Filipɛ 1:1 - Kɑɑ Fí

¹ Yɔ ŋwɑꞋnɛ fú mbɔ̌ mɔ Pɔ̂l ŋ́ɡɛ Timɔtɛ̂ɛ. Pɛknɛ tɛmtɛ́nɛ ɛ́fɑꞋ nzʉʉ Yɛ́su Kɛlístɔ. Ɛ́ yʉ́ʉ pʉʉ pʉɔ-Yɛ́su Kɛlístɔ pi pɔ́p tʉ́sɔŋ-Filip. Ɛ́ pɛn ḿbɔ́ yʉ́ʉ, pʉʉ pɑlíŋɛ cúꞋlɛ-pʉɔ-Kɛlístɔ pɔ́p pʉʉ pɑfɑꞋ tsɛt yîyɑ́ cúꞋlɛ.

Filipɛ 1:1 Кръстосани препратки

Mɑ́lɛ́kúshi 13:34

Mɛnu ŋkɑ́ ɛ̂yɑ́ ɡʉ ŋ́ɡɛ ḿbɔ́ pɑꞋ nu-ŋu ẅí ɑ tsʉꞋ nɛɡʉ nɛnɛn, fɛ́ɛ ndɑ́ yɛ mbɔ̌ ŋɡɑŋfɑꞋ wɛ́, ŋ́ɡɑ́ fɑꞋ yí ẅîwɑ́ ŋu ɡʉ ńtsʉ́ꞌ ḿbɔ́ ɛ́fɑꞋ, ńcú mbɔ̌ ŋu ẅí ɑ pyɛ́pnɛ ntsuŋkɑ́Ꞌ ŋɡɔ kɔɔ ɑ fʉ̈ɔ́nɛ ńdɛ́.

Jɑ̂ŋ 12:26

Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.

ŊwɑꞋnɛ-Gɑŋntúu Yɛ́su Kɛlístɔ 1:20

Ɛ́ zɛɛ ŋ́ɡɔ ḿbɔ́ mbɔ pɛ́ kɑ ŋwɑꞋnɛ tsɛt ŋwɑꞋnɛ mɛzɔpŋki ŋɡɔ: Ɛ́ pɔŋ ndɑ́ yɛ ńtsʉ́Ꞌ fɛm ndɑ́. Ḿbɑ́ɑ ŋu nɛlɑ́Ꞌ ḿbɛn ńnɑ́ŋ tsɛtú, ḿbɛn ŋ́ŋwɑꞋnɛ ńdɔk ńdẅiklɛ ŋɡɔ wɛcɔ́ ŋu ndɛꞋ ńjʉ́ zʉꞋ yɛ́.»

ŊwɑꞋnɛ-Gɑŋntúu Yɛ́su Kɛlístɔ 20:28

Pʉʉ pɑ́ɑ yʉ́ʉ tú kwɑꞋ sʉ́Ꞌnɛ, ḿbɛn ḿbɑ́ɑ yɛ nɔɔ-mɛnjinjɔ mi Zẅikŋɛ-Sɛ́ kɑ níꞋnɛ mbɔ̌ pʉʉ ŋɡɔ pʉʉ pɔ́ ḿbyɛ́p. Pʉʉ líŋɛ cúꞋlɛ-pʉɔ-Sɛ́ sʉ́Ꞌnɛ. Jʉ́ ẅi ɑ lɛɛnɛ nǔu mɛci-Mɔ́ɔ nɛ ŋ́ɡɛ cúꞋlɛ ɛ̂yɑ́ tsʉ́Ꞌ pʉɔ pɛ́.

ŊwɑꞋnɛ-Gɑŋntúu Yɛ́su Kɛlístɔ 9:13

Anɑníyɑs pʉ̈ɔt ŋɡɔ: «Tsɑpʉɔ, n zɛɛ ńzúꞋ pʉɔ tɛ ńzɑ́ɑ kẅíi ŋu ẅí ɔ cúnɛ lɑ́. Mɔ yɑ́ɑ ńjí nu kɛpɔŋ yi ɑ kɑ ɡɛnɛ nǔu pʉɔ pú Yɛlúsɑlɛm.

Pʉɔ-Lɔ́mɑ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋu ẅí ɑ fɑꞋnɛ fɑꞋ-Yɛ́su Kɛlístɔ, Sɛ́ kɑ fúŋnɛ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ, ńzɑ́p wɑ́ɑ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ wɛ́ mbɔ̌ lɑ́Ꞌ.

