Ɛ́fɛ̂zɛ 5:24 - Kɑɑ Fí

²⁴ Ndʉ́ŋndʉŋ pɑ́Ꞌ cúꞋlɛ-pʉɔ-Kɛlístɔ sɛ́ ŋ́ɡɑ́ mbʉʉ yɛ sɛ́ mbi Kɛlístɔ lɑ́, ɛ́ píkŋɛ ŋɡɔ mbɑ wɔ̌ lɑ́ nǔu pʉʉ pɑŋɡɛ́, ɡɑ́ mbʉʉ yɛ sɛ́ mbi ndúu mɛ pɔ́ pɔ́Ꞌɔ.

Ɛ́fɛ̂zɛ 5:24 Кръстосани препратки

Lúkɑ́shi 10:17

Pʉɔ ntsɔ̌ppɑ́ mɛɡɛ́m sɑɑmbɑ́ pinɛ Yɛ́su kɑ túunɛ lɑ́, ɡʉ, ŋ́ɡɔ ḿbɛn nzʉʉ ńnɛn ńtsɑ́ɑtɛ tɛꞋ, ńcú mbɔ̌ Yɛ́su ŋɡɔ: «Tsɑpʉɔ, fɑꞋ ńnɛn tɛꞋ tɛ pɛk lɔk lík yú, ńcú nu mbɔ̌ mɛzẅikŋɛ kɛpɔŋ, pɔ́p zúꞋ ntsu wɛk.»

Ɛ́fɛ̂zɛ 5:23

MbíꞋŋɡɔ ndúu-mɑŋɡɛ́ pɔ́nɛ túmbi, mɑŋɡɛ́ pɔ́ mbɑp-mbʉʉ. Kɛlístɔ pɔ́ tú, cúꞋlɛ-pʉɔ pɛ́ pɔ́ mbɑp-mbʉʉ yɛ. Jʉ́ ɡɛnɛ lɑ cúꞋlɛ-pʉɔ pɛ́ ɡẅɛɛ luk kɛ́mɛ.

Ɛ́fɛ̂zɛ 5:25

Ŋ́ɡʉ nǔu pʉʉ mbɛ́ɛnɛ, mbɑ wɔ̌ lɑ́ kɔŋ nzwɛ́ wɛ ndʉ́ŋndʉŋ pɑ́Ꞌ Kɛlístɔ kɔŋnɛ cúꞋlɛ-pʉɔ pɛ́ tɛ mbɔ ɑ kɑ ɡɑ́ tú yɛ́ mbíꞋ yɛ́tɛ́ lɑ́,

Ɛ́fɛ̂zɛ 5:33

Lɑ́ ŋ kɛ́ ḿbɛn ńcú pɑ́Ꞌɑ mbɑ nǔu pʉʉ yʉ́ʉ. Ɛ́ sɛ́ ḿbíkŋɛ ŋɡɔ mbɑ wɛ́tɛ́ ŋu mbɛ́ɛnɛ pɔ́ ŋ́kɔŋ nzwɛ́ wɛ pɑ́Ꞌ ɑ kɔŋnɛ túmbʉʉ yɛ́, mbɑ wɛ́tɛ́ mɑŋɡɛ́ lɑ́ pɔ́ ŋ́ɡɛ mɛkuꞋ ndúu mɛ.

Kɔlɔsíyɛ̂ŋ 3:20

Pʉʉ mbɔ́ŋkʉ̈ɔ́ pʉʉ zúꞋ ntsu-pɛtɑ̌ɑ pʉ́ʉ pɔ́p pɛmɑ́ pʉ́ʉ nǔu mbɑ kʉ̈ɔ́ lɑ́, mbíꞋŋɡɔ ɛ́ yúu mi ɛ́ pɔŋnɛ Tsɑpʉɔ.

Kɔlɔsíyɛ̂ŋ 3:22

Pʉʉ pɛkwɑɑ, pʉʉ zúꞋ ntsu-pʉɔ pi pɔ́p ɡẅɛɛnɛ wʉ́ʉ ndǔ tsɛ́tsɑ́Ꞌ, nǔu mbɑ kʉ̈ɔ́ lɑ́. Pʉʉ pɑ́ɑ nɛlɔɔ nɛfɑꞋ pɔ ndɑꞋ ŋkɑ́ yi pɔ́p tʉ́ʉnɛ nzʉʉ pʉʉ njʉ̈ɔ̌ yi pʉʉ ɡɛ pɔ yúu mi ɛ́ ɡʉ ḿbɔŋ pʉɔmɛsɔŋ lɑ́. Pʉʉ fɑꞋ nɛ́ ŋɡɔŋ tʉ́m yʉ́ʉ tsʉʉ mbíꞋ pɑ́Ꞌ pʉʉ sɛ́ ŋ́ɡɑ́ mɛkuꞋ-Tsɑpʉɔ.

Tîtɛ 2:7

mbɑ nǔu kʉ̈ɔ́ lɑ́. KwɑꞋ ɡu tʉ́ʉ nǔu kʉ̈ɔ́ lɑ́, ńnyɛt pɔ fʉꞋ-yúu sʉ́Ꞌnɛ. Ɔ lɑɑ ḿbɔ́ ńzíꞋ pʉɔ nɛ́ yúu, ɔ zíꞋ wɔ́p pɔ ndɑꞋ nɛ́ nu yi Sɛ́ kɔŋnɛ, ḿbɛn ńzíꞋ tɛ ńjí yúu mi ɔ zíꞋnɛ yɛ́tɛ́.

Tîtɛ 2:9

ZíꞋ mbɔ̌ pɛkwɑɑ ŋɡɔ: «Pɔ́p zúꞋ ntsu-pʉɔ pi pɔ́p ɡẅɛɛnɛ wɔ́p, tɛ mbɑ nǔu kʉ̈ɔ́ lɑ́, ŋɡɔ pɔ́p lɔɔ shʉ́ ŋ́ɡɛ yúu mi ɛ́ pɔŋnɛ pʉɔ pi pɔ́p ɡẅɛɛnɛ wɔ́p, ŋɡɔ kɔɔ pɔ́p zɔŋ nu ntsu pɔ́p,