Filipɛ 1:10 - Kɑɑ Fí

¹⁰ Ɛ́ lɛɛ pɔ́Ꞌɔ, pʉʉ kuꞋ nɛpɛ́ɛ yi sʉ́Ꞌnɛ. Ɛ́ lɑ́Ꞌ lɛ́Ꞌ yi Kɛlístɔ ɡʉ ńdɑ́Ꞌ ḿbɛn ńtɔ́, pʉʉ pɔ́ ndɛ́ɛnɛ lɛ́ɛnɛ́nɛ ḿbɔ́ pɑkɛ́fɑɑnɛ.

Filipɛ 1:10 Кръстосани препратки

Mɑtʉ̈ɔ 16:23

Yɛ́su shɔtnɛ, ńcú mbɔ̌ Pyɛ̂ ŋɡɔ: «Fú nzʉʉ mɔ ńtsʉ́ʉtɛ Sɑ́ttɑ! Ɔ tsʉ́Ꞌ ńtɑɑtɛ wɑ́ɑ tɑɑtɛnɛ. Ɔ kɑ́ pɔ́ ŋ́kwɑŋɛ pɑ́Ꞌɑ, ɛ́ pɔ́ pɑ́Ꞌ Sɛ́ sɛ́ ŋ́kwɑŋɛ pɔ́, yɑ́ pɔ́ pɔ kwɑŋɛ-pʉɔmɛsɔŋ.»

Mɑtʉ̈ɔ 26:33

Pyɛ̂ cú mbɔ̌ wɛ́ ŋɡɔ: «Pɛcɔ́ pʉɔ lɑɑ ḿmɛꞋ wú ŋ́kʉɔ pɛtsʉʉ, mbɔ ɛ́ lɑɑ ḿbɔ́ m bɔɔ wú mɛꞋ.»

Jɑ̂ŋ 1:47

Yɛ́su jʉ́ɔ pɑ́Ꞌ Nɑtɑnɑyɛ̂l sɛ́ ńtɔ́, ńcú nu nǔu wɛ́ ŋɡɔ: «Yɔ kwɑꞋ mɔ́ɔ-Íslɑyɛ̂l ẅí nu ŋkʉŋkʉ kɑ́ pɔ́ nǔu wɛ́ pɔ́.»

Jɑ̂ŋ 3:20

Ŋu lɑɑ ŋ́ɡɛ nu kɛpɔŋ, mbɔ ŋɡɑŋ ḿbɑɑ kyɛꞌ pɑɑnɛ, mbɔɔ kɔŋ nɛnɛn zʉꞋ yí kyɛꞌ zúꞋu pɔ́, ḿbɔ́k ŋɡɔ mɛnu mɛ́ ńcẅɛt mɑ́ntɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 24:16

Ɛ́ yúu mi ɛ́ ɡɛnɛ lɑ m bɔ́ ɛ́sɑ́Ꞌ tʉʉ nɛ́ tʉ́m lɛ́ɛnɛ́nɛ nɛnɛn ndʉ́ŋndʉŋ mbi Sɛ́, mbɑ mbi pʉɔmɛsɔŋ.»

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Pʉɔ-Lɔ́mɑ 12:9

Pʉʉ kɔŋ pʉɔmɛsɔŋ pɔ nɛ́ tʉ́m yʉ́ʉ tsʉʉ. Pʉʉ kʉ̈ɔ́ nu kɛpɔŋ tɛ ńtɔ́ŋ mɛkɑ́ɑ, ŋ́kúꞋlɛ pɔ nu sʉ́Ꞌnɛ tɛ ɛ́ tɛn.

