Ɛ́fɛ̂zɛ 5:26 - Kɑɑ Fí

²⁶ ŋ́ɡɛ pɔ́Ꞌɔ, ńdɔk ɛ́fɑk cúꞋlɛ yɛ́ ŋ́ɡɑ́ mbɔ̌ Sɛ́. Ɛ́ ɡɔ́ ḿbɔ́, mbɔ ɑ lɔk ŋki ɛ́suk wɔ́p, ḿbɛn ńdɔk sẅiŋɛ ńcẅɛɛtɛ lɔ́Ꞌ nǔu pɔ́p.

Ɛ́fɛ̂zɛ 5:26 Кръстосани препратки

Jɑ̂ŋ 13:10

Yɛ́su cú mbɔ̌ wɛ́ ŋɡɔ: «Ɛ́ kɑ́ pɔ́ ḿbíkŋɛ ŋɡɔ pɛ́ pɛn ɛ́suk mbʉʉ ŋu ẅí ɑ suk mɔ pɔ́, (ńdíꞋ ndɑꞋ mɛku mɛ́). MbíꞋŋɡɔ ŋɡɑŋ ńdɛ́ɛnɛ mɔ́. Pʉʉ pɑ́Ꞌɑ, mbɔ mbʉʉ yʉʉ lɛɛnɛ, lɑ́ ɛ́ kɑ́ pɔ́ yʉʉ pɛtsʉʉ pɔ́.»

Jɑ̂ŋ 15:3

«Yúu mi ŋ kɑ zíꞋnɛ wʉ́ʉ kɑ lɑ́Ꞌ mɔ ŋ́ɡɛ pʉʉ pɔ́ sʉ́Ꞌnɛ.»

Jɑ̂ŋ 15:8

«Yúu mi ɛ́ lɑɑ ḿbɔ́ ɛ́ ɡɛ pɛ́ ɡúꞋlɛ Tɑ̌ɑ mɔ, ɛ́ pɑ́Ꞌ ɛ́ lɑɑ ḿbɔ́ pʉʉ ɡɛ yúu sʉ́Ꞌnɛ tɛꞋ, ḿbɛn ḿbɔ́ ɡɑŋku pɑ́ɑ.»

Jɑ̂ŋ 17:7

Pɔ́p ŋkɔ̂ɔnɛ ḿbɔ́ ńjí ŋɡɔ, kʉ̈ɔ́ lɑ́ yi ɔ kɑ ɡɑ́nɛ mbɔ̌ mɔ lɑ́, fú mbɔ̌ ɡu.

Jɑ̂ŋ 3:5

Yɛ́su pʉ̈ɔt ŋɡɔ: «Lɑ́ ɛ sẅíi wú, kwɑꞋ nɛ́nẅín, ɛ́ lɑɑ ḿbɔ́ ŋu pɔɔ kúu tsɛt nu-nɛfɔɔ-Sɛ́ kɛ́ pɔ́ yi ɑ lɛɛ nǔu ŋki, mbɑ Zẅikŋɛ Lɛ́ɛnɛ́nɛ lɑ pɛ́ pí wɛ́ fí fí pɔ́.

ŊwɑꞋnɛ-Gɑŋntúu Yɛ́su Kɛlístɔ 22:16

Ɔ ŋkɔ̂ɔnɛ ḿbɛ́t ńzẅíꞋlɛ kʉ̈ɔ́. Lɔ sɛ́ ńtɔ́ pɛ́ lɔk lík yɛ́ ńnuꞋ wú ŋki, ńdɔk ɛ́suk mɛnu kɛpɔŋ mú.»

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»

Pʉɔ-Lɔ́mɑ 10:8

ŊwɑꞋnɛ-Sɛ́ ɡʉ ńcú pɔ ŋɡɔ sẅiŋɛ-sɛ́ nɛjɔ́ŋ ɡu, ɛ́ ntsu ɡu, ḿbɔ́ tʉ́m ɡu. Yîyɑ́ sẅiŋɛ ɛ́ nu yi pɛk sɑ́Ꞌnɛ mbɔ̌ pʉɔ ŋɡɔ pɛ́ zɑ́p tʉ́m nǔu Kɛlístɔ.

