Ɛ́fɛ̂zɛ 6:18 - Kɑɑ Fí

¹⁸ Pʉʉ pɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɔ́ ḿbúꞋ pɔ́Ꞌɔ nǔu mɛntɛ́ tsʉʉ, pɑ́Ꞌ Zẅikŋɛ ɡʉ ḿbɔ́ ńnyɛt wʉ́ʉ ŋɡɔ pʉʉ ɡɛ pɔ́Ꞌɔ. Kɔɔ pʉʉ ḿmɛꞋ jínu, pʉʉ púꞋ mbɔ́ mbɔ̌ Sɛ́ nǔu tú-pʉɔ-Sɛ́ pɛ́tsʉʉ.

Ɛ́fɛ̂zɛ 6:18 Кръстосани препратки

Mɑtʉ̈ɔ 17:21

Ɛ́ ɡʉ nǔu yîyɑ́ ntɛ́ zẅikŋɛ kɛpɔŋ, mbɔ ŋu pɔɔ zuŋ yîyɑ́ ntɛ́ zẅikŋɛ kɛpɔŋ tɛ ɑ cẅɛt kɛ́ júk nji ńcɛꞋlɛ Sɛ́ pɔ́.]

Mɑtʉ̈ɔ 26:41

Kɔɔ pʉʉ pɛn ńdɛ́, pʉʉ cɛꞋlɛ Sɛ́, ḿbɔ́k mɛnu nɛkwɑꞋnɛ wʉ́ʉ, pʉʉ vu. Tʉ́m-ŋu tɛntɛ tɛꞋ lɑ́, mbɑp-mbʉʉ pɔ́t pɔ́tnɛ.»

Mɑ́lɛ́kúshi 13:33

Pʉʉ kɛ́ ńdɑk tú yʉ́ʉ, kɔɔ pʉʉ fʉ̈ɔ́nɛ, ńdɛ́. Mbíꞌŋɡɔ pʉʉ kɑ́ pɔ́ ńjí ŋkɑ́ yi mîmɑ́ mɛnu ɡʉ ŋ́ɡɛ ńtɔ́ pɔ́.

Mɑ́lɛ́kúshi 14:38

Kɔɔ pʉʉ pɛn ńdɛ́, pʉʉ cɛꞋlɛ Sɛ́ ḿbɔ́k mɛnu-njí nɛkwɑꞋnɛ wʉ́ʉ pʉʉ fɑɑnɛ nu. Tʉ́m-ŋu tɛntɛ tɛꞋ, lɑ́ mbʉʉ pɔ́t pɔ́tnɛ,»

Lúkɑ́shi 21:36

Pʉʉ pɑ́ɑ nɛlɛ́, ḿbɔ́ ńcɛꞋlɛ Sɛ́ ŋkɑ́ tsʉʉ, ɑ ɡɑ́ wʉ́ʉ nɛ́ mɛtʉʉ nɛlɔk ńdɛɛ mɔ mɛnu mi ɛ́ sɛ́ ńtɔ́ lɑ́ɑ, mbɑ nɛlɔk ńtʉ́ʉ kɛ́ kɔ́ sʉ́ʉ mbi Mɔ́ɔ-Ŋu.»

Lúkɑ́shi 22:46

A cú ŋɡɔ: «Pʉʉ nɑ́ŋ kɛ́ lɛ́, ḿbɔ́k nɛkúu tsɛt ŋkwɑꞋnɛ, ɛ́ tsɑ wʉ́ʉ.»

Lúkɑ́shi 3:26

Nɑɡɑ̂y pɔ́ mɔ́ɔ-Mɑɑt. Mɑɑt pɔ́ mɔ́ɔ-Mɑtɑtíɑs. Mɑtɑtíɑs pɔ́ mɔ́ɔ-Sɛ́mɛ̂n. Sɛ́mɛ̂n pɔ́ mɔ́ɔ-Yɔsɛ̂k. Yɔsɛ̂k pɔ́ mɔ́ɔ-Jɔ́dɑ.

