Filipɛ 1:27 - Kɑɑ Fí

²⁷ Yúu ɡwɛ́ yi pʉʉ ɡẅɛɛnɛ nɛɡɛ ɛ́ ŋɡɔ, pʉʉ nɛn pɔ pɑ́Ꞌ Ŋkʉʉ Sʉ́Ꞌnɛ-Yɛ́su Kɛlístɔ sɛ́ ḿbíkŋɛ. Nǔu ntɛ́ yi n dɑɑ ńtɔ́ ńjʉ́ɔ wʉ́ʉ, ńzɛɛ mbɔɔ tɔ́, ŋ kɛ́ ḿbɔ́ ńzúꞋ pɔ pɑ́Ꞌ pɛ́ cúnɛ ŋɡɔ pʉʉ pɛ́t ŋ́ɡẅɛɛ pɔ tɑ́Ꞌ ntsu, ḿbɔ́ ńdɔk pɔ tɑ́Ꞌ tʉ́m ńdʉ̈ɔ́Ꞌ ntsɔ-pɛ́mtʉ́m, nɛpɔ́ yi pʉʉ ɡʉ ńdɑt mbʉʉ yʉʉ nǔu nu yi pʉʉ kɑ pɛ́mnɛ, yi ɛ́ fúnɛ nǔu Ŋkʉʉ Sʉ́Ꞌnɛ.

Filipɛ 1:27 Кръстосани препратки

Mɑtʉ̈ɔ 12:25

Yɛ́su jí kwɑŋɛ yɔ́p, ńcú mbɔ̌ pɔ́p ŋɡɔ: «Pʉɔ-tɑ́Ꞌ lɑ́Ꞌ lɑɑ ɛ́shɔtnɛ ńdʉ́ɔꞋ ntsɔ tsɛtsɛt pɔ́p, mbɔ yîyɑ́ lɑ́Ꞌ ɡʉ ḿbɛ́. Pʉɔ-tɑ́Ꞌ tʉ́sɔŋ kɛ tɑ́Ꞌ-tsɛnndɑ́ ɔɔ pɛn ɛ́shɔtnɛ ńdʉ́ɔꞋ ntsɔ tsɛtsɛt pɔ́p, mbɔ yîyɑ́ tʉ́sɔŋ kɛ yîyɑ́ tsɛ́nndɑ́ ɔɔ ɡʉ ḿbɛ́.

ŊwɑꞋnɛ-Gɑŋntúu Yɛ́su Kɛlístɔ 2:46

Ɛ́ kɑ pɔ́ ŋɡɔŋ lɛ́Ꞌ tsʉʉ, nɛlɛɛmɛ wɔp pɔ́ ŋɡɔ pɔ́p cúꞋlɛ ZʉꞋ-nɔŋpɔꞋ. Pɔ́p kúu mɛndɑ́ ḿbɔ́tnɛ ŋ́kwɛ́t yúu, ńjʉ́ yúupɛjʉ́ pɔ nɛ́ tsɑ́ɑtɛ. Mbɑ wɔ̌lɑ́ ɡẅɛɛ pɔ tʉ́m sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 24:24

Ɛ́ lɛɛ mɛcɔ́ mɛlɛ́Ꞌ, ŋɡɔmnɑɑ Fɛlɛshi pɔ́p nzwɛ́ wɛ Ndɛlẅisil ẅi ɑ mɔ́ɔ-Yúdɑ tɔ́. Ŋɡɔ́mnɑɑ cú pɛ́ ɡʉ ńdɔɔ Pɔ̂l ŋ́ɡɑ́ mbɔ̌ wɛ́, pɑ́Ꞌ ɑ ɡʉ ńzẅíꞋlɛ nu yi Pɔ̂l ɡʉ ɛ́sẅíi wɛ́ nǔu nɛzɑ́p tʉ́m nǔu Yɛ́su Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 4:32