1 Kɔlɛ̂ŋtɛ 6:11

Ɛ́ pɑ́Ꞌ pɛcɔ́ pʉɔ tsɛtsɛt pʉʉ kɑ zɛɛ ḿbɔ́ pɔ́Ꞌɔ. Lɑ́ Sɛ́ kɑ suk mîmɑ́ mɛnu nǔu pʉʉ, ńdɔk wʉ́ʉ ŋ́ɡɛ pʉɔ pɛ́. Sɛ́ wɛkŋɛ kɑ lɔk Zẅikŋɛ yɛ́ ŋ́ɡɛ pʉʉ tsʉ́Ꞌ ḿbɔ́ pɔ pʉɔ pi pɔ́p ndʉ́ŋndʉŋ mbi yɛ́ ntɛ́ Tsɑpʉɔ Yɛ́su Kɛlístɔ. Pʉʉ ɡẅɛɛ mbʉʉ yʉʉ lɑ ńjí ŋɡɔ pʉʉ ńdɔk ŋ́ɡúꞋlɛ Tsɑpʉɔ.

2 Kɔlɛ̂ŋtɛ 11:2

Pʉʉ jí ŋɡɔ ŋ kɔŋ wʉ́ʉ tɛ ŋ kɑ́ pɛ́m ŋɡɔ ŋu ɡɔ́ ŋ́ɡɛ yúu nǔu pʉʉ m bɔ́ ńjʉ́ɔ pɔ́. Yîyɑ́ ntɛ́ ŋkɔŋɛ yi ŋ ɡẅɛɛnɛ nzʉʉ pʉʉ fú pɔ mbɔ̌ Sɛ́, mbíꞋŋɡɔ pʉʉ mbɔ̌ mɔ, ḿbɔ́ pɑ́Ꞌ mɔ́ɔ mɑŋɡɛ́ ẅi ŋ kɑ pʉ́nɛ mbɔ̌ tɑ́Ꞌ ŋu wɛ́mɔ́Ꞌ, ŋɡɑŋ pɔ́ Kɛlístɔ. Mɔ sɛ́ ńdɛꞋlɛ wʉ́ʉ mbɔ̌ wɛ́ ŋɡɔ pʉʉ pɑ́Ꞌ mɔ́ɔŋɡɔɔ ẅi ɑ kɑ́ tíi yɛcɔ́ lɔ́Ꞌ pɔ́.

Ɛ́fɛ̂zɛ 6:17

Pʉʉ pɛ́m ŋɡɔ Sɛ́ sɛ́ ŋ́ɡɛ pʉʉ luk. Nɛpɛ́m pɔ́Ꞌɔ, ɛ́ nɛtíi cɔꞋ-ntsɔ ńtɔꞋ. Pʉʉ cẅɛ́ɛ níi-ntsɔ yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ. Yîyɑ́ níi-ntsɔ sẅiŋɛ-sɛ́.

Kɔlɔsíyɛ̂ŋ 3:16

Pʉʉ lɔk sẅiŋɛ-Kɛlístɔ ńzɛ tʉ́m yʉ́ʉ kwɑꞋ sʉ́Ꞌnɛ. Ɛ́ lɛɛ pɔ́Ꞌɔ, pʉʉ ɡẅɛɛ jínu nɛlɔk ńzíꞋ yúu tsɛtsɛt pʉʉ, mbɑ nɛlɔk ńtík mɛmbʉʉ mʉ́ʉ. Pʉʉ zɔp ŋki ńdɔk ŋ́ɡúꞋlɛ Sɛ́ nɛ́ ŋɡɔŋ tʉ́m yʉ́ʉ tsʉʉ, ńdɔk ŋ́ɡɑ́ pɑ́Ꞌlɑ́ mbɔ̌ wɛ́. Pʉʉ zɔp pɔ́Ꞌɔ, mɛzɔp mi ɛ́ tsɛt ŋwɑꞋnɛ-Sɛ́, ńzɔp zɔp-pʉɔ-Kɛlístɔ, ńzɔp mɛzɔp mi Zẅikŋɛ-Sɛ́ sɛ́ ńníꞋ tʉ́m pʉʉ.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 10:10