Pʉɔ-Lɔ́mɑ 16:17

Pɔ́ɔpɛ́mɑ́ pɑ́ɑ, mɔ ńcú mbɔ̌ pʉʉ ŋɡɔ pʉʉ pɑ́ɑ pʉɔ pi pɔ́p mɑꞋnɛ fyɑkŋɛ tsɛtsɛt pʉʉ, ńdɔk pɑ́Ꞌ pɔ́p lʉꞋnɛ yúu mi pɛ́ kɑ zíꞋnɛ wʉ́ʉ nǔu Kɛlístɔ, ŋ́ɡɛ pʉɔ fɑɑnɛ sɛ̂ndúŋ. Pʉʉ kʉ̈ɔ́ pîpɑ́ pʉɔ.

Pʉɔ-Lɔ́mɑ 2:18

ńjí yúu mi Sɛ́ sɛ́ ŋ́kɔŋ, mbɔ ɛ́ kɑ fú nǔu pɑ́Ꞌ pɛ́ kɑ zíꞋnɛ wú nɛ́ nɛpʉ́ʉ ɔ jí yúu mi ɛ́ pɔŋnɛ.

Pʉɔ-Lɔ́mɑ 7:16

Ɛ́ lɑɑ ḿbɔ́ yi ŋ kɑ pɔ́ ŋ́kɔŋ yúu mi mɔ sɛ́ ŋ́ɡɛ pɔ́, mbɔ mɔ ńdɔk pɔ́Ꞌɔ, ḿbɛ́m ŋɡɔ nɛpʉ́ʉ pɔŋ.

Pʉɔ-Lɔ́mɑ 7:22

Mɔ kwɑꞋ tsɛt tʉ́m mɔ, nɛpʉ́ʉ-Sɛ́ pɔŋ wɑ́ɑ tɛꞋ.

Pʉɔ-Lɔ́mɑ 8:7

Pɛcɔ́ pʉɔ nǔu sɛ̂ndúŋ-nɛvú mbíꞋŋɡɔ pʉɔ pi pɔ́p nɑ́ŋnɛ ńtík tʉ́m yɔ́p pɔ nǔu yúu mi mbʉʉ yɔp sɛ́ ɛ́sẅíi wɔ́p, pɛɡɑŋmbuu-Sɛ́. Pɔ́p kɑ́ kúꞋlɛ nɛpʉ́ʉ-Sɛ́ pɔ́, wɛcɔ́ shʉ́ nɛzɛɛ ŋ́kúꞋlɛ kɑ́ pɔ́ mbɔ̌ pɔ́p pɔ́.

1 Kɔlɛ̂ŋtɛ 1:8

Jʉ́ Yɛ́su Kɛlístɔ ɡʉ ŋ́ɡɛ pʉʉ tɛntɛ tɛntɛnɛ tɛ ńdɑ́Ꞌ ḿmɛkŋɛ, ɛ́ lɑ́Ꞌ lɛ́Ꞌ yi jʉ́ Tsɑpʉɔ wɛkŋɛ, ɡʉ ńdɑ́Ꞌ ḿbɛn ńtɔ́ pɛ́ pɔɔ ḿbɔ́ ńdɑ́Ꞌ wʉ́ʉ nǔu yɛcɔ́ yúu pɔ́.

1 Kɔlɛ̂ŋtɛ 10:32

Kɔɔ pʉʉ ɡɛ yúu mi ŋu-Yúdɑ kɛ ŋu-Ŋɡɛlɛk ɔɔ, kɛ ŋu-cúꞋlɛ-pʉɔ Sɛ́ ɔɔ, ɡʉ kɔɔtɛ nǔu ḿvu sɛ́.