Pʉɔ-Lɔ́mɑ 1:7

M bɛn ŋ́ɡɑ́ yɔ ŋwɑꞋnɛ mbɔ̌ pʉʉ tsʉʉ pi pʉʉ tʉ́sɔŋ-Lɔ́mɑ. Pʉʉ pi Sɛ́ kɔŋnɛ wʉ́ʉ, yɛ́tɛ́ kɑ ɡɛnɛ ɑ fúŋ wʉ́ʉ pɑ́Ꞌ pʉʉ ɡʉ ḿbɔ́ pʉɔ pɛ́ pi ɑ tsɔ́Ꞌnɛ. Mɔ sɛ́ ńtsɑ́ɑ ŋɡɔ Tɑ́t wɛkŋɛ Sɛ́ mbɑ Tsɑpʉɔ Yɛ́su Kɛlístɔ pɔ́ ḿbɔ́ nɛ́ pʉʉ, ḿbɔ́ ńníꞋ mɔ́fíitɛ tʉ́m pʉʉ.

1 Kɔlɛ̂ŋtɛ 16:10

Timɔtɛ̂ɛ lɑɑ ńtɔ́ lɑ́Ꞌ pʉʉ, pʉʉ kúkŋɛ wɛ́ sʉ́Ꞌnɛ. Nɛpɔ́ yi ɑ ɡʉ ńnɑ́ŋ tsɛtsɛt pʉʉ, ńzúꞋ mbʉʉ yɛ́ pɔŋ, mbíꞋŋɡɔ ɑ fɑꞋ yɛ́ pɔ fɑꞋ-Tsɑpʉɔ pɑ́Ꞌ mɔ.

2 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Ŋɡɑlɑ̂t 3:28

Ɛ́ fú pɔ́Ꞌɔ, Sɛ́ pɔɔ pɛn ŋ́ɡɛ yɛcɔ́ tɔŋ nǔu pɑyúdɑ pɔ́p pʉɔ-Ŋɡɛlɛ́k pɔ́, ŋ́kɛ́ mbɔɔ pɛn ŋ́ɡɛ nǔu pɛkwɑɑ pɔ́p pɛndẅǐi pɔ́, ŋ́kɛ́ mbɔɔ pɛn ŋ́ɡɛ nǔu mbɛ́ɛnɛ pɔ́p pɑŋɡɛ́ pɔ́, mbíꞋŋɡɔ pʉʉ lɔk pɑ́Ꞌ pʉʉ lɑtnɛ mbʉʉ nǔu Yɛ́su Kɛlístɔ ńtsʉ́Ꞌ ḿbɔ́ pɔ tɑ́Ꞌ ntɛ́.

Ɛ́fɛ̂zɛ 1:1

Yɔ ŋwɑꞋnɛ fú mbɔ̌ mɔ pɔ̂l, Sɛ́ kɑ kɔŋnɛ ŋɡɔ m bɔ́ ŋɡɑŋntúu-Yɛ́su Kɛlístɔ. Ŋ ɡɑ́ mbɔ̌ pʉʉ pʉɔ-Sɛ́ pi pʉʉ nɑ́ŋnɛ Ɛ́fɛ̂zɛ, mbɔ pʉʉ kɑ zɑ́p tʉ́m nǔu Yɛ́su Kɛlístɔ, ŋ́kɛ́ ńjí pɔ ndɑꞋ nu yɛ́.

Ɛ́fɛ̂zɛ 1:15

Pɑ́Ꞌ ŋ kɑ zúꞋnɛ ŋɡɔ pʉʉ sɛ́ ŋ́kẅiꞋ ńzɑ́p tʉ́m yʉ́ʉ nǔu Tsɑpʉɔ Yɛ́su, ḿbɛn ńzúꞋ ŋɡɔ pʉʉ sɛ́ ŋ́kɔŋ pʉɔ-Sɛ́ pɛtsʉʉ lɑ́,

Ɛ́fɛ̂zɛ 6:24

Sɛ́ pɔ́ mbɔ̌ ŋu tsʉʉ ẅí ɑ kɔŋnɛ Tsɑpʉɔ wɛkŋɛ Yɛ́su Kɛlístɔ nɛ́ ntɛ́ ŋkɔŋɛ yi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́.

