Filipɛ 1:20 - Kɑɑ Fí

²⁰ Yúu mi mɔ sɛ́ ńtsɑ́ɑ tɛꞋ, kwɑŋɛ yɑ́ɑ nɑ́ŋ ńtʉ́ʉ pɔ nǔu, ɛ́ pɔ́ pɔ ŋɡɔ kɔɔ mɔ ɡɛ yɛcɔ́ yúu mi sʉ́ʉ ɡʉ ɛ́fú nǔu ŋ́kɔ́ wɑ́ɑ. Tɛ ńtsʉ́Ꞌ pɔ́Ꞌɔ, mbɔ ɛ́ lɑɑ ḿbɔ́ pɔ ŋkɔ̂ɔnɛ, kɛ ŋkɑ́ kʉ̈ɔ́ ɔɔ, m bɛ́t pɔ sʉ́Ꞌnɛ kɛ ńzɛɛ ḿpfú pfúnɛ ɔɔ, mbɔ mɔ sɛ́ ńjí sʉ́Ꞌnɛ ŋɡɔ pɛ́ ɡʉ ɛ́fú nǔu wɑɑ nɛnɑ́ŋ, ŋ́ɡúꞋlɛ Kɛlístɔ.

Filipɛ 1:20 Кръстосани препратки

Jɑ̂ŋ 21:19

Yɛ́su cú pɔ́Ꞌɔ, ńdɔk ńdɛꞌlɛ ntɛ́ nɛvú ni pyɛ̂ ɡʉ ŋ́ɡɛ ḿpfú yɛ́t, ɛ́ lɔk ŋ́ɡúꞋlɛ Sɛ́. Yɛ́su cú pɔ́Ꞌɔ, ḿmɛkŋɛ ŋɡɔ: «Cʉ́ɔ nzʉʉ mɔ.»

ŊwɑꞋnɛ-Gɑŋntúu Yɛ́su Kɛlístɔ 20:24

Lɑ́ ɛ́ ɡʉ nǔu mɔ, mbɔ wɑɑ nɛpɔ́ kɑ́ síi ḿbɔ́ pɔ yúu tʉʉndɛn mbɔ̌ mɔ pɔ́. Yúu mi mɔ sɛ́ ńtsɑ́ɑ, ɛ́ pɔ́ pɔ ŋɡɔ, ɛ fɑꞋ fɑꞋ yi pɛ́ ɡɑ́nɛ mbɔ̌ mɔ tɛ ḿmɛk. Ɛ́ pɔ́ nɛɡɛ ŋ́ɡɛ mbɑ kʉ̈ɔ́ lɑ́ yi Tsɑpʉɔ Yɛ́su kɑ cúnɛ ŋɡɔ ŋ ɡɛ. N cú nɛɡʉ ńcẅi Ŋkʉʉ Sʉ́Ꞌnɛ ẅi Sɛ́ kɑ kɑꞋnɛ mbɔ̌ pʉɔmɛsɔŋ nɛlɔk ɛ́sẅíi wɔ́p pɑ́Ꞌ Sɛ́ fú nǔu Yɛ́su ŋ́ɡɑ́ fuꞋ níinɛ mbɔ̌ pʉɔ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 21:13

Lɑ́ Pɔ̂l tsɔ́Ꞌ ŋɡɔ: «Pʉʉ lɔk nɛlɑɑ ńdɔk ḿvukŋɛ wɑ́ɑ mɛlɑ́Ꞌ kʉ̈ɔ́. N tʉ́ʉ pɑ́Ꞌɑ, mbɔ mɔ niitɛ mbʉʉ yɑɑ tɛ ḿbɔ́ yi pɛ́ lɑɑ ŋ́kúu Yɛlúsɑlɛm, ŋ́kút wɑ́ɑ kútnɛ, ńjẅí wɑ́ɑ jẅínɛ ntɛ́ Ndɛ wɛkŋɛ Yɛ́su m bɔɔ lʉꞋ.»

ŊwɑꞋnɛ-Gɑŋntúu Yɛ́su Kɛlístɔ 4:31

Pɔ́p kɑ cɛꞋlɛ Sɛ́ tɛ ḿbɔ́tnɛ ńnɑ́ŋ, zʉꞋ yí pɔ́p kɑ cúꞋlɛ́nɛ zúꞋu tsʉ́Ꞌnɛ. Zẅikŋɛ Lɛ́ɛnɛ́nɛ jʉ́ wɔ́p pɛ́tsʉʉ. Pɔ́p zɛ nɛsẅíi nu-Sɛ́ kɛ́ pɔ́k.

