Ɛ́fɛ̂zɛ 6:5 - Kɑɑ Fí

⁵ Ŋ́ɡʉ nǔu pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ, ḿbɔ́ ŋ́ɡɑ́ mɛkuꞋ mɔ́p, ŋ́kɔk mbʉʉ yʉʉ ŋ́ɡɑ́ sɛ́ mbi pɔ́p, ŋ́ɡẅɛɛ tʉ́m sʉ́Ꞌnɛ nzʉʉ pɔ́p, ndʉ́ŋndʉŋ pɑ́Ꞌ pʉʉ zúꞋnɛ ntsu-Kɛlístɔ lɑ́.

Ɛ́fɛ̂zɛ 6:5 Кръстосани препратки

Mɑtʉ̈ɔ 6:22

Mík-ŋu mbɔ̌ wɛ́ ḿbɔ́ pɑ́Ꞌ lɑ̂m ẅí ɑ lɔknɛ ńjʉ́ɔ zʉꞋ, mík mú lɑɑ ḿbɔɔ sʉ́ʉ, mbɔ ɔ ɡʉ ńjʉ́ɔ zʉꞋ sʉ́Ꞌnɛ.

Mɑtʉ̈ɔ 6:24

Ɛ́ lɑɑ ḿbɔ́ wɛcɔ́ ŋkwɑɑ pɔɔ fɑꞋ mbɔ̌ pɛtɑ́fɑꞋ pɛ́pɑ́ tɑ́Ꞌ ŋkɑ́ pɔ́. A ɡʉ ńzúꞋ ntsu tɑ́Ꞌ, ńdʉꞋnɛ nɛzúꞋ ntsu wɛcɔ́. A ɡʉ ŋ́kɔŋ tɑ́Ꞌ ŋu, ḿbɑɑ wɛcɔ́. Ɛ́ lɑɑ ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.

Mɑtʉ̈ɔ 8:9

N cú pɑ́Ꞌɑ, ḿbɔ́ yɑ́ɑ nzʉʉ-ŋu, ńzúꞋ ntsu wɛ́. Ḿbɛn ŋ́ɡẅɛɛ yɑ́ɑ pɑlʉ̈ɔ́Ꞌntsɔ nzʉʉ mɔ, pɔ́p pɔ́ ńzúꞋ wɑ́ɑ. N dɑɑ ńcú mbɔ̌ wɛcɔ́ ŋɡɔ: “Gʉ!” A ɡʉ, ńcú mbɔ̌ wɛcɔ́ ŋɡɔ: “Tɔ́!” A tɔ́, ḿbɛn ńcú mbɔ̌ ŋkwɑɑ wɑɑ ŋɡɔ: “Gɛ pɑ́Ꞌɑ!” A ɡɛ.»

ŊwɑꞋnɛ-Gɑŋntúu Yɛ́su Kɛlístɔ 2:46

Ɛ́ kɑ pɔ́ ŋɡɔŋ lɛ́Ꞌ tsʉʉ, nɛlɛɛmɛ wɔp pɔ́ ŋɡɔ pɔ́p cúꞋlɛ ZʉꞋ-nɔŋpɔꞋ. Pɔ́p kúu mɛndɑ́ ḿbɔ́tnɛ ŋ́kwɛ́t yúu, ńjʉ́ yúupɛjʉ́ pɔ nɛ́ tsɑ́ɑtɛ. Mbɑ wɔ̌lɑ́ ɡẅɛɛ pɔ tʉ́m sʉ́Ꞌnɛ.

Pʉɔ-Lɔ́mɑ 9:3

Pɛkŋɛ pɛpɔ́p tɑ́Ꞌ njẅɛt. Ɛ́ kɑ pɔ́ yi mbɔ sɛ̂ndúŋ pɔ́ ɡú nɛpɔ́ yi Sɛ́ ɡʉ ḿbɑꞋnɛ wɑ́ɑ pɛk Kɛlístɔ pɛn ɛ́fɑkŋɛ, tɛ ɛ́ pɔ́ yi pɔ́ɔpɛ́mɑ́ pɑ́ɑ pɑyúdɑ ɡʉ ńdɛɛ nǔu ńjí ŋu ẅí Kɛlístɔ jʉ́, mbɔ ɛ́ lɑɑ ḿbɔ́ m bɔɔ lʉꞋ.

1 Kɔlɛ̂ŋtɛ 2:3

Ŋ kɑ tʉ́ʉ tsɛtsɛt pʉʉ, ńzúꞋ ḿbɔ́t pɔ́tnɛ, ńzúꞋ ḿbɔ́k pɔ́knɛ tɛ ḿbɔ́ ŋ́ɡwɛt.

1 Kɔlɛ̂ŋtɛ 7:22

Pʉʉ jí ŋɡɔ ŋu ẅí Tsɑpʉɔ kɑ ɡɔ́ fúŋ wɛ́, ɑ pɔ́ ŋkwɑɑ, ɑ cẅɛt ndɑ́-kwɑɑ nu kɛpɔŋ, ńtsʉ́Ꞌ ḿbɔ́ pɔ ŋu-Tsɑpʉɔ. Ɛ́ pɛn ḿbɔ́ pɔ ndʉ́ŋndʉŋ nǔu ŋu ẅí pɛ́ kɑ ɡɔ́ fúŋ wɛ́ ɑ pɔ́ ndúunút, ŋɡɑŋ ńtsʉ́Ꞌ ŋkwɑɑ Kɛlístɔ, ńdɔk ḿbɔ́ yɛ́ ŋu-Kɛlístɔ.

