉ́ʉ, ńtsɔ́Ꞌ wʉ́ʉ, ńdɔk ŋ́ɡɛ pʉɔ pɛ́. Pɔ́Ꞌɔ lɑ́, pʉʉ pɛ́ɛ tsẅɛ́ fí ḿmɑꞋ, ńtsɑ́ɑ mɛjʉ́ŋ pɛcɔ́ pʉɔ tɛꞋ, ŋ́ɡẅɛɛ pɔŋtʉ́m, ŋ́ɡɑ́ mbʉʉ sɛ́, ḿbɔ́ ŋɡɑŋ-mbɔ́tnɛ, ŋ́ɡẅɛɛ sʉk tʉ́m.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

1 Jɑ̂ŋ 3:24

Ŋu ẅí ɑ kúꞋlɛ́nɛ mbʉ́ʉ-Sɛ́, ɑ kɛ́ ńdɑt mbʉʉ yɛ nǔu Sɛ́ lɑtnɛ, Sɛ́ lɑt mbʉʉ yɛ nǔu wɛ́. Pɛkŋɛ fú nǔu Zẅikŋɛ Lɛ́ɛnɛ́nɛ yi Sɛ́ ɡɑ́nɛ mbɔ̌ pɛkŋɛ, ńjí ŋɡɔ Sɛ́ lɑt mbʉʉ yɛ nǔu pɛkŋɛ.

1 Jɑ̂ŋ 4:12

Wɛcɔ́ ŋu ẅí ɑ kɑ zɑ́p mɔ́ lík nǔu Sɛ́ kɑ́ pɔ́ ɡú pɔ́. Lɑ́ ḿbɔ́ yi pɛkŋɛ lɑɑ ŋ́ɡẅɛɛ ŋkɔŋɛ tsɛtsɛt pɛkŋɛ, mbɔ pɛkŋɛ pɛ Sɛ́ pɔ́nɛ, ŋkɔŋɛ yɛ́ lɔk ńtsuŋ ḿbɔ́ nǔu pɛkŋɛ tɛ yúu pɔɔ jɑ́k nǔu pɔ́.

1 Jɑ̂ŋ 4:16

Ɛ́ ɡʉ nǔu pɛk, mbɔ pɔ́p sɛ́ ńjí pɑ́Ꞌ Sɛ́ kɔŋnɛ wɛ́k pɔ́Ꞌɔ, pɛk kɑ jʉ́ɔ yîyɑ́ ntɛ́ ŋkɔŋɛ tɛ ḿbɛ́m. Sɛ́ ɡẅɛɛ pɔ ŋkɔŋɛ, ŋu lɑɑ ḿbɔ́ ŋ́kɔŋ pʉɔmɛsɔŋ, mbɔ ŋɡɑŋ ńdɑt mbʉʉ yɛ nǔu Sɛ́, Sɛ́ lɑt yɛ nǔu wɛ́.