Nɔɔ-pʉɔ-Yɛ́su kɑ pɔ́ ŋ́ɡẅɛɛ pɔ tɑ́Ꞌ ntsu, ŋ́ɡẅɛɛ pɔ tɑ́Ꞌ tʉ́m. Sɑ̌ɑ ŋu nǔu pɔ́p ŋkɑɑ pɔ́ ŋ́ɡẅɛɛ yúu ŋɡɔ ɛ́ pɔ́ pɔ yɛ́ pɔ́. Pɔ́p kɑ pɔ́ ńtɛmtɛ yúu tɛmtɛnɛ.

Pʉɔ-Lɔ́mɑ 1:16

Mbɔ sʉ́ʉ pɔɔ wɑ́ɑ kɔ́ nɛcẅi Ŋkʉʉ Sʉ́Ꞌnɛ pɔ́, ɛ́ mɛtʉʉ mí Sɛ́ lɔknɛ ŋ́ɡɛ pʉɔ pinɛ pɔ́p zɑ́pnɛ tʉ́m nǔu wɛ́ luk. Ɛ́ zɛ nǔu pɑyúdɑ ŋ́kúu nǔu pʉɔ pi pɔ́p kɑ́ pɔ́ pɑyúdɑ pɔ́.

Pʉɔ-Lɔ́mɑ 1:5

Sɛ́ kɑ lɛɛ pɔ nǔu jʉ́ Kɛlístɔ ŋ́ɡɑ́ fuꞋ níinɛ yɑ́ɑ, ńdɔk wɑ́ɑ ŋ́ɡɛ ŋɡɑŋntúu-Yɛ́su Kɛlístɔ nɛpɔ́ yi mɔ ŋ́ɡʉ ɛ́sẅíi nu-Sɛ́, tsɛt mɛŋɡɔŋ tsʉʉ. Pʉɔ zɑ́p tʉ́m nǔu wɛ́, ńzúꞋ ntsu wɛ́, ɛ́ lɛɛ pɔ́Ꞌɔ, pɔ́p ɡɑ́ mɛkuꞋ mbɔ̌ Yɛ́su Kɛlístɔ.

Pʉɔ-Lɔ́mɑ 1:9

Mbɑ ŋkɑ́ kʉ̈ɔ́ lɑ́ yi mɔ sɛ́ ḿbúꞋ mbɔ́ mbɔ̌ Sɛ́, m bɔɔ nɑ́ kɛ́ kɛ́ ŋ́kẅíitɛ wʉ́ʉ pɔ́. Sɛ́ sɛ́ ńjí pɔ́Ꞌɔ. N cú pɑ́Ꞌɑ ḿbɔ́ ŋu ẅí ɑ sɛ́ fɑꞋ fɑꞋ yɛ́ nɛ́ ŋɡɔŋ tʉ́m yɛ́ tsʉʉ, ḿbɔ́ ńcẅi Ŋkʉʉ Sʉ́Ꞌnɛ ẅí ɛ́ líŋɛ́nɛ Mɔ́ɔ nɛ.

Pʉɔ-Lɔ́mɑ 10:8

ŊwɑꞋnɛ-Sɛ́ ɡʉ ńcú pɔ ŋɡɔ sẅiŋɛ-sɛ́ nɛjɔ́ŋ ɡu, ɛ́ ntsu ɡu, ḿbɔ́ tʉ́m ɡu. Yîyɑ́ sẅiŋɛ ɛ́ nu yi pɛk sɑ́Ꞌnɛ mbɔ̌ pʉɔ ŋɡɔ pɛ́ zɑ́p tʉ́m nǔu Kɛlístɔ.

