Ɛ́fɛ̂zɛ 5:6 - Kɑɑ Fí

⁶ Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

Ɛ́fɛ̂zɛ 5:6 Кръстосани препратки

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 24:4

Yɛ́su pʉ̈ɔt mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ ŋu nɛfʉ́klɛ wʉ́ʉ.»

Mɑ́lɛ́kúshi 13:22

Mbíꞌŋɡɔ ɡɑŋ-cɔtnu ɡʉ ŋ́ɡɛ ńcẅɛt, pɛcɔ́ cú ŋɡɔ: «Mɔ nzɑ́Ꞌŋkʉ Sɛ́ kɑ kɑꞋnɛ, pɛcɔ́ pɔ́ ŋɡɔ pɔ́p pɛŋɡɛ́mndʉ̈ɔꞋ-Sɛ́, ńnyɛt mɛlii, ŋ́ɡɛ mɛŋkʉꞋnɛ mɛnu nɛlɔk ḿbʉ́ʉpɛ tú-pʉɔ, tɛ ḿbɔ́ mbɔ pɔ́p lɔk ḿbʉ́ʉpɛ mbɑ yɛ pʉɔ pi Sɛ́ kɑ tsɔ́Ꞌnɛ.

Mɑ́lɛ́kúshi 13:5

Yɛ́su zɛ nɛsẅíi wɔ́p ŋɡɔ: «pʉʉ lɑk tú yʉ́ʉ, ḿbɑ́ɑ ŋu nɛfʉꞋnɛ wʉ́ʉ.

Pʉɔ-Lɔ́mɑ 1:18

Sɛ́ zɛɛ ḿbɔ́ tʉ́nɛ́pú ḿbɔ́ ńnyɛt ŋɡɔ ɑ sɛ́ ńzɑ́ŋ lɔ́ŋ, mbíꞋŋɡɔ pʉɔmɛsɔŋ muŋɛ wɛ́, ńnɑ́ŋ ŋ́ɡɛ mɛnu kɛpɔŋ. Pɔ́p sɛ́ ńdɔk ŋɡɛnɛ mɛnu kɛpɔŋ mɔ́p ɛ́fɛ́mɛ nu nɛ́nẅín nɛfɑꞋ fɑꞋ. Sɛ́ sɛ́ ńníꞋ ndɔɔ tú pɔ́p,

Kɔlɔsíyɛ̂ŋ 2:18

Pʉʉ pɑ́ɑ pɑ́Ꞌ mbɔ pɛcɔ́ pʉɔ tɔ́ ɛ́fúklɛ wʉ́ʉ pʉʉ pɛ́ tsɔ́ꞋfɑꞋ-ntsɔ yi Kɛlístɔ kɑ jʉ́nɛ ŋ́ɡɑ́ mbɔ̌ pʉʉ. N dɑꞋ pʉɔ pi pɔ́p cúnɛ ŋɡɔ pɔ́p ɡɑ́ mbʉʉ yɔp sɛ́ tɛꞋ, ḿbɔ́ pʉɔ pi pɔ́p ɡúꞋlɛ́nɛ pɛcʉ̈ɔ́Ꞌ-Sɛ́. Pɔ́p pɛn ńdɔk yúu mi pɔ́p cúnɛ ŋɡɔ Sɛ́ níɛꞋ mík mɔ́p pɔ́p jʉ́ɔ ńdɔk ŋ́ŋɑ́Ꞌtɛ níinɛ. Pîpɑ́ pʉɔ ɡẅɛɛ pɔ kwɑŋɛ-pʉɔmɛsɔŋ, ŋ́ɡɛ pɔ́p pɛ́m pɔ mɛ́m.

Kɔlɔsíyɛ̂ŋ 2:4

Ɛ sẅíi wʉ́ʉ nɛ́ mɔnɛ mɛnu ḿbɔ́k wɛcɔ́ ŋu nɛtɔ́ ńdɔk sẅiŋɛ yi pɛ́ nɑ́ŋnɛ sɛ́ ńniitɛ, ɛ́shɔt tú yʉ́ʉ.