Pʉɔ-Lɔ́mɑ 12:1

Pɔ́ɔpɛ́mɑ́ pɑ́ɑ, pɑ́Ꞌ Sɛ́ kɑ ńtsɑ́ɑ mɛjʉ́ŋ mɛkŋɛ lɑ́, mɔ sɛ́ ńcú mbɔ̌ pʉʉ ŋɡɔ pʉʉ ɡɑ́ mbʉʉ yʉʉ mbɔ̌ wɛ́ pɑ́Ꞌ yúu-pɔꞋ lɑ́, ńtsʉ́Ꞌ ńnɑ́ŋ ńzúꞋ pɔ mbɔ̌ wɛ́, ḿbɔ́ pɔ pʉɔ pɛ́ ndɑꞋ, ŋ́ɡɛ pɔ yúu mi ɛ́ ɡʉ ḿbɔŋ wɛ́. Nɛɡɛ pɔ́Ꞌɔ, ɛ́ nɛɡúꞋlɛ Sɛ́ nǔu ntɛ́ yi sʉ́Ꞌnɛ.

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

Pʉɔ-Lɔ́mɑ 6:13

Kɔɔ pʉʉ pɛn ńdɔk mɛkɛm-mbʉʉ mʉ́ʉ ŋ́ɡɛ nu kɛpɔŋ pɑ́Ꞌ pɛ́ lɔknɛ yúu-ntsɔ ŋ́ɡɛ mɛnu kɛpɔŋ lɑ́. Tɛ ńtsʉ́Ꞌ pɔ́Ꞌɔ, pʉʉ nɑ́ mbʉʉ yʉʉ mbɔ̌ Sɛ́ ḿbɔ́ kwɑꞋ pʉɔ pi pɔ́p kɑ pfúnɛ ḿbɛn ńzẅíimɛ. Pʉʉ lɔk mɛkɛm-mbʉʉ mʉ́ʉ ŋ́ɡɛ yúu mi pʉʉ ɡʉ ńdɔk ŋ́ɡɛ yúu mi ɛ́ ndʉ́ŋndʉŋ.

Pʉɔ-Lɔ́mɑ 6:19

N dɑɑ ḿbɔ́ yi m bɛ́ɛ fʉꞋ nǔu mɛnu mi ɛ́ sɛ́ ńdɛɛtɛ tsɛtsɛt pʉɔmɛsɔŋ, mbɔ mɔ, n dɔk ńdɔɔ nɛɡɛ pʉʉ tsuŋ ńzúꞋ, mbíꞋŋɡɔ ŋumɛsɔŋ pɔ́t pɔ́tnɛ. Pʉʉ kɑ lɔk mɛkɛm-mbʉʉ mʉ́ʉ ŋ́ɡɛ pɛkwɑɑ-mɛnu-ntsɛ́lɛ́ pɔ́p yɛ́ mɛnu lɔk ńtɑ́k zʉꞋ. Mîmɑ́ mɛnu pɔ́ mi ɛ́ ɡɛnɛ pɛ́ tʉʉ tú mbɔ̌ Sɛ́ tʉʉnɛ. Ndʉ́ŋndʉŋ pɔ́Ꞌɔ, pʉʉ pɔ́ ŋkɔ̂ɔnɛ ńtsʉ́Ꞌ ńdɔk mɛkɛm-mbʉʉ mʉ́ʉ ɛ̂mɑ́ ŋ́ɡɛ pɔ ŋkwɑɑ ẅi ɑ fɑꞋnɛ mbɔ̌ yúu mi ɛ́ ndʉ́ŋndʉŋ mbi Sɛ́, ɛ́ kɛ ɛ́fú pɔ́Ꞌɔ, nɛnɑ́ŋ wʉʉ pɔ́ wɛ Sɛ́.

Pʉɔ-Lɔ́mɑ 8:19

Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

Pʉɔ-Lɔ́mɑ 9:33

ŊɡɔꞋ yi pɛ́ kɑ ŋwɑꞋnɛ́nɛ yúu nǔu tsɛt ŋwɑꞋnɛ-Sɛ́ ŋɡɔ: Sɛ́ cú ŋɡɔ: Mɔ ńnɔŋ tɑ́Ꞌ ŋɡɔꞋ tʉ́sɔŋ-Siyɔŋ, Ɛ́ pɔ́ yí pɛ́ ɡʉ ŋ́kɔɔtɛ nǔu. Ɛ́ mɑ́mɑ́ ŋɡɔꞋ yí ɛ́ ɡʉ ŋ́ɡɛ pɛ́ vu. Lɑ́ ŋu ẅí ɑ ɡʉ ńzɑ́p tʉ́m yɛ́ nǔu wɛ́, sʉ́ʉ kɛ́ lɑ́Ꞌ ŋ́kɔ́ wɛ́ pɔ́.