2 Kɔlɛ̂ŋtɛ 1:12

Ɛ́ ɡʉ nǔu wɛk nɛnɑ́ŋ tsɛtsɛt pʉɔmɛsɔŋ, ḿbɔ́ yɛ́k yúu mi pɛk lɔknɛ ŋ́kɑꞋmɛ ɛ́ pɑ́Ꞌ pɛk ɡɛ pɔ yúu mi ɛ́ fúnɛ mbɔ̌ Sɛ́. Pɛk kɑ́ pɔ́ ɛ́fúklɛ wɛcɔ́ ŋu pɔ́, pɛk pɑsẅíi pʉɔ nɛ́ nu nɛ́ tʉ́m Lɛ́ɛnɛ́nɛ, mbʉʉ yɛk nɑŋnɛ ɛ́sẅíi wɛ́k pɔ́Ꞌɔ. Ɛ́ pɑ́Ꞌ pɛk kɑ ɡɛnɛ tsɛtsɛt pʉʉ. Pɛk ŋkɑɑ kɛ́ ńdɔk pɔ jínu-pʉɔmɛsɔŋ lɑ ńdɔk ńnɑ́ŋ pɔ́Ꞌɔ pɔ́. Pɛk kɑ lɔk pɔ pɑ́Ꞌ Sɛ́ sɛ́ ŋ́ɡɑ́ fuꞋ níinɛ yɛ́k, ńcẅɛ́lɛ wɛ́k.

2 Kɔlɛ̂ŋtɛ 7:15

Lɑ́, ɛ́ fú pɔ́Ꞌɔ, m bɛn ŋ́kẅiꞋ ŋ́kɔŋ wʉ́ʉ pɔ ndɛꞋ ndɛꞋ, ńnɑ́ŋ ḿbɔ́ ŋ́kẅíitɛ pɑ́Ꞌ pʉʉ pɛtsʉʉ kɑ tɛmtɛnɛ ńtʉ́ʉ nɛzúꞋ ntsu, mbɑ pɑ́Ꞌ pʉʉ kɑ kúkŋɛ́nɛ wɛ́, ḿbɔ́k wɛ́ pɑ́Ꞌ pɛ́ pɔ́k mɑ́ntúu, ŋ́ɡɑ́ mbʉʉ sɛ́ mbi wɛ́.

Ɛ́fɛ̂zɛ 5:22

Ɛ́ ɡʉ nǔu pʉʉ pɑŋɡɛ́, mbɑ wɔ̌ lɑ́ ɡɑ́ mbʉʉ yɛ sɛ́ mbi ndúu mɛ pɑ́Ꞌ ɑ ɡɑ́nɛ mbʉʉ yɛ́ sɛ́ mbi Tsɑpʉɔ lɑ́.

Ɛ́fɛ̂zɛ 6:24

Sɛ́ pɔ́ mbɔ̌ ŋu tsʉʉ ẅí ɑ kɔŋnɛ Tsɑpʉɔ wɛkŋɛ Yɛ́su Kɛlístɔ nɛ́ ntɛ́ ŋkɔŋɛ yi ɛ́ kɑ́ pɔ́ ŋ́ɡʉ ńdɑ́Ꞌ ḿmɛ pɔ́.

Filipɛ 2:12

Ɛ́ lɛɛ pɔ́Ꞌɔ, mbɑ̌ɑ pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ pʉʉ kɑ kɛ́ ńzɛɛ ńzúꞋ pɔ ntsu-Sɛ́ tɛ fúnɛ pɑ́Ꞌ ŋ kɑ pɔ́nɛ tsɛtsɛt pʉʉ lɑ́, pʉʉ ḿbɛn ḿbɔ́ ńtík ku pɔ nǔu ŋkɔ̂ɔnɛ yi ŋ kɑ́ pɔ́ tsɛtsɛt pʉʉ pɔ́ lɑɑ. Pʉʉ lɔk mɛfɑꞋ mʉ́ʉ ńnyɛt ŋɡɔ Sɛ́ ɡɑ́ luk mbɔ̌ pʉʉ.

Filɛmɔ̂ŋ 1:16

A pɔɔ pɛn ḿbɔ́ pɔ ŋkwɑɑ pɔ́. A lɛɛ ŋkwɑɑ, ńtsʉ́Ꞌ ḿbɔ́ pɔ mɔ́ɔmɑ́ wu ẅí ɔ ɡʉ ŋ́kɔŋ tɛꞋ. A mbɔ̌ mɔ, ḿbɔ́ tʉʉndɛn tɛ ŋkɑ́ yɛ́sʉ́Ꞌ pɑ́Ꞌ ɑ ɡʉ ḿbɔ́ mbɔ̌ ɡu? MbíꞋŋɡɔ ɑ kwɑꞋ ŋumɛsɔŋ, ḿbɛn ḿbɔ́ mɔ́ɔmɑ́ wu nzʉʉ Yɛ́su Kɛlístɔ.

1 Pyɛ̂ 3:2

Mbɔ pɔ́p ńjʉ́ɔ ku-nɛnɛn yʉ́ʉ yi lɔ́Ꞌ kɑ́ pɔ́ nǔu pɔ́, ḿbɛn ŋ́ɡẅɛɛ mɛkuꞋ.