Kɔlɔsíyɛ̂ŋ 2:8

Pʉʉ pɑ́ɑ ŋu nɛlɔk jínu-pʉɔmɛsɔŋ yi ɛ́ pɔ́ pɔ fɑ́k fɛ̌ɛ, ɛ́fúklɛ wʉ́ʉ, pʉʉ vu nǔu ɡwɑk yɛ́. Yîyɑ́ pɔ́ pɔ cɔtnu yi ɛ́ jʉ́ɔꞋnɛ nǔu nɔŋ-pʉɔmɛsɔŋ, ḿbɛn ńjʉ́ɔꞋnɛ nǔu mɛtʉʉ mɛntɛ́ mɛntɛ́ mi ɛ́ ndǔmbí, ɛ́ kɑ́ jʉ́ɔꞋnɛ nǔu Kɛlístɔ pɔ́.

Kɔlɔsíyɛ̂ŋ 3:6

Mɔnɛ mɛnu mi ɛ́ ɡɛnɛ Sɛ́ zɑ́ŋ lɔ́ŋ nǔu pʉɔ pi pɔ́p kɑ́ pɔ́ ńzúꞋ ntsu wɛ́ pɔ́,

2 Tɛsɑlɔník 2:3

«Kɔɔ pʉʉ pɛ́m ŋu fúklɛ wʉ́ʉ, kɛ pɔ nɛ́ yɛ́tɛ́ ntɛ́ lɑ́. Yîyɑ́ lɛ́Ꞌlɑ́Ꞌ kɛ́ lɑ́Ꞌ ńtɔ́ kɛ́ pɔ́ yi yɛcɔ́ ntɛ́ mɛnu piitɛ ńdɛɛtɛ pɔ́. Ɛ́ lɔk ḿbɔ́ pɑ́Ꞌ pʉɔ tɛ ńzɑ́ɑ ɡʉ ńdɑ́Ꞌ ńdʉꞋ nɛzúꞋ ntsu-Sɛ́. Fɔɔ-mɛnu kɛpɔŋ cẅɛt ńtʉ́ʉ lɑ yîyɑ́ lɛ́Ꞌlɑ́Ꞌ ɡɔ́ɔ ŋ́kɛ́ ńtɔ́. Jʉ́ wɑ́ ẅí pɛ́ ɡʉ ńdɑ́Ꞌ ḿmɑꞋ wɛ́ tsɛt múk lɑ́.»

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

Ɛ́bɛlʉʉ 3:19

Pɛkŋɛ lɔk ńjʉ́ɔ ŋɡɔ pɔ́p ŋ́kɑɑ ŋ́kúu tsɛt mɔ́fíitɛ ẅi Sɛ́ kɑ kɑꞋnɛ mbɔ̌ pɔ́p pɔ́, mbíꞋŋɡɔ pɔ́p ŋkɑɑ zúꞋ nu yi ɑ kɑ cúnɛ, tɛ ḿbɛ́m pɔ́.

1 Pyɛ̂ 2:8

Ḿbɛn ḿbɔ́ ŋɡɔꞋ yi ɛ́ ɡʉ ŋ́ɡɛ pɛ́ vu sɛ́, ɛ́ mɑ́mɑ́ ŋɡɔꞋ yi pɛ́ ɡʉ kɔɔtɛ nǔu.» Pɔ́p ŋ́kɔɔtɛ nǔu, mbíꞋŋɡɔ pɔ́p lʉꞋ nɛzúꞋ sẅiŋɛ-sɛ́. Ɛ́ kɛ́ ḿbɔ́ pɔ pɑ́Ꞌ Sɛ́ kɑ zɑ́pnɛ ŋɡɔ ɛ́ ɡʉ ńdɑ́Ꞌ ḿbɔ́ pɔ pɔ́Ꞌɔ nǔu pɔ́p.

1 Jɑ̂ŋ 4:1

Pɛsúu pɑ́ɑ pɛ́ tʉʉndɛn, kɔɔ pʉʉ zúꞋ ŋu cú ŋɡɔ Zẅikŋɛ Lɛ́ɛnɛ́nɛ nǔu wɛ́, pʉʉ ɡɔ́ɔ ḿbɛ́m pɛ́mnɛ, kɛ́ tsuŋ ńdíŋɛ kɛ ɛ́ kwɑꞋ Zẅikŋɛ-Sɛ́ ɔɔ. MbíꞋŋɡɔ pɑcẅiŋkʉʉ-Sɛ́ pɛ́ cɔtnu zɑ́ɑ ndǔmbí tɛꞋ.