Ɛ́fɛ̂zɛ 5:20 - Kɑɑ Fí

²⁰ Pʉʉ lɔk lík-Tsɑpʉɔ wɛkŋɛ Yɛ́su Kɛlístɔ ḿbɔ́ ŋ́ɡɛ́mtɛ Sɛ́ Tɑ́t ŋkɑ́ tsʉʉ, nǔu yúu tsʉʉ.

Ɛ́fɛ̂zɛ 5:20 Кръстосани препратки

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Pʉɔ-Lɔ́mɑ 1:8

M biitɛ ńdɛɛ nǔu lík-Yɛ́su Kɛlístɔ ŋ́ɡɑ́ pɑ́Ꞌlɑ́ mbɔ̌ Sɛ́ wɑɑ nǔu tú yʉ́ʉ pɛ́tsʉʉ, mbíꞋŋɡɔ pɛ́ ndǔmbí zʉꞋ tsʉʉ ḿbɔ́ ńcú ntɛ́ yi pʉʉ lɔknɛ ńzɑ́p tʉ́m nǔu Yɛ́su Kɛlístɔ.

1 Kɔlɛ̂ŋtɛ 1:4

Mɔ sɛ́ ŋ́ɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ mbíꞋ wʉ́ʉ, nǔu mɛnu sʉ́Ꞌnɛ mi ɑ kɑ lɔknɛ ŋ́ɡɑ́ fuꞋ níinɛ yʉ́ʉ, ńdɛɛ nǔu pɑ́Ꞌ pʉʉ pɛ́ Yɛ́su Kɛlístɔ kɑ kɛ́mɔ́ ńtɛmtɛ lɑ́.

1 Kɔlɛ̂ŋtɛ 15:24

Ɛ́ pɑ́ɑtɛ ḿbɔ́ ŋkɑ́ yi ndǔmbí ḿmɛ. Kɛlístɔ ḿbík mbɑ kʉ̈ɔ́ lɑ́ yi ɛ́ sɛ́ ɛ́sɑ́Ꞌ mbí, ḿbík mbɑ tɑ́tndɑ́ wɔ́p, mbɑ kʉ̈ɔ́ lɑ́ yi ɛ́ ɡẅɛɛnɛ tʉʉ ndǔmbí, ḿbík pɔ́Ꞌɔ, ŋ́ɡɔ́ɔ ŋ́kɛ́ ŋ́ɡɑ́ nɛfɔɔ mbɔ̌ Sɛ́ Tɑ́t.

Ɛ́fɛ̂zɛ 5:4

Ɛ́ kɑ́ pɔ́ ḿbíkŋɛ ŋɡɔ pʉʉ sẅiŋɛ ḿmɛk mɛknɛ pɔ́, tɛ mbɑ nɛmɑꞋ kwɑŋɛ nǔu yɛcɔ́ ntɛ́, pɔ́p nɛɡɛ yɛcɔ́ ntɛ́ mɛɡɑɑ. Ɛ́ pɔŋ ŋɡɔ sẅiŋɛ ɡɔ́ ńcẅɛt ntsu pʉʉ, pʉʉ lɔk ŋ́ɡɛ́mtɛ pɔ Sɛ́ nǔu yúu mi ɑ ɡɛnɛ mbɔ̌ pʉʉ.

Filipɛ 1:3

Ŋ kwɑŋɛ wʉ́ʉ tsɛt tʉ́m mɔ ŋkɑ́ kʉ̈ɔ́ lɑ́, ŋ́ɡɑ́ pɑ́Ꞌlɑ́ mbɔ̌ Sɛ́.

