Filipɛ 1:21 - Kɑɑ Fí

²¹ Kɛlístɔ zɛɛ ḿbɔ́ yɑ́ɑ nu tsʉʉ. N dɑɑ ḿbɔ́ ɡú, mbɔ mɔ ɡú mbíꞋ Kɛlístɔ, ŋ́kɛ́ ḿpfú, mbɔ n jʉ́ pii nzʉʉ yɛ́.

Filipɛ 1:21 Кръстосани препратки

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

1 Kɔlɛ̂ŋtɛ 3:22

A lɑɑ ḿbɔ́ pɔ Pɔ̂l, ḿbɔ́ pɔ Apɔlɔ́s, ḿbɔ́ pɔ Kɛfɑs, ḿbɔ́ pɔ ndǔmbí, ḿbɔ́ pɔ luk kɛ pɔ nɛvú ɔɔ, ḿbɔ́ pɔ yɔ kɛm-njí kɛ yi ɛ́ pɛ́t lɑ ńtɔ́ ɔɔ, mbɔ kʉ̈ɔ́ lɑ́ pɔ́ pɔ mbɔ̌ pʉʉ.

2 Kɔlɛ̂ŋtɛ 5:1

Pɛk zɛɛ ḿbɔ́ ńjí ŋɡɔ ntɑp wɔ ẅi pɛkŋɛ tsɛtú, ɛ́ pɔ́ mbʉʉ yɛkŋɛ lɑɑnɛ, ɛ́ lɑɑ ńzɛɛ ḿbɔ́ yɛcɔ́ lɛ́Ꞌ ŋ́kɛmɛ kɛmɛ́nɛ, mbɔ pɛkŋɛ ɡẅɛɛ ndɑ́ tʉ́nɛ́pú, ɛ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú. Pʉɔmɛ́sɔŋ ŋkɑɑnɛ pɔ́ɔ, Sɛ́ kɑ pɔ́ɔnɛ.

2 Kɔlɛ̂ŋtɛ 5:6

Pɔ́Ꞌɔ lɑ́, pɛkŋɛ ŋkɑ́ tsʉʉ, ńtsʉ́Ꞌ ńnɑ́ŋ pɔ nɛ́ tsɑ́ɑtɛ pɑ́Ꞌtɛ. Pɛkŋɛ kɑ́ pɔ́ ḿmuŋɛ ŋɡɔ pɛkŋɛ lɑɑ ńdɑ́Ꞌ ḿbɛ́t ḿbɔ́ pɔ tsɛt yɔ mbʉʉ, mbɔ pɛkŋɛ pɛ́t kɛ́ pɔ́ nɛjɔ́ŋ Tsɑpʉɔ, mbɔ pɛkŋɛ pɔ́ pɔ ŋɡɑ sɛsɑ.

2 Kɔlɛ̂ŋtɛ 5:8

Pɛkŋɛ tsʉ́Ꞌ ńnɑ́ŋ pɔ nɛ́ tsɑ́ɑtɛ pɑꞋnɛ, Tú yúu ɡwɛ́ yi pɛkŋɛ sɛ́ ńtsɑ́ɑ ɛ́ pɔ́ nɛcẅɛt tsɛt yɔ mbʉʉ, ŋ́ɡʉ ńtsʉ́Ꞌ nɑ́ŋ pɔ nɛjɔ́ŋ Tsɑpʉɔ.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

Ŋɡɑlɑ̂t 6:14

ŋ́ɡʉ nǔu mɔ, mbɔ yúu mi ɛ́ lɑɑ ḿbɔ́ n dɔk ŋ́ŋɑ́Ꞌtɛ, ɛ́ pɔ́ pɔ pɑ́Ꞌ Tsɑpʉɔ wɛkŋɛ Yɛ́su Kɛlístɔ kɑ pfú nǔu tʉ́ mbɑ́ŋtɛ pɑ́ŋtɛ́nɛ lɑ́. Pɑ́Ꞌ ɑ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ lɑ́, yúu yɔ ndǔmbí ɛ́ tsʉ́Ꞌ nɛjɔ́ŋ mɔ ḿbɔ́ pɔ pfú-yúu, ɛ́ ɡʉ nǔu mɔ m bɔ́ mbɔ̌ pɔ́p, mbɔ ŋ kɑ pfú mɔ́.

