Ɛ́fɛ̂zɛ 5:17 - Kɑɑ Fí

¹⁷ Pɔ́Ꞌɔ, kɔɔ pʉʉ pɔ́ pɛɡʉɡʉʉ. Pʉʉ tɑ́Ꞌ mɛnu nɛjí mi ɛ́ pɔŋnɛ mbi Tsɑpʉɔ.

Ɛ́fɛ̂zɛ 5:17 Кръстосани препратки

Jɑ̂ŋ 7:17

Ŋu lɑɑ ḿbɔ́ ŋ́kɔŋ nɛɡɛ yúu mi Sɛ́ sɛ́ ŋ́kɔŋ, mbɔ ŋɡɑŋ ɡʉ ńjí, kɛ yúu mi n zíꞋnɛ pʉɔ fú pɔ mbɔ̌ Sɛ́ ɔɔ, kɛ ɛ́ pɔ́ pɔ yɑ́ɑ sẅiŋɛ ɔɔ.

Pʉɔ-Lɔ́mɑ 12:2

Kɔɔ pʉʉ ɡɛ mʉ́ʉ mɛnu pɑ́Ꞌ pʉɔ pi pɔ́p ndǔmbí ŋkɔ̂ɔnɛ. Pʉʉ pɛ́m Sɛ́ pɔ́ ŋ́ɡɑ́ jínu yɛ fí mbɔ̌ pʉʉ ńdɔk ŋ́kúpmɛ yʉʉ ntɛ́ nɛkwɑŋɛ nu pɔ tsʉʉ, ɛ́ lɛɛ pɔ́Ꞌɔ, pʉʉ kuꞋ nɛjí yúu mi jʉ́ Sɛ́ sɛ́ ŋ́kɔŋ ŋɡɔ pʉʉ ɡɛ. Pʉʉ jí yúu mi ɛ́ pɔŋnɛ, ńjí yi ɛ́ pɔŋnɛ wɛ́, ńjí yi yɛcɔ́ lɔ́Ꞌ kɑ́ pɔ́ nǔu pɔ́.

Ɛ́fɛ̂zɛ 5:15

Pɔ́Ꞌɔ lɑ́ pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɑk tú yʉ́ʉ sʉ́Ꞌnɛ. Pʉʉ pɑ́ɑ nɛnɑ́ŋ wɛ pɛɡʉɡʉʉ, pʉʉ ńnɑ́ŋ pɑ́Ꞌ ɡɑŋfɑ-jínu

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Kɔlɔsíyɛ̂ŋ 4:5

Ɛ́ ɡʉ nǔu pʉɔ pi pɔ́p kɑ́ pɔ́ pʉɔ-Kɛlístɔ pɔ́, pʉʉ jí ntɛ́ yi pʉʉ ɡʉ ńdɔk ńnɑ́ŋ tsɛtsɛt pɔ́p. Sɛ́ ɡɑ́ ndúŋ nɛcẅi Ŋkʉʉ Sʉ́Ꞌnɛ mbɔ̌ pɔ́p, kɔɔ pʉʉ pɛ́m yîyɑ́ ŋkɑ́ lɛɛ.

1 Tɛsɑlɔník 5:18

ḿbɔ́ ŋ́ɡɑ́ pɑ́Ꞌlɑ́ mbɔ̌ wɛ́ nǔu kʉ̈ɔ́ lɑ́. Ɛ́ yúu mi Sɛ́ kɔŋnɛ ŋɡɔ pʉʉ pi pʉʉ pɛ́ Yɛ́su Kɛlístɔ kɑ tsʉ́Ꞌ mɔ́ tɑ́Ꞌ ŋu lɑ́, pɔ́ ŋ́ɡɛ.

1 Pyɛ̂ 4:2

Pɔ́Ꞌɔ lɑ́, pʉʉ ɡʉ nǔu mɛlɛ́Ꞌlɑ́Ꞌ mi pʉʉ pɛ́tnɛ ŋ́ɡẅɛɛ ndǔ tsɛ́tsɑ́Ꞌ, ŋ́ɡɛ pɔ yúu mi Sɛ́ sɛ́ ŋ́kɔŋ, kɔɔ pʉʉ ɡɛ yúu mi mbʉʉ-ŋu tsʉ́ʉnɛ́nɛ wɛ́ ɑ ɡɛ.