Filipɛ 2:19

Mɔ sɛ́ ńtsɑ́ɑ nɛtúu Timɔtɛ̂ɛ mbɔ̌ pʉʉ, pɑ́Ꞌ Tsɑpʉɔ Yɛ́su lɑɑ ḿbɛ́m. A ńtɔ́ ŋ́ɡwɑ́ wʉ́ʉ, ḿbɛn nzʉʉ ɛ́sẅíi wɑ́ɑ, n dɔk ŋ́ɡẅɛɛ sʉk,

Filipɛ 2:5

Pʉʉ ɡẅɛɛ kwɑŋɛ yí Yɛ́su Kɛlístɔ kɑ ɡẅɛɛnɛ.

Filipɛ 3:12

Ḿbɔ́ m bɔɔ cú ŋɡɔ ŋ ɡʉ mɔ́ tɛ ŋ́kúu pɔ́. Ḿbɔ́ m bɔɔ cú ŋɡɔ mɔ ndʉ́ŋndʉŋ pɔ́. M bɛ́t sɛ̂ndúŋ, ŋ́kʉɔ ndʉ́ɔlɛ́, ńtsɑ́ɑ nɛjʉ́ ndʉ́ɔlɛ́ ɛ̂yɑ́, mbíꞋŋɡɔ Yɛ́su Kɛlístɔ kɑ kɛ́mɔ́ ńtík pɔ́ nǔu mɔ.

Filipɛ 3:3

Pɛkŋɛ pɔ́nɛ pʉɔ pi pɛ́ kɑ tsuŋnɛ ḿbúꞋ wɔ́p. Zẅikŋɛ ɡɛnɛ pɛkŋɛ ɡúꞋlɛ Sɛ́. Pɛkŋɛ lɔk pɔ Yɛ́su Kɛlístɔ ńtsɑ́ɑtɛ, kɔɔ pɛkŋɛ zɑ́p tʉ́m pɔ nǔu yúu mi pɛkŋɛ ɡɛnɛ.

Filipɛ 3:8

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii,

1 Tɛsɑlɔník 1:1

Mɔ Pɔ̂l, ŋ ŋwɑꞋnɛ yɔ ŋwɑꞋnɛ nǔu lík yɛ́k pɛ Silɑ́s mbɑ Timɔtɛ̂ɛ, ŋ́ɡɑ́ mbɔ̌ pʉɔ-cúꞋlɛ-Kɛlístɔ, pi pɔ́p Tɛsɑlɔnik, ḿbɔ́ pʉɔ-tɑ̌ɑ Sɛ́ Lɑ́, ḿbɛn ḿbɔ́ pʉɔ-Ndɛ Yɛ́su Kɛlístɔ. Sɛ́ pɔ́ ḿbɔ́ nɛ́ pʉʉ, ḿbɔ́ ŋ́ɡɑ́ fuꞋ níinɛ ḿbɛn ḿbɔ́ ńníꞋ mɔ́fíitɛ tʉ́m pʉʉ.

1 Tɛsɑlɔník 2:2

Pʉʉ pɛn ḿbɔ́ ńjí ŋɡɔ pɛk kɑ ɡɔ́ ńtɔ́, ɛ́fú nɛ́ Filipɛ, mbɔ pɛ́ nyɛt wɛ́k nɛ́ ŋɡʉ̈ɔ́Ꞌ zúꞋu tɛꞋ, ńzɔɔtɛ wɛ́k. Lɑ́ Sɛ́ ɡɑ́ wɛ́k nɛ́ nɛsʉk nɛcẅi Ŋkʉʉ sʉ́Ꞌnɛ yɛ́ mbɔ̌ pʉʉ tɛ mbɑ pɑ́Ꞌ pɛ́ kɑ pɛn ḿbɔ́ ńnyɛt wɛ́k pɔ nɛ́ ŋɡʉ̈ɔ́Ꞌ lɑ́.

2 Tɛsɑlɔník 1:1

Mɔ Pɔ̂l, ŋ ŋwɑꞋnɛ yɔ ŋwɑꞋnɛ nǔu lík yɛ́k pɛ Silɑ́s mbɑ Timɔtɛ̂ɛ, ŋ́ɡɑ́ mbɔ̌ pʉɔ-cúꞋlɛ-Kɛlístɔ, pi pɔ́p Tɛsɑlɔnik, ḿbɔ́ pʉɔ-tɑ̌ɑ Sɛ́ Lɑ́, ḿbɛn ḿbɔ́ pʉɔ-Ndɛ Yɛ́su Kɛlístɔ.