Pʉɔ-Lɔ́mɑ 15:16

ńdɔk wɑ́ɑ ŋ́ɡɛ ŋu ẅí ɑ ɡʉ ḿbɔ́ ɛ́fɑꞋ fɑꞋ-Yɛ́su Kɛlístɔ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́. A kɑ tsɔ́Ꞌnɛ wɑ́ɑ nɛpɔ́ yi ŋ ɡʉ ńtsʉ́Ꞌ ńcẅi pɔ Ŋkʉʉ Sʉ́Ꞌnɛ mbɔ̌ pɔ́p, Zẅikŋɛ Lɛ́ɛnɛ́nɛ lɔk wɔ́p ŋ́ɡɛ pʉɔ-Sɛ́, mɔ ŋ́ɡɑ́ wɔ́p mbɔ̌ Sɛ́, pɔ́p pɔ́ pɑ́Ꞌ yúu pɔꞋ yi ɛ́ pɔŋnɛ Sɛ́.

Pʉɔ-Lɔ́mɑ 15:29

M bɛn ḿbɔ́ ńjí ŋɡɔ mɔ ŋ́ɡɛ ńtɔ́, Sɛ́ lɛɛ nǔu mɔ, ńníꞋ mbɔ́tnɛ nǔu pʉʉ tɛꞋ.

1 Kɔlɛ̂ŋtɛ 1:10

Pɔ́ɔpɛ́mɑ́, n dɔk lík-Tsɑpʉɔ wɛkŋɛ Yɛ́su Kɛlístɔ ńcú mbɔ̌ pʉʉ ŋɡɔ: «Pʉʉ ɡẅɛɛ tɑ́Ꞌ ntsu, ŋɡɔ kɔɔ fɑkŋɛ pɔ́ tsɛtsɛt pʉʉ, ŋɡɔ pʉʉ ɡẅɛɛ tɑ́Ꞌ ntɛ́ nɛsɑ́ŋ nu, ŋ́ɡẅɛɛ tɑ́Ꞌ kwɑŋɛ.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

2 Kɔlɛ̂ŋtɛ 13:11

Ɛ́ nǔu ŋkɔ̂ɔnɛ pɔ́ɔpɛ́mɑ́ pɑ́ɑ, pʉʉ ńnɑ́ŋ nɛ́ tsɑ́ɑtɛ. Pʉʉ pɔ́ ńdɔɔ shʉ́ pɑ́Ꞌ yɛcɔ́ lɔ́Ꞌ kɛ́ ɡɛ ḿbɔ́ tsɛtsɛt pʉʉ pɔ́. Pʉʉ pɔ́ ńní mɛtʉʉ-mɛmbʉʉ mʉ́ʉ. Pʉʉ sɛ́ ŋ́ɡẅɛɛ tɑ́Ꞌ ntsu, ńnɑ́ŋ nɛ́ mbɔ́tnɛ, ɛ́ lɛɛ pɔ́Ꞌɔ, Sɛ́, jʉ́ ẅi ɑ ɡẅɛɛnɛ ŋkɔŋɛ pɔ́p mbɔ́tnɛ pɔ́ tsɛtsɛt pʉʉ.

2 Kɔlɛ̂ŋtɛ 4:4

ɛ́ pɑzúꞋ nu-Sɛ́ kɛ́ zɑ́p tʉ́m nǔu, pi sɛ́ wɛ yɔ mbí kɑ kɛ́mɔ́ ńjʉ́ɔꞋ jínu yɔ́p ńdɔk ńtɔ́Ꞌ wɔ́p nɛjʉ́ɔ kyɛꞌ yi ɛ́ fúnɛ nǔu Ŋkʉʉ sʉ́Ꞌnɛ. Pɔ́Ꞌɔ, pɔ́p pɔɔ jí pɑ́Ꞌ nɛŋwɑ́ŋɛ-Kɛlístɔ pɔ́nɛ pɔ́. Jʉ́ Kɛlístɔ pɑ́Ꞌ Sɛ́ pɔ́nɛ.