Lúkɑ́shi 3:37

Lɑmɛ̂k pɔ́ mɔ́ɔ-Mɑtúsɑlɑ. Mɑtúsɑlɑ pɔ́ mɔ́ɔ-Hɛnɔk. Hɛnɔk pɔ́ mɔ́ɔ-Yɑlɛ̂t. Yɑlɛ̂t pɔ́ mɔ́ɔ-Mɑlɛlɛ̂l. Mɑlɛlɛ̂l pɔ́ mɔ́ɔ-Kɑynɑm.

ŊwɑꞋnɛ-Gɑŋntúu Yɛ́su Kɛlístɔ 1:14

Pɔ́p pɛ́tsʉʉ kɑ pɔ́ ńdɔk tɑ́Ꞌ zẅikŋɛ ńcɛꞋlɛ Sɛ́ kɛ́ tẅí yɛcɔ́ lɛ́Ꞌ, pɔ́p pɛ́ Mɑlíyɑ mɑ́ pɛ́ Yɛ́su, ŋ́ɡɛ pɛcɔ́ pɑŋɡɛ́ mbɑ pɔ́ɔpɛ́mɑ́-Yɛ́su.

ŊwɑꞋnɛ-Gɑŋntúu Yɛ́su Kɛlístɔ 10:2

A pɔ́ ŋu, pɔ́p njẅɛt yɛ́ tsʉʉ ɡɛ mɛkuꞋ Sɛ́, ḿbɔ́ ńzúꞋ ntsu wɛ́. A pɛn ńcẅɛ́lɛ́ pɑyúdɑ pi pɔ́p pɛpúŋ tɛ ɛ́ zɑ́ɑ zɑ́ɑnɛ, ńnɑ́ŋ ńcɛꞋlɛ Sɛ́ ŋkɑ́ tsʉʉ.

ŊwɑꞋnɛ-Gɑŋntúu Yɛ́su Kɛlístɔ 12:5

Pɛ́ jʉ́ɔꞋ Pyɛ̂ ndɑ́tsɑ́ŋ pɔ́Ꞌɔ, cúlɛ-pʉɔ-Kɛlístɔ pɔ́ ńcɛꞋlɛ Sɛ́ nǔu tú yɛ́ kɛ́ kɑ́ɑ.

ŊwɑꞋnɛ-Gɑŋntúu Yɛ́su Kɛlístɔ 6:4

ŋ́ɡʉ nǔu pɛk, pɛk kɛ ńjí yɛ́k pɔ nɛcɛꞋlɛ Sɛ́, ḿbɛn ḿbɔ́ ɛ́sẅíi pʉɔ pɔ nɛ́ nu yɛ́.»

Pʉɔ-Lɔ́mɑ 12:12

Pʉʉ ńnɑ́ŋ nɛ́ tsɑ́ɑtɛ mbíꞋ yúu mi pʉʉ sɛ́ ńzẅíꞋlɛ. Ŋɡʉ̈ɔ́Ꞌ lɑɑ ŋ́kúu wʉ́ʉ, pʉʉ sʉk sʉknɛ. Pʉʉ kɛ́ ḿbɔ́ ḿbúꞋ mbɔ́ pɔ mbɔ̌ Sɛ́ kɛ́ kɑ́ɑ.

Pʉɔ-Lɔ́mɑ 8:15

Zẅikŋɛ yi pɛ́ kɑ níꞋnɛ nǔu pʉʉ, zɛɛ mbɔɔ Zẅikŋɛ yi ɛ́ ɡʉ ŋ́ɡɛ pʉʉ pɛn ḿbɔ́ pɔ pɛkwɑɑ pi pɔ́p ŋ́ɡɛ ḿbɔ́ ńcʉ̈ɔꞋ cʉɔꞋnɛ pɔ́. Ɛ́ pɔ́ pɔ Zẅikŋɛ yi ɛ́ ŋ́ɡɛ ŋ́ɡɛ pʉʉ tsʉ́Ꞌ pɔ́ɔ-Sɛ́. Pɛkŋɛ pɛn ńdúꞋnɛ yîyɑ́ Zẅikŋɛ, ɛ́fúŋ wɛ́ ŋɡɔ Ábɑ; ɛ́ pɔ́ ŋɡɔ Tɑ̌ɑ.

Ŋɡɑlɑ̂t 4:6

Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.