2 Tɛsɑlɔník 1:10

Ɛ́ ɡʉ ńdɑ́Ꞌ ḿbɔ́ pɔ́Ꞌɔ, nǔu lɛ́Ꞌ yi Tsɑpʉɔ ɡʉ ńdɑ́Ꞌ ńtɔ́, ɛ́ pɔ́ nǔu yîyɑ́ lɛ́Ꞌ ɡwɛ́, pʉɔ pɛ́ pɔ́ ŋ́ɡɑ́ mɛkuꞋ mɛ́, pʉɔ pi pɔ́p zɑ́pnɛ tʉ́m nǔu wɛ́ tsʉʉ pɔ́ ŋ́ɡúꞋlɛ wɛ́. Pʉʉ pɔ́ yʉ́ʉ tsɛtsɛt pɔ́p, mbíꞋŋɡɔ pʉʉ kɑ pɛ́m nu yɛ́ yi pɛk kɑ sẅíinɛ wʉ́ʉ.

1 Timɔtɛ́ɛ 1:2

Ŋ ŋwɑꞋnɛ ŋ́ɡɑ́ mbɔ̌ ɡu Timɔtɛ̂ɛ. Ɔ mbɔ̌ mɔ ḿbɔ́ mɔ́ɔ wɑɑ tɛꞋ, mbíꞋ nu-Yɛ́su Kɛlístɔ ẅí pǔu zɑ́pnɛ tʉ́m nǔu wɛ́. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ pɔ́p pɔ́ nɛ́ ɡu, ńtsɑ́ɑ mɛjʉ́ŋ mú, ńníꞋ mɔ́fíitɛ tʉ́m ɡu.

1 Timɔtɛ́ɛ 3:8

Ɛ́ pɛn ḿbíkŋɛ ŋɡɔ pɑfɑꞋ mɛfɑꞋ tsɛt cúꞋlɛ-pʉɔ-Kɛlístɔ pɔ́ yɔ́p pʉɔ pi pɔ́p ɡẅɛɛnɛ mɛkuꞋ, ḿbɔ́ pɑsẅíi nu nɛ́nẅín, ḿbɔ́ pʉɔ pi pɔ́p kɛ́ mɑꞋ mbʉʉ yɔp nǔu mɛluꞋ pɔ́, ŋ́kɛ́ ḿbɔɔ pʉɔ pi pɔ́p kɔŋnɛ ŋkɑ́p ɡɑ́tɛ́ ɡɑ́tɛ́nɛ pɔ́.

Tîtɛ 1:1

Yɔ ŋwɑꞋnɛ fú mbɔ̌ mɔ Pɔ̂l, ɛ fɑꞋ fɑꞋ-Sɛ́, ḿbɛn ḿbɔ́ ŋɡɑŋntúu-Yɛ́su Kɛlístɔ. Sɛ́ kɑ zɑ́p wɑ́ɑ nɛɡɛ ŋɡɔ pʉɔ pi ɑ kɑ tsɔ́Ꞌnɛ zɑ́p tʉ́m nǔu wɛ́. Ḿbɛn ńjí nu nɛ́nẅín yi pɔ́p ńdɛɛtɛ nǔu ńnɑ́ŋ pɑ́Ꞌ ɛ́ pɔŋnɛ Sɛ́.

Tîtɛ 1:7

N cú mbíꞋŋɡɔ, Pɑ́Ꞌ ŋu ẅí ɑ fɑꞋnɛ fɑꞋ-Sɛ́ lɑ́, ɛ́ kɑ́ pɔ́ ḿbíkŋɛ ŋɡɔ ŋu ẅí ɑ líŋɛ́nɛ cúꞋlɛ-pʉɔ-Kɛlístɔ pɔ́ ŋu ẅí pɛ́ kẅíinɛ lík yɛ́ kɛpɔŋ pɔ́. Kɔɔ ɑ pɔ́ ŋɡɑŋ nyɛt mbʉʉ, kɔɔ ɑ nɑ́ŋ ńzɑ́ŋ lɔ́ŋ, kɔɔ ɑ mɑꞋ mbʉʉ yɛ nǔu mɛluꞋ, kɔɔ ɑ pɔ́ ŋu ɡɑ́Ꞌlɛ́nɛ, kɔɔ ɑ lɔk ɡɑ́tɛ ńdɔɔ ŋkɑ́p.