Kɛlístɔ kɑ ɡɛ yúu mi Sɛ́ sɛ́ ŋ́kɔŋ. A kɑ ɡɑ́ túmbʉʉ yɛ́ tɑ́Ꞌ ŋkɑ́ ɛ́ kuꞋ. A lɔk pɔ́Ꞌɔ, ŋ́ɡɛ pɛkŋɛ kuꞋ pʉɔ-Sɛ́.

Ɛ́bɛlʉʉ 10:14

Yɔ pɑ́Ꞌ ɑ kɑ lɔknɛ pɔ tɑ́Ꞌ yúu wɛ́mɔ́Ꞌ ẅi ɑ ɡɑ́nɛ mbɔ̌ Sɛ́, ŋ́ɡɛ pʉɔ pi pɔ́p ńdúꞋnɛ wɛ́, ŋ́kuꞋ pʉɔ-Sɛ́, ḿbɔ́ pɛ́ kɛ́ lɔ́Ꞌ pɔ ndɑꞋ ndɑꞋ.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.

Ɛ́bɛlʉʉ 10:29

Tɛ ɛ́ lɑɑ ḿbɔ́ pɔ́Ꞌɔ, mbɔ pʉʉ kwɑŋɛ yʉ́ʉ ŋɡɔ ŋɡʉ̈ɔ́Ꞌ yi ɛ́ sɛ́ ḿbíkŋɛ ŋɡɔ pɛ́ zɑ́p tú ŋu ẅi ɑ lɔknɛ mɔ́ɔ-Sɛ́ ɛ́fúŋ yɑ́ yúu ɡʉ ńdɑ́Ꞌ ḿbɔ́ pɑꞋ? Pɛ́ lɑ́Ꞌ ŋu ẅí ɑ ɡwɑ́knɛ nu mɛci mi Sɛ́ lɔknɛ ŋ́ɡwɑt kɑɑ, ɛ́ pɔ́ mi pɛ́ kɑ lɔknɛ ŋ́ɡɛ ɑ tsʉ́Ꞌ ŋu-Sɛ́, ɑ ŋu ẅi ɑ zɔɔtɛ Zẅikŋɛ Lɛ́ɛnɛ́nɛ yi ɛ́ ɡɛnɛ pɛkŋɛ jí pɑ́Ꞌ tʉ́m Sɛ́ pɔŋnɛ nzʉʉ pɛkŋɛ pɔ́Ꞌɔ.

Ɛ́bɛlʉʉ 13:12

Ɛ́ yúu mi ɛ́ kɑ ɡɛnɛ, mbɑ Yɛ́su ɡúu lɔk mɛci mɛ́ ŋ́ɡɛ pʉɔmɛsɔŋ tsʉ́Ꞌ pʉɔ-Sɛ́, ɑ pfú pɔ nzɛmpíi, tɛ ɑ pɔɔ pfú tʉ́sɔŋ pɔ́. ZʉꞋ yi ɑ kɑ jʉ́ɔnɛ ŋɡʉ̈ɔ́Ꞌ zúꞋu pɔ́.

Ɛ́bɛlʉʉ 4:12

Sẅiŋɛ-sɛ́ tɛntɛ sʉ́Ꞌnɛ lɑ ńtsuŋ ɛ́fɑꞋ mɛfɑꞋ, tú yɛ́ shẅítnɛ tɛ ńdɛɛ mbɑ yɛ́ mbɑ yɛ́tɛ́ ntɛ́ níi-ntsɔ lɑ́ yi ɛ́ ɡẅɛɛnɛ mɛɡʉ́ŋ mɛ́mbɑ́, ɛ́ sɔ́ ŋ́kúu nǔu ŋu kúunɛ tɛ ńdɛɛ nǔu zʉꞋ yi zẅikŋɛ-ŋɡɑŋ pɔ́p tʉ́m yɛ́, zʉꞋ kwɑŋɛ yɛ́ zúꞋu, tɛmtɛ́nɛ, tɛ ńdɛɛ nǔu zʉꞋ yi mɛzuŋ-mbʉʉ-ŋɡɑŋ pɔ́p mɛfɔ́ɔ mi ɛ́ tsɛt mɛtsẅíi mɛ́ zúꞋu. Ɛ́ ŋɑk ŋu nǔu yúu mi ŋɡɑŋ sɛ́ ńtsɑ́ɑ mbɑ nǔu yi ɑ sɛ́ ŋ́kwɑŋɛ tʉ́m wɛ́.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