Ɛ́fɛ̂zɛ 1:16

mɔ ḿbɔ́ ŋkɑ́ tsʉʉ ḿbɔ́ ḿbúꞋ mbɔ́ mbɔ̌ Sɛ́, ḿbɛn ŋ́ɡɛ́mtɛ wɛ́ nǔu tú yʉ́ʉ.

Ɛ́fɛ̂zɛ 2:22

Pʉʉ yʉ́ʉ nɛ́ pɛcɔ́ pʉɔ, pʉʉ lɔk pɔ pɑ́Ꞌ pʉʉ lɑtnɛ mbʉʉ yʉʉ nǔu Kɛlístɔ, lɑ ḿbɔ́ yɛcɔ́ ɡúŋ-ndɑ́ ɛ̂yɑ́, ńdɔk ḿbɔ́ ndɑ́ yi pɛ́ sɛ́ ḿbɔ́ɔ, ɛ́ pɔ́ zʉꞋ yi Sɛ́ nɑ́ŋnɛ zúꞋu, lɑ́ Zẅikŋɛ yɛ́ pɔ́nɛ zúꞋu.

Ɛ́fɛ̂zɛ 3:18

Ɛ́ lɛɛ pɔ́Ꞌɔ, pʉʉ kuꞋ nɛpɔ́ yi mbɔ pʉʉ pɛ́ pʉɔ-Sɛ́ pɛtsʉʉ zúꞋ ntɛ́ yi ŋkɔŋɛ Kɛlístɔ ɡúꞋnɛ pɔ́Ꞌɔ, ɛ́sɑk pɔ́Ꞌɔ, ŋ́ɡʉ tʉ́ pɔ́Ꞌɔ, ŋ́kúu sɛ́ pɔ́Ꞌɔ.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Ɛ́fɛ̂zɛ 6:19

Pʉʉ púꞋ mbɔ́ mbɔ̌ wɛ́ mbɑ nǔu yɑ́ɑ tú nɛpɔ́ yi ɑ ɡʉ ńníꞋ sẅiŋɛ ntsu mɔ, ŋɡɔ ɑ ɡɛ pɔ́Ꞌɔ, nɛpɔ́ yi n dɑɑ ŋíɛꞋ ntsu wɑ́ɑ ŋkɑ́ kʉ̈ɔ́ lɑ́, n cú nu kɛ́ pɔ́k, nɛpɔ́ yi pʉɔ ɡʉ ńjí nu yi Ŋkʉʉ Sʉ́Ꞌnɛ kɑ lɔknɛ ńtɔ́, mbɔ ɛ́ kɑ zɛɛ ḿbɔ́ yi lʉɔmɛ́nɛ.

Filipɛ 1:4

Ŋ ɡɔ́ ḿbúꞋ mbɔ́ mbɔ̌ Sɛ́ nǔu tú yʉ́ʉ ŋkɑ́ tsʉʉ, tʉ́m yɑ́ɑ pɔ́ ńtsɑ́ɑtɛ tsɑ́ɑtɛ́nɛ,

Filipɛ 4:6

Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

Kɔlɔsíyɛ̂ŋ 1:3

Pɛk ŋkɑ́ tsʉʉ ŋ́ɡɔ́ ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ, ḿbɔ́ ŋ́ɡɛ́mtɛ wɛ́ ɡɛ́mtɛnɛ. Pɛk ɡɛ́mtɛ wɛ́ ẅí ɑ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ,

Kɔlɔsíyɛ̂ŋ 1:4

mbíꞋŋɡɔ pɛ́ kɑ sẅíi wɛ́k nɛ́ ntɛ́ yi pʉʉ sɛ́ ńdɔk ńzɑ́p tʉ́m nǔu Yɛ́su Kɛlístɔ mbɑ ntɛ́ yi pʉʉ sɛ́ ńdɔk ŋ́kɔŋ pʉɔ-Sɛ́ pɛtsʉʉ.