1 Kɔlɛ̂ŋtɛ 15:31

Pɔ́ɔpɛ́mɑ́ pɑ́ɑ, lɛ́Ꞌ tsʉʉ n cẅɛt ntsu-nɛvú cẅɛtnɛ, n cú pɑ́Ꞌɑ, yúu mi n dɔknɛ ńzɑ́Ꞌ ŋkwɑɑ ŋɡɔ ɛ́ nɛ́nẅín, ɛ́ pɔ pɑ́Ꞌ n dɔknɛ wʉ́ʉ ŋ́kɑꞋmɛ tɛꞋ, ńdɛɛ nǔu pɑ́Ꞌ pɛkŋɛ nzʉʉ Tsɑpʉɔ wɛkŋɛ Yɛ́su Kɛlístɔ.

1 Kɔlɛ̂ŋtɛ 6:20

Sɛ́ kɑ ɡɑ́nɛ yúu ńdɔk ɛ́fú ndɑ́-kwɑɑ ńtsúꞋ wʉ́ʉ. Pʉʉ kɛ́ ńdɔk pɔ mbʉʉ yʉʉ ŋ́ɡɑ́ mɛkuꞋ mbɔ̌ Sɛ́.

1 Kɔlɛ̂ŋtɛ 7:34

Ɛ́ lɛɛ pɔ́Ꞌɔ, jínu yɛ́ pɔɔ tʉ́ʉ nǔu tɑ́Ꞌ nu pɔ́. Mɑŋɡɛ́ ẅí ɑ ŋkɑɑ zɔ́Ꞌ kɛ pɔ mɔ́ɔ mɑŋɡɛ́ ɔ́ɔ, ɑ kɛ ŋ́kwɑŋɛ yɛ́ pɔ mɛnu-Tsɑpʉɔ, ńjí ŋɡɔ ɑ ɡʉ ḿbɔ́ pɔ ŋu-Tsɑpʉɔ nǔu mbɑ kʉ̈ɔ́ lɑ́ yi ɑ sɛ́ ŋ́ɡɛ, mbɑ yi ɑ sɛ́ ŋ́kwɑŋɛ kwɑŋɛ́nɛ. Lɑ́ ŋ́ɡʉ nǔu mɑŋɡɛ́ ẅí ɑ zɔ́Ꞌnɛ, ɑ kwɑŋɛ pɔ mɛnu-ndǔ tsɛ́tsɑ́Ꞌ, ndɔɔ pɔ nɛɡɛ yúu mi ɛ́ ɡʉ mbɔŋ ndúu mɛ.

2 Kɔlɛ̂ŋtɛ 10:8

Tsɑpʉɔ kɑ zɑ́pnɛ wɛ́k, nɛtʉ́ʉ mbi ńcú nu mbɔ̌ pʉʉ, nɛlɔk ŋ́ɡɛ cúꞋlɛ yʉ́ʉ kẅiꞋ ŋ́ɡʉ pɔ́p nɛ́ mbi, ɛ́ ŋkɑɑ pɔ́ nɛlɔk ńtɑ́k pɔ́. Ɛ́ lɑɑ ńzɛɛ ḿbɔ́ yi mɔ sɛ́ ńdɔk ẅîwɑ́ nɛpɔ́ ŋ́kɑꞋmɛ tɛ ɛ́ lɛɛ, mbɔ ɛ́ lɑɑ ḿbɔ́ sʉ́ʉ pɔɔ wɑ́ɑ kɔ́.

2 Kɔlɛ̂ŋtɛ 3:12

Pɑ́Ꞌ pɛk sɛ́ ńniitɛ ńjí ŋɡɔ mɔnɛ mɛnu nɛ́nẅín lɑ́, pɛk sɑ́ɑnɛ sɑ́ɑnɛ́nɛ ńcú nu nǔu.

2 Kɔlɛ̂ŋtɛ 4:10

Pɛk pɔ́ ŋkɑ́ tsʉʉ, ḿbɔ́ ḿbɛ́m ŋɡɔ pɛk ɡʉ ḿpfú ntɛ́ nɛvú ni Yɛ́su kɑ pfúnɛ. Pɔ́Ꞌɔ, nɛpɔ́ yi pɛ́ ɡʉ ńjʉ́ɔ ŋɡɔ luk-Yɛ́su ɛ́ yɛ́ sɔŋ mbʉʉ pɛk.

2 Kɔlɛ̂ŋtɛ 5:15

A kɑ pfú nǔu tú-pʉɔ tsʉʉ, nɛpɔ́ yi pʉɔ pi pɔ́p ntʉʉ kɛ́ pɛn ḿbɔ́ ɡú pɔ́ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɔ́p pɔ́. Pɔ́p ɡʉ ńtsʉ́Ꞌ ḿbɔ́ ɡú, pɔ pɑ́Ꞌ pɔ́p ɡʉ ŋ́ɡɛ yúu mi ɛ́ pɔŋnɛ wɛ́, jʉ́ ẅi ɑ kɑ pfúnɛ nǔu tú yɔ́p lɑ Sɛ́ zẅíimɛ wɛ́ nǔu nɛvú.