2 Kɔlɛ̂ŋtɛ 9:13

Pɔ́p ɡʉ ńjí ndɛn yɔ fɑꞋ, ŋ́ɡúꞋlɛ Sɛ́ nǔu pɑ́Ꞌ pʉʉ sɛ́ ńtík ku nǔu nu yi Ŋkʉʉ Sʉ́Ꞌnɛ-Kɛlístɔ sɛ́ ńcú. Pɔ́p ɡʉ ḿbɛn ŋ́ɡúꞋlɛ Sɛ́ nǔu pɑ́Ꞌ pʉʉ lɔknɛ pɔŋtʉ́m, ŋ́ɡɑ́ yúu mbɔ̌ pɔ́p tɛ mbɑ pɛcɔ́ pʉɔ.

Ŋɡɑlɑ̂t 1:7

Ŋ kɑ́ pɔ́ ńdɔk ńcú ŋɡɔ yɛcɔ́ Ŋkʉʉ sʉ́Ꞌnɛ pɛn ḿbɔ́ ɡú pɔ́, pɛcɔ́ pʉɔ sɛ́ ḿbɔ́ ḿbúunɛ tú yʉ́ʉ, ḿbɔ́ ńdɔɔ nɛkúpmɛ Ŋkʉʉ Sʉ́Ꞌnɛ-Kɛlístɔ.

Ɛ́fɛ̂zɛ 1:13

Ɛ́ ɡʉ nǔu pʉʉ yʉ́ʉ, mbɔ pʉʉ kɑ zúꞋ sẅiŋɛ yi ɛ́ yɛ́ nɛ́nẅín, ɛ́ pɔ́ Ŋkʉʉ Sʉ́Ꞌnɛ ẅí Sɛ́ kɑ lɛɛ pɔ nǔu lɑ ŋ́ɡɛ pʉʉ luk. Pʉʉ kɑ zúꞋ pɔ́Ꞌɔ, ńzɑ́p tʉ́m yʉ́ʉ nǔu Kɛlístɔ, Sɛ́ ńcʉ̈ɔꞋ lii yɛ́ nǔu pʉʉ, ńdɔk ńnyɛt ŋɡɔ pʉʉ pʉɔ pɛ́. Yîyɑ́ lii pɔ́ Zẅikŋɛ Lɛ́ɛnɛ́nɛ yi ɑ kɑ kɑꞋnɛ ŋɡɔ ɑ ɡʉ ŋ́ɡɑ́ mbɔ̌ pɛkŋɛ.

Ɛ́fɛ̂zɛ 1:15

Pɑ́Ꞌ ŋ kɑ zúꞋnɛ ŋɡɔ pʉʉ sɛ́ ŋ́kẅiꞋ ńzɑ́p tʉ́m yʉ́ʉ nǔu Tsɑpʉɔ Yɛ́su, ḿbɛn ńzúꞋ ŋɡɔ pʉʉ sɛ́ ŋ́kɔŋ pʉɔ-Sɛ́ pɛtsʉʉ lɑ́,

Ɛ́fɛ̂zɛ 4:1

Mɔ ẅí mɔ ndɑ́tsɑ́ŋ mbíꞋ nu-Tsɑpʉɔ Yɛ́su Kɛlístɔ, ŋ ɡʉ ɛ́fú nǔu mɛnu mi ɛ sẅíinɛ wʉ́ʉ, ḿbíkŋɛ ŋɡɔ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ŋ́kẅíitɛ ŋɡɔ Sɛ́ kɑ fúŋnɛ wʉ́ʉ ŋɡɔ pʉʉ pɔ́ pʉɔ pɛ́.