Filipɛ 4:6

Kɔɔ pʉʉ púꞋ mbʉʉ yʉʉ nǔu yɛcɔ́ nu. Lɑ́, kʉ̈ɔ́ lɑ́ lɑɑnɛ ńtʉ́ʉ sɛ́ ɔɔ, pʉʉ púꞋ mbɔ́ mbɔ̌ Sɛ́, ɛ́sẅíi wɛ́ nɛ́ yúu mi pʉʉ sɛ́ ńtsɑ́ɑ, ḿbúꞋ mbɔ́ mbɔ̌ wɛ́, ḿbɛn ŋ́ɡɑ́ pɑ́Ꞌlɑ́ mbɔ̌ wɛ́.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

1 Tɛsɑlɔník 3:9

ḿbɔ́ pɛk ɡɑ́ pɑ́Ꞌlɑ́ mbɔ̌ Sɛ́ kwɑꞋ ŋɡɔ́ku ntɛ́ wʉ́ʉ? A sɛ́ ŋ́ɡɛ pɛk ɡẅɛɛ tsɑ́ɑtɛ pɑ́ꞋtɛꞋ ntɛ́ wʉ́ʉ.

1 Tɛsɑlɔník 5:18

ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.

2 Tɛsɑlɔník 1:3

Pɔ́ɔpɛ́mɑ́, pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ ŋɡɔŋ ŋkɑ́ tsʉʉ. Ɛ́ pɔŋ ŋɡɔ pɛ́ ɡɛ pɔ́Ꞌɔ, mbíꞋŋɡɔ pʉʉ kɑ́ pɔ́ ŋ́kɑ́ɑ nɛzɑ́p tʉ́m nǔu wɛ́ pɔ́, ḿbɛn ḿbɔ́ ŋ́ɡẅɛɛ ŋkɔŋɛ tsɛtsɛt pʉʉ ńdɔk ŋ́ɡʉ pɔ nɛ́ mbi.

2 Tɛsɑlɔník 2:13

Pɔ́ɔpɛ́mɑ́ pi Tsɑpʉɔ kɔŋnɛ wɔ́p, ɛ́ ɡʉ nǔu pɛk, mbɔ pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ ŋkɑ́ tsʉʉ ntɛ́ wʉ́ʉ, mbíꞋŋɡɔ ɑ kɑ tsɔ́Ꞌ wʉ́ʉ tɛ ɛ́fú nzɛnɛ nɛpɔ́ yi pʉʉ ɡʉ ńduk. Pʉʉ luk ntɛ́ pɑ́Ꞌ Zẅikŋɛ Lɛ́ɛnɛ́nɛ sɛ́ ŋ́ɡɛ pʉʉ pɔ́ pʉɔ-Sɛ́, mbɑ pɑ́Ꞌ pʉʉ zɑ́pnɛ tʉ́m nǔu nu yi ɛ́ nɛ́nẅín.

Ɛ́bɛlʉʉ 13:15

Pɛkŋɛ lɛɛ nzʉʉ Yɛ́su, ɛ́ pɔ́ ŋkɑ́ tsʉʉ, pɛkŋɛ lɔk nɛɡúꞋlɛ Sɛ́, ńdɔk ńnɔŋ pɔꞋ, ńdɔk pɔ́Ꞌɔ, ḿbɔ́ pɔꞋ-pʉɔ pi pɔ́p ŋ́ɡɑ́ mɛkuꞋ nǔu lík yɛ́.

1 Pyɛ̂ 2:5

Ɛ́ pɔŋ ŋɡɔ pʉʉ ɡúu pi pʉʉ ɡẅɛɛnɛ kwɑꞋ luk, pʉʉ pɛ́m, Sɛ́ lɔk wʉ́ʉ ŋ́ɡɛ mɛŋɡɔꞋ, ńdɔk ŋ́kút ndɑ́-Zẅikŋɛ Lɛ́ɛnɛ́nɛ. Pʉʉ pɔ́ tsɛtú ḿbɔ́ pɑnɔŋpɔꞋ pi Sɛ́ kɑ tsɔ́Ꞌnɛ, pi pɔ́p ɡʉ ńdɛɛtɛ nzʉʉ Yɛ́su Kɛlístɔ, ńnɔŋ pɔꞋ ẅí ɛ́ pɔŋnɛ Sɛ́.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.