Filɛmɔ̂ŋ 1:1

Yɔ ŋwɑꞋnɛ fú mbɔ̌ mɔ Pɔ̂l, ŋɡɑŋtsɑ́ŋ mbíꞋ nu-Yɛ́su Kɛlístɔ. Pɛk Timɔtɛ̂ɛ ẅí ɑ mɔ́ɔmɑ́ mɔ nzʉʉ Yɛ́su Kɛlístɔ ɡɑ́nɛ yɔ ŋwɑꞋnɛ mbɔ̌ ɡu Filɛmɔ̂ŋ. Ɔ mɔ́ɔmɑ́ wɛk wɛ tʉʉndɛn, pɛkŋɛ pɛtsʉʉ tɛmtɛ ɛ́fɑꞋ nǔu nu-Yɛ́su Kɛlístɔ.

Ɛ́bɛlʉʉ 13:23

Pʉʉ jí ŋɡɔ pɛ́ tsɔ́Ꞌ mbɔ́ nǔu mɔ́ɔmɑ́ wɛkŋɛ Timɔtɛ̂ɛ. A lɑɑ fɛ́Ꞌnɛ ńtɔ́, mbɔ mɔ ŋ́ɡɛ ŋ́ɡɔ ńtɔ́ jʉ́ɔ wʉ́ʉ pɛknɛ́ pɔ́nɛ.

Jɑ̂k 1:1

A mɔ Jɑ̂k, mɔ ŋɡɑŋfɑꞋ-Sɛ́, mbɑ wɛ Tsɑpʉɔ Yɛ́su Kɛlístɔ. Ŋ ɡɑ́ yɔ ŋwɑꞋnɛ mbɔ̌ pʉʉ pɔ́ɔ-Sɛ́ pi pɔ́p nǔu mɛnjẅɛtndɑ́-pʉɔ-Islɑɛ̂l ntsɔ̌ppɑ́ nɛ́ nɛɡɛ́m, mbɔ pɔ́p kɑ sɑt mɔ́ zʉꞋ tsʉʉ ndǔmbí. N cɛꞋlɛ wʉ́ʉ.

1 Pyɛ̂ 2:25

Ɛ́ pɔ́ ŋɡɔ pʉʉ kɑ pɔ́ yɛcɔ́ ŋkɑ́ mbɔ́ ŋ́kɑ́t ḿbúunɛ pɑ́Ꞌ mɛnjinjɔ mi ɛ́ fɑɑnɛ sɛ̂ndúŋ. Lɑ́ pʉʉ kɑ kɛ́mɔ́ ḿbɛn nzʉʉ, ńcʉ́ɔ nzʉʉ-ŋu ẅí ɑ sɛ́ ńdíŋɛ wʉ́ʉ, jʉ́ sɛ́nɛ́ ḿbyɛ́p wʉ́ʉ.

2 Pyɛ̂ 1:1

A mɔ Símɔ̂ŋ Pyɛ̂, ŋu ẅí ɑ fɑꞋnɛ fɑꞋ-Yɛ́su Kɛlístɔ, ḿbɛn ḿbɔ́ ŋɡɑŋntúu wɛ. Ŋ ɡɑ́ yɔ ŋwɑꞋnɛ mbɔ̌ pʉʉ pi pʉʉ kɑ zɑ́pnɛ tʉ́m yʉ́ʉ nǔu Yɛ́su Kɛlístɔ pɑ́Ꞌ pɛk yɛ́k. Nɛzɑ́p tʉ́m nǔu Yɛ́su Kɛlístɔ, ɛ́ yúu tʉʉndɛn mbɔ̌ pʉʉ mbɑ mbɔ̌ pɛk ɡúu. Yɛ́su Kɛlístɔ kwɑꞋ jʉ́ kɑ ɡɛnɛ pɔ́Ꞌɔ mbɔ̌ pɛkŋɛ, mbíꞋŋɡɔ ɑ ɡɛ yúu nǔu mbɑ wɔ̌ lɑ́ pɔ ndʉ́ŋndʉŋ. A Sɛ́ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk.

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.

Mɛnu ɛ́ ńdɑ́Ꞌ ńcẅɛt 1:1

Nu yi ɛ́ tsɛt yɔ ŋwɑꞋnɛ ɛ́ yi ɛ́ kɑ lʉɔmɛ́nɛ, Yɛ́su Kɛlístɔ ɡɛ ŋ́ɡɛ pɛ́ jí. Ɛ́ ɡɔ́ ḿbɔ́, mbɔ Sɛ́ zɑ́Ꞌ njí ŋ́ɡɛ Yɛ́su jí yîyɑ́ nu nɛpɔ́ yi ɑ ɡʉ ńdɛꞋlɛ mbɔ̌ pʉɔ pɛ́ nɛ́ yúu mi ɛ́ ɡʉ fɛ́Ꞌnɛ ńtɔ́. Kɛlístɔ kɑ túu cʉ̈ɔ́Ꞌ wɛ, ɑ ɡʉ ńdɛꞋlɛ yîyɑ́ nu mbɔ̌ Jɑ̂ŋ ẅí ɑ ŋɡɑŋfɑꞋ-Yɛ́su.