Filipɛ 1:5

ńtsɑ́ɑtɛ pɔ́Ꞌɔ, mbíꞋ yʉ́ʉ yúu mi pʉʉ ɡɛnɛ nɛlɔk ńcẅɛ́lɛ wɑ́ɑ, ńdɔk Ŋkʉʉ Sʉ́Ꞌnɛ-Yɛ́su Kɛlístɔ ɛ́sɑt zʉꞋ. Ɛ́ yi pʉʉ ɡɛnɛ tɛ ɛ́fú lɛ́Ꞌ yi pʉʉ kɑ pɛ́mnɛ Ŋkʉʉ Sʉ́Ꞌnɛ ŋ́ɡʉ ŋ́kúu lɔ́Ꞌnɛ.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Filipɛ 2:24

Tsɑpʉɔ pɛn ŋ́ɡɛ ńjí ŋɡɔ kwɑꞋ mɔ, ŋ ɡʉ fɛ́Ꞌnɛ ńtɔ́ ńjʉ́ɔ wʉ́ʉ.

Filipɛ 3:18

Pʉɔ tɛ ńzɑ́ɑ zɛɛ ḿbɔ́ tsɛtsɛt pɛkŋɛ, mɑt wɔp fí pɔ wɛ pʉɔ pi pɔ́p ŋíŋɛ nɛvú Kɛlístɔ nǔu tʉ́ mbɑ́ŋtɛ pɑ́ŋtɛ́nɛ ŋíŋɛ́nɛ. Ŋ kɑ zɛ ɛ́sẅíi wʉ́ʉ, tɛ mbɑ lɔ́Ꞌnɛ, m bɛn ḿbɔ́ ńcú tɛ ńdɔk pɔ ŋki-mík ńcú.

Filipɛ 3:20

Ɛ́ ɡʉ nǔu pɛkŋɛ, mbɔ wɛkŋɛ ŋɡɔŋ pɔ tʉ́nɛ́pú. Pɛkŋɛ sɛ́ ńzẅíꞋlɛ ŋɡɔ Tsɑpʉɔ Yɛ́su Kɛlístɔ fú zúꞋu ńtɔ́, ŋ́ɡɛ pɛkŋɛ luk.

Filipɛ 4:1

Pɔ́ɔpɛ́mɑ́ pɑ́ɑ pɛtʉʉndɛn, ɛ́ yɛ́tɛ́ lɑ́ n cú mbɔ̌ pʉʉ ŋɡɔ, pʉʉ lɔk wʉʉ nɛnɑ́ŋ ńnyɛt ŋɡɔ pʉʉ kúꞋlɛ nu-Tsɑpʉɔ tɛ ɛ́ tɛn. Mɔ sɛ́ ńtsɑ́ɑ nɛpɛn ńjʉ́ɔ wʉ́ʉ. Pʉʉ pɔ́ɔpɛ́mɑ́ pɑ́ɑ pɛtʉʉndɛn. Pʉʉ pi pʉʉ yɑ́ɑ tsɑ́ɑtɛ, ḿbɔ́ yɑ́ɑ ŋɡúꞋ.

Kɔlɔsíyɛ̂ŋ 1:10

Pɔ́Ꞌɔ, pʉʉ kuꞋ nɛnɑ́ŋ nǔu ntɛ́ yi Tsɑpʉɔ sɛ́ ŋ́kɔŋ, ḿbɔ́ ŋ́ɡɛ pɔ yúu mi ɛ́ pɔŋnɛ wɛ́, ɛ́fɑꞋ mɛfɑꞋ sʉ́Ꞌnɛ mɛntɛ́ mɛntɛ́, ŋ́kẅiꞋ ńjí jʉ́ Sɛ́.

Kɔlɔsíyɛ̂ŋ 1:4

mbíꞋŋɡɔ pɛ́ kɑ sẅíi wɛ́k nɛ́ ntɛ́ yi pʉʉ sɛ́ ńdɔk ńzɑ́p tʉ́m nǔu Yɛ́su Kɛlístɔ mbɑ ntɛ́ yi pʉʉ sɛ́ ńdɔk ŋ́kɔŋ pʉɔ-Sɛ́ pɛtsʉʉ.