1 Kɔlɛ̂ŋtɛ 8:13

Ɛ́ pɔ́Ꞌɔ lɑ́ ḿbɔ́ yi n dɑɑ ńjʉ́ yúupɛ́jʉ́, yi mɔ ńjʉ́ ɛ́ ɡɛ mɔ́ɔmɑ́ mɔ vu sɛ́, mbɔ ɛ́ lɑɑ ńtsʉ́Ꞌ yi ŋ ɡɛ pɔ́Ꞌɔ, m bɔɔ lɑ́Ꞌ ḿbɛn ŋ́kwɛ́t mbɑp pɔ́.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 2:17

Lɑ́Ꞌ pɛk kɑ pɔ́ pɑ́Ꞌ pɛcɔ́ pʉɔ tɛ ńzɑ́ɑ pi pɔ́p lɔknɛ sẅiŋɛ-sɛ́ ŋ́ɡɛ yɔ́p yúu mɛntɑ́ɑ pɔ́, pɛk ɛ́sẅíi yɛ́k pɔ nɛ́ tʉ́m Lɛ́ɛnɛ́nɛ, ḿbɔ́ pɔ pʉɔ pi Sɛ́ kɑ túunɛ. Pɛk pɔ́ ɛ́sẅíi, Sɛ́ pɔ́ ńjʉ́ɔ wɛ́k pɛk pɛn ńdɑt mbʉʉ nǔu Kɛlístɔ.

2 Kɔlɛ̂ŋtɛ 6:3

Ɛ́ ɡʉ nǔu pɛk ɡɑŋntúu, pɛk kɑ́ pɔ́ ŋ́ɡɛ yɛcɔ́ yúu mi mbɔ ŋu kɔɔtɛ nǔu ḿvu sɛ́ pɔ́, pɛ́ fú nǔu ńdɔk ńzɔɔtɛ fɑꞋ yɛ́k pɔ́.

2 Kɔlɛ̂ŋtɛ 8:8

Ŋ kɑ́ pɔ́ ńcú pɑ́Ꞌɑ ńdɔk ńcú pɔ yɛcɔ́ nu yi pʉʉ ɡʉ ŋ́ɡɛ pɔ́. Ɛ sẅíi wʉ́ʉ pɔ pɑ́Ꞌ mɛcɔ́ mɛcúꞋlɛ-pʉɔ-Kɛlístɔ sɛ́ zɑŋɛ mbʉʉ ŋ́ɡɛ pɔ́Ꞌɔ, ńdɔk ŋ́ɡɑ́ wʉ́ʉ nɛ́ shʉ́ nɛɡɛ pɛ́ jí ŋɡɔ pʉʉ ɡẅɛɛ ŋkɔŋɛ tɛ ɛ́sẅíi nu.

Ŋɡɑlɑ̂t 5:11

Pɔ́ɔpɛ́mɑ́ pɑ́ɑ, mɔ pɛ́Ꞌnɛ ḿbɛn ḿbɔ́ ɛ́sɑ́Ꞌ ŋɡɔ pʉɔ ɡɛ pɛ́ púꞋ wɔ́p, pɑyúdɑ pɛn ŋ́kʉ́ʉnɛ wɑ́ɑ pɔ mɛlɑ́Ꞌ kʉ̈ɔ́? Mbɔ nɛpɔ́ ẅí Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ kɑ́ pɛn ŋ́ɡɑ́ɑnɛ wɔ́p pɔ́.

Ɛ́fɛ̂zɛ 4:15

Tɛ ńtsʉ́Ꞌ pɔ́Ꞌɔ, pɛkŋɛ kɔŋɛ mɛmbʉʉ mɛkŋɛ, ŋu sẅíi nu nɛ́nẅín mbɔ̌ mɔ́ɔmɑ́ wɛ, ŋ́ɡúꞋ nǔu mɛshʉ́ tsʉʉ, Kɛlístɔ ɡɛ pɛkŋɛ pɔ́ ńdɔk ndɑ̌ɑ ndɑɑ ŋ́kẅiꞋ ḿbɔ́ pɑ́Ꞌ jʉ́ ẅi ɑ tú nǔu mbɑp-mbʉʉ.

Ɛ́fɛ̂zɛ 5:10

Pʉʉ ɡɔ́ ŋ́ɡɛ mbɑ kʉ̈ɔ́ lɑ́, ńtɑꞋ mɛnu, nɛjí mi ɛ́ pɔŋnɛ Tsɑpʉɔ.