2 Kɔlɛ̂ŋtɛ 7:14

Ɛ́ ɡɔ́ ḿbɔ́, mbɔ ŋ kɑ tʉ́ʉ mbi Titɛus ńnɑ́Ꞌ ńdɔk nu yʉ́ʉ ŋ́kɑꞋtɛ. A pɛn fú lɑ́Ꞌ pʉʉ, sʉ́ʉ kɛ́ mbɔɔ wɑ́ɑ kɔ́. Yúu mi pɛk kɑ pɔ́ ńdɔk nu yʉ́ʉ ŋ́kɑꞋtɛ mbi Titɛus nǔu, ɛ́ kɑ pɛn ńcẅɛt ḿbɔ́ pɔ nu nɛ́nẅín, ndʉ́ŋndʉŋ pɑ́Ꞌ pɛk ńjúknɛ ɛ́sẅíi wʉ́ʉ pɔ nɛ́ nu nɛ́nẅín lɑ́.

2 Kɔlɛ̂ŋtɛ 7:4

Mɔ ńtɛ́m mɔ́ ŋkwɛn yɑɑ ŋ́ɡɑ́ mbɔ̌ pʉʉ, n dɔk pɔ wʉ́ʉ ńtsɑ́ɑtɛ tɛꞋ, m bɛ́t ŋ́ɡẅɛɛ pɔ sʉk tɛꞋ, tsɑ́ɑtɛ tʉ́m mɔ tɛꞋ tɛ mbɑ pɑ́Ꞌ pɛk sɛ́ ńjʉ́ɔ ŋɡʉ̈ɔ́Ꞌ tɛꞋ lɑ́.

Filipɛ 1:14

Ŋ kɑ pɔ́ tɛ ŋ́kúu tsɑ́ŋ, nɛlʉ́m pɔ́ɔpɛ́mɑ́ jʉ́ɔ pɔ́Ꞌɔ, ŋ́kẅiꞋ ńzɑ́p tʉ́m yɔ́p nǔu Tsɑpʉɔ. Lɑ́ pɔ́p sɛ́ ɛ́sʉk ɛ́sẅíi nu-Sɛ́ ŋkɔ̂ɔnɛ kɛ́ pɔ́k.

Filipɛ 2:17

Wʉ́ʉ nɛzɑ́p tʉ́m nǔu Yɛ́su ɛ́ pɑ́Ꞌ yúu-pɔꞋ yi pʉʉ nɔŋnɛ mbi Sɛ́ lɑ́, ḿbɔ́ yi pɛ́ lɑɑ ńjẅí wɑ́ɑ, mbɔ ɛ́ lɔk ḿbɔ́ pɑ́Ꞌ wɑ́ɑ pɔꞋ ẅí n nɔŋnɛ mbi Sɛ́. Ɛ́ tɔ́ ḿbɔ́ pɔ́Ꞌɔ, mbɔ mɔ pɔ́ttú, mbɔ pɛkŋɛ ɡʉ ńtɛmtɛ ńtsɑ́ɑtɛ.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

1 Pyɛ̂ 4:16

Lɑ́ ḿbɔ́ yi ŋu lɑɑ ŋ́ɡɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ ŋɡɔ ɑ ŋu-Kɛlístɔ, kɔɔ ŋɡɑŋ kɔ́ sʉ́ʉ. Tɛ ńtsʉ́Ꞌ pɔ́Ꞌɔ, ɑ ɡúꞋlɛ pɔ Sɛ́ mbíꞋ lík-Kɛlístɔ yi ɑ ɡẅɛɛnɛ.

1 Jɑ̂ŋ 2:28

Pɑ́Ꞌ ɛ́ pɔ́Ꞌɔ lɑ́, mbɑ̌ɑ mbɔ́ŋkʉ̈ɔ́ pɑ́ɑ, pʉʉ kɛ́ ńdɑt mbʉʉ yʉʉ pɔ nǔu Kɛlístɔ, ńjí ŋɡɔ ɛ́ ɡʉ ńdɑ́Ꞌ lɛ́Ꞌ yi ɑ cẅɛtnɛ, pɛkŋɛ pɔɔ yɛcɔ́ yúu pɔ́k, tʉ́m yɛkŋɛ pɔɔ sii ńcʉ̈ɔꞋ nǔu yɛcɔ́ yúu pɔ́. Ɛ́ pɔ́ lɛ́Ꞌ ɛ̂yɑ́, pɛkŋɛ pɔɔ tʉ́ʉ mbi yɛ́ sʉ́ʉ kɔ́ wɛkŋɛ pɔ́.