1 Tɛsɑlɔník 3:6

Lɑ́ ɛ́ nǔu ŋkɔ̂ɔnɛ, mbɔ ɑ fú lɑ́Ꞌ pʉʉ ḿbɛn tɛ ŋ́kúu zɑꞋnɛ. A sẅíi wɛ́k nɛ́ nu nǔu wʉʉ nɛzɑ́p tʉ́m nǔu Sɛ́, nǔu ŋkɔŋɛ yi pʉʉ ɡẅɛɛnɛ, tɛ nu pɔŋ wɛ́k. A sẅíi wɛ́k pɑ́Ꞌ pʉʉ nɑŋnɛ ŋ́kẅíi wɛ́k pɔ sʉ́Ꞌnɛ, mbɑ pɑ́Ꞌ pʉʉ sɛ́ ńtsɑ́ɑ nɛpɛn ńjʉ́ɔ wɛ́k pɑ́Ꞌ pɛk ɡúu sɛ́ ńtsɑ́ɑ nɛpɛn ńjʉ́ɔ wʉ́ʉ.

1 Tɛsɑlɔník 4:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ ɛ́ pɔ́ pɔ ŋɡɔ pɛk kɑ sẅíi wʉ́ʉ nɛ́ ntɛ́ yi ɛ́ lɑɑ ḿbɔ́ pʉʉ lɔk ńnɑ́ŋ pɔ́Ꞌɔ, nu yʉ́ʉ pɔŋ Sɛ́. Ɛ́ ɡʉ ŋ́ɡɛ pɑ́Ꞌ lɑ́ pʉʉ pɔ́ ńnɑ́ŋ pɔ pɔ́Ꞌɔ. Lɑ́ pɛk pɛn ḿbɔ́ ḿbíkŋɛ mbɔ̌ pʉʉ, tɛ ḿbúꞋ pɔ mbɔ́ nǔu lík-Tsɑpʉɔ Yɛ́su ŋɡɔ, pʉʉ ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi.

1 Timɔtɛ́ɛ 1:11

Yîyɑ́ nu yi pɛ́ zíꞋnɛ wɛkŋɛ, ɛ́ tsɛt Ŋkʉʉ Sʉ́Ꞌnɛ ẅí pɛkŋɛ fúnɛ nǔu ńjí nɛŋwɑ́ŋɛ-Sɛ́. Jʉ́ Sɛ́ ẅi ɑ sɛ́ ŋ́kɔŋ pɔ nu sʉ́Ꞌnɛ nǔu pɛkŋɛ kɑ níꞋ ẅîwɑ́ Ŋkʉʉ Sʉ́Ꞌnɛ mbɔ̌ mɔ.

1 Timɔtɛ́ɛ 1:19

Ɔ lɑɑ ńtsʉ́Ꞌ nɛlʉ́ɔꞋ ẅîwɑ́ ntsɔ, ɔ lɔk pɔ nɛzɑ́p tʉ́m nǔu Sɛ́, ḿbɛn ḿbɑ́ɑ nɛɡɛ yúu mi mbʉʉ yu ɡʉ ńtswɑ́ɑ wú nǔu. Mbʉʉ-pɛcɔ́ nɛlʉ́m pʉɔ kɑ tswɑ́ɑ wɔ́p, pɔ́p lʉꞋ nɛzúꞋ, wɔp nɛzɑ́p tʉ́m nǔu Sɛ́ kúu pɛ́.

2 Timɔtɛ́ɛ 4:7

Ŋ kɑ kɛ́ ḿbɔ́ ḿmɑꞋ yɑ́ɑ pɔ ntsɔ sʉ́Ꞌnɛ, ŋ kɑ kʉɔ ndʉ́ɔlɛ́ tɛ ŋ́kúu ndẅiklɛ. Ŋ kɑ kɛ́ ḿbɔ́ ńzɑ́p pɔ tʉ́m nǔu Yɛ́su.