Ɛ́fɛ̂zɛ 5:27

A kɑ pɔ́ ŋ́kɔŋ ŋɡɔ yîyɑ́ cúꞋlɛ, ɛ́ ɡɔ́ tʉ́ʉ mbi yɛ́, ńtsuŋ ḿbɔ́ ŋ́ŋwɑŋɛ, ḿbɔ́ kɛ́ ncʉ́, kɛ́ yɛcɔ́ zʉꞋ mbʉʉ yɛ́ ŋúꞋlɛ, kɛ́ yɛcɔ́ lɔ́Ꞌ, yɛcɔ́ yúu pɔɔ pɛ́t ńjɑ́k nǔu wɛ́ pɔ́.

Ɛ́fɛ̂zɛ 6:24

Sɛ́ pɔ́ mbɔ̌ ŋu tsʉʉ ẅí ɑ kɔŋnɛ Tsɑpʉɔ wɛkŋɛ Yɛ́su Kɛlístɔ nɛ́ ntɛ́ ŋkɔŋɛ yi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́.

Filipɛ 1:16

Pɔ́p ɛ́sẅíi pɔ́Ꞌɔ, mbíꞋŋɡɔ pɔ́p kɔŋ wɑ́ɑ. Pɔ́p sɛ́ ḿbɔ́ ńjí ŋɡɔ Sɛ́ kɑ kɔŋ ŋɡɔ m bɔ́ ndɑ́tsɑ́ŋ zɑ́Ꞌnɛ nɛpɔ́ yi ŋ ɡʉ ḿbʉ̈ɔt nu nǔu Ŋkʉʉ Sʉ́Ꞌnɛ, ɛ́ nyɛt ŋɡɔ ɛ́ nɛ́nẅín.

Filipɛ 1:6

N jí ŋɡɔ jʉ́ Sɛ́ ẅí ɑ kɑ zɛnɛ mɛfɑꞋ sʉ́Ꞌnɛ tsɛt tʉ́m pʉʉ, ɡʉ ńdɔk ŋ́ɡʉ pɔ nɛ́ mbi tɛ ńdɑ́Ꞌ ŋ́kúu lɛ́Ꞌ yi Yɛ́su Kɛlístɔ ɡʉ ńdɑ́Ꞌ ḿbɛn ńtɔ́.

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

1 Tɛsɑlɔník 5:21

ŋ́ɡʉ nǔu kʉ̈ɔ́ lɑ́, ńtsɑꞋ ḿbɛ́ɛ pɔ yɛ sʉ́Ꞌnɛ,

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.

Mɛnu ɛ́ ńdɑ́Ꞌ ńcẅɛt 2:2

Mɔ sɛ́ ńjí mɛfɑꞋ mʉ́ʉ, ḿbɔ́ ńjí wʉʉ nɛkiɛ ziꞋnɛ, ńjí pɑ́Ꞌ pʉʉ sɑ́Ꞌnɛ tʉʉ pɔ́Ꞌɔ, ńjí pɑ́Ꞌ pʉʉ kɑ́ kɔŋ nɛpɔ́ yi pʉʉ pɛ́ pʉɔ pi pɔ́p ɡẅɛɛnɛ shíshí tʉ́m ńtɛmtɛ ku pɔ́, ḿbɔ́ ńjí pɑ́Ꞌ pʉʉ kɑ kɛ́ ŋ́kwɑꞋlɛ pʉɔ pi pɔ́p cúnɛ ŋɡɔ pɔ́p ɡɑŋntúu-Yɛ́su lɑ́ ḿbɔ́ pɔ pɑɡwɑtŋkúu, tɛ ńjí ŋɡɔ pɔ́p pɔ́ pɔ ɡɑŋcɔtnu.