Mɛnu ɛ́ ńdɑ́Ꞌ ńcẅɛt 1:20

Ɛ́ ɡʉ nǔu nɛjí yúu mi pɛcʉ̈ɔ́Ꞌ-sɑŋ sɑɑmbɑ́ pi ɔ jʉ́ɔnɛ ŋ ɡẅɛɛ nǔu pɔ́ yɑ́ɑ yi tʉʉ, mbɑ nǔu mɛkyɛꞋ sɑɑmbɑ́ mi pɛ́ kɑ lɔknɛ tʉ́n-ŋɡɔ̂l ńniitɛ, mbɔ ŋ ɡʉ ɛ́sẅíi wú ŋɡɔ: Pɛcʉ̈ɔ́Ꞌ-sɑŋ sɑɑmbɑ́ lɔk ḿbɔ́ pɛcʉ̈ɔ́Ꞌ-Sɛ́ pi pɔ́p pyɛ́pnɛ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́, mɛkyɛꞌ sɑɑmbɑ́ lɔk ḿbɔ́ mɛcúꞋlɛ-pʉɔ-Kɛlístɔ ɛ̂mɑ́ sɑɑmbɑ́.

Mɛnu ɛ́ ńdɑ́Ꞌ ńcẅɛt 19:10

N zúꞋ pɔ́Ꞌɔ, ńnɔɔ mɛku wɛ́ nɛɡúꞋlɛ wɛ́. Lɑ́ ɑ cú mbɔ̌ mɔ ŋɡɔ: «Kɔɔ ɡɛ pɑ́Ꞌɑ lɑ́.» M bɛn ḿbɔ́ yɑ́ɑ pɔ wɛcɔ́ ŋu nǔu ɡɑŋkufɑꞋ yʉ́ʉ, ḿbɛn ḿbɔ́ wɛ pɛcɔ́ pɔ́ɔpɛ́mɑ́ pú pi, pʉʉ pɛ́pɔ́p ɡẅɛɛnɛ yúu mi Yɛ́su Kɛlístɔ kɑ ɡɛnɛ pɛ́ jí. Nɛpɔ́ jʉ́njʉ́ɔ-Yɛ́su, ɛ́ nɛcú ŋɡɔ yúu mi pɛ́ ŋɡɛ́mndʉ̈ɔ́Ꞌ-Sɛ́ kɑ cúnɛ ɛ́ nɛ́nẅín!

Mɛnu ɛ́ ńdɑ́Ꞌ ńcẅɛt 2:12

Ŋ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Pɛlŋɡɑmɛ. Ŋwɑꞌnɛ ŋɡɔ: Ŋu ẅi ɑ ɡẅɛɛnɛ níi-ntsɔ yɑ́ yi ɛ́ shẅítnɛ́nɛ, ḿbɛn ḿbɔ́ mɛɡʉ́ŋ mɛmbɑ́ lɑ́, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 2:8

Ŋ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Smilnɛ. Ŋwɑꞌnɛ ŋɡɔ: Ŋu ẅí ɑ nduŋmbi, ḿbɔ́ ndẅiknzʉʉ, ŋu ẅí ɑ kɑ pfúnɛ ḿbɛn fú lɑ́Ꞌ-pɛpfú, ɑ sɛ́ ńcú ŋɡɔ:

Mɛnu ɛ́ ńdɑ́Ꞌ ńcẅɛt 22:9

Lɑ́ ɑ cú mbɔ̌ mɔ ŋɡɔ: Kɔɔ ɡɛ pɑ́Ꞌɑ. M bɛn ḿbɔ́ yɑ́ɑ pɔ wɛcɔ́ ŋɡɑŋku wu nǔu fɑꞋ, mbɑ wɛ pɔ́ɔpɛ́mɑ́ pú pɑyúdɑ pɑcẅiŋkʉʉ-Sɛ́, mbɑ wɛ pʉɔ pi pɔ́p ɡẅɛɛnɛ mɛnu mi ɛ́ tsɛt yɔ ŋwɑꞋnɛ. Ŋ́ɡúꞋlɛ pɔ Sɛ́.