Tîtɛ 2:10

ŋɡɔ kɔɔ pɔ́p jʉ̈ɔ yúu-pʉɔ pi pɔ́p ɡẅɛɛnɛ wɔ́p. Tɛ ńtsʉ́Ꞌ pɔ́Ꞌɔ, pɔ́p nyɛt ŋɡɔ pɔ́p pʉɔ mbɔ pɛ́ nɑ́ nzʉʉ mbɔ̌ pɔ́p. Pɔ́p lɑɑ ŋ́ɡɛ pɑ́Ꞌɑ, mbɔ pʉɔ ɡʉ sẅiŋɛ sʉ́Ꞌnɛ nǔu mɛnu mi pɛkŋɛ zíꞋnɛ nǔu Sɛ́ ẅi ɑ ɡɑ́nɛ luk.»

Filɛmɔ̂ŋ 1:5

Ŋ ɡɑ́ pɑ́Ꞌlɑ́ mbɔ̌ wɛ́ mbíꞋŋɡɔ mɔ sɛ́ ńzúꞋ pɛ́ lɛꞋlɛ ntɛ́ ŋkɔŋɛ yí ɔ ɡẅɛɛnɛ nzʉʉ pʉɔ-Sɛ́ mbɑ ntɛ́ yi ɔ lɔknɛ ńzɑ́p tʉ́m yú nǔu Tsɑpʉɔ Yɛ́su Kɛlístɔ.

Jɑ̂k 3:18

Pʉɔ pí pɔ́p lɔk pɔ mbɔ́tnɛ ńnɑ́ŋ tsɛtsɛt pʉɔmɛsɔŋ, pɔ́p sɛ́ ḿbi yúu nɛ́ mbɔ́tnɛ. Mɛntɑ́ɑ mi pɔ́p kɑ́pnɛ ɛ́ pɔ́ nɛnɑ́ŋ ndʉ́ŋndʉŋ pɑ́Ꞌ Sɛ́ sɛ́ ŋ́kɔŋ.

2 Pyɛ̂ 3:11

Pɑ́Ꞌ yúu ɛ̂pɑ́ ɡʉ ŋ́ɡɛ ḿmɛ lɑɑ, ɛ́ lɔk ɛ́sẅíi wʉ́ʉ nɛ́ ntɛ́ yi ɛ́ pɔ́ŋnɛ ŋɡɔ pʉʉ nɑ́ŋ pɔ́Ꞌɔ. Ɛ́ sɛ́ ḿbíkŋɛ ŋɡɔ pʉʉ nɑ́ŋ pɔ nǔu ntɛ́ yi Sɛ́ sɛ́ ŋ́kɔŋ, ńjí pɔ ndɑꞋ wɛ́,

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.

Jẅidɛ 1:3

Pɛsúu pɑ́ɑ pɛ́ tʉʉndɛn, ŋ kɑ pɔ́ ńtsɑ́ɑ tɛꞋ nɛŋwɑꞋnɛ ŋwɑꞋnɛ ŋ́ɡɑ́ mbɔ̌ pʉʉ nǔu pɑ́Ꞌ Sɛ́ ɡɛnɛ pɛkŋɛ pɛtsʉʉ luk, lɑ́ ŋkɔ̂ɔnɛ, ɛ́ píkŋɛ ŋɡɔ ŋ ŋwɑꞋnɛ ńdɔk ńníꞋ mɛtʉʉ mʉ́ʉ nɛmɑꞋ ntsɔ nǔu ntɛ́ yi yúu kɛ́ kẅiꞋ nǔu sẅiŋɛ-Sɛ́ yi pɛkŋɛ pɛ́mnɛ yi Sɛ́ ɡɑ́nɛ mbɔ̌ pɛkŋɛ pi pɛkŋɛ pʉɔ pɛ́ tɛ ɛ́fɛ́ɛ.