Filipɛ 1:20

Yúu mi mɔ sɛ́ ńtsɑ́ɑ tɛꞋ, kwɑŋɛ yɑ́ɑ nɑ́ŋ ńtʉ́ʉ pɔ nǔu, ɛ́ pɔ́ pɔ ŋɡɔ kɔɔ mɔ ɡɛ yɛcɔ́ yúu mi sʉ́ʉ ɡʉ ɛ́fú nǔu ŋ́kɔ́ wɑ́ɑ. Tɛ ńtsʉ́Ꞌ pɔ́Ꞌɔ, mbɔ ɛ́ lɑɑ ḿbɔ́ pɔ ŋkɔ̂ɔnɛ, kɛ ŋkɑ́ kʉ̈ɔ́ ɔɔ, m bɛ́t pɔ sʉ́Ꞌnɛ kɛ ńzɛɛ ḿpfú pfúnɛ ɔɔ, mbɔ mɔ sɛ́ ńjí sʉ́Ꞌnɛ ŋɡɔ pɛ́ ɡʉ ɛ́fú nǔu wɑɑ nɛnɑ́ŋ, ŋ́ɡúꞋlɛ Kɛlístɔ.

Filipɛ 1:22

Lɑ́ ɛ́ pɔ́Ꞌɔ, pɑ́Ꞌɑ ḿbɔ́ yi n dɑɑ ḿbɛ́t ŋ́ɡẅɛɛ nɛnɑ́ŋ ndǔ tsɛ́tsɑ́Ꞌ, ɛ́fɑꞋ mɛfɑꞋ sʉ́Ꞌnɛ, mbɔ mɔ ŋ́kɑŋ pɔ nɛpfú kɛ nɛnɑ́ŋ? Ŋ kɑ́ jí yi mɔ ŋ́kɑŋ pɔ́.

Filipɛ 1:23

Mɛnu mɛmbɑ́ mɔnɛ mbi mɔ. Mɔ sɛ́ ńtsɑ́ɑ nɛfú ndǔ tsɛ́tsɑ́Ꞌ ŋ́ɡʉ pɛk Kɛlístɔ tsʉ́Ꞌnɛ ńnɑ́ŋ. Ɛ́ yɑ́ɑ tú yi sʉ́Ꞌnɛ nǔu.

Filipɛ 2:21

Pɛcɔ́ pʉɔ sɛ́ ɛ́sɑ́ŋ nu pɔ ndɑꞋ nǔu yɔ́p tú tɛ pɔ́p kɑ́ pɔ́ ɛ́sɑ́ŋ nu nǔu nu-Yɛ́su Kɛlístɔ pɔ́.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

Mɛnu ɛ́ ńdɑ́Ꞌ ńcẅɛt 14:13

N zúꞋ yɛcɔ́ ŋɡi-ŋu fú tʉ́nɛ́pú ńcú ŋɡɔ: «ŊwɑꞋnɛ ŋɡɔ: Ɛ́ ɡʉ fú ŋkɔ̂ɔnɛ, pɛpɔ́ttú pɔ́ pʉɔ pí pɔ́p ɡʉ ŋ́ɡɔ ḿpfú, ḿpfú ntsufɑꞋ-Tsɑpʉɔ. Zẅikŋɛ lɛ́ɛnɛ́nɛ pɛ́m ŋɡɔ ɛ́ nu, pîpɑ́ pʉɔ ɡɛ ŋ́ɡʉ jẅiitɛ nǔu mɛfɑꞋ mɔ́p. MbíꞋŋɡɔ mɛfɑꞋ mɔ́p ŋ́ɡɛ pɔ́p ɡẅɛɛ tsɔ́ꞋfɑꞋ yɔ́p.»