Kɔlɔsíyɛ̂ŋ 4:2

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́ cɛꞋlɛ́nɛ, kɔɔ pʉʉ lɛ́, pʉʉ pɔ́ ŋ́ɡɛ pɔ́Ꞌɔ, ḿbɔ́ ŋ́ɡɑ́ pɑ́Ꞌlɑ́ mbɔ̌ Sɛ́,

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

1 Timɔtɛ́ɛ 2:1

Pɔ́Ꞌɔ lɑ́, mɔ ŋ́ɡɛ ŋ́ɡɔ ḿbɛn ńcú nu, ḿbiitɛ ńcú ŋɡɔ ɛ́ sɛ́ ḿbíkŋɛ ŋɡɔ pʉɔ-Sɛ́ pɔ́ ńcɛꞋlɛ wɛ́ nǔu tú pʉɔ tsʉʉ, ḿbɔ́ ńdɔ́ɔ mbɔ̌ wɛ́ ŋɡɔ ɑ cẅɛ́lɛ́ mbɑ wɔ̌lɑ́, ḿbɔ́ ḿbúꞋ mbɔ́ mbɔ̌ wɛ́, ḿbɔ́ ŋ́ɡɛ́mtɛ wɛ́ nǔu tú mbɑ wɔ̌lɑ́.

2 Timɔtɛ́ɛ 1:3

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ nǔu tú yú, Sɛ́ ẅi mɔ sɛ́ ŋ́ɡúꞋlɛ nɛ́ tɑ́Ꞌ tʉ́m pɑ́Ꞌ pɛmɑ̂ɑŋɡɑpnjẅɛt pɛk kɑ ɡúꞋlɛ́nɛ yɔ́p lɑ́. Nɛnɛm kɛ nɛtúꞋ ɔɔ, m bɔ́ ḿbúꞋ mbɔ́ mbɔ̌ Sɛ́, mbɔɔ nɑ́ kɛ́ kẅíi lík yú pɔ́.

Filɛmɔ̂ŋ 1:5

Ŋ ɡɑ́ pɑ́Ꞌlɑ́ mbɔ̌ wɛ́ mbíꞋŋɡɔ mɔ sɛ́ ńzúꞋ pɛ́ lɛꞋlɛ ntɛ́ ŋkɔŋɛ yí ɔ ɡẅɛɛnɛ nzʉʉ pʉɔ-Sɛ́ mbɑ ntɛ́ yi ɔ lɔknɛ ńzɑ́p tʉ́m yú nǔu Tsɑpʉɔ Yɛ́su Kɛlístɔ.

Ɛ́bɛlʉʉ 5:7

A pɛn ḿbɔ́ pɔ jʉ́ Yɛ́su ẅí ɑ kɑ pɔ́nɛ ŋkɑ́ yi ɑ kɑ pɛ́tnɛ ndǔ tsɛ́tsɑ́Ꞌ, ńcɛꞋlɛ Sɛ́ ẅi ḿbɔ́ ɑ ɡɛ tɛ ɑ pɔɔ pfú, ḿbúꞋ mbɔ́ mbɔ̌ wɛ́ lɑ́ ḿbɔ́ ŋ́ɡɑ́ ɡwɑ́t ŋ́kíi. Sɛ́ fú nǔu pɑ́Ꞌ Yɛ́su zẅíꞋlɛ mbɑ kʉ̈ɔ́lɑ́ pɔ mbɔ̌ wɛ́, ńzúꞋ cɛꞋlɛ yɛ́.

1 Pyɛ̂ 4:7

Ndẅiknzʉʉ ŋkɑ́ yɛ mbɑ kʉ̈ɔ́ lɑ́ sɛ́ ŋ́kuꞋ. Pɑ́Ꞌ ɛ́ pɔ́Ꞌɔ lɑ́, pʉʉ pɔ́ pɑjínu. Kɔɔ pʉʉ ḿmɛꞋ mbʉʉ yʉʉ, ńjí ŋɡɔ pʉʉ ɡʉ ŋ́kuꞋ nɛcɛꞋlɛ Sɛ́.

Jẅidɛ 1:20

Lɑ́ ŋ́ɡʉ nǔu pʉʉ mbɑ̌ɑ pɛsúu pɑ́ɑ pɛ́ tʉʉndɛn, pʉʉ kẅiꞋ ńnɛn pɔ nǔu sẅiŋɛ yi pɛ́ kɑ zíꞋnɛ wʉ́ʉ ɛ́ fú mbɔ̌ Sɛ́ pʉʉ pɛ́m lɑ́. Pʉʉ lɔk mɛtʉʉ-Zẅikŋɛ Lɛ́ɛnɛ́nɛ ńcɛꞋlɛ Sɛ́.