1 Pyɛ̂ 3:21

Ẅîwɑ́ ŋki kɑ pɔ́ lii cẅɛ́ɛŋki yi ɛ́ ɡɛnɛ pʉʉ luk ŋkɔ̂ɔnɛ lɑɑ. Pɛ́ kɑ́ pɔ́ ńdɔk ɛ́suk pɔ ntsɛ́llɛ́ nǔu mbʉʉ pɔ́. Ɛ́ pɔ́ pɔ nɛlɔk ńdɔ́ɔ mbɔ̌ Sɛ́ ŋɡɔ ɑ suk mɛtʉ́m mɛkŋɛ, ɛ́ pɔɔ pɛn ŋ́ŋɑk wɛkŋɛ pɔ́. Cẅɛ́ɛŋki lɔk pɔ́Ꞌɔ, ŋ́ɡɛ pʉʉ luk, ńdúꞋnɛ pɑ́Ꞌ Yɛ́su Kɛlístɔ kɑ zẅíimɛnɛ nǔu nɛvú.

2 Pyɛ̂ 1:9

Lɑ́ ḿbɔ́ yi ŋu lɑɑ ŋ́kɛ́ ḿbɔɔ ŋ́ɡɛ mɔnɛ mɛnu pɔ́, mbɔ ɑ kɑ́ pɔ́ ńjʉ́ɔ zʉꞋ sʉ́Ꞌnɛ pɔ́, ɑ pɔ́ pɔ pɑ́Ꞌ fʉmík lɑ́. Mbɔ ɑ likŋɛ ŋɡɔ pɛ́ kɑ suk yîyɑ́ ntɛ́ mɛnu kɛpɔŋ mi ɑ kɑ pɔ́ ŋ́ɡɛ.

1 Jɑ̂ŋ 5:6

Pɛ́ lɑ́Ꞌ Yɛ́su Kɛlístɔ ẅí ɑ kɑ tɔ́nɛ, pɛ́ nuꞋ wɛ́ tsɛt ŋki, ɑ ɡɛ ńtsẅɛt mɛci mɛ́, pɛ́ ŋkɑɑ nuꞋ wɛ́ pɔ ndɑꞋ tsɛt ŋki pɔ́, pɛ́ kɑ nuꞋ wɛ́ tsɛt ŋki, mbɑ tsɛt mɛci. Zẅikŋɛ-Sɛ́ nǔu ḿbɔ́ jʉ́njʉ́ɔ ŋɡɔ ɛ́ nu nɛ́nẅín. Zẅikŋɛ-Sɛ́ zɛɛ ḿbɔ́ pɔ nɛ́nẅín,

Jẅidɛ 1:1

Yɔ ŋwɑꞋnɛ fú mbɔ̌ mɔ Jẅidɛ, ŋu ẅi ɑ fɑꞋnɛ fɑꞋ-Yɛ́su Kɛlístɔ, ḿbɔ́ mɔ́ɔmɑ́ pɛ Jɑ̂k. Ŋ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉʉ pi Tɑ́t wɛkŋɛ Sɛ́ kɑ fúŋnɛ wʉ́ʉ nɛpɔ́ pʉɔ pɛ́ lɑ́. A kɔŋ wʉ́ʉ ḿbɔ́ ńdẅɛꞋ wʉ́ʉ ńdɔk ńzẅíꞋlɛ Yɛ́su